ኢሳያሳ ቲንቢቴ 26:16 - ጋሞ ማጻፋ

¹⁶ ኣቤት ጎዳዉ! ኢስቲ ሜቶቲዳ ዎዴ ኔኮ ዪዳ፤ ኔኒ ኢስታ ሴሪዳ ዎዴ፥ ሳሱኪ ኔና ዎሴቴስ።

Geeshsha Maxaafa

¹⁶ Abeet GODAWU! Istti metotida wode neekko yida; Neni istta seerida wode, saasuki nena woosseettes.

ኢሳያሳ ቲንቢቴ 26:16 Referans Kwoze

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

ዬ ማጻፋ 50:15

ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።

ዮሃኒሳ ኣጁታ 3:19

ታኒ ታ ዶሲዛይታ ዉርሳ ሃንቃይሲኔ ቃጻያይስ፤ ሄሳ ጊሻስ ኔኒ ሚና፤ ማሮቴንካ ጌላ።

ሆሴኤ ቲንቢቴ 7:14

ኢስቲ ባ ሂጻ ቦላ ኢቺዲ ዬኬቴስ፤ ጊዶ ኣቲን ዎዚናፔ ታኮ ዎሴቴና፤ ካሲኔ ኡሻስ ሺቄቴስ፤ ጊዶ ኣቲን ታፔ ሼርኢ ጊዳ።

ኤርማሳ ዚላስ 2:19

ቃማ ኩሜ ዴንዲዲ ዋሲቴ፤ ጎዳ ሲንን ኢንቴ ዎዚና ሃ ማላ ጉሲቴ፤ ኦጌ ዶናን ኮሻቲ ኩንዲዳ ኔ ናይታ ሼምፖ ጊሻስ ኔ ኩሼ ፑዴ ኢዛኮ ዴንዳ ዎሳ።

ኤርማሳ ቲንቢቴ 22:23

ሃኔ ሊባኖሴን ዲዛሬ! ኔ ኬ ዚጋ ሚፌ ኬጺዳሬ! ሚጻይ ኦይኪዳ ማጫሳ ማላ ሜቶይ ኔ ቦላ ዪሺን ዋና ዋሳንዲ!» ጌስ።

ኢሳያሳ ቲንቢቴ 37:3

ኢስቲካ ኢሳያሳስ ቢዲ፥ «ሂዝቂያሲ፥ ‹ሃ ጋላሳይ ጬጬ፥ ቂጻቴኔ ካዉሻቴ ጋላሳ፤ ሄሲካ ናይ ዬሌታና ሃኒሺን ኣቤይ ኢጺዛ ጋላሳ ማላ ጊዲዴስ።

ዬ ማጻፋ 142:2

ታ ቆሆዛ ኡባ ኢዛስ ማጋናይስ፤ ታ ሜቶ ኡባ ኢዛስ ዮታይስ።

ዬ ማጻፋ 91:15

ኢዚ ታና ጼይጊዛ ዎዴ ታኒ ኢዛስ ኮያና፤ ኢዚ ሜቶቲዳ ዎዴ ታኒ ኢዛራ ኢሲፌ ጊዳና፤ ታኒ ኢዛ ኣሻናኔ ቦንቻና።

ዬ ማጻፋ 42:4

ታ ዎዚናያ ጬጬን ጊዶራ ሴራሼ ሃይታንታ ኣኬካዱስ፤ ዳሮ ዎዴ ታ ጾሳ ኬ ካሌሼ ኢሊሊሳኒኔ ጋላታ ዬን ባኣሌ ቦንቻና ሺቂዳ ዳሮ ኣሳ ጊዶራ ታ ዋና ቢዛኮ ኣሙሳዲስ።

1ሳሜላ ማጻፋ 1:15

ሃናይካ ኢዛስ፥ «ታ ጎዳዉ ታ ማታቤኬ፤ ታኒ ኬሂፔ ዎዚናይ ሜቂዳ ማጫሳ፤ ሄሳ ጊሻስ ታኒ ታ ዎዚና ጎዳ ሲንን ሚጫይሲፌ ኣቲን ዎይኔ ኡሹ ጊዲን ዎይኮ ሃራ ማሲዛ ኡሹ ታ ኡያቤኬ።

ታይቦ ማጻፋ 21:7

ዴሬዚካ ሙሴኮ ቢዲ፥ «ጎዳ ቦላኔ ኔ ቦላ ኑ ኢታ ቃላ ሃሳይዳ ጊሻስ ኑኒ ቆሂዶስ፤ ሃኢካ ሃይቲ ዱኪዛ ሾሻቲ ኑፔ ኪቻና ማላ ኔኒ ኑስ ጎዳ ዎሳርኪ!» ጊዳ፤ ሙሴይካ ዴራስ ዎሲዴስ።

ኤርማሳ ቲንቢቴ 2:27

ኢስቲ ሚ፥ ‹ኔኒ ታ ኣዋ› ጌቴስ፤ ቃሴ ሹች፥ ‹ኔኒ ታና ዬላዳሳ› ጌቴስ። ኢስቲ ታስ ባ ሲን ዛራናይሳ ኣጊዲ ዞኮ ዛሪዳ፤ ጊዶ ኣቲን ኢስታ ሜቶይ ጋኪዳ ዎዴ፥ ‹ያዳ ኑና ኣሻ› ጌቴስ።

ዳናታ ማጻፋ 10:15

ጊዶ ኣቲን ኢስራኤሌ ኣሳይ ዛሬዲ ጎዳ ጾሳ፥ «ኑኒ ናጋራ ኦዶስ፤ ሃቺሮ ኑና ኣሻዳ ኔ ዶሶይሳ ኑ ቦላ ኦ» ጊዴስ።

ዬ ማጻፋ 27:8

ኔኒ፥ «ታ ሲን ኮዪቴ» ጊዳ ዎዴ፥ ታ ዎዚናይ፥ «ኣቤት ጎዳዉ! ኤኖ፤ ታኒ ኔ ሲን ኮያና» ጊዴስ።

ዬ ማጻፋ 77:3

ኣቤት ጾሳዉ! ታ ኔና ቆፓሼ ጬጫይስ፤ ታ ዩሻ ቆፓሼ ኬሃ ዳቡርዴስ።

ዬ ማጻፋ 78:34

ጾሲ ኢስታፌ ጉታ ዎን ኣቲዳይቲ ባ ናጋራ ፓጺዳ፤ ዎዚናፔ ኮዪሼ ጾሳኮ ሲሚዳ።

ኤርማሳ ቲንቢቴ 29:12

ኢንቴካ ታና ጼይጋና፤ ሺቂዲ ታና ዎሳና፤ ታኒካ ሲያና።