ኢሳያሳ ቲንቢቴ 20:4 - ጋሞ ማጻፋ

⁴ ኣሶሬ ካዎይ ጊብጼፔ ዲኤቲዳ ጪማታኔ ዬላጋታ፥ ቶጵያፔ ቤቲ ዪዳይታ ካሎኔ ጫማ ኣንታ ኤኪ ባና፤ ኢስቲ ዱጫ ካሎ ቃሪ ዬጊዲ ዬዴሬሼ ጊብጼታ ካዉሻና።

Geeshsha Maxaafa

⁴ Asoore kawoy Gibxeppe di7ettida cimatanne yelagata, Tophphiyappe beti yidayta kallonne caamma aaththontta ekki baana; istti duca kallo qaari yeggidi yedereththishe Gibxeta kawushshana.

ኢሳያሳ ቲንቢቴ 20:4 Referans Kwoze

ኢሳያሳ ቲንቢቴ 19:4

ቃሴ ሜንጼ ኢታ ኣሳ ኩሼን ታ ጊብጼታ ኣ ኢማና፤ ባቢሲዛ ካዎይ ኢስታ ሃራና» ጌስ ጎዳይ፥ ኡባፌ ዎልቃማ ጾሳይ።

ኤርማሳ ቲንቢቴ 13:26

ኢንቴ ካሎቴ ቤታናሼ ጋካናስ ታኒ ኢንቴ ማይኦ ቃራዳ ኢንቴ ሲን ካማና።

ኤርማሳ ቲንቢቴ 13:22

ኔኒ ኔ ዎዚናን፥ ‹ሃይሲ ኡባይ ታ ቦላ ኣይስ ጋኪዴ?› ጊኮ፥ ኔ ማይኦይ ቃሬቲን ኔ ሱጌቲዳይ፥ ኔ ኣሳ ኩሼን ዋዬ ቤኢዳይ ኔ ናጋራይ ዳሪዳ ጊሻሳ።

ዮሃኒሳ ኣጁታ 3:18

ኔ ዱሬ ጊዳና ኮይኮ ታፔ ታማን ፓጬቲዳ ዎርቃ ሻማና ማላ ኔኒ ኔ ካሎቴ ዬላቴ ካማናስ ቦ ማይኦ ማይኣና ማላኔ ጼላናስካ ዳንዳያና ማላ ኣይፌ ሌ ሻማዳ ኔ ቲዬታና ማላ ታ ኔና ዞራይስ።

ሚኪያሳ ቲንቢቴ 1:11

ኢንቴኖ ሻፊሬን ዲዛይቶ ማይኦይ ባይንዳ ካሎ ዬላቲሼ ኣቴ፤ ጻኢናን ዲዛይቲ ሄፔ ኬዜቴና፤ ቤቲ-ኤዜሌይ ጬጬ ቦላ ዳዉስ፤ ኢንቴስካ ጋኪ ሼምፓናሶ ጊዳናስ ዳንዳዩኩ።

ሂዚቄላ ቲንቢቴ 30:18

ታኒ ጊብጼ ቃምባራ ሜንዛ ዎዴ ጻፊናሴን ጋላሳይ ቃማና፤ ሄሳፌ ጉዬ ኢዛ ኦቶሬቲዳ ኢዚ ሚኖቴይ ኩንዳና፤ ኢዛ ሻራን ካሜታና፤ ኢዚ ጉታቲካ ዲኤታና።

ኤርማሳ ቲንቢቴ 46:26

ኢስታ ዎናስ ኮይዛ ባቢሎኔ ካዎ ናቡካዳናጾሬ ኩሼኒኔ ኢዛ ኦላንቻታ ኩሼን ታ ኣ ኢማና። ጉ ዎዴፔ ጉዬ ጊብጼይ ካሴይሳ ኣሲ ዲዛሶ ጊዳና» ጌስ።

ኢሳያሳ ቲንቢቴ 47:3

ኔ ካሎቴ ቆንጮ፤ ዬላቺዛ ኔ ካሎይ ቤቶ፤ ታኒ ሃሎ ማካና፤ ታ ኦናካ ኣጊኬ» ጌስ።

ኢሳያሳ ቲንቢቴ 3:17

ሄሳ ጊሻስ ታኒ ጎዳይ ጺዮኔ ማጫሳታ ሁኤ ጪቶን ጎኢሳና፤ ታኒ ጎዳይ ኢስታ ሁኤ ቦኣሳና» ጌስ።

2ሳሜላ ማጻፋ 10:4

ሄሳ ጊሻስ ሃኖኔይ ዳዊቴ ኣሳታ ኦይኪዲ ኢሳ ኢሳ ቡች ባጋሲ ሜዲዴስ፤ ኢስቲ ማይኢዳ ማይኦዛካ ፑዴ ጼሳ ጋ ቃንጺ ዬዲዴስ።

ኢሳያሳ ቲንቢቴ 47:2

ዎጻ ኤካዳ ካ ጋጫ፤ ኔ ጎሳ ቃራ፤ ኔ ቃሚሳዛ ቃራ፤ ኔ ጺፋ ቤሳ፤ ጋዲጋዳሼ ሻፋ ፒና።

ኤርማሳ ቲንቢቴ 46:19

ኢንቴኖ ጊብጼ ቢታን ዲዛይቶ! ዲኤቲ ባናስ ኢንቴስ ዲዛዝ ጊግሲቴ፤ ሜምፒሳ ላሌታዳ ኢዚን ኣሲ ባይንዳ ቡላ ጊዳና።

ኣሞጼ ቲንቢቴ 9:7

ጎዳይ፥ «ኢስራኤሌ ኣሳዉ! ኢንቴ ታስ ቶጵያ ኣሳ ማላ ጊዴኬቲ? ታኒ ኢንቴና ጊብጼፔ ኬሶይሳ ፊሊስጼሜ ኣሳ ቃርጼሴፔ ቃሴ ሶሪያ ኣስ ቂሬፔ ኬሳቤኪና?

ናሆሜ ቲንቢቴ 3:10

ጊዶ ኣቲን ኢዛ ዲኤታዱስ፤ ጎዴታ ባዱስ፤ ኢዚ ናይቲ ኦጌታ ቲጻ ቦላ ዲንጬቲዳ፤ ኢዚ ዳናታ ቦላ ሳማይ ዎዴስ፤ ኢዚ ጊታ ኣሳቲ ኡባይ ሳንሳላታን ቃሼቲዳ።

ሶፎናሳ ቲንቢቴ 2:12

«ኢንቴኖ ቶጵያ ኣሳቶ! ኢንቴ ታ ማሻን ሲፌታና።»

1ታሪኬ ማጻፋ 19:4

ሂስቲን ሃኖኔይ ዳዊቲ ኪቲዳ ኣሳታ ኦይኪዲ ኢስታ ቡቻ ሜዲዴስ፤ ኢስታ ማይኦካ ኢስታ ካሎይ ቤታናሼ ጋካናስ ዳኪዲ ኢስታ ዴሬ ዛሪ ዬዲዴስ።

ኢሳያሳ ቲንቢቴ 31:2

ኢዚ ጊዲኮ ኣ ኤራንቻ፤ ኢዚ ባሽ ኤሃና፤ ባ ቃላካ ላሜና፤ ኢታ ኦዛይታ ቦላኔ ቆሆ ኦዛይታ ማዲዛይታ ቦላ ኢዚ ዴንዳና።

ኢሳያሳ ቲንቢቴ 31:3

ጊብጼ ኣሳይ ኣሳፔ ኣቲን ጾስ ዴቴና፤ ኢስታ ፓራቲካ ኣሾፔ ኣቲን ኣያና ጊዴቴና። ጎዳይ ባ ኩሼ ሚጪዛ ዎዴ ኢዛ ማዲዛዴይ ጴታና፤ ማዴቲዛዴይካ ኩንዳና፤ ናምኣይካ ኢሲፌ ያና።