ኢሳያሳ ቲንቢቴ 28:7 - ጋሞ ማጻፋ

⁷ ሃይቲ ዎይኔ ኡሹ ኡዪዲ ዪጮቴቴስ፤ ማሲዛ ኡሻን ጋንዲጋሬቴስ። ቄሴቲኔ ናቤቲ ማሲዛ ኡሻን ጋንዲጋርዳ፤ ዎይኔ ኡሻ ጋሶን ዮኦይ ኢስታፌ ባሌቲዴስ፤ ማሲዛ ኡሻን ጋንዲጋርዳ፤ ኣጁታ ሊኬራ ቤኤቴና፤ ፒርዳ ፒርዲሼ ጴቴቴስ።

Geeshsha Maxaafa

⁷ Hayti woyne ushshu uyidi yiicoteettes; maththosiza ushshan gandigareettes. Qeesetinne nabeti maththosiza ushshan gandigarda; woyne ushsha gaason yo7oy isttafe balettides; maththosiza ushshan gandigarda; ajjuutaa likkera be7ettenna; pirda pirdishe dhuphetteettes.

ኢሳያሳ ቲንቢቴ 28:7 Referans Kwoze

ሉቃሳ ሚሺራቾ 21:34

«ሂስቲኮ ዎጋይ ባይንዳ ዱሳን፥ ዳሮ ኡሻኒኔ ዱሳስ ሂርጋን ኢንቴ ዎዚናይ ዳቡሮፖ፤ ሄሳ ኦንታ ኢጺኮ ሄ ጋላሳይ ኢንቴ ቆፖንታ ናርጻ ማላ ኢንቴ ቦላ ጋኮንታ ማላ ናጌቲቴ።

Maatosa 24:29

«ሄራካ ሄ ኢታ ሜቶ ጋላሳታፔ ጉዬ ኣርሼይ ማና፤ ኣጊናይ ባ ፖኦ ዲጋና፤ ጾሊንቴቲ ሳሎፔ ቆቆፌታና፤ ሳሎ ዎልቃማቲካ ቃጻና።

ኢሳያሳ ቲንቢቴ 19:14

ጎዳይ ኢስታ ቦላ ዶቺዛ ኣያና ጉሲዴስ፤ ማቲዳ ኣሲ ባ ጮሻን ጋንዲጋርዛ ማላ ጊብጼይ ባ ኦሶ ኡባን ጋንዲጋራና ማላ ኦዳ።

ኤራንቻታ ማጻፋ 10:17

ሃኔ ኔ ካዎይ ቦንቼቲዳ ዛሬፔ ጊዲዳሬ! ማታናስ ጊዶንታ ሚኔታናስ ኮሺዛ ዎዴ ሚዛ ዳናቲ ዲዛ ቢታዬ! ኔኒ ኣንጄቲዳሮ።

ሌሚሶ ማጻፋ 20:1

ማሲዛ ኡሺ ኡዪዛይ ቂልጪዛዴኔ ኤያ ጊዴስ፤ ሃይታንታን ባሌቲዳ ኡባይ ኣ ኤራንቻ ጊዴና።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ኤርማሳ ቲንቢቴ 23:16

ኡባፌ ዎልቃማ ጎዳይ፥ «ሃይቲ ናቤቲ ቲንቢቴ ኢንቴስ ዮቲዛይሳ ሲዮፒቴ፤ ኢስቲ ኢንቴና ዎርዶ ሂዶታን ኩንቴስ፤ ኢስቲ ጎዳፔ ጊዶንታ ባፔ ሜ ኤኪ ዮቴቴስ።

ኤርማሳ ቲንቢቴ 14:14

ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።

ኢሳያሳ ቲንቢቴ 3:12

ዬላጋቲ ታ ዴራ ኡንኤቴስ፤ ማጫሳቲካ ኢስታ ሃሬቴስ፤ ታ ዴሬዞ! ኢንቴና ካሌዛይቲ ኢንቴና ባሌዳ፤ ኢንቴ ቢዛ ኦጌፔካ ኢንቴና ካሬ ኬሲዳ።

ዬ ማጻፋ 107:27

ኢስቲ ማቲዳ ኣሳ ማላ ዪጮቲዲ ጋንዲጋርዳ፤ ኢስታስ ኣኬኪዛ ዎዚናይካ ዳሚዴስ።

ኤፌሶኔ ኣሳስ 5:28

ኣዚናቲካ ሄሳ ባ ማቼታ ባ ኣሾ ማላ ሲቃናስ ቤሴስ፤ ባ ማቾ ሲቂዛዴይ ባና ሲቄስ።

ሂዚቄላ ቲንቢቴ 44:21

ኣይ ቄሴይካ ጊዶ ዳባባ ጌሊዛ ዎዴ ዎይኔ ኡሹ ኡዮፖ።

ሂዚቄላ ቲንቢቴ 13:7

ታኒ ዮቶንታ ዲሺን፥ ‹ጎዳይ ሂዝጌስ› ጊሼ ኢንቴ ዎርዶ ኣጁታኔ ዎርዶ ቲንቢቴ ዮቲዛይሳ ጊዴኔ?» ጌስ።

ኤርማሳ ዚላስ 2:4

ኢዚ ሞርኬ ማላ ዎንዳፌ ዳፊ ኦይኪዴስ፤ ኢዛ ኡሻቻ ኩሼይ ዪሻ ዬዳናስ ጊግሲዴስ፤ ባና ሎኢዛይታ ኡባ ሞርኬ ማላ ሹኪዴስ፤ ጺዮኔ ዱንካኔታ ቦላካ ባ ሃንቆ ታማ ማላ ቆሊዴስ።

ኤርማሳ ቲንቢቴ 23:13

ታኒ ሳማሪያን ዲዛ ናቤታ ቦላ ኡፋይሶንታ ሚሽ ቤኣዲስ፤ ኢስቲ ባኣሌ ሱንን ቲንቢቴ ዮቲዳ፤ ታ ዴራ ኢስራኤሌካ ባሌዳ።

ኢሳያሳ ቲንቢቴ 29:11

ሃ ኣጁታይ ኢስታስ ጻ ማጻፋ ጊዶን ጎርዴቲ ዲዛ ቃላ ማላ ጊዲዴስ። ሃ ጻ ማጻፋ ናባባናስ ዳንዳይዛ ኣሲ፥ «ሾቤ ኑስ ናባባ» ጊዲ ኢንቴ ኢሚኮ፥ ኢዚ ኢንቴስ፥ «ጎርዴቲዳ ጊሻስ ታኒ ናባባናስ ዳንዳይኬ» ጋና።

ኢሳያሳ ቲንቢቴ 24:2

ኡባ ሚሺካ ኢሲ ማላ ጊዳና፤ ዴሬዛ ቦላ ሃንዛይሲ ቄሴዛ ቦላ ሃናና፤ ኣይሌ ቦላ ሃንዛይሲ ጎዳ ቦላ ሃናና፤ ኣሽካራይ ቦላ ሃንዛይሲ ጎዳቴይ ቦላ ሃናና፤ ሻሚዛይሳ ቦላ ሃንዛይሲ ባይዚዛይሳ ቦላ ሃናና፤ ታልኤ ኤኪዛይሳ ቦላ ሃንዛይሲ ታልኤ ኢሚዛይሳ ቦላ ሃናና፤ ኣጮ ጪጊዛይሳ ቦላ ሃንዛይሲ ኣጮ ጪጊሲዛይሳ ቦላ ሃናና።

ኢሳያሳ ቲንቢቴ 22:13

ጊዶ ኣቲን ኢንጄኔ ኡፋይስ፥ ቦራኔ ርሾ ሹካይ፥ ኣሾ ሙሲኔ ዎይኔ ኡሺ ዴስ፤ «ኑኒ ዎንቶ ሃይቃና ጊሻስ ኣኔ ሞሲኔ ኡዮስ» ጊዴታ።

ኢሳያሳ ቲንቢቴ 5:22

ዎይኔ ኡሻን ኤሬቲዳይታሲኔ ማሲዛ ኡሹ ዋላካናስ ጎቢዛይታስ ኣዬ ኣና!

ኢሳያሳ ቲንቢቴ 5:11

ማሲዛ ኡሹ ኮያናስ ማላዶ ጉራራ ዴንዲዲ ዎይኔ ኡሻን ጹጌታና ጋካናስ፥ ሳኣ ቃሚሲዛይታስ ኣዬ ኣና!

ሌሚሶ ማጻፋ 23:30

ዎይኔ ኡሹ ኡዪሼ ጋምኢዛይታስ ጊዴኔ? ዋላኬቲዳ ዎይኔ ኡሹ ዩዪ ዩዪ ጋንጺዛይታስ ጊዴኔ?

ኢሳያሳ ቲንቢቴ 24:20

ቢታይ ማቲዳ ኣሳ ማላ ዪጮቲዴስ፤ ጫርኮይ ሱጊዳ ጋባ ማላ ጊዳዱስ። ቢታ ማካላቴይ ዴጾ ጊዲዳ ጊሻስ ኩንዳና፤ ናምኣንካ ሲሚ ዴንዴና።

ኢሳያሳ ቲንቢቴ 28:1

ኤፍሬሜን ዲዛ ማቲዛይታስ፥ ኦቶሬቴስ፥ ካላቻ ጊዲዳሪስ፥ ጪሊላ ሾባ ሁኤን ኪፒ ጋ ኡቲዳ፥ ኢዛስ ቦንቾ ሴሎ ጊዲዳ ሹላ ጪሻይስ፥ ዎይኔ ኡሻይ ኢስታ ዜሬስ ኦቶሬቴስ ጊዲዳ ካታማይስ ኣዬ ኣና!

ኢሳያሳ ቲንቢቴ 43:27

ኔ ኣዋ ኮይሮይሲ ናጋራ ኦዴስ፤ ኔ ኣስታማሬቲካ ታ ቦላ ማካሊዳ።

ሆሴኤ ቲንቢቴ 7:5

ኑ ካዎዛ ባኣሌ ጋላስ ሃላቃቲ ዎይኔ ኡሻን ማ ሌላ ጊዳ። ኢዚካ ቂዛይታራ ዙፔቲዴስ።

ኢምባቆ ቲንቢቴ 2:15

«ኣሳ ካሎቴ ቤያናስ ባ ላጌታ ኡሹ ኡሺዛዴሲኔ ኢስቲ ኡዪዲ ማታና ጋካናስ ዎይኔ ኡሹ ዱቂዛዴስ ኣዬ ኣና!

ኢምባቆ ቲንቢቴ 2:16

ኔኒ ቦንቾ ጊሻስ ዬላታና፤ ሄሲካ ሃኢ ታራይ ኔስ ጊዲዳ ጊሻስ ኡያዳ ጋንዲጋራ፤ ኔ ካሎታ። ጎዳ ኡሻቻ ኩሼን ዲዛ ሃንቆ ጹኣይ ኔ ቦላ ሲማና፤ ካሴ ኔስ ዲዛ ቦንቾዛ ካዉሻቴን ላማና።

ኢሳያሳ ቲንቢቴ 5:23

ማታኤ ኤኪዲ፥ ሞራንቻታ ጺሊሲዛይታሲኔ ጺሎ ኣሳታሲ ሱሬ ፒርዳ ዲጊዛይታስ ኣዬ ኣና!