ኢሳያሳ ቲንቢቴ 21:12 - ጋሞ ማጻፋ

¹² ናጊዛይሲ ዛሪዲ፥ «ዎንታና፤ ጊዶ ኣቲን ሲሚዲ ቃማና፤ ኦይቻና ኮይኮ ኦይቺቴ፤ ጊዶ ኣቲን ሲሚዲ ሃ ዪቴ» ጊዴስ።

Geeshsha Maxaafa

¹² Naagizayssi zaaridi, «Wonttana; gido attiin simmidi qammana; oychchana koykko oychchite; gido attiin simmidi haa yiite» gides.

ኢሳያሳ ቲንቢቴ 21:12 Referans Kwoze

ሂዚቄላ ቲንቢቴ 7:12

ዎዴዚ ጋኪዴስ፤ ጋላሳይካ ማቲዴስ! ሃንቆይ ዴሬ ኡባ ቦላ ጋኪዳ ጊሻስ ባይዚዛይ ጬጮፖ፤ ሻሚዛይካ ኡፋዬቶፎ።

ሂዚቄላ ቲንቢቴ 7:10

« ‹ሄኮ ጋላሳ! ሄ ጋላሳይ ጋኪዴስ! ኢንቴ ባሻይ ኢንቴ ፔንጌን ዴስ! ኢታቴ ጉፌይ ጉምቢዴስ፤ ኦቶሬቴ ጪዪዴስ።

ኢሳያሳ ቲንቢቴ 55:7

ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

ኢሳያሳ ቲንቢቴ 17:14

ሄኮ ሳኣይ ቃሚሺን ቆፋይ ባይንዳ ሺሮ ጊዲዴስ፤ ሳኣይ ዎንታናፔ ካሴቲዲ ኦኒካ ቤቲቤና። ኑ ኣቆታ ቦንቂዳይታ፥ ኡባ ዎልቃን ኤኪዛይታ ቃዳይ ሄሳ።

ኤርማሳ ቲንቢቴ 50:27

ኢዚ ዎፋኖታ ኡባ ሹኪቴ፤ ዱጌ ሹኬቲዛሶ ዎቶ! ኢስቲ ቃጻዬታና ዎዴይኔ ጋላሳይ ጋኪዳ ጊሻስ ኣዬ ኣና!

ኢሳያሳ ቲንቢቴ 21:11

ኤዶሜ ጊሻስ ዮቴቲዳ ሚኖ ዮኦ፤ ኢሲ ኣሲ ሴይሬፔ ታና ጼይጊዲ «ናጊዛይሶ! ጋዴይ ዎንታናስ ኣይ ኬና ሳቴይ ኣቲዴ? ናጊዛይሶ! ጋዴይ ዎንታናስ ኣይ ኬና ሳቴይ ኣቲዴ?» ጊዴስ።

ኢሳያሳ ቲንቢቴ 21:13

ኣራቤ ጊሻስ ዮቴቲዳ ሚኖ ዮኦ፤ ኢንቴኖ ዳዳኔ ዛልኣንቻቶ! ኢንቴ ኢንቴ ጫና ጋሜላታራ ኣራቤ ባዞን ኣቃና።

ኣብዲዩ ቲንቢቴ 1:1

ኣብዲዩይ ቤኢዳ ኣጁታ፤ ጎዳይ ኤዶሜ ጊሻስ ኣብዲዩ ኪቲዴስ፤ ኑ ሲዪዳ ጾሳ ኪታይ፥ «ታኒ ጾሳይ ኤዶሜ ቦላ ሜቶ ጋና ማላ ኣዛዛዳ ዴራ ጊዶ ኣስ ኪታዲስ» ጌስ።

ሂዚቄላ ቲንቢቴ 33:11

ኔኒ ኢስታስ ኡባ ሃሪዛ ጎዳይ፥ ‹ታኒ ታ ዴኦን ጫቃይስ፤ ኢስቲ ባ ኦጌፔ ሲሚዲ ሼምፖራ ፓጻ ዳና ማላ ኣቲን ኢታ ኣሳታ ሃይቆን ታ ኡፋዬቲኬ፤ ሲሚቴ! ኢንቴ ኢታ ኦጌፔ ሲሚቴ! ኢስራኤሌ ኬ ኣሳቶ ኣይስ ሃይቄቲ?› ጋዳ ዮታ።