ኢሳያሳ ቲንቢቴ 15:4 - ጋሞ ማጻፋ

⁴ ሃሴቦኔይኔ ኤልኤሌይ ዋሲዳ፤ ኢስታ ዋሶይካ ያሃጼ ጋካናስ ሴቴቲዴስ። ሄሳ ጊሻስ ሞኣቤ ኦላንቻቲ ዋሲዳ፤ ኢስታ ዎዚናይካ ኮኮሪዴስ።

Geeshsha Maxaafa

⁴ Hasebooneynne El7eeley waassida; istta waasoykka Yahaaxe gakkanaas seetettides. Hessa gishshas Mo7aabe olanchchati waassida; istta wozinaykka kokkorides.

ኢሳያሳ ቲንቢቴ 15:4 Referans Kwoze

ኤርማሳ ቲንቢቴ 48:34

«ሃሴቦኔፔ ቢዲ ኤልኤሌኔ ያሃጼ ጋካናስ፥ ዞኣሬፔ ቢዲ ሆሮናይሜ፥ ኤጊላቴ-ሻሊሺያ ጋካናስ ኢስታ ዋሶይ ኬሂ ሴቴቴስ፤ ኒሚሪሜ ሃ ሜሊዴስ።

ዮሃኒሳ ኣጁታ 9:6

ሄ ጋላሳታን ኣሳይ ሃይቃና ኮያና ሺን ሃይቆ ዴሜቴና፤ ሃይቃናስ ኣሞታና ሺን ሃይቆይ ኢስታፌ ባቃታና።

ዮናሳ ቲንቢቴ 4:8

ኣርሼይ ሞኪዛ ዎዴ ጾሳይ ጹጊዛ ጫርኮ ኣርሼይ ሞኪዛ ባጋፌ ዬዲዴስ፤ ሄሳፌ ዴንዲዳይሳን ዮናሲ ዳቡራና ጋካናስ ኣዋይ ዮናሳ ሁኤ ጹጊዴስ፤ ሂስቲን ኢዚ፥ «ፓጻ ዳናፔ ታስ ሃይቆይ ሎኦ» ጊዴስ።

ዮናሳ ቲንቢቴ 4:3

ኣቤት ጎዳዉ! ሃኢ ታ ሼምፖ ኤካ፤ ፓጻ ዱሳፌ ታስ ሃይቆይ ሎኦ» ጊ ዎሲዴስ።

ኤርማሳ ቲንቢቴ 20:18

ታኒ ሜቶኔ ጬጬ ቤኣናሲኔ ታ ዴኦ ላይ ኡባ ካዉሻቴን ዉርሳናስ ታ ኣዪ ኡሎፔ ኣይስ ኬዛዲና?

ኤርማሳ ቲንቢቴ 8:3

ሃ ኢታ ኣሳ ኩሼፔ ኣቲዳይቲ ኡባይ ታ ኢስታ ጎዳ ዬዲዳሶ ኡባን ዴኦፔ ሃይቆ ዶራና» ጌስ።

1ካዎታ ማጻፋ 19:4

ኢሲ ጋላሳ ኦጌ ባዞን ሄሜቲዴስ። ቢሼ ሳንካራ ሚ ኩዋ ጋርሳን ኡቲዲ፥ «ኣቤት ጎዳዉ! ታስ ጊዳና፤ ታኒ ታ ኣዋታፔ ኣኬ። ታ ሼምፖዮ ኔ ኤካ» ጊዲ ሃይቆ ኣሞቲ ዎሲዴስ።

ዳናታ ማጻፋ 11:20

ጊዶ ኣቲን ሲሆኔይ ኢስራኤሌ ኣሳይ ኣ ቦንታ ማላ ዲጊዴስ፤ ኢዚ ባ ኦላ ኣሳ ኡባ ሺሺዲ ያሃጼ ጌቴቲዛሶን ዱንካኒዲ ኢስራኤሌ ኣሳራ ኦላ ኦይኬቲዴስ።

ኢያሶ ማጻፋ 13:18

ያሃጼ፥ ቂዲሞቴ፥ ሜፋኣቴ፥

ዛሬ ማጻፋ 2:32

ካዎ ሲሆኔይ ባስ ዲዛ ኦላንቻታ ኡባ ኤኪዲ ያሃጼ ካታማ ኣቻን ኑናራ ኦሌታናስ ዪዴስ።

ታይቦ ማጻፋ 21:23

ሲሆኔይ ጊዲኮ ኢስራኤሌ ኣሳይ ኢዛ ቢታራ ኣ ባና ማላ ኮዪቤና፤ ሃራፔካ ኢዚ ባስ ዲዛ ኦላ ኣሳ ሺሺ ኤኪዲ ያሃጼ ባዞ ዎዴስ፤ ኢስራኤሌ ኣሳራካ ኦላ ኦይኬቲዴስ።

ታይቦ ማጻፋ 11:15

ኔ ታና ሃይሳ ዋዪሳናፔ ታኒ ሜቶ ቤኦንታ ማላ ኔ ታስ ሚሼቲዛ ጊዲኮ ኔ ታና ሃኢ ዎዳኮ ታስ ሎኦ» ጊ ዎሲዴስ።

ሜቴ ማጻፋ 27:46

ሄሳፌ ጉዬ ኢርቢቃይ ዪሳቃ፥ «ኤሳዌይ ኤኪዳ ሂቴታ ማጫ ናይታ ጌዶን ዱሳይ ታና ኢቴስ፤ ቃሴ ያቆቤይካ ሄይታ ማላ ሂቴታ ማጫ ናይታፔ ማቾ ኤኪኮ ታኒ ሄኮ ሃይቃናስ ኮያይስ» ጋዱስ።

ታይቦ ማጻፋ 21:28

ሃሴቦኔፔ ታማይ ኬዚዴስ፤ ላጮይካ ሲሆኔ ካታማፔ ኬዚዴስ፤ ሞኣቤ ዴሬን ኤሬ ጌቴቲዛሶዛ ይሲዴስ፤ ኣርኖኔ ቦላ ጌዜ ቢታን ዲዛ ሃላቃታካ ዲፒ ሂስቲዴስ።

ኤርማሳ ቲንቢቴ 48:21

ፒርዳይ ቦላ ጌዜ ቢታን ሆሎኔ ቦላ፥ ያሃጼ ቦላኔ ሜፋኣቴ ቦላ፥