ኢሳያሳ ቲንቢቴ 19:25 - ጋሞ ማጻፋ

²⁵ ኡባፌ ዎልቃማ ጎዳይ ኢስታስ፥ «ታ ዴሬ ጊብጼይ፥ ታ ኩሼይ ሜዳ ኣሶሬይ፥ ታ ጺንጾ ኢስራኤሌይ ኣንጄቲዳይታ ጊዴቶ» ጊ ኣንጃና።

Geeshsha Maxaafa

²⁵ Ubbaafe Wolqqama GODAY isttas, «Ta dere Gibxey, ta kushey medhdhida Asoorey, ta xinxxo Isra7eeley anjjettidayta gidetto» gi anjjana.

ኢሳያሳ ቲንቢቴ 19:25 Referans Kwoze

ኢሳያሳ ቲንቢቴ 29:23

ባንታ ጊዶን ታ ኩሼ ኦሶ ጊዲዳ ባንታ ናይታ ቤኢሼ ታ ሱን ጌሻቴን ናጋና፤ ኢስቲ ያቆቤ ጌሻዛ ጌሻቴ ኤራና፤ ኢስራኤሌ ጾሳ ሲንን ያሻቴን ኤቃና።

ሆሴኤ ቲንቢቴ 2:23

ታኒ ታ ዴሬዮ ቢታ ቦላ ቶካና። ‹ማሮቴ ባይንዳሮ› ጌቴቲዳሮ ታ ዛራዳ ማራና፤ ‹ታ ማሪኬ› ጊዳይሳካ ዛራ ማራና፤ ‹ኢንቴ ታ ዴሬ ዴኬታ› ጌቴቲዴታ። ‹ታ ዴሬታ› ጋዳ ታ ጼይጋና ጋና፤ ኢስቲካ ታና፥ ‹ኔኒ ኑ ጾሳ› ጋና» ጌስ።

ዬ ማጻፋ 138:8

ጎዳይ ታስ ቆፒዳይሳ ፖላና፤ ኣቤት ጎዳዉ! ኔ ሲቆይ ሜርናሳ፤ ኔ ኩሼ ኦሶ ዬጋ ኣጎፋ።

ዬ ማጻፋ 115:15

ሳሎኔ ሳኣ ሜዳ ጎዳይ ኢንቴና ኣንጆ!

ዛሬ ማጻፋ 32:9

«ኢስራኤሌይ ጎዳስ ጊሻ፤ ያቆቤይካ ኢዛስ ቡዞ ሚሻ።

ኢሳያሳ ቲንቢቴ 61:9

ኢስታ ዛሬቲ ካዎቴታ ጊዶን፥ ኢስታ ናይቲ ዴሬ ጊዶን ኤሬቲዳይታ ጊዳና፤ ኢስቲ ቤኢዛ ኡባይ ጎዳይ ኣንጂዳ ዴሬ ጊዲዳይሳ ኤራና፤

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ታይቦ ማጻፋ 6:27

ቃሴካ ጎዳይ፥ «ኢስቲ ኢስራኤሌ ኣሳ ታ ሱንን ኣንጂዛ ዎዴ ታኒ ኢስታ ኣንጃና» ጊዴስ።

ታይቦ ማጻፋ 6:24

‹ጎዳይ ኔና ኣንጆ፤ ኢዚ ኔና ናጎ፤

ፒሊጲሲዮሴ ኣሳስ 1:6

ኢንቴናን ሎኦ ኦሶ ዶሚዳይሲ ኢዚ ዬሱስ ኪርስቶሲ ዉርሴ ፒርዳስ ያና ጋካናስ ኢንቴና ዳንዳይሳናይሳ ታ ኣማናይስ።

ኤፌሶኔ ኣሳስ 1:3

ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

ጋላቲያ ኣሳስ 6:15

ቃጻሬቲን ዎይኮ ቃጻሬቶንታ ኣጊን ኢዛስ ጎኣይ ባ፤ ጎኣይ ኦራ ሜቴ ጊዴ።

ኢሳያሳ ቲንቢቴ 65:23

ኢስታ ዳቡራይ ሃዳ ኣቴና፤ ቃዳ ኢታ ናካ ዬሌቴና፤ ኢስቲኔ ኢስታ ዜሬ ጎዳይ ኣንጂዳ ዴሬ ጊዳና።

ኢሳያሳ ቲንቢቴ 64:8

ጊዲኮካ ኣቤት ጎዳዉ፥ ኔኒ ኑስ ኣዋ፤ ኑኒ ኡርቃታ፤ ኔኒ ኑና ሜዳይሳ፤ ኑኒ ኡባይካ ኔ ኩሼን ሜቲዳይታ።

ኢሳያሳ ቲንቢቴ 45:11

«ኢስራኤሌ ጌሻይ፥ ኢዛ ሜዳ ጎዳይ ሲንፌ ሃናና ሃኖታ ጊሻስ፥ ‹ታ ናይታ ጊሻስ ታና ኦይቼቲ? ታ ኩሼ ኦሶታ ጊሻስ ኣዛዜቲ?

ዬ ማጻፋ 100:3

ጎዳይ ጾሳ ጊዲዳይሳ ኤሪቴ፤ ኑና ሜዳይ ኢዛ፤ ኑኒ ኢዛይታ፤ ኑኒ ኢዛ ኣሳቲ ኢዚ ሄሚዛ ዶርሳ ዉዴታ።

1ጴጽሮሳ ኪታ 2:10

ኢንቴ ካሴ ጾሳ ዴሬ ጊዴኬታ፤ ሃኢ ጊዲኮ ኢንቴ ጾሳ ዴሬታ፤ ኢንቴ ካሴ ጾሲ ኢንቴስ ቃቶንታ ዴሬኮ ሺን ሃኢ ጊዲኮ ኢንቴስ ቃቲዴስ።

ኤፌሶኔ ኣሳስ 2:10

ሄሲካ ጾሲ ካሴ ኮይሮ ጊግሲ ዎዳ ሎኦ ኦሶ ኑኒ ኦና ማላ ዬሱስ ኪርስቶሳ ባጋራ ኑኒ ናምኣን ሜቲዳይታኔ ጾሳ ሜቴታ።

ኦሮሜ ኣሳስ 3:29

ጾሲ ኣይሁዳታስ ጻላ? ኣይዛቤታስካ ጾስ ጊዴኔ? ኤ ኣይዛቤታስካ ኢዚ ጾሳ።

ታይቦ ማጻፋ 24:1

ባላሜይካ ጎዳይ ኢስራኤሌ ኣሳ ኣንጃናስ ዶሲዳይሳ ኤሪዳ ዎዴ ካሴ ኢዚ ኦዛይሳ ማላ ሙሬኖ ኦሶ ኦናስ ኮዪቤና፤ ባ ሲንካ ዱጌ ባዞ ዛሪዴስ።

ኢሳያሳ ቲንቢቴ 19:24

ሄ ዎዴ ኢስራኤሌይ ቢታስ ኣንጆ ጊዳናስ ሄን ማራን ጊብጼራኔ ኣሶሬራ ኢሲፌ ቆዴታና።

ኢሳያሳ ቲንቢቴ 27:13

ሄ ጋላስ ጊታ ዛዬይ ፑኔታና፤ ኣሶሬን ዲኤቲዳይቲኔ ጊብጼን ኡንኤቲዳይቲ ጉዬ ዬሩሳላሜ ሲሚ ዪዲ ጌሻ ዙማ ቦላ ጎዳስ ጎይናና።

ኢሳያሳ ቲንቢቴ 45:14

ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

ዛካራሳ ቲንቢቴ 8:13

ዩሁዳ ዴሬኔ ኢስራኤሌ ዴሬ ኣሳቶ! ኢንቴ ካሴ ካዎቴታ ጊዶን ቃንጌቲዳ ዴሬ ማላ ቆዴቲዴታ፤ ሃኢ ጊዲኮ ታ ኢንቴና ኣሻና፤ ኢንቴካ ኣንጆስ ጊዳና፤ ሄሳ ጊሻስ ባቦፍቴ፤ ሚኒቴ።

ኢሳያሳ ቲንቢቴ 63:17

ኣቤት ጎዳዉ፥ ኑኒ ኔ ኦጌፔ ኬዛና ማላ፥ ኑ ዎዚና ቱሊሳዳ ኔስ ያዮንታ ማላ ኣይስ ኦይ? ኔ ኣይሌታ ጊሻስ ጋዳ፥ ኔስ ጺንጾ ጊዲዳ ቆሞታ ጊሻስ ጋዳ ኑኮ ሲማ።

ኤርማሳ ቲንቢቴ 2:7

ኢንቴ ኢዚ ኣይፌኔ ኢዚ ኣንጆ ማና ማላ ታኒ ኢንቴና ኣራዳ ቢታ ኤሃዲስ፤ ጊዶ ኣቲን ኢንቴ ዪዲ ታ ቢታ ቱኒሲዴታ፤ ታ ጺንጾዮ ሃራሴታና ማላ ኦዴታ።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።