ኢሳያሳ ቲንቢቴ 15:5 - ጋሞ ማጻፋ

⁵ ታ ዎዚናይ ሞኣቤ ጊሻስ ዬኪዴስ፤ ኢዚፔ ጎዴቲዳ ኣሳቲ ዞኣሬ ጋካናስ፥ ኤጊላቴ-ሻሊሺያ ጋካናስ ባቃቲዳ፤ ኢስቲ ኣፉን ጉሲሼ ፑዴ ሉሂቴ ኬዚዳ፤ ቃሴ ሆሮናይሜ ኤፊዛ ኦጌራ ቢሼ ባንቲ ያናይሳስ ዋሲዳ።

Geeshsha Maxaafa

⁵ Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ኢሳያሳ ቲንቢቴ 15:5 Referans Kwoze

ኤርማሳ ቲንቢቴ 48:5

ጫሞ ዬሆ ዬካና፤ ሉሂቴ ፑዱን ኬዛና፤ ባና ጋኪዳ ኢታ ሜቶፔ ዴንዲዳይሳን ጫሞ ዬሆ ዬኪሼ ሆሮናይሜ ዱጉን ዎና።

ኤርማሳ ቲንቢቴ 4:20

ኢታ ሚሺ ኢታ ሚሽ ካሌስ፤ ሙሌ ቢታይ ሞሬቲዴስ፤ ታ ዱንካኔቲኔ ማጋላሻቲ ኤሶን ይዳ።

ኤርማሳ ቲንቢቴ 17:16

ሄንንቻ ጊዳዳ ኔስ ኦናፔ ጉዬ ጋቤኬ፤ ታ ኢስታስ ኢታ ጋላስ ኣሞቶንታይሳ ኔ ኤራሳ፤ ታ ዶናፔ ኬዚዛይሲ ኔ ሲንን ቆንጬ።

ኤርማሳ ቲንቢቴ 13:17

ኢንቴ ሲዮንታ ኢጺኮ፥ ኢንቴ ኦቶሬቴ ጊሻስ ታ ሼምፖያ ጌማን ዬካና፤ ጎዳ ዉዴይ ዲኤቲ ቢቺዳ ጊሻስ ታኒ ጫሞ ዬሆ ዬካይስ፤ ታ ኣይፌፔ ኣፉን ሃ ማላ ጎጌስ።

ኤርማሳ ቲንቢቴ 9:10

ታኒ ቃ ዴሬታስ ዬካናኔ ዋሳና፤ ባዞን ሄንሶሆታስ ካዮታና። ጋሶይካ ኢስቲ ይዳ፤ ሄራ ኢሲ ኣሲኔ ካንና። ሜሄ ዋሶይ ሲዬቴና፤ ሳሎ ካፎቲኔ ዶኣቲ ባቃቲዲ ቢቺዳ።

ኢሳያሳ ቲንቢቴ 22:5

ጎዳይ ኡባፌ ዎልቃማ ጾሳይ ኣጁታ ዙሌን ዎጫማ፥ ዲርባኔ ሺሮ፥ ዲርሳታ ላሌኔ ዙማታኮ ዋሶ ጋላሲ ዴስ።

ኢሳያሳ ቲንቢቴ 16:14

ሃኢ ጊዲኮ ጎዳይ፥ ቃጻሬቲ ኦዛ ኦሳንቻይ ጋላስ ቆዲዛ ማላ ሞኣቤ ቦንቾይኔ ኣሳ ጮራቴይ ሄ ላይ ጊዶን ካዉያና፤ ሄን ኣቲዳ ኣሳቲ ጉታኔ ዎልቃይ ባይንዳይታ ጊዳና።

2ሳሜላ ማጻፋ 15:30

ጊዶ ኣቲን ዳዊቲ ዬኪሼ ፑዴ ዳብራዛይቴ ዙማ ፑዱን ኬዚዴስ፤ ባ ሁኤ ጉሉንቲዲ ሜላ ቶሆራ ዴስ፤ ኢዛራ ኢሲፌ ዲዛ ኣሳይ ኡባይ ኢዛይሳ ባንታ ሁኤ ጉሉንቲዲ ዬኪሼ ፑዱን ኬዜቴስ።

2ሳሜላ ማጻፋ 15:23

ዴሬይ ኡባይ ኣ ቢዛ ዎዴ ሄ ዴሬ ኣሳይ ዋሲሼ ዬኪዴስ፤ ካዎዚ ቄዲሮኔ ዙሌዛ ፒኒዴስ፤ ኣሳይ ኡባይ ፒኒዲ ባዞ ቢታ ቢዴስ።

ሜቴ ማጻፋ 19:22

ሄሳ ጊሻስ ጌዴ ኤሶን ባቃታ፤ ኔኒ ጌዴ ጋካናስ ታኒ ኣይኮካ ኦናስ ዳንዳይኬ» ጊዴስ፤ ሂስቲን ሄ ካታማይ ሱን ዞኣሬ ጌቴቲዴስ።

ሜቴ ማጻፋ 14:2

ሶዶሜ ካዎ ቤራኤራ፥ ጋሞራ ካዎ ቢርሻራ፥ ኣዳማ ካዎ ሺንኣቤራ፥ ጻቦይሜ ካዎ ሼሜቤሬይኔ (ዞኣሬ ጌቴቲዛ) ቤላ ካዎራ ኦሌታናስ ቢዳ።

ሜቴ ማጻፋ 13:10

ሎጼይ ዩዪ ኣ ጼሊዲ ዮርዳኖሴ ሾባይ ቢዲ ዞኣሬ ጋካናስ ጎዳ ጋናቴ ዎይኮ ጊብጼ ቢታ ማላ ዳሮ ሃ ዲዛይሳ ቤኢዴስ። (ሄሲካ ጎዳይ ሶዶሜኔ ጋሞራ ጌቴቲዛ ካታማታ ይሳናፔ ካሴ።)

ታይቦ ማጻፋ 21:29

ሃኔ ሞኣቤ ኔስ ኣዬ ኣና! ኢንቴኖ ካሞሼስ ጎይኒዛይቶ! ኢንቴ ዲፒ ጊ ያና፤ ኢንቴ ኣቱማ ናይታ ቤቴስ፥ ኢንቴ ማጫ ናይታካ ዲኤቴስ ኣሞሬ ካዎ ሲሆኔስ ኣ ኢሚዴስ።

ኢሳያሳ ቲንቢቴ 59:7

ኢስታ ቶሆቲ ናጋራኮ ዎጼቴስ፤ ጺሎ ሱ ጉሳናስ ኤሶቴቴስ፤ ኢስቲ ኢታ ቆፋ ቆፔቴስ። ባሺኔ ቆሆይ ኢስቲ ኣዳ ኦጌ ኡባስ ማላታ።

ኤርማሳ ቲንቢቴ 4:19

ዋኖ ታኒ! ታኒ ሃይሳ ዎስታ ዳንዳያኔ! ታና ሜቲዴስ! ታ ዎዚናይ ሂርጌስ፤ ታኒ ጮኡ ጋናስ ዳንዳይኬ። ኣይስ ጊኮ ታኒ ዛዬ ጬንጉርሲኔ ኦላ ጬንጉርስ ሲያዲስ።

ኤርማሳ ቲንቢቴ 48:3

ሆሮናይሜፔ ኬዚዛ ይሳ ዋሶኔ ጊታ ባሻ ዋሶ ጊሪስ ሲዪቴ፤

ኤርማሳ ቲንቢቴ 50:46

ባቢሎኔ ኩንዴ ጊሪሲ ቢታ ቃና፤ ኢዚ ዋሶይ ካዎቴ ኡባ ጋርሳን ኮሹማና» ጌስ።