ኢሳያሳ ቲንቢቴ 18:1 - ጋሞ ማጻፋ

¹ ቶጵያ ሻፋታ ማታን ዲዛ ጊሬቲዛ ቄፌይ ዲዛ ቢታይስ ኣዬ ኣና!

Geeshsha Maxaafa

¹ Tophphiya shaafata matan diza giirettiza qefey diza biittays aayye ana!

ኢሳያሳ ቲንቢቴ 18:1 Referans Kwoze

ሶፎናሳ ቲንቢቴ 3:10

ቶጵያ ሻፋታፔ ሄ ፒንን ላሌቲ ዲሼ ታስ ጎይኒዛ ታ ዴሬይ ታስ ያርሾ ኤሃና።

2ካዎታ ማጻፋ 19:9

ሄ ዎዴ ቶጵያ ዴሬ ዬሌታ ጊዲዳ ጊብጼ ካዎ ቲራቄይ ኢዛ ኦላናስ ዩሳ ቦላ ዲዛይሳ ሴናኪሬሜይ ሲዪዴስ፤ ሄሳ ጊሻስ ዛሬዲ ሂዝቂያሳኮ ቃስታኔታ ቦላ ዳብዳቤ፥

ሶፎናሳ ቲንቢቴ 2:12

«ኢንቴኖ ቶጵያ ኣሳቶ! ኢንቴ ታ ማሻን ሲፌታና።»

Maatosa 23:37

«ሃኔ ዬሩሳላሜ! ናቤታ ዎዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳላሜ፥ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያቤካ።

ሂዚቄላ ቲንቢቴ 30:9

«ሄ ጋላስ ታ ቃስታኔቲ ማርካቤን ቢዲ ባ ጋ ኡቲዳሶሆፔ ኬሳናስ ቶጵያ ዳጋንና፤ ጊብጼይ ማን ሚቴቲዛ ዎዴ ኢስታ ጬጬይ ኦይካና፤ ቱማፔ ሄ ጋላሳይ ያና»።

ኢሳያሳ ቲንቢቴ 31:1

ፑዴ ኢስራኤሌ ጌሻኮ ጼሎንታይታስ፥ ጎዳፔ ማዶ ኮዮንታይታስ፥ ማዶ ዴማናስ ዱጌ ጊብጼ ዎዛይታስ፥ ፓራ-ጋሬታ ዳሮቴኒኔ ባ ፓራ ሚኖቴን ጬቄቲዛይታስ ኣዬ ኣና።

ዬ ማጻፋ 91:4

ኢዚ ባ ዋንጎታን ኔና ካማና፤ ኢዛ ቄፌታ ጋርሳን ኔኒ ቆቴታ ኣታና፤ ኢዛ ኣማኔቴይ ኔስ ጎንዳሌኔ ዜምፖ ጊዳና።

ዬ ማጻፋ 63:7

ኔኒ ታና ማዲዛ ጊሻስ ታኒ ኔ ቄፌ ኩዋን ኡታዳ ኡፋይሳን ዬጻይስ።

ዬ ማጻፋ 61:4

ታኒ ኔ ዱንካኔዛን ሜርናስ ዳና፤ ኔ ቄፌ ጊዶን ካሜታ ኣታና።

ዬ ማጻፋ 57:1

ኣቤት ጾሳዉ! ኔ ታስ ቃታ፤ ታና ማራ፤ ታ ሼምፖያ ኔናን ዜምፓዱስ፤ ባሻይ ኣና ጋካናስ ታኒ ኔ ቄፌታ ጋርሳን ቆቴታና።

ዬ ማጻፋ 36:7

ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ።

ዬ ማጻፋ 17:8

ኔ ኣይፌ ጪሮ ማላ ታና ናጋ፤ ኔ ቄፌታ ጊዶን ታና ቆታ።

ኡሩቲ ማጻፋ 2:12

ኔኒ ኦዳይሳ ኩሼ ጎዳይ ኔስ ዛሮ። ኔኒ ኢዛ ቄፌ ጋርሳን ኣታናስ ዪዳ ጎዳ ኢስራኤሌ ጾሳይ ኔስ ዳኮ ኢሞ» ጊዴስ።

ኢሳያሳ ቲንቢቴ 37:9

ካዎ ሴናኪሬሜይ፥ ቶጵያ ካዎ ቲራቄይ ኢዛ ኦላና ዪዛይሳ ሲዪዴስ፤ ሄሳ ሲዪዳ ማላ ሂዝቂያሳስ ኪታ ዬዲዲ፥

ኢሳያሳ ቲንቢቴ 45:14

ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።