ኢሳያሳ ቲንቢቴ 27:1 - ጋሞ ማጻፋ

¹ ሄ ጋላስ ጎዳይ ሌዋታኔ ጌቴቲዛ ጾንጌቲዛ ሾሻኔ ጻጼቲዛ ሾሻ ባ ሚኖ፥ ጊታኔ ዎልቃማ ጊ ማሻን ቃጻያና፤ ኣባን ዲዛ ዎጋ ዶኣ ቃንጼሬ ዬጋና።

Geeshsha Maxaafa

¹ He gallas GODAY lewataane geetettiza xongettiza shooshshaanne xaaxettiza shooshshaa ba mino, gitanne wolqqama giththa mashshan qaxxayana; abban diza wogga do7aa qanxxereththi yeggana.

ኢሳያሳ ቲንቢቴ 27:1 Referans Kwoze

ሂዚቄላ ቲንቢቴ 29:3

ኔኒ ኢዛስ ኡባ ሃሪዛ ጎዳይ፥ «ሻፋ ሃ ጊዶን ኢቺዳ ሃይሶ ጊታ ዶኣዞ! ጊብጼ ካዎ ፓሮኔ! ታ ኔ ቦላ ዴንዳዲስ፤ ‹ኣባዬ ሻፋይ ታይሳ፤ ታኒ ታስ ሜዲስ› ጋሳ።

ኢሳያሳ ቲንቢቴ 51:9

ኣቤት ጎዳ ቄሴይ ዴንዳ፤ ዎልቃ ማይኣ፤ ካሴ ኣዳ ዎዴታን፥ ሚሚንቴ ቃንጼሬዳይ፥ ጊታ ዳዌዛ ጫዲዳይ ኔና ጊዲኪ?

ዮሃኒሳ ኣጁታ 12:3

ሄሳካ ሃራ ማላታይ ሳሎ ቦላ ቤቲዴስ፤ ኢዛስ ላፑን ሁኤይኔ ታሙ ካጬቲ ዲዛ ኢሲ ጊታ ዳዌይ ቤቲዴስ፤ ኢዛ ሁኤታ ቦላካ ላፑን ዛዉዴቲ ዴቴስ።

ኢሳያሳ ቲንቢቴ 66:16

ታማኒኔ ማሻን ጎዳይ ባ ፒርዳ ኣሳ ኡባ ቦላ ኤሃና፤ ዳሮቲ ጎዳ ማሻን ሹኬታና።

ዬ ማጻፋ 104:26

ኢዚ ቦላን ማርካቤቲ ሲሜሬቴቴስ፤ ቃሴ ኔኒ ሜዳ ሌዋታኔ ጌቴቲዛ ሚሚንቴይ ኢዚን ካኤስ።

ኢዮቤ ማጻፋ 26:13

ባ ፔኖዛን ሳሎዛ ጌሻና፤ ጾንጌቲዛ ሾሻ ባ ኩሼን ጫዳና።

ዮሃኒሳ ኣጁታ 20:2

ሄ ዳዌዛ ኦይኪዲ ሺ ላይ ቃቺዴስ፤ ሄሲ ዳዌዚ ዳቡሎሳ ዎይኮ ጻላኤ ጌቴቲዛ ካሴ ቤኒ ሾሻዛ።

ዮሃኒሳ ኣጁታ 19:21

ሃንኮ ኣቲዳይቲ ቃሴ ቦ ፓራ ቶጊዳይሳ ዶናፔ ኬዚዳ ማሻን ሃይቂዳ፤ ካፎቲካ ዉሪ ኢስታ ኣሾዛ ሚ ካሊዳ።

ኤርማሳ ቲንቢቴ 51:34

ባቢሎኔ ካዎ ናቡካዳናጾሬይ ዬሩሳላሜ ኣቆታ ቦንቂዴስ፤ ጋጪ ሊቂሲዴስ፤ ኣይኮይ ባይንዳ ካይሳ ኦቶ ኬሲዴስ፤ ዳዌይ ሚቲዛ ማላ ዴራ ሚቲዴስ፤ ማልኦ ሚዛ ማላ ሚዲ ጉዬፔ ኑና ኬሲ ጩቲዴስ።

ኢዮቤ ማጻፋ 40:19

ታ ሜዳ ሜታ ኡባፌ ዎልቃማ፤ ታፔ ኣቲን ኢዛ ጾናናይ ሃራይ ዴና።

ዮሃኒሳ ኣጁታ 17:15

ሄ ኪታንቻዚካ ታስ፥ «ሃ ላይማ ማጫሳያ ኢስታ ቦላ ኡታ ዲሺን ኔኒ ቤኢዳ ሃታ፥ ዴሬታ፥ ኣሳታ፥ ዱማ ዱማ ቆሞታ ቃሴካ ዱማ ዱማ ቃላን ሃሳይዛይታ።

ዮሃኒሳ ኣጁታ 17:1

ላፑን ጹኣታ ባ ኩሼን ኦይኪዳ ላፑን ኪታንቻታፔ ኢሶይ ሃ ታኮ ዪዲ ታስ፥ «ሃ ያ፤ ዳሮ ሃታ ቦላ ኡቲዳ ሄ ኢታ ላይማ ማጫሳይ ቦላ ጋኪዛ ፒርዳ ታ ኔና ቤሳና።

ዮሃኒሳ ኣጁታ 16:13

ሄ ዳዌዛ ዶናፔኔ ሄ ዶኣዛ ዶናፔ፥ ዎርዶ ናቤዛ ዶናፔ ኦቃርስ ሚሳቲዛ ሄ ቱና ኣያናቲ ኬዚሺን ታ ቤያዲስ።

ዮሃኒሳ ኣጁታ 13:11

ቃሴካ ሃራ ዶኣይ ቢታፌ ኬዚሺን ቤያዲስ፤ ኢዛስ ዶርሳ ካጬ ማላ ናምኡ ካጬይ ዴስ፤ ኢዚ ዳዌ ሃሳዬስ።

ዮሃኒሳ ኣጁታ 13:4

ሄ ዶኣዛስ ጎዳቴ ኢሜቲዳ ጊሻስ ኣሳይ ዉሪካ ሄ ዳዌዛስ ጎይኒዴስ። «ሃይሳ ዶኣዛ ሚሳቲዛይ ኦኔ? ኢዛራ ኦሌታናስ ዳንዳይዛይ ኦኔ?» ጊሼ ኢዛስ ጎይኒዴስ።

ዮሃኒሳ ኣጁታ 2:16

ሄሳ ጊሻስ ማሮቴን ጌላ፤ ኣካይ ጊኮ ታኒ ኤሶን ኔኮ ባዳ ኔና ታ ዶናፔ ኬዚዛ ማሻ ሚሳቲዛ ቃላራ ኦላና።

ኤርማሳ ቲንቢቴ 51:13

ሃኔ ዳሮ ሻፋታ ማታን ዲዛሬ! ኣቆታን ኬሃ ዱሬቲዳሬ! ኔ ያና ዎዴይ ጋኪዴስ፤ ኔስ ዉርሴ ጋኪዴስ» ጌስ።

ኤርማሳ ቲንቢቴ 47:6

«ኢንቴ፥ ‹ኔኖ ጎዳ ማሻዉ! ኔ ኣይዴ ሼምፓኔ? ኔ ኮሆን ሲማ ጌላ፤ ኔኒ ጮኡ ጋዳ ኡታ› ጋና።

ኢሳያሳ ቲንቢቴ 65:25

ካና ሱይቴይኔ ዶርሳ ላቃይ ኢሲፌ ማና፤ ጋሞይ ቦራ ማላ ማታ ማና፤ ሾሺ ጉዱላ ላጫና፤ ታ ጌሻ ዙማ ቦላ ኢስቲ ቆሄቴቴና፤ ባሺካ ኢስታ ቦላ ዬና» ጌስ።

ኢሳያሳ ቲንቢቴ 26:21

ቢታ ቦላን ዲዛ ኣሳ ኢስታ ናጋራ ጊሻስ ቃጻያናስ፥ ጎዳይ ባ ዴኢዛሶፔ ኬዚዲ ዬስ። ቢታይካ ባ ቦላን ጉኪዳ ሱ ቆንጪሳና፤ ሃይቂዳይታካ ሃይሳፌ ጉዬ ቆቱኩ።

ዬ ማጻፋ 45:3

ዎልቃማ ካዎ! ኔ ማሻ ጊጻ፤ ቦንቾኔ ቴማ ማይኣ።

ኢዮቤ ማጻፋ 3:8

ሌዋታኔ ጌቴቲዛ ዶኣ ቃሴናስ ዳንዳይዛይቲ፥ ጋላሳታ ቃንጊዛይቲ፥ ሄ ጋላሳዮ ቃንጌቶ።

ኢዮቤ ማጻፋ 41:1

«ኔኒ ሌዋታኔ ጌቴቲዛ ኣባ ጊዶን ዲዛ ዶኣ ሞሌ ኦይኪዛ ማንጻኮን ኦይካናስ ዳንዳያይ? ዎይኮ ኢዛ ኢንጻርሳ ዎዶሮን ቃቻናስ ዳንዳያይ?

ኢሳያሳ ቲንቢቴ 65:12

ታ ጼይጊን ዛሮንታ ኢጺዳ ጊሻስ፥ ታ ዮቲን ሲዮንታ ኢጺዳ ጊሻስ፥ ታ ሲንንካ ኢታ ኦዳ ጊሻስ፥ ታና ሃንቄዛ ሚሽ ኢንቴ ዶሪዳ ጊሻስ፥ ታ ኢንቴና ማሻስ ኣ ኢማና፤ ኢንቴ ኡባይካ ሹኬታናስ ቆ ኢማና» ጌስ።

ኣሞጼ ቲንቢቴ 9:3

ኢስቲ ፑዴ ቃርሜሎሴ ዙማ ቦላ ኬዚ ቆቴቲዳኮካ ታ ካሌታ ባዳ ኢስታ ሄፔ ዎና፤ ኢስቲ ዱጌ ጪማ ኣባ ጊዶ ጌሊዲ ታፔ ቆቴቲዛኮካ ሄን ኢስታ ሾሺ ዱካና ማላ ታ ኣዛዛና።