ኢሳያሳ ቲንቢቴ 21:13 - ጋሞ ማጻፋ

¹³ ኣራቤ ጊሻስ ዮቴቲዳ ሚኖ ዮኦ፤ ኢንቴኖ ዳዳኔ ዛልኣንቻቶ! ኢንቴ ኢንቴ ጫና ጋሜላታራ ኣራቤ ባዞን ኣቃና።

Geeshsha Maxaafa

¹³ Arabe gishshas yootettida mino yo7o; Intteno Dadaane zal7anchchatoo! intte intte caana gaamellatara Arabe bazzon aqana.

ኢሳያሳ ቲንቢቴ 21:13 Referans Kwoze

ሂዚቄላ ቲንቢቴ 27:15

«ኤሮዶሴ ኣሳቲ ዛልኤን ኔናራ ጋይቲዳ፤ ዳሮ ሃሩሮ ዴሬቲ ኔ ሻቃጬታ ዳንጋርሳ ዛሌኒኔ ዞጴ ጌቴቲዛ ሚን ላሜቴስ።

1ታሪኬ ማጻፋ 1:32

ኬጹራይ ኣብራሃሜስ ዬሊዳ ኡሱፑን ኣቱማ ናይቲ ዚሚራኔ፥ ዮቂሻኔ፥ ማዳ፥ ሚዲያኔ፥ ዪሺባቄኔ ሹሃ ጌቴቴቴስ። ዮቂሻኔይ ሳባኔ ዳዳኔ ጌቴቲዛ ናምኡ ኣቱማ ናይታ ዬሊዴስ።

ሜቴ ማጻፋ 25:3

ዮቂሻኔይ ሳባኔ ዳዳኔ ዬሊዴስ፤ ዳዳኔይ ኣሶሬታ፥ ሌጹሴታኔ ሌኣሜታ ዬሊዴስ።

ጋላቲያ ኣሳስ 4:25

ሄሳ ጊሻስ ኣጋራ ኣራቤ ቢታን ዲዛ ሲና ዙማ ጊሻስ ጊዳዳ ሃኢ ዲዛ ዬሩሳላሜ ካታማዮ ሚሳታዉስ፤ ኢዛ ባ ናይታራ ኣይሌቴን ዳዉስ።

ኢሳያሳ ቲንቢቴ 13:20

ሄ ቢታን ሙሌካ ኣሲ ዴኤና፤ ኢዚን ኡቲዛ ኣሲካ ዴና፤ ኣራቤ ኣሲካ ሄን ባ ዱንካኔ ቶኬና፤ ሜሄ ሄሚዛይቲካ ባንታ ዉዴ ሄን ሼምፒሴቴና።

ኢሳያሳ ቲንቢቴ 13:1

ኣሞጼ ና ኢሳያሳስ ጎዳይ ባቢሎኔ ጊሻስ ቆንጪሲን ኢዚ ቤኢዳይሲ ሃይሳፌ ካሊዛይሳ፤

1ታሪኬ ማጻፋ 1:9

ኩሼ ናይቲ ሴባ፥ ሃዊላ፥ ሳባ፥ ኤራኢሜኔ ሳቢቴካ፤ ኤራኢሜ ኣቱማ ናይቲ ሳባኔ ዳዳኔ።

1ካዎታ ማጻፋ 10:15

ሄሲካ ቃራጻፔ፥ ዛልኤን ጌሊዛ ዎፔ፥ ኣራቤ ቢታ ካዎታ ኡባፌኔ ኢስራኤሌ ቢታ ሃሪዛይታፔ ኤኪዳ ጊራ ጉጄና።

ሜቴ ማጻፋ 10:7

ኩሼ ኣቱማ ናይቲ ሴባ፥ ሃዊላ፥ ሳቢቴ፥ ኤራኢሜኔ ሳቢቴካ። ኤራኢሜ ኣቱማ ናይቲ ሳባኔ ዳዳኔ።

ኢሳያሳ ቲንቢቴ 21:12

ናጊዛይሲ ዛሪዲ፥ «ዎንታና፤ ጊዶ ኣቲን ሲሚዲ ቃማና፤ ኦይቻና ኮይኮ ኦይቺቴ፤ ጊዶ ኣቲን ሲሚዲ ሃ ዪቴ» ጊዴስ።

ኤርማሳ ቲንቢቴ 49:8

ታኒ ኤሳዌ ቃጻዪዛ ዎዴ ታ ኢዛ ቦላ ባሻ ኤሂዛ ጊሻስ ኢንቴ ዲዳኔን ዲዛይቲ ጉዬ ሲሚ ባቃቲቴ፤ ጪማ ኦላ ጊዶን ቆቴቲቴ።