ኢሳያሳ ቲንቢቴ 30:30 - ጋሞ ማጻፋ

³⁰ ጎዳይ ኤጺዛ ሃንቆኒኔ ሚዛ ታማን፥ ጎቴ ጫርኮኒኔ ዳዳን፥ ሻቻ ሹቻን፥ ቴማይ ኩሚዳ ባ ጬንጉርሳ ኣሳ ሲሳና፤ ዎሼ ባ ቄሳ ኢዚ ቤሳና።

Geeshsha Maxaafa

³⁰ GODAY eexxiza hanqoninne miza taman, gote carkoninne dadan, shachcha shuchchan, teemay kumida ba cenggurssaa asaa sissana; wodhdhishe ba qesaa izi bessana.

ኢሳያሳ ቲንቢቴ 30:30 Referans Kwoze

ኢሳያሳ ቲንቢቴ 29:6

ኡባፌ ዎልቃማ ጎዳይ ዳዳን፥ ቢታ ቃን፥ ጊታ ጬንጉርሳን፥ ጎቴ ጫርኮኒኔ ዎልቃማ ኣባ ዳምባላን ኡባ ሚዛ ታማ ላጮን ያና።

ኢያሶ ማጻፋ 10:11

ቤቲ-ሆሮኔፔ ዱጌ ኣዜቄ ኤፊዛ ኦጌ ኦይኪዲ ኢስቲ ኢስራኤሌ ኣሳ ሲንፌ ባቃቲሺን ጎዳይ ዎልቃማ ሻች ሳሎፔ ኢስታ ቦላ ቡኪሲዴስ። ሂስቲን ኢስራኤሌ ኣሳይ ማሻን ዎዳ ኣሳፔ፥ ሻቻይ ዎዳ ኣሳይ ኬሂፔ ዳሮ።

ዮሃኒሳ ኣጁታ 11:19

ሳሎን ዲዛ ጾሳ ኬ ጊዶ ኪፊሌይ ዶዬቲዴስ፤ ኢዛ ጫቆ ታቦታዚካ ሄን ጾሳ ኬስ ጊዶ ኪፊሌን ቤቲዴስ፤ ዎልቃን ዎልቃሚዴስ፤ ጊሪሲ ጊሪዴስ፤ ዳዳይ ዳዳቲዴስ፤ ቢታ ቃኔ ዎልቃማ ሻቺ ቡኪዴስ።

ኢሳያሳ ቲንቢቴ 28:2

ቤኢቴ፥ ጎዳስ ዎልቃማኔ ሚኖ ጊዲዳ ኢሶይ ዴስ፤ ሄሲካ ሻቻ ኡሾ ማላ፥ ይሲዛ ጎቴ ጫርኮ ማላ፥ ዎልቃማ ዳምባላ ማላኔ ዎልቃማ ኢራ ማላ ዎልቃን ኢዚ ኢዞ ዱጌ ቢታን ዬጋና።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

Maatosa 24:7

ዴሬይ ዴሬ ቦላ፥ ካዎይ ካዎ ቦላ ዴንዳና፤ ዱማ ዱማ ዴሬን ኮሻይኔ ቢታ ቃ ሃናና።

ሚኪያሳ ቲንቢቴ 1:4

ሙቃዳይ ታማ ቤኢዲ ሴሪዛ ማላኔ ሃ ኣፎራ ዱጌ ጎጊዛ ማላ ሄ ዎዴ ዙማቲ ኢዛ ቶሆ ጋርሳን ሴራና፤ ሾባቲካ ጳልቄቲ ዎና።

ኢሳያሳ ቲንቢቴ 32:19

ሻቺ ዎራ ኩራኪኮ፥ ካታማይካ ሙሌራ ኩንዲኮ፥

ዮሃኒሳ ኣጁታ 1:15

ኢዛ ቶሆቲ ታማ ቦንቆን ቆጼቲ ኬዚዳ ጻርቂማላ ሚሳቴቴስ፤ ኢዛ ቃላይካ ዎልቃማ ፒሳ ሃ ጊሪሳ ማላ ጊሬስ።

ሉቃሳ ሚሺራቾ 1:51

ባ ዎልቃን ዳሮ ሚኖ ኦሶ ኦዴስ፤ ባ ዎዚና ቆፋን ኦቶሬቲዛይታ ላሊዴስ።

ሂዚቄላ ቲንቢቴ 10:5

ኪሩቤታ ቄፌታ ጊሪሳይ ኡባ ዳንዳይዛ ጾሳይ ሃሳይሺን ሲዬቲዛ ጬንጉርሳ ማላ ካሬ ዛጎን ሲዬቴስ።

ኢሳያሳ ቲንቢቴ 62:8

ጎዳይ ባ ኡሻቻ ኩሼኒኔ ባ ዎልቃማ ቄሴን፥ «ሃይሳፌ ጉዬ ታ ኢንቴ ካ ኢንቴ ሞርኬታስ ቁማ ጊዳና ማላ ኢሚኬ፤ ቃሴ ኢንቴ ዳቡሪ ኬሲዳ ኦራ ኡሻ ኣላጋቲ ኡዬቴና።

ኢሳያሳ ቲንቢቴ 51:9

ኣቤት ጎዳ ቄሴይ ዴንዳ፤ ዎልቃ ማይኣ፤ ካሴ ኣዳ ዎዴታን፥ ሚሚንቴ ቃንጼሬዳይ፥ ጊታ ዳዌዛ ጫዲዳይ ኔና ጊዲኪ?

ዬ ማጻፋ 98:1

ጎዳስ ኦራ ማዛሙሬ ዬጺቴ፤ ጋሶይካ ኢዚ ማላሊሲዛ ሚሽ ኦዴስ፤ ኢዛ ኡሻቻ ኩሼይኔ ኢዛ ጌሻ ቄሴይ ኢዛስ ጾኖ ኢሚዴስ።

ዬ ማጻፋ 46:6

ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

ዬ ማጻፋ 2:5

ጎዳይ ባ ሃንቆን ኢስታ ሴሬስ፤ ባ ዎልቃማ ሃንቆን ኢስታ ዳጋንስ።

ኢዮቤ ማጻፋ 40:9

ጾሳ ዎልቃ ማላ ሚኖ ዎልቃይ ኔስ ዲዜ? ጾሳ ቃላ ጉን ማላ ኔ ቃላይ ጉማናዉ ዳንዳይዜ?

1ሳሜላ ማጻፋ 7:10

ሳሜሊ ጹጌቲዛ ያርሾዛ ያርሺዛ ዎዴ ፊሊስጼሜቲ ኢስራኤሌታ ኦላናስ ኬዚ ዪዳ፤ ጊዶ ኣቲን ሄ ጋላስ ጎዳይ ፊሊስጼሜታ ቦላ ዎልቃማ ዳዳ ጊርስ ዳዳሲዳ ጊሻስ ኬሂ ኤቲ ባቲ ጊዳ፤ ጾኔቲዲካ ኢስራኤሌታ ሲንፌ ባቃቲዳ።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኬሳ ማጻፋ 9:23

ሙሴይ ባ ጉፌ ፑዴ ሳሎ ዴንዳ ማላ፥ ጎዳይ ዳዳኔ ሻች ዬዲዴስ፤ ዎልቃንካ ዱጌ ቢታ ቦላ ዎልቃሚዴስ። ጎዳይ ጊብጼ ቢታን ሻች ቡኪሲዴስ።

ኢዮቤ ማጻፋ 38:22

ሻቺ ዎዛ ኬን ጌላዲዬ? ዎይኮ ኡቲዳ ሻቻ ዶሬ ቤያዲ?

ኢሳያሳ ቲንቢቴ 10:5

ጎዳይ፥ «ታ ሃንቆስ ጉፌ፥ ታ ኤሂዛ ባሻስ ጻምኣ ጊዲዳ ኣሶሬ ቢታ ኣሳስ ኣዬ ኣና!

ኢሳያሳ ቲንቢቴ 30:29

ኦማርስ ጌሻ ባኣሌ ኢንቴ ቦንቺሼ ዬጺዛይሳ ኢንቴ ዬጻና፤ ጎዳ ዙማኮ ኢስራኤሌ ዛላኮ ኣሳይ ሱሱልኤ ሱሱልኢሼ ኡፋይሳን ኬዚዛይሳ ኢንቴ ዎዚናይ ኡፋዬታና።

ኢሳያሳ ቲንቢቴ 30:31

ጎዳ ጬንጉርሲ ኣሶሬ ዳጋንና፤ ኢዛ ጉፌይካ ኢስታ ሾጫና።

ኢሳያሳ ቲንቢቴ 33:14

ጺዮኔን ዲዛ ናጋራንቻቲ ዳጋሚዳ፤ ጾሲ ኢስታስ ባይንዳይቲ ባቢዲ፥ «ኑ ጋርሳፌ ጹጊዛ ታማራ ዳና ዳንዳይዛይ ኦኔ? ሜርና ታማራ ዳና ዳንዳይዛይ ኦኔ?» ጊዳ።

ኢሳያሳ ቲንቢቴ 66:16

ታማኒኔ ማሻን ጎዳይ ባ ፒርዳ ኣሳ ኡባ ቦላ ኤሃና፤ ዳሮቲ ጎዳ ማሻን ሹኬታና።

ኤርማሳ ቲንቢቴ 25:32

ጎዳይ ኡባፌ ዎልቃማ ጾሳይ፥ «ቤኣ፥ ኢታ ሚሺ ካዎቴፌ ካዎቴ ኣኪ ኣኪ ቢዴስ፤ ሳኣ ጋጻፔ ዎልቃማ ጎቴ ጫርኮይ ዴንዲዴስ» ጌስ።

ሂዚቄላ ቲንቢቴ 13:13

ሄሳ ጊሻስ ኡባ ሃሪዛ ጎዳይ፥ «ጊምቤ ዲርሳ ይሳናስ ታኒ ታ ዪሎን ጎቴ ጫርኮ ዬዳና፤ ታ ሃንቆን ሻች ዬዳና፤ ሃን ኢራ ጊታ ባሻራ ኪታና።

ኢዩኤሌ ቲንቢቴ 2:5

ፓራ-ጋሬ ጊሪሳ ማላ ጊሪስ ሲሲሼ ዙማታ ቦላራ ጉፔቴስ፤ ታማይ ቡራ ሚዛ ማላ ቤቲዳ ሚሻ ኡባ ጹጋና፤ ጊጌቲዳ ሚኖ ኦላንቻታ ሳልፌ ማላ ጊሬቴስ።

ኣሞጼ ቲንቢቴ 1:14

ሄሳ ጊሻስ ኤራባ ካታማ ጊምቤታ ቦላ ታኒ ታማ ዬዳና፤ ሄ ታማይ ኢስታ ሚጻታ ማና። ሄሳፌ ጉዬ ኦላ ጋላሳን ዋሶይ ዳራና፤ ኦላዚካ ጎቴ ጫርኮ ማላ ኤሶታና።

ኬሳ ማጻፋ 9:24

ሻቻይ ቡኪዴስ፤ ዎልቃንካ ዎልቃሚዴስ፤ ጊብጼ ዴሬይ ዴሬ ጊዶሶፔ ሃ ሲሚን ጊብጼ ቢታ ኡባ ቦላ ዎዳ ሻቻ ኡባፌ ሃይሲ ኣዛ ኢታ ሻቻ።

ኢያሶ ማጻፋ 10:10

ጎዳይ ኢስራኤሌ ኣሳ ሲንን ኣሞሬታ ቦላ ሺሮ ዬዲዴስ፤ ኢስራኤሌ ኣሳይ ኢስታፌ ዳሮ ኣሳ ጌባኦኔን ዎዴስ። ኢስራኤሌ ኣሳይ ኢስታ ቤቲ-ሆሮኔ ኤፊዛ ኦጌ ፑዱንን ካሊዴስ፤ ኣዜቄፔ ቢዲ ማቄዳ ጋካናስ ዬዴ ዎዳ።

ኢዮቤ ማጻፋ 38:23

ሃይሳ ሃ ሻቻዛ ታ ኦላ ጋላሳሲኔ ሜቶ ጋላሳስ ጎኤታናስ ሚንጃ ዎዳዛ።

ኢሳያሳ ቲንቢቴ 4:6

ኢዚ ጋላሳ ኣዋ ሱሌፔ ኣሺዛ ኩዋ፥ ኡሾፔኔ ኢራፔ ባቃቲ ኣቲዛሶሆ ጊዳና።

ኢሳያሳ ቲንቢቴ 10:16

ሄሳ ጊሻስ ጎዳይ፥ ኡባፌ ዎልቃማ ጎዳይ፥ ሞዳ ኢዛ ኦላንቻታ ቦላ ጊልቂሲዛ ሃርጌ ዬዳና፤ ኢዛ ቦንቾዛፔ ጋርሳራ ላጪዛ ታማ ዬዳና።

ኢሳያሳ ቲንቢቴ 10:26

ኡባፌ ዎልቃማ ጎዳይ፥ «ሚዲያሜ ኣሳ ሄሬቤ ዛላ ኣቻን ሾጮይሳ ኢዚ ኢስታ ጹርቃፌራ ዋና፤ ኢዚ ጊብጼታ ቦላ ኦዳይሳ ባ ጉፌዛ ኣባ ቦላ ዴንና።

ኢሳያሳ ቲንቢቴ 31:4

ጎዳይ ታስ፥ «ጋሞይ ዎይኮ ዎዳላ ጋሞይ ሜሄ ኦይኪዲ ዳሮ ሄንንቻቲ ጼይጌቲ ሺቂዲ ኢዛ ቦላ ዪኮ ኢስታ ዋሶይ ኢዛ ያሺሶንታይሳ ኢስታ ዋሶይ ኢዛ ዳጋንንታይሳ ማላ ኡባፌ ዎልቃማ ጎዳይ ዙማ ቦላኔ ዙምቡላታ ቦላ ኦላስ ዎና።

ኢሳያሳ ቲንቢቴ 52:10

ጎዳይ ባ ጌሻ ቄሳ ካዎቴታ ኡባ ሲንን ቆንጪሳና፤ ቃሴ ቢታ ጋጻን ዲዛ ኡባይካ ኑ ጾሳ ኣቶቴ ቤኣና።

ኢሳያሳ ቲንቢቴ 66:15

ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።