ኢሳያሳ ቲንቢቴ 30:18 - ጋሞ ማጻፋ

¹⁸ ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።

Geeshsha Maxaafa

¹⁸ Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ኢሳያሳ ቲንቢቴ 30:18 Referans Kwoze

2ጴጽሮሳ ኪታ 3:9

ኢሲ ኢሲ ኣሳታስ ሚሳቲዛ ማላ ጎዳይ ባ ዮቲዳ ሂዶታ ቃላ ፖላናስ ጋምኤናኮሺን ኣሲ ዉሪካ ማሬታና ማላኔ ኣይ ኣሲካ ዮንታ ማላ ኮዪዲ ኢዚ ኢንቴ ጊሻስ ታኬስ።

ሌሚሶ ማጻፋ 16:20

ዞሬ ኤኪዛ ኣሲ ዱሬቴስ፤ ጎዳን ኣማኔቲዛ ኣሲ ኣንጄቲዳዴ።

ኢሳያሳ ቲንቢቴ 8:17

ታኒ ባ ሲን ያቆቤ ዛሬታፔ ጌንዳ ጎዳ ናጋና፤ ኢዛካ ሂዶታ ኦና።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ዬ ማጻፋ 34:8

ጎዳይ ኪያ ጊዲዳይሳ ዩሺ ቆፒቴ፤ ኢዛኮ ሺቂዳይ ኣንጄቲዳዴ።

2ጴጽሮሳ ኪታ 3:15

ኑ ጎዳ ዳንዳያይ ኢንቴና ኣሻናስ ጊዲዳይሳ ኢንቴ ኤሪቴ፤ ኑ ሲቆ ኢሻ ጳዉሎሲ ባስ ኢሜቲዳ ኤራቴ ማላ ኢዚ ኢንቴስ ጻፊዳይሲ ሃይሳ።

ሉቃሳ ሚሺራቾ 15:20

ሄሳ ጊሻስ ዴንዲዲ ባ ኣዋኮ ቢዴስ፤ ጊዶ ኣቲን ቡሮ ኢዚ ሃሆራ ዪሺን ኣዋይ ቤዪ ሚሼቲዲኔ ኢዛኮ ዎጺ ቢዲ ኢዲሚ ኦይኪዲ ዬሪዴስ።

ኢሳያሳ ቲንቢቴ 55:8

ጎዳይ፥ «ታ ቆፋይ ኢንቴ ቆፋ ማላ፥ ኢንቴ ኦጌይካ ታ ኦጌ ማላ ጊዴና።

ዬ ማጻፋ 27:14

ጎዳን ኣማኔታ፤ ሚና፥ ሂዶታ ቃንጾፋ፥ ጎዳን ኣማኔታ።

ኢሳያሳ ቲንቢቴ 33:5

ጎዳይ ቦላ ሳሎን ዴኢዛ ጊሻስ፥ ቁ ቁ ጊዴስ፤ ኢዚ ጺዮኖ ሱሬ ፒርዳኒኔ ጺሎቴን ኩንና።

ኦሮሜ ኣሳስ 9:22

ጾሲካ ባ ሃንቆ ቤሳናሲኔ ባ ዎልቃ ኤሪሳናስ ኮዪዲ ኢዛ ሃንቆ ቆንጪሲዛይታ፥ ያናስ ጊጌቲዳይታ ይሶንታ ኣጊኮቺ!

ኤርማሳ ቲንቢቴ 17:7

ጊዶ ኣቲን ጎዳን ኣማኔቲዛ ኣሲ፥ ኢዚ ኣማኔቲዛይ ጎዳ ጊዲዳዴይ ኣንጄቲዳዴ።

ያቆቤ ኪታ 5:11

ዳንዳያን ጌንጪዳ ኣሳታ ኑ ኢስታ፥ «ኢስቲ ኣንጄቲዳይታ» ጊ ቆዲዛይሳ ኢንቴ ኤሬታ። ኢዮቢ ዋኒ ዳንዳይዳኮ ኢንቴ ኢዛ ጊሻስ ሲዪዴታ። ጎዳይ ኢዛ ዉርሴን ኣይ ኦዳኮ ኢንቴ ቤዪዴታ፤ ጎዳይ ኣሳስ ኬሂ ሚሼቲዛዴኔ ማሪዛዴ።

ኢሳያሳ ቲንቢቴ 5:16

ጊዶ ኣቲን ኡባፌ ዎልቃማ ጎዳይ፥ ሱሬ ፒርዳን ቁ ቁ ጋና፤ ጌሻ ጾሳይ ባ ጌሻቴ ባ ጺሎቴን ቤሳና።

1ሳሜላ ማጻፋ 2:3

«ሃይሳ ማላ ኦቶሮን ሃሳዮፒቴ፤ ሃይሳ ማላ ጬቄቴ ቃላይ ኢንቴ ዶናፔ ኬዞፖ፤ ጋሶይካ ጎዳይ ኢዚ ኤራ፤ ኦሶ ኡባ ኢዚ ጌዳሬስ።

ኤፌሶኔ ኣሳስ 1:8

ኢዚ ባ ኪያቴ፥ ሂላቴኒኔ ኤራቴ ኡባን ኑ ቦላ ኬሂ ዳርሲዴስ።

ኦሮሜ ኣሳስ 5:20

ዎጋይ ዪን ሞሮይ ዳሪዴስ፤ ጊዶ ኣቲን ናጋራይ ዳሮይሳፌ ቦላራ ጾሳ ኪያቴ ኬሂ ዳሪዴስ።

ሃዋሬታ ኦሶ 5:31

ኢዚካ ኢስራኤሌ ናይታስ ናጋራፔ ሲሚዲ ማሬታና ማላ ጾሲ ኢዛ ኡባፌ ቦላኔ ኣሺዛዴ ሂስቲዲ ባ ኡሻቻን ቁ ቁ ሂስቲዴስ።

ሉቃሳ ሚሺራቾ 2:25

ሄ ዎዴ ዬሩሳላሜ ካታማን ጺሎኔ ጾሳ ባቢዛ ኢሲ ሲሞና ጌቴቲዛ ኣሲ ዴስ፤ ኢዚካ ኢስራኤሌ ናይታ ኣቶቴ ናጊዛ ኣሳኔ ጺሎ ኣያናይ ኢዛ ቦላ ሼምፒዳ ኣሳ።

ሚልካሳ ቲንቢቴ 2:17

ኢንቴ ጮ ሃዳ ሃሳያን ጎዳ ሳሌዴታ፤ «ኑ ኢዛ ኣዛን ሳሌዶኒ?» ጌታ፤ ኢንቴ ኢዛ ሳሌዳይ፥ «ኢታ ኦዛይቲ ኡባይ ጾሳ ሲንን ሎኦ፤ ኢዚካ ኢስታን ኡፋዬቴስ» ጉሳን ዎይኮ «ቱማ ፒርዲዛ ጾሲ ኣዋን ዲዜ?» ጉሳና።

ዬ ማጻፋ 2:12

ጎዳይ ሃንቄቲን ኦጌን ኢንቴ ዮንታ ማላ ኢዛስ ሱሬ ዎዚናን ጎይኒቴ፤ ኣይስ ጊኮ ኢዛ ሃንቆይ ኤሶን ኤጺ ኬዛና። ኢዛ ባንታስ ዜምፖ ኦዛይቲ ኣንጄቲዳይታ።

ኬሳ ማጻፋ 34:6

ጎዳይ ሙሴ ሲንራ፥ «ታኒ ጎዳይ ቃታይኔ ማሮታይ ኩሚዳ ጾሳ፥ ሃንቄታናስ ጋምኢዛ፥ ሜርናስ ሲቂዛኔ ኣማኔቴይ ዳሪዳ ጾሳ።

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

ኢሳያሳ ቲንቢቴ 18:4

ጎዳይ ታስ፥ «ታ ጮኡ ጋ ኡታና፤ ሴታ ጋላስ ኣዋ ሴላን ጾልቄቲዛ ሚሻ ማላ ቦኔ ሆምቤ ማላ፥ ሻራፔ ቡኪዛ ኢራ ማላ ጊዳዳ ታ ጼላና» ጊዴስ።

ዬ ማጻፋ 99:4

ቱማ ፒርዳ ዶሲዛ ዎልቃማ ካዎ! ኔኒ ሱሬቴስ ዮች ዬጋዳሳ፤ ኔኒ ያቆቤስ ቱሙ ፒርዳኔ ጺሎቴ ኤሳዳሳ።

ዬ ማጻፋ 84:12

ኣቤት ኡባፌ ዎልቃማ ጎዳዉ! ኔናን ኣማኔቲዛይቲ ኣንጄቲዳይታ።

ኢዮቤ ማጻፋ 35:14

ኢዮቤ! ኔኒ ታ ጾሳ ኣይኮካ ቤኢኬ ጊኮካ፥ ኔ ሜቶይ ኢዛ ሲንን ዴኢዛ ጊሻስ፥ ኔኒ ዳንዳያን ናጋና ኮሼስ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ሆሴኤ ቲንቢቴ 2:14

«ሄሳ ጊሻስ ታ ኢዞ ማቃዳ ባዞ ኤፋና፤ ሄን ታ ኢዚራ ሲቆ ቃላን ሃሳይሳና።

ኢሳያሳ ቲንቢቴ 42:14

ጎዳይ፥ «ታኒ ኣዱሳ ዎዴሶፌ ጮኡ ጋዲስ፤ ሲርጲ ጋዲስ፤ ታና ቁምኣ ኦይካዲስ፤ ሃኢ ጊዲኮ ሚጻ ኦይኬቲዳ ማጫሳ ማላ ዋሳይስ፤ ሼኖታይሲኔ ባናካይስ።

ኢሳያሳ ቲንቢቴ 40:31

ጊዶ ኣቲን ጎዳ ሂዶታ ኦዛይቲ ባንታ ዎልቃ ኦራጺሴቴስ፤ ኢስቲ ጎሌ ማላ ፒራና፤ ኢስቲ ዳቡሮንታ ዎጻና፤ ኢስቲ ባና፤ ኣርጋጬቴና።

ኢሳያሳ ቲንቢቴ 2:11

ኦቶራንቻ ኣይፌይ ጉካና፤ ሞቲዛይቲ ካዉያና፤ ሄ ዎዴ ጎዳይ ጻላ ቁ ቁ ጋና።

ኢሳያሳ ቲንቢቴ 2:17

ሞቲዛዴይ ካዉያና፤ ኦቶራንቻይ ኩንዳና፤ ሄ ጋላስ ጎዳይ ጻላ ቁ ቁ ጋና፤

ኢሳያሳ ቲንቢቴ 28:17

ታኒ ሱሬ ፒርዳ ዋ ዎዶሮ፥ ጺሎቴካ ቱምቤ ማላ ኦና፤ ኢንቴ ዎርዶ ዜምፖሶ ኦዳይሳ ሻቻ ኢራይ ሜጫና፤ ኢንቴ ቆቴቲ ኣቲዛሶዛካ ሃ ሚታና» ጌስ።

ኢሳያሳ ቲንቢቴ 33:2

ኣቤት ጎዳዉ! ኑና ማራ፤ ኑኒ ኔና ሂዶታ ኦዶስ፤ ማላዶ ማላዶ ኑስ ዎልቃ ጊዳ፤ ሜቶ ዎዴካ ኑና ኣሺዛዴ ጊዳ።

ኢሳያሳ ቲንቢቴ 42:16

ታኒ ቆቄታ ኢስቲ ኤሮንታ ኦጌ ካሌና፤ ኢስቲ ሜዜቶንታ ኦጌራካ ታ ኢስታ ኤፋና፤ ማዛ ታ ኢስታ ሲንን ፖኢሳና፤ ኩንዱኩርጮ ሶሆታ ታ ጊጊሳና፤ ሃይታንታ ኡባ ታ ኦንታ ኣጊኬ።

ኢሳያሳ ቲንቢቴ 48:9

«ታ ሱን ጊሻስ ጋዳ ታኒ ታ ሃንቆ ጋምኢሳና፤ ታ ጋላታ ጊሻስ ጋዳ ታ ኔፔ ቴቃና፤ ታ ኔና ቃንጾንታ ኣጋና ማላሳ።

ኢሳያሳ ቲንቢቴ 61:8

ታኒ ጎዳይ ሱሬ ፒርዳ ዶሳይስ፤ ቦንቃኔ ቆሆ ኢጻይስ። ታ ኣማኔቴን ኢስታስ ቤሲዛይሳ ኢማና፤ ኢስታራ ሜርና ጫቆ ቃላ ጌላና።

ኢሳያሳ ቲንቢቴ 64:4

ቤኒሶፌ ዶሚዲ ሂዶታ ኦ ናጊዛይታስ ጋኪዛ ማላታ ኦዳይ ኔፔ ኣቲን ሃራ ጾስ ቤኢዳ ኣይፌይኔ ሲዪዳ ሃይ ሙሌካ ዴና።

ኤርማሳ ቲንቢቴ 42:7

ታሙ ጋላሳፌ ጉዬ ጎዳ ቃላይ ኤርማሳኮ ዪዴስ።

ዳኔላ ቲንቢቴ 12:12

ጌንጪዲ 1,335 ጋላሳቲ ኣና ጋካናስ ባ ኣማኖ ናጊዛይ ኣንጄቲዳ ኣሳ።

ሆሴኤ ቲንቢቴ 1:7

ዩሁዳ ኣሳስ ጊዲኮ ታኒ ታ ሲቆ ቤሳና። ታኒ ጎዳይ ኢስታ ጾሳይ ኣሻና፤ ታ ኢስታ ኣሻናይሲ ኦላ ዎልቃን ጊዴና፤ ማሻን፥ ቶራን ዎይኮ ፓራኒኔ ፓራን ኦሊዛይታን ጊዴና» ጊዴስ።

ኢሳያሳ ቲንቢቴ 57:16

ኣሳ ኣያናይ ታ ሲንን ዳቡሮንታ ማላ ታ ሜዳ ኣሳስ ፔኖይ ኤቆንታ ማላ ታ ሜርናስ ዋላሲኬ፤ ታ ኡባቶ ሃንቄቲኬ።