ኢሳያሳ ቲንቢቴ 22:12 - ጋሞ ማጻፋ

¹² ሄ ጋላስ ጎዳይ ኡባፌ ዎልቃማ ጾሳይ ኢንቴ ዬካና ማላኔ ዋሳና ማላ፥ ኢንቴ ሁኤ ቢናና ቡጫና ማላኔ ማቃ ማይኣና ማላ ጼይጊዴስ።

Geeshsha Maxaafa

¹² He gallas GODAY Ubbaafe Wolqqama Xoossay intte yeekkana malanne waassana mala, intte hu7e binana buucana malanne maaqa may7ana mala xeygides.

ኢሳያሳ ቲንቢቴ 22:12 Referans Kwoze

ኢዩኤሌ ቲንቢቴ 2:17

ጎዳስ ኦዛ ቄሴቲካ ያርሾ ያርሺዛሶዛሲኔ ኣሲ ሲሜሬቲዛሶ ጊዶን ኤቂዲ ዬኬቶ፤ ጎዳዉ! ኔኒ ኔ ዴሬዛስ ቃታ፤ ካዎቴቲ ኢስታ ጾሳይ ኣዋን ዲዜ? ጊዲ ኑና ካናሲኔ ኢስቲ ኑ ቦላ ሚጪ ካኣና ማላ ኔ ኢስታ ኦፋ» ጌቶ።

ኢዩኤሌ ቲንቢቴ 1:13

ኢንቴ ኢንቴ ጾሳ ያርሾ ሺሺዛ ካ ጊዲን ዎይኮ ዎይኔ ኡሺ ባይንዳ ጊሻስ ኢንቴኖ ታ ጎዳ ኦሳንቻታ ጊዲዳ ቄሴቶ! ኣኔ ሃ ዪዲ ማቃ ማይኢዲ ኩሜ ኦማርስ ዬኪቴ። ኢንቴኖ ያርሾ ያርሺዛሶን ኦዛይቶ! ኢንቴ፥ «ዉ! ዉይ!» ጊ ዋሲቴ።

ሚኪያሳ ቲንቢቴ 1:16

ኢንቴ ኢስታን ኡፋዬቲዛ ኢንቴ ናይቲ ኢንቴፌ ዲኤቲ ባና ጊሻስ ኢንቴ ሁኤ ቡሉሲቴ።

ያቆቤ ኪታ 5:1

ሂስቲኮ ኢንቴኖ ዱሬ ኣሳቶ! ኣኔ ሲዪቴ። ቡሮ ኢንቴ ቦላ ጋካና ሜቶዛ ጊሻስ ዬኪቴ፤ «ዉ! ዉይ» ጊ ዋሲቴ።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ዮናሳ ቲንቢቴ 3:6

ዮኦዚ ናናዌ ካዎኮ ጋኪን ኢዚ ባ ካዎቴ ኣራታፔ ዎዲ ካዎቴ ማይኦ ማይኢዳይሳ ቃሪዲ ማቃ ማይኢዲ ቢዲንን ኡቲዴስ።

ኢሳያሳ ቲንቢቴ 15:2

ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።

ኤራንቻታ ማጻፋ 3:11

ኡባ ሚሽ ኢዛ ዎዴን ዎዴን ሎኤዲ ኦዴስ። ጾሲ ኣሳ ዎዚናን ሜርናቴ ዎዴስ፤ ጊዲኮካ ጾሲ ኦዳይሳ ኡባ ኮይሮፔ ዉርሴ ጋካናስ ኣሲ ኡባ ኤራናስ ዳንዳዬና።

ኤራንቻታ ማጻፋ 3:4

ዬካናስ ዎዴይ ዴስ፤ ሚጫናስካ ዎዴይ ዴስ። ካዮታናስ ዎዴይ ዴስ፤ ቃሴ ኡፋዬቲሼ ጉፓናስካ ዎዴይ ዴስ።

ኢዮቤ ማጻፋ 1:20

ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ።

ናሂሚያ ማጻፋ 9:9

«ኔኒ ኑ ኣዋታ ቦላ ካሴ ጊብጼ ቢታን ጋኪዳ ዋዬዛ ቤያዳሳ፤ ኢስቲ ዞኦ ኣባ ማታን ዲሼ ማዶ ኮዪዲ ኔና ዎሲዳ ዎሳ ሲያዳሳ።

ኢዝራ ማጻፋ 9:3

ታኒካ ሄሳ ሲዪዳ ማላ ታ ቦንቾ ማይኦዛኔ ካባ ዳካዲስ፤ ቃሴካ ታኒ ታ ሁኤ ቢናናኔ ቡቻ ቡጫዳ ኬሃ ሙዞታ ኡታዲስ።

2ታሪኬ ማጻፋ 35:25

ኤርማሲ ኢዮሲያሳስ ዚላሳ ጊንጾ ጻፊዴስ፤ ሃኖ ጋካናስ ዬሆ ዬኪዛ ማጫሳቲኔ ኣቱማሳቲ ኢዮሲያሳ ቆፒ ቆፒዲ ዬኪዛ ዎዴ፥ ሃ ኤርማሲ ኬሲዳ ዚላሳ ጊንጾዛ ዚላሲ ኢስራኤሌ ቢታን ሎሴ ጊዲዴስ፤ ሄ ዚላሳ ጊንጾዚ ኢስራኤሌታ ዚላሳ ጊንጾ ማጻፋን ጻፌቲ ኡቲዴስ።

ኢሳያሳ ቲንቢቴ 3:24

ሺቶ ጺንቆን፥ ዳንጮ ዎዶሮን፥ ጎፋሬ ቦኣን፥ ሴሎ ማይኦ ማቃን፥ ፑላቴ ፒጌን ላማና።

ኢሳያሳ ቲንቢቴ 26:10

ኢታ ኣሳታስ ኪያ ኦኮካ፥ ኢስቲ ጺሎቴ ታማሬቴና። ሱሬ ቢታን ኢታ ኦቴስ፤ ጎዳ ጊታቴካ ኣኬኬቴና።

ኢሳያሳ ቲንቢቴ 29:1

ሃኔ ዳዊቲ ኔናን ዴኢዳ ኣርኤሌ ካታማዬ! ኔና ኣዬ ኣና! ላይ ቦላ ላይ ጉጃ፤ ባኣሌታካ ዛራ ዛራዳ ቦንቻ።

ኢሳያሳ ቲንቢቴ 32:11

ኢንቴኖ ኦቶሮይ ቱጪዳ ማጫሳቶ! ኮኮሪቴ። ኢንቴኖ ባ ጊዳ ማጫ ናይቶ! ሂርጋን ጋጂጋጂቴ። ኢንቴ ማይኢዳ ማይኦ ቃሪ ዬጊቴ፤ ኢንቴ ጼሳን ማቃ ዳንጪቴ።

ኢሳያሳ ቲንቢቴ 58:3

ኢስቲ ሺቂዲ፥ «ኔ ኤኮንታሺን ኑ ኣዛስ ጾሚዶኒ? ኔ ዉዱ ጎንታሺን ኣይስ ኑና ካዉሺዶኒ?» ጋና። ጎዳይ ዛሪዲ ኢስታስ፥ «ጊዲኮካ ኢንቴ ጾሚዛ ጋላስ ኢንቴ ዎዚና ቆፋ ማላ ኦታ፤ ኢንቴስ ኦዛይታፔ ቦንቄታ።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኤርማሳ ቲንቢቴ 7:29

ሃንቆይ ኢዛ ቦላ ጋኪዳ ሃ ዬሌታ ጎዳይ ካዳ ጊሻሲኔ ኣጊዳ ጊሻስ ኢንቴ ሁኤ ሜዲዲ ዎራ ዬጊቴ፤ ኣይኮይካ ባይንዳ ዙምቡላታ ቦላ ኬዚዲ ዚላሊቴ› ጋ» ጌስ።

ኤርማሳ ቲንቢቴ 16:6

ዱሬቲኔ ማንቆቲ ሃ ቢታይ ቦላ ሃይቃና፤ ኢስቲ ሞጌቴቴና። ኢስታ ዬሆይካ ዬኬቴና፤ ኢስታስ ባ ቦላ ቃጫናይ ዴና፤ ባ ሁኤካ ቡጫናይ ዴና።

ኤርማሳ ቲንቢቴ 16:8

«ጊቢራይ ዲዛ ኬካ ጌሎፓ፤ ማናሲኔ ኡያናስ ኢስታራ ኢሲፌ ኡቶፋ።

ሂዚቄላ ቲንቢቴ 27:31

ኔ ጊሻስ ካዮቲዲ ባንታ ሁኤ ቡሉሳና፤ ማቃካ ማይኣና፤ ዎዚናፔ ጬጪዲ ጫሞ ዬሆ ኔስ ዬካና።

ዳኔላ ቲንቢቴ 5:1

ጋላሳታፔ ኢሲ ጋላስ ካዎ ቤሊሻጾሬይ ሺያን ቆዴቲዛ ጊታ ሹሜታስ ኬሂ ጊታ ጊቢራ ጊግሲዴስ፤ ኢዚ ኣሳራ ዎይኔ ኡሹ ኡዪሼ ቃሚሲዴስ።

ሆሴኤ ቲንቢቴ 9:1

ኢስራኤሌ ኣሳዉ! ኡፋዬቶፍቴ! ሃራ ካዎቴታ ማላ ኡፋይስ ኖጮጩ ጎፒቴ! ኣይስ ጊኮ ኢንቴ ኢንቴ ጾሳስ ኣማኔቲቤኬታ ካ ባሌ ኡባን ላይማቴስ ኢሚዛ ዋጋ ዶሲዴታ።

ኢዩኤሌ ቲንቢቴ 1:8

ሄሳ ጊሻስ ኢዞ ኤካና ጊግሲዳይሲ ሃይቂን ማቃ ማይኣዳ ዬኪዛ ጌላኦይ ማላ ኢንቴካ ዬኪቴ።

ኢሳያሳ ቲንቢቴ 37:1

ካዎ ሂዝቂያሲ ሄሳ ሲዪዳ ማላ ባ ማይኦ ዳኪዴስ፤ ሄሳፌ ጉዬ ማቃ ማይኢዲ ጎዳ ኬ ጌሊዴስ።

ኢሳያሳ ቲንቢቴ 37:2

ካዎ ኬ ኣይሲዛ ኤልያቄሜይ፥ ጻፌ ሼቢናይኔ ቄሴታፔ ኤሬቲዳይቲ ኡባይ ማቃ ማይኢዲ ኣሞጼ ና ናቤ ኢሳያሳኮ ባና ማላ ኪቲዴስ።

ኢዩኤሌ ቲንቢቴ 2:12

ጎዳይ፥ «ሃኢካ ጊዲኮ ጾማን ዬሆኒኔ ጬጬን ኢንቴ ኩሜ ዎዚናፔ ሃ ታኮ ሲሚቴ።