ኢሳያሳ ቲንቢቴ 19:20 - ጋሞ ማጻፋ

²⁰ ሄሲ ኡባፌ ዎልቃማ ጎዳስ ጊብጼ ቢታን ማላታኔ ማርካ ጊዳና፤ ኢስቲ ባንታና ኡንኤዛይታፔ ዴንዲዳይሳን ጎዳኮ ዋሲዛ ዎዴ ኢዚ ኢስታ ኣሺዛዴኔ ማዲዛዴ ኪቲዲ ኢስታ ኣሻና።

Geeshsha Maxaafa

²⁰ Hessi Ubbaafe Wolqqama GODAAS Gibxe biittan malatanne markka gidana; istti banttana un7eththizaytappe dendidayssan GODAAKKO waassiza wode izi istta ashshizaadenne maaddizaade kiittidi istta ashshana.

ኢሳያሳ ቲንቢቴ 19:20 Referans Kwoze

Titosas 2:13

ሄሲካ ኑስ ኣንጄቲዳ ሂዶታ ጊዲዳ ዎጋ ጾሳኔ ኑና ኣሺዳ ዬሱስ ኪርስቶሳ ቦንቾይ ቆንጫናይሳ ናጋናሳ።

ዬ ማጻፋ 50:15

ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።

ሉቃሳ ሚሺራቾ 2:11

ሃች ካዎ ዳዊቴ ካታማ ቤቴሊሄሜን ሼምፖ ሌይ ዬሌቲዴስ። ኢዚካ ጎዳ ኪርስቶሳ ጌቴቴስ።

ያቆቤ ኪታ 5:4

ኢንቴ ኢንቴ ዎዚናን ዎቴ፤ ኢንቴ ካ ማጺሼ ፔይዳይታስ ኢስታ ዎልቃ ዋጋ ኢንቴ ቃንጾንታ ኣጊዳ ጊሻስ ኢንቴ ቦላ ዋሲሼ ኢንቴ ኣቻን ዴቴስ። ካ ማጺዛይታ ዋሶይ ኡባ ዳንዳይዛ ጎዳ ሃይን ጋኪዴስ።

ኢሳያሳ ቲንቢቴ 55:13

ኣጉን ጊሻስ ጺዳይ፥ ኪንዲቾ ጊሻስ ባርሲኔቴ ጌቴቲዛ ሚ ሞካና፤ ሄሲካ ጎዳ ሃሳኢሲዛ ሚሺ ዮንታ ማላ ሜርናስ ማላታ ጊዳና» ጌስ።

ኢሳያሳ ቲንቢቴ 52:5

‹ሂስቲን ታ ዴሬይ ጋሶይካ ባይንዳ ዲኤቲ ቢቺን ታስ ሃን ኣዚ ዲዜ?› ኢስታ ሃሪዳይቲ ኢስታ ቦላ ቂልጪዳ፤ ጋላስ ኩሜ ታ ሱን ፓጬይ ባይንዳ ጫዬቴስ።

ኢሳያሳ ቲንቢቴ 37:36

ሄ ጋላሳ ኦማርሲ ጎዳ ኪታንቻይ ኬኢዲ፥ ኣሶሬ ኣሳይ ዱንካኒ ዲዛሶን፥ 185,000 ኣቱማሳታ ዎዴስ። ሂስቲን ኣሳይ ማላዶ ሱሪዲ ቤኢዛ ዎዴ ሃይቂዳ ኣሳ ኣሃይ ሄን ኩሚዴስ።

ኢሳያሳ ቲንቢቴ 20:4

ኣሶሬ ካዎይ ጊብጼፔ ዲኤቲዳ ጪማታኔ ዬላጋታ፥ ቶጵያፔ ቤቲ ዪዳይታ ካሎኔ ጫማ ኣንታ ኤኪ ባና፤ ኢስቲ ዱጫ ካሎ ቃሪ ዬጊዲ ዬዴሬሼ ጊብጼታ ካዉሻና።

ኢሳያሳ ቲንቢቴ 19:4

ቃሴ ሜንጼ ኢታ ኣሳ ኩሼን ታ ጊብጼታ ኣ ኢማና፤ ባቢሲዛ ካዎይ ኢስታ ሃራና» ጌስ ጎዳይ፥ ኡባፌ ዎልቃማ ጾሳይ።

ኢያሶ ማጻፋ 22:34

ኦሮቤሌይኔ ጋዴ ቆሞቲ፥ «ጎዳይ ኢዚ ጾሳ ጊዲዳይሳስ ሃይሲ ኑ ጊዶን ማርካ» ጊዲ ያርሾሶሆዛ፥ «ማርካ» ጊ ሱንዳ።

ኬሳ ማጻፋ 3:7

ቃሴካ ጎዳይ፥ «ታኒ ጊብጼ ቢታን ታ ኣሳይ ዋዪዛ ዋዬ ሎኤ ቤያዳ፥ ኢስቲ ባ ጎዳታፔ ዴንዲዳይሳን ዋሲዛ ዋሶ ሲያዲሲኔ ኢስታ ዋዬ ኤራዲስ።

ኬሳ ማጻፋ 2:23

ሙሴይ ሚዲያሜ ቢታን ዲዛ ዳሮ ላይታ ጋርሳን ጊብጼ ካዎይ ሃይቂዴስ። ኢስራኤሌ ኣሳይ ባ ኣይሌቴፌ ዴንዲዳይሳን ኦሊዳኔ ዋሲዳ፤ ኣይሌቴ ዋዬይ ዳሪን ኢስቲ ዋሲዳ ዋሶይ ፑዴ ጾሳኮ ጋኪዴስ።

ኢሳያሳ ቲንቢቴ 43:3

ጋሶይካ ታኒ ጎዳ ኔ ጾሳይ፥ ኢስራኤሌ ጌሻይ ኔስ ሌ፤ ታ ኔ ጊሻስ ጊብጼ ዎዞ ኢማና፤ ቶጵያኔ ሴባ ኔ ጊሻስ ኣ ኢማና።

ኢሳያሳ ቲንቢቴ 43:11

ታና፤ ታኒ ጎዳ፤ ታፔ ኣቲን ሃራ ኣሺዛይ ዴና።

ኢሳያሳ ቲንቢቴ 45:15

ኣሺዛ ኢስራኤሌ ጾሳዉ፥ ቱማፔ ኔኒ ኔና ጌንዛ ጾሳ።

ኢሳያሳ ቲንቢቴ 60:16

ኔኒ ካዎቴታ ማ ኡያና፤ ካዎታ ንካ ማና። ሄሳፌ ጉዬ ታኒ ጎዳይ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ኔኒ ኤራና።

ኢሳያሳ ቲንቢቴ 63:8

ጎዳይካ፥ «ቱሙካ፤ ኢስቲ ታ ዴሬታ፤ ኢስቲ ታስ ዎርዶቶንታ ኣቱማ ናይታ» ጊዴስ። ሄሳ ጊሻስ ኢዚ ኢስታ ኣሺዛዴ ጊዲዴስ።