ኢሳያሳ ቲንቢቴ 3:24 - ጋሞ ማጻፋ

²⁴ ሺቶ ጺንቆን፥ ዳንጮ ዎዶሮን፥ ጎፋሬ ቦኣን፥ ሴሎ ማይኦ ማቃን፥ ፑላቴ ፒጌን ላማና።

Geeshsha Maxaafa

²⁴ Shitto xinqqon, dancco wodoron, goofare bo7an, seelo may7o maaqan, puulateth pigen laammana.

ኢሳያሳ ቲንቢቴ 3:24 Referans Kwoze

ሂዚቄላ ቲንቢቴ 27:31

ኔ ጊሻስ ካዮቲዲ ባንታ ሁኤ ቡሉሳና፤ ማቃካ ማይኣና፤ ዎዚናፔ ጬጪዲ ጫሞ ዬሆ ኔስ ዬካና።

ኤርማሳ ዚላስ 2:10

ጺዮኔ ዴሬ ጪማቲ ቢታ ቦላ ጮኡ ጊ ኡቲዳ፤ ኢስቲ ባ ሁኤን ጉዱላ ላሊዳ፤ ማቃካ ማይኢዳ፤ ዬሩሳላሜ ጌላኦቲ ዱጌ ቢታ ጼሊዳ።

ሚኪያሳ ቲንቢቴ 1:16

ኢንቴ ኢስታን ኡፋዬቲዛ ኢንቴ ናይቲ ኢንቴፌ ዲኤቲ ባና ጊሻስ ኢንቴ ሁኤ ቡሉሲቴ።

ኢሳያሳ ቲንቢቴ 22:12

ሄ ጋላስ ጎዳይ ኡባፌ ዎልቃማ ጾሳይ ኢንቴ ዬካና ማላኔ ዋሳና ማላ፥ ኢንቴ ሁኤ ቢናና ቡጫና ማላኔ ማቃ ማይኣና ማላ ጼይጊዴስ።

ኢሳያሳ ቲንቢቴ 15:3

ኦጌይ ዲዛሶ ኡባን ማቃ ማይኤቴስ፤ ፖቄታ ቦላኒኔ ዳባባይ ዲዛሶን ዬኬቴስ፤ ኣፉን ጉሴቴስ።

1ጴጽሮሳ ኪታ 3:3

ኢንቴ ሎኤቴ ጮ ሜላ ሁኤ ዳኒኔ ዎርቃን ጌጼቴን፥ ኣልኦ ማይኦ ማይኦን፥ ጮ ሜላ ኣይፌን ቤቲዛ ጌጼን ጊዶፖ።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ኣስቴሪ ማጻፋ 2:12

ጌላኦቲ ካዎዛኮ ጌላናፔ ካሴቲዲ ኢሲ ላይ ኩሜ ኬቴቴስ፤ ላይፌ ኮይሮ ኡሱፑን ኣጊና ኩሜ ኢስታ ቦላይ ሊቂ ሎኣና ማላ ካርቤኔ ቲዬቲዛ ዛይቴ ጎኤቴቴስ፤ ካሊዛ ኡሱፑን ኣጊናታን ዱማ ዱማ ሺቶታኔ ዱማ ዱማ ሲን ቲዪዛ ቃላሜታ ጎኤቴቴስ።

ሌዌታ ማጻፋ 26:16

ሄ ዎዴ ታኒ ኢንቴ ቦላ ሃይሳ ኤሃና፤ ጊታ ዳጋማ፥ ጊልቃቴ፥ ኣይፌ ቦልጄሲዛዝ፥ ኣሳቴ ጊልቂሲዛዝ ቆጾ ሃርጌ ታ ኢንቴ ቦላ ኤሃና፤ ኢንቴ ዜሬ ዜራናሺን ጮ ሜላ ሃዳ ጊዳና፤ ጋሶይካ ኢንቴ ዜሪዳይሳ ኢንቴ ሞርኬቲ ማና።

ዮሃኒሳ ኣጁታ 18:9

ኢዚራ ላይማቲሼ ኢሻሎ ዱስ ዴዪዳ ሃ ቢታ ካዎቲ ኢዛ ጹጌቲሺን ጩዋቲዛ ጩዋ ቤኢዲ ኢዚ ጊሻስ ዋሲዲ ዬካና።

ዮሃኒሳ ኣጁታ 16:9

ኣሳይካ ዎልቃማ ሴላን ጹጌቲዴስ፤ ሄ ቦሻታ ቦላ ሼኔይ ኢዛስ ዲዛ ጾሳ ሱን ኣሳይ ጫዪዴስ ኣቲን ማሮቴን ጌሊቤናኔ ኢዛካ ቦንቺቤና።

ዮሃኒሳ ኣጁታ 11:3

ታ ማርካ ናምኣቲ ካዮ ማይኦ ማይኢዲ 1,260 ጋላስ ጋካናስ ቲንቢቴ ዮታና ማላ ታ ኢስታስ ዎልቃ ኢማና» ጌቴቲዴስ።

ኢዩኤሌ ቲንቢቴ 1:8

ሄሳ ጊሻስ ኢዞ ኤካና ጊግሲዳይሲ ሃይቂን ማቃ ማይኣዳ ዬኪዛ ጌላኦይ ማላ ኢንቴካ ዬኪቴ።

ሂዚቄላ ቲንቢቴ 7:18

ኢስቲ ማቃ ማይኣና፤ ኢስቲ ዳጋማን ሺሮታና፤ ኢስታ ኡባ ኣይፌሶይ ዬላ ማይኣና፤ ኢስታ ኡባ ሁኤይካ ቡሊሴታና።

ኤርማሳ ቲንቢቴ 48:37

ኣስ ኡባ ሁኤይኔ ቡቺ ሜዴቲዴስ፤ ባንታ ኩሼካ ጫዴሬዳ፤ ቃሴ ማቃ ማይኢዳ።

ኤርማሳ ቲንቢቴ 6:26

ታ ዴሬቶ ማቃ ማይኢቴ፤ ቢዲን ቦላ ቡሉሌቲቴ፤ ሜጺ ኢሲ ናይ ሃይቂዳ ኣሳ ማላ ጫሞ ዬሆ ዬኪቴ፤ ጋሶይካ ኑ ቆፖንታ ዲሺን ይሲዛይ ኑ ቦላ ያና።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኢሳያሳ ቲንቢቴ 57:9

ዎጋራ ዛይቴ ኤካዳ፥ ሺቶ ኢዛ ቦላ ጉጃዳ ሞሎኬ ጌቴቲዛ ኤቃ ጾሳኮ ባዳሳ፤ ኔስ ኪቴቲዛይታ ሃኮ ዴሬ ኪታዳሳ፤ ዱጌ ሲኦሌ ጋካናስ ካንዳሳ።

ሌሚሶ ማጻፋ 31:24

ላይኖፔ ሴሎ ማይኦታ ኦዳ ባይዛዉስ፤ ዛልኣንቻታስካ ዳንጮ ዳዳ ሺሻዉስ።

ሌሚሶ ማጻፋ 7:17

ታኒ ካርቤ፥ ኣልሙኒዬሜኔ ቃራፋ ጌቴቲዛ ሳዎታፔ ኦሴቲዳ ሺቶ ታ ሂጻን ጫጫፋዲስ።

ኢዮቤ ማጻፋ 16:15

«ታ ካዮቴስ ማቃ ሲካ ማይኣዲስ፤ ጉዱላ ቦላ ጉፋናዲስ።

ዛሬ ማጻፋ 32:24

ታ ኡባ ዉርሲዛ ኮሻ ኢስታ ቦላ ዬዳና፤ ኢሳፌ ኢሳን ኣዛ ኢታ ሃርጌኒኔ ቦሻን ኢስቲ ዉራና፤ ሜቶ ጋዛ ኢታ ዶኣታኔ ዱኪዛ ማርዜራ ዲዛ ሾሻታ ታ ኢስታ ቦላ ዬዳና።

ዛሬ ማጻፋ 28:22

ጎዳይ ኔና ጊልቃቴን፥ ሚሾኒኔ ቆጾን፥ ማዱንን፥ ጹጊዛ ኣዋኒኔ ኮሻን ይሳና፤ ኔ ካ ይሳናስ ኩቱልኤኔ ሎቤ ኔ ቦላ ዬዳና።

ኤርማሳ ቲንቢቴ 49:3

ሃኔ ሃሴቦኔ! ኣዬ ካታማይ ይዳ ጊሻስ ዬካ፤ ኤራባ ማጫ ናይቶ ዋሲቴ፤ ማቃ ማይኢዲ ዬኪቴ፤ ጋሶይካ ሚልኮሜይ ባ ቄሴታራኔ ባ ሹሜታራ ዲኤቲዲ ባና፤ ዲርሳ ጊዶን ያኔ ሃ ዎጼሬቲቴ።

ኢሳያሳ ቲንቢቴ 4:4

ጎዳይ ጺዮኔ ማጫሳታ ቂታ ሜጫና፤ ማቲ ኡቲዳ ሱፌ ዬሩሳላሜ ፒርዳ ኣያናኒኔ ጹጊዛ ኣያናን ጌሻና።

ኢሳያሳ ቲንቢቴ 3:23

ሄሬጋታ፥ ላይኖታ፥ ጊዶራ ማይኢዛ ማይኦታ፥ ቢናና ቃቺዛ ኣሌቆታኔ ኣይፌሶ ካሚዛ ቆሌታ ኡባ ዳፊ ኤካና።

ኢሳያሳ ቲንቢቴ 15:2

ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።