ኢሳያሳ ቲንቢቴ 21:3 - ጋሞ ማጻፋ

³ ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

Geeshsha Maxaafa

³ Hessa gishshas ta xeessay sako xalala gidides; miixay oykkida maccassa mala tana leessoy oykkides; tani siyida yo7oy tana gadigadissides; ta be7ida yo7on shirotadis.

ኢሳያሳ ቲንቢቴ 21:3 Referans Kwoze

ኢሳያሳ ቲንቢቴ 13:8

ኢስቲ ሺሮታና፤ ኢስታ ዋዬይኔ ሜቶይ ጋካና፤ ሚጻይ ኦይኪዳ ማጫሳ ማላ ኢስቲ ሚጻታና፤ ኢሶይ ኢሳራ ዳጋማን ጼሌታና፤ ኢስታ ኣይፌሶይ ዳጋማን ሻላ ማይኢዴስ።

ኢሳያሳ ቲንቢቴ 26:17

ኣቤት ጎዳዉ! ሻራ ማጫሲ ሚጻን ሜቶቲዛ ማላኔ ዋሲዛ ማላ ኑኒካ ኔ ሲንን ሜቶቲዲ ዋሶስ።

ዬ ማጻፋ 48:6

ኢስቲ ሄሳን ዴኢሺን ኢስታ ያሻ ኮኮሪሲ ኦይኪዴስ፤ ሚጻይ ኦይኪዳ ማጫሳ ማላ ሚጻቲዳ።

1ታሶሎንቄ ኣሳስ 5:3

ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

ኤርማሳ ቲንቢቴ 48:41

ኢዛ ካታማቲኔ ኢዛ ሚጻቲ ኦይኬታና፤ ሄ ጋላስ ሞኣቤ ኦላንቻታ ዎዚናይካ ሚጻ ኦይኬቲዳ ማጫሳ ዎዚና ማላ ጊዳና።

ኢሳያሳ ቲንቢቴ 16:11

ሄሳ ጊሻስ ታ ዎዚናይ ሞኣቤ ጊሻስ ቃታ ሚላስ ሲሳዉስ፤ ቂሬ-ሄሬሴታ ጊሻስ ታ ማራጬያ ዬካዉስ።

ኢምባቆ ቲንቢቴ 3:16

ታኒ ሲያዲስ፤ ታ ዎዚናይካ ዳጋሚዴስ፤ ኢዛ ጊርሳፌ ዴንዲዳይሳን ታ ሜቴርሻይ ኮኮሪዴስ። ባቦን ታስ ማራጬይ ቃጺዴስ። ታስ ጉልባቴይ ኮኮሪዴስ፤ ጊዲኮካ ኑ ቦላ ዎራጂዛ ዴሬዛ ቦላ ሜቶይ ያና ጋላስ ታ ጌንጫ ናጋይስ።

ኤርማሳ ቲንቢቴ 50:43

ባቢሎኔ ካዎይ ኢስታ ጊሻስ ሲዪዴስ፤ ኢዛ ኩሼቲካ ዶጪዳ፤ ኢዛ ጬጬይ ኦይኪዴስ፤ ሚጻይ ኦይኪዳ ማጫሳ ማላ ሳኬቲዴስ።

ኤርማሳ ቲንቢቴ 49:22

ጎሌ ማላ ዱጌ ሲቲ ጊ ኢዚ ቦላ ዎና፤ ባ ቄፌታካ ቦጺራ ቦላ ሚጫና፤ ሄ ዎዴ ኤዶሜ ኦላንቻቲ ሚጻይ ኦይኪዳ ማጫሳ ማላ ሂርጋና።

ኢሳያሳ ቲንቢቴ 16:9

ሴባማ ዎይኔ ሚ ጊሻስ ኢያዜራ ዬኪዛ ማላ ታኒካ ዬካይስ፤ ሃሴቦኔ! ኤልኤሌ! ታኒ ታ ኣፉንን ኢንቴና ሎጺኪሳይስ። ጋሶይካ ኢንቴስ ሚ ኣይፌቲ ጋኪዳ ዎዴ ዲዛ ሆምቦጫይኔ ካ ሺሺዛ ዎዴ ዲዛ ኡፋይሲ ኣቲዴስ።

ኢሳያሳ ቲንቢቴ 15:5

ታ ዎዚናይ ሞኣቤ ጊሻስ ዬኪዴስ፤ ኢዚፔ ጎዴቲዳ ኣሳቲ ዞኣሬ ጋካናስ፥ ኤጊላቴ-ሻሊሺያ ጋካናስ ባቃቲዳ፤ ኢስቲ ኣፉን ጉሲሼ ፑዴ ሉሂቴ ኬዚዳ፤ ቃሴ ሆሮናይሜ ኤፊዛ ኦጌራ ቢሼ ባንቲ ያናይሳስ ዋሲዳ።

ዛሬ ማጻፋ 28:67

ኢንቴ ዎዚናን ኩሚዳ ሂርጋፌኔ ኢንቴ ኣይፌን ቤኢዛ ፓላፔ ዴንዲዳይሳን ጋዴይ ዎንቲሺን ኢንቴ፥ «ኣይዴ ቃማኔሻ!» ቃሴ ጋዴይ ቃሚሺን፥ «ኣይዴ ዎንታኔሻ!» ጋና።

ዮሃኒሳ ሚሺራቾ 16:21

ማጫሲ ዬሎ ዎዴይ ጋኪሺን ሚጻስ ሂርጋዉስ፤ ጊዶ ኣቲን ና ዬላ ዬጊዳፔ ጉዬ ቢታ ቦላ ናይ ዬሌቲዳ ጊሻስ ኡፋይሳፌ ዴንዲዳይሳን ካሴ ባ ዋይዳይሳ ዛራ ቆፑኩ።

ኤርማሳ ቲንቢቴ 4:19

ዋኖ ታኒ! ታኒ ሃይሳ ዎስታ ዳንዳያኔ! ታና ሜቲዴስ! ታ ዎዚናይ ሂርጌስ፤ ታኒ ጮኡ ጋናስ ዳንዳይኬ። ኣይስ ጊኮ ታኒ ዛዬ ጬንጉርሲኔ ኦላ ጬንጉርስ ሲያዲስ።

ኤርማሳ ቲንቢቴ 6:24

ኑኒ ሄ ዮኦ ሲዪን ኑ ቄሴይ ኪምኢሊሽ ጊዴስ። ማጫስ ሚጻይ ኦይኪዳ ማላ ኑና ጬጬይ ኦይኪዴስ።