ኢሳያሳ ቲንቢቴ 17:3 - ጋሞ ማጻፋ

³ ጊምቤቲዳ ካታማይ ኤፍሬሜፔ፥ ካዎቴ ማታይ ዳማስቆፌ ያና፤ ኣራሜፔ ጫሻ ኣቲዳይታ ቦንቾይ ኢስራኤሌታይሳ ማላ ካዉያና» ጌስ ኡባፌ ዎልቃማ ጎዳይ።

Geeshsha Maxaafa

³ Gimbettida katamay Efreemeppe, kawoteththa maatay Damasqofe dhayana; Aaraameppe casha attidayta bonchchoy Isra7eeletayssa mala kawuyana» gees Ubbaafe Wolqqama GODAY.

ኢሳያሳ ቲንቢቴ 17:3 Referans Kwoze

ሆሴኤ ቲንቢቴ 9:11

ኤፍሬሜ ቦንቾይ ካፎይ ፒራዛ ማላ ፒራ ያና፤ ሃይሳፌ ጉዬ ና ቃንቴ፥ ሻራይኔ ና ዬሎይካ ዴና።

ኢሳያሳ ቲንቢቴ 8:4

ናዚ፥ ‹ኣቦ! ኣዬ!› ጊ ጼይስ ኤራናፔ ካሴ ኣሶሬ ቢታ ካዎይ ሳማሪያኔ ዳማስቆ ኣቆታ ዲኢ ኤፋና» ጊዴስ።

ኢሳያሳ ቲንቢቴ 7:16

ጊዶ ኣቲን ናዚ ኢታኔ ሎኦ ሻኪ ኤራናፔ ሲንን ኔኒ ኬሂ ያዪዳ ናምኡ ካዎታ ቢታቲ ኣይኮይ ባይንዳ ቡላ ጊዳና።

ኢሳያሳ ቲንቢቴ 7:8

ጋሶይካ ዳማስቆይ ኣራሜ ቢታስ ሁኤ፤ ካዎ ኤራሶኔይ ዳማስቆስ ሁኤ። ኡሱፑን ታማን ኢቻሽ ላይ ጋርሳን ኤፍሬሜ ዴሬይ ላሌታና፤ ሲሚዲ ዴሬ ጊዳና ዳንዳዬና።

ኣሞጼ ቲንቢቴ 8:14

ሳማሪያ ዴሬን፥ ‹ኣሻሞ› ጌቴታ ጼይጌቲዛ ኤቃ ጾሳይን ጫቂዛይቲ፥ ‹ዳኔ ጾሳይ ቤዪን› ዎይኮ፥ ‹ቤርሳቤሄ ጾሳይ ቤዪን› ጊ ጫቂዛይቲ ዉሪካ ኩንዳና፤ ባ ኩንዲዳሶሆፔ ሙሌካ ዴንዳናስ ዳንዳዬቴና» ጌስ።

ሆሴኤ ቲንቢቴ 10:14

ሺሊማኔይ ቤቲ-ኣርቤሌ ጌቴቲዛ ካታማ ኦላን ካሴ ላሊዳይሳኔ ኣዬታ ናይታራ ጋ ቢታ ቦላ ዲንጬሬ ዉርሲዳ ማላ ሺሮይ ዴራ ቦላ ያና። ኢንቴ ዴሬ ኣሳ ቦላ ዎልቃማ ኦላይ ያና፤ ኢንቴ ሚጻይ ላሌታና።

ሆሴኤ ቲንቢቴ 8:8

ኢስራኤሌይ ሃራ ካዎቴታ ጊዶን ሂራይሶ ሚሻ ማላ ጊዲዳ።

ሆሴኤ ቲንቢቴ 3:4

ሄሳካ ኢስራኤሌ ኣሳይ ካዎይ ባይንዳ ዎይኮ ካሌዛዴይ ባይንዳ፥ ያርሾይ ባይንዳ ዎይኮ ኤቃ ጾሳታ ሃዉልቴይ ባይንዳ፥ ቄሴቴ ማይኦይ ባይንዳ ዎይኮ ኤቃ ጾሳታ ሚስሌይ ባይንዳ ዳሮ ዎዴ ዴኣና።

ሆሴኤ ቲንቢቴ 1:6

ጎሜራ ቃሴካ ቃንታዳ ማጫ ና ዬላዱስ። ጎዳይካ ሆሴኤስ፥ «ታኒ ሃይሳፌ ጉዬ ኢስራኤሌ ኣሳስ ቃቲኬ፤ ታ ኢስታ ማሪኬ፤ ሄሳ ጊሻስ ኔኒ ኢዚ ሱን፥ ‹ሎሩሃማ› ጋ ሱን።

ሆሴኤ ቲንቢቴ 1:4

ሄሳፌ ጉዬ ጎዳይ ሆሴኤስ፥ «ኢዩኔ ኢዛ ዜሬቲ ኢዝራኤሌን ዎዳ ኣሳታ ጌዶን ኢዩ ዜሬታ ታ ቃጻያና ዎዴይ ሃሆ ጊዴና፤ ኢስራኤሌ ካዎቴ ሃይሳፌ ጉዬ ኩንዳና ማላ ታ ኦና።

ኢሳያሳ ቲንቢቴ 17:4

«ሄ ዎዴ ያቆቤ ቦንቾይ ሻሩማታና፤ ኢዛ ሞቴይካ ሹማና።

ኢሳያሳ ቲንቢቴ 16:14

ሃኢ ጊዲኮ ጎዳይ፥ ቃጻሬቲ ኦዛ ኦሳንቻይ ጋላስ ቆዲዛ ማላ ሞኣቤ ቦንቾይኔ ኣሳ ጮራቴይ ሄ ላይ ጊዶን ካዉያና፤ ሄን ኣቲዳ ኣሳቲ ጉታኔ ዎልቃይ ባይንዳይታ ጊዳና።

ኢሳያሳ ቲንቢቴ 10:9

‹ካልኖይ ካርካሚሼ ማላ፥ ሃማቴይ ኣርፋዴ ማላ፥ ሳማሪያይካ ዳማስቆ ማላ ጊዴቴኔ?

2ካዎታ ማጻፋ 17:6

ሆሴኤይ ካዎቲዳ ኡዱፉን ላይን ኣሶሬ ካዎይ ሳማሪያ ኦይኪዴስ። ኢስራኤሌ ኣሳ ዲኢ ኤኪዲ ኣሶሬ ዴሬ ዴን ኤፊዴስ። ሄይታካ ኣላሄን፥ ጎዛን ሃቦሬ ሻፋ ማታኒኔ ሜዶኔ ካታማታን ኤፊ ዎዴስ።

2ካዎታ ማጻፋ 16:9

ኣሶሬ ካዎዚካ ኣካዜይ ኢዛ ዎሲዳ ዎሳ ኤሮ ጊ ኤኪዲ ዳማስቆ ጾኒ ኦይኪዴስ። ኣሳካ ዲኢ ኤኪዲ ቂሬ ጌቴቲዛሶሆ ኤፊዴሲኔ ኤራሶኔካ ዎዴስ።

ኢሳያሳ ቲንቢቴ 25:2

ኔኒ ካታማዮ ሹቻ ዶሬ ኦዳሳ፤ ጊምቤቲዳ ካታማዮካ ላላዳሳ፤ ሃይሳፌ ሲንን ጊምቤቲዳ ኣላጋታ ካታማቲ ዴቴና፤ ሲሚዲ ሙሌካ ኦሴቴቴና።