ኢሳያሳ ቲንቢቴ 25:10 - ጋሞ ማጻፋ

¹⁰ ጎዳ ኩሼይ ሃ ዙማ ቦላ ሼምፓና። ጊዶ ኣቲን ኡቱላይ ኡርቃን ዬቲዛ ማላ ሞኣቤይካ ዬታና።

Geeshsha Maxaafa

¹⁰ GODAA kushey ha zumaa bolla shemppana. Gido attiin uttulay urqqan yedhettiza mala Mo7aabeykka yedhettana.

ኢሳያሳ ቲንቢቴ 25:10 Referans Kwoze

ሶፎናሳ ቲንቢቴ 2:9

ሄሳ ጊሻስ ጎዳይ ኡባፌ ዎልቃማ ኢስራኤሌ ጾሳይ፥ «ታኒ ታ ዴኦ ጾሳቴን ጫቃይስ፤ ሞኣቤይ ሶዶሜ ማላ ኣሞኔይ ጋሞራ ማላ፥ ሻራፋይ ማይኢዳሶ ማላኔ ማጺኔ ቦኪ ኤኪዳ ኦላ ማላ ሜርናስ ቡላ ጊዳና። ታ ኣሳፔ ጫሻ ኣቲዳይቲ ኢስታ ሃሮ ቦንቃናኔ ኢስታ ቢታ ላታና» ጌስ።

ኤርማሳ ቲንቢቴ 48:2

ሃይሳፌ ጉዬ ሞኣቤይ ቦንቼቱኩ፤ ኣሳይ ሃሴቦኔን ኡቲዲ፥ ‹ሃ ዪቴ! ሃኖ ካታማዮ ኣኔ ይሶስ› ጊዲ ኢዚ ቦላ ዱላታና። ሃኔ ማዲሜኔ! ኔና ቡሮ ጮኡ ሂስታና፤ ማሻይ ኔና ጎዳና።

ኢሳያሳ ቲንቢቴ 25:6

ጎዳይ ኡባፌ ዎልቃማ ጾሳይ ሃይሳ ዙማ ቦላ ዴሬ ኡባስ ጊዲዛ ጊታ ጊቢራ፥ ሎኢ ካጺዳ ዎይኔ ኡሹ፥ ሎኦ ኣሾኔ ዶሬቲዳ ዎይኔ ኡሹ ጊጊሳና።

ሚኪያሳ ቲንቢቴ 4:13

ሃኔ ጺዮኔ ናዬ ዴንዳዳ ካ ቡካ፤ ታ ኔስ ቢራታ ካጬኔ ጻርቂማላ ጹጉን ኢማና፤ ኔካ ሃንኮ ዴሬዛ ኢዛን ሊቂሳና» ጊዴስ። ኢስቲ ጌኔን ሺሺዳይሳ ጾሳስ፥ ኢስታ ሃሮካ ኡባ ቢታ ኡባ ሃሪዛ ጎዳስ ኔ ሺሻንዳሳ።

ሂዚቄላ ቲንቢቴ 48:35

ካታማ ዩሾይ ሙሌራ ዋን 9,000 ሜቲሬ ጊዳና። ሄ ዎዴፔ ዶሚዲ ሄ ካታማይ፥ ‹ጎዳይ ሄን ዴስ› ጌቴቲ ጼይጌታና» ጌስ።

ኤርማሳ ዚላስ 1:15

«ኑ ጋርሳን ዲዛ ኦላንቻታ ኡባታራ ጾሲ ኤቄቲዴስ፤ ኑ ጊዶፌ ዬላጋታ ይሳናስ ኦላንቻታ ኑ ቦላ ዬዲዴስ። ዎይኔ ሚ ኣይፌ ኡሹ ኬሳናስ ዬዛ ማላ ጎዳይ ቦሼቶንታ ጌላኦ ሚሳቲዛ ዩሁዳ ኣሳ ዬዴስ።

ኢሳያሳ ቲንቢቴ 26:6

ቶሆን ዬታና፤ ኡንኤቲዳይታ ቶሆይኔ ማንቆታ ቶሆይ ኢዛ ዬና።

ኢሳያሳ ቲንቢቴ 18:4

ጎዳይ ታስ፥ «ታ ጮኡ ጋ ኡታና፤ ሴታ ጋላስ ኣዋ ሴላን ጾልቄቲዛ ሚሻ ማላ ቦኔ ሆምቤ ማላ፥ ሻራፔ ቡኪዛ ኢራ ማላ ጊዳዳ ታ ጼላና» ጊዴስ።

ኢሳያሳ ቲንቢቴ 14:19

ኔ ጊዲኮ ኮዬቶንታ ሃጋ ማላ ዱፎፔ ዎራ ኦሌታዳሳ፤ ማሻን ጫዴቲዳይታን፥ ዱጌ ጪማ ሹቻ ኦላን ዎዳይታን፥ ኣሳ ኩሼን ሃይቂዳይታን ካሜታዳሳ፤ ኔኒ ቶሆን ዬቲዳ ኣሃ ማላ ጊዳዳሳ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ኢሳያሳ ቲንቢቴ 11:14

ኢስቲ ኣርሼይ ዉሊዛ ባጋራ ፊሊስጼሜታ ዱጉን ዎና፤ ናምኣይካ ኢሲፌ ጊዲዲ ኣርሼይ ሞኪዛ ዴሬዛ ቦንቃና፤ ኢስቲ ኤዶሜ ቦላኔ ሞኣቤ ቦላ ባንታ ኩሼ ዴንና፤ ኣሞኔ ኣሳይ ኢስታስ ሃሬታና።

ኢሳያሳ ቲንቢቴ 11:10

ሄ ዎዴ ኢሴዬ ዜሬ ካዎቴታስ ማላታ ጊዲ ኤቃና፤ ካዎቴቲ ኢዛኮ ያና፤ ኢዛ ሼምፖሶይ ቦንቼታና።

ኢሳያሳ ቲንቢቴ 10:31

ማዲሜናሃ ባቃታ ቦላ ዳዉስ፤ ጌባ ዴሬይ ቆቴታና ዎን ዴስ።

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ዬ ማጻፋ 83:10

ኢስቲ ኤን-ዶሬ ጌቴቲዛሶን ይዳ፤ ኢስታ ኣሃይ ሞጌቶንታ ቢታ ቦላ ዎቂዴስ።

ታይቦ ማጻፋ 24:17

ታኒ ኢዛ ቤኣይስ፤ ጊዶ ኣቲን ሃኢ ጊዴና፤ ታ ኢዛ ጼላይስ፤ ጊዲኮካ ሃኢ ማታን ጊዴና፤ ጾሊንቴይ ያቆቤፔ ቤታና፤ ካዎቴ ጉፌይ ኢስራኤሌፔ ኬዛና፤ ሞኣቤ ዜሬኔ ሴቴ ዜሬታ ኡባ ዲፒ ሂስቲ ይሳና።

ኢሳያሳ ቲንቢቴ 16:14

ሃኢ ጊዲኮ ጎዳይ፥ ቃጻሬቲ ኦዛ ኦሳንቻይ ጋላስ ቆዲዛ ማላ ሞኣቤ ቦንቾይኔ ኣሳ ጮራቴይ ሄ ላይ ጊዶን ካዉያና፤ ሄን ኣቲዳ ኣሳቲ ጉታኔ ዎልቃይ ባይንዳይታ ጊዳና።

ኤርማሳ ቲንቢቴ 48:1

ሞኣቤ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ኔቦይ ያና ጊሻስ ኢዚስ ኣዬ ኣና! ቂሪያታይሜይ ካዉያናኔ ኦይኬታና፤ ሚጻቲካ ኦይኬታናኔ ላሌታና።

ሂዚቄላ ቲንቢቴ 25:8

«ኡባ ሃሪዛ ጎዳይ፥ ‹ሞኣቤይኔ ሴይሬይ፡ ቤኢቴ፥ ዩሁዳ ኣሳይ ሃራ ካዎቴታ ማላ ጊዲዴስ ጊዳ ጊሻስ፥

ኢሳያሳ ቲንቢቴ 16:6

ዩሁዳ ኣሳይ፥ «ሞኣቤታ ሃላጫ፥ ኦቶሬቴኔ ሞቴ፥ ጬቄቴኔ ካዛ ሲዪዶስ፤ ጊዶ ኣቲን ኢስታ ኦቶሬቴ ሃዳ» ጋና።