ኢሳያሳ ቲንቢቴ 14:2 - ጋሞ ማጻፋ

² ካዎቴቲ ኤፊዲ ኢስታ ኢስታ ቢታ ዛራና። ኢስራኤሌ ኣሳይ ካዎቴታ ባስ ኦይኪዲ ማጫሳኔ ኣቱማሳ ኣይሌ ሂስቲዲ ጎዳ ቢታን ሃራና። ባና ዲኢዳይታ ዛሪ ዲኣና፤ ባና ኡንኤዳይታ ዛሪዲ ሃራና።

Geeshsha Maxaafa

² Kawoteththati efidi istta istta biitta zaarana. Isra7eele asay kawoteththata baas oykkidi maccassaanne attumasaa aylle histtidi GODAA biittan haarana. Bana di7idayta zaari di7ana; bana un7eththidayta zaaridi haarana.

ኢሳያሳ ቲንቢቴ 14:2 Referans Kwoze

ኢሳያሳ ቲንቢቴ 61:5

ኢማቲ ኢንቴ ዶርሳ ዉዴታ ሄማና፤ ኣላጋ ቢታ ኣሳቲ ኢንቴ ጋዴኒኔ ኢንቴ ዎይኔ ኣታኪልቴ ጊዶን ኦና።

ኢሳያሳ ቲንቢቴ 60:14

ኔና ኡንኤዳይታ ኣቱማ ናይቲ ዚጊሼ ኔኮ ያና፤ ኔና ካዳ ኡባቲ ኔ ቶሆ ቦላ ኩንዳና፤ ‹ሃኔ ጎዳ ካታማዬ! ኢስራኤሌስ ጌሻ ሚሽ ጊዲዳ ጺዮኔ› ጊ ጼይጋና።

ኤርማሳ ቲንቢቴ 30:16

«ጊዶ ኣቲን ኢንቴና ዲፒ ሂስቲ ሚዳ ኡባቲ ሄሳ ሜቴታና፤ ኢንቴ ሞርኬ ኡባቲካ ዲኤቲ ባና፤ ኢንቴና ቦንቂዳይቲ ቦንቄታና፤ ኢንቴና ቦጊዛይቲ ቦጌታና።

ዳኔላ ቲንቢቴ 7:18

ጊዶ ኣቲን ኡባፌ ቃ ጾሳ ጌሻቲ ኢዛ ካዎቴ ባስ ኤካና፤ ሜርናስ ኦይካና፤ ኤ ሜርናስ ኢስቲ ኦይካና› ጊዴስ።

ኢሳያሳ ቲንቢቴ 49:23

ካዎቲ ኔና ዲቺዛ ኣዋታ ጊዳና፤ ኢስታ ማቼቲ ኔና ዲቺዛ ኣዬታ ጊዳና፤ ኢስቲ ጉፋኒዲ ኔስ ጎይናና፤ ኔ ቶሆ ቦላፌ ባናካ ላጫና፤ ኔካ ታኒ ጎዳ ጊዲዳይሳ ኤራና፤ ታናን ሂዶታ ኦዛይቲ ዬላቴቴና» ጌስ።

ዮሃኒሳ ኣጁታ 3:9

ሄሳ ጊሻስ ባስ ኣይሁዳ ጊዶንታ ዲሼ ባና ኣይሁዳ ጊዛይቲ ሄይቲ ጻላኤ ማባራፔ ጊዲዳ ዎርዶቲ ዪዲ ኔ ቶሆ ቦላ ኩንዳና ማላ ታ ኦና፤ ታኒ ኔና ሲቂዳይሳ ኢስቲ ኤራና ማላ ታ ኦና።

ኦሮሜ ኣሳስ 15:27

ሃይሳ ሃ ማዶዛ ኢስቲ ባ ዶሳን ኢሚዳይ ኢስቲ ኦናስ ቤሲዛ ጊሻሳ፤ ኣይዛቤቲ ኣይሁዳታራ ኢሲፌ ኣያና ኣንጆ ኤኪዛይታ ጊዲኮ ኢስቲካ ባስ ዲዛ ቢታ ኣንጆን ኣይሁዳታ ማዳናስ ቤሴስ።

ኢሳያሳ ቲንቢቴ 18:7

ሄ ዎዴ ጎዳስ ኡባፌ ዎልቃማ ጾሳስ ኣዱሳኔ ሊቆ ኣሳፔ፥ ማታፔ ሃሆፔ ያዪዛ ዴሬፔ፥ ዎልቃማኔ ኢዛ ቃላይ ኤሬቶንታ ዴሬፔ፥ ሻፋቲ ሻኪ ቢዛ ካዎቴፌ ኢሞታይ ያና፤ ሜቴ ጎዳይ ዲዛሶ ፑዴ ጺዮኔ ዙማ ቦላ ያና።

ዬ ማጻፋ 68:18

ጎዳዉ! ዲኦ ኤካዳ ፑዴ ኔ ዱሳስ ኬዛዳሳ፤ ኣሳ ኡባፌ ኢሞታ ኤካዳሳ፤ ሃራይ ኣቶሺን ማካላንቻታፔካ ኤካዳሳ፤

ኤፌሶኔ ኣሳስ 4:8

ሄሳ ጊሻስ፥ «ኢዚ ፑዴ ኬዚዳ ዎዴ ዲኦ ዲኢዴስ፤ ኣሳስ ኪያቴ ኢሞታ ኢሚዴስ» ጌቴቲ ጌሻ ማጻፋን ጻፌቲዴስ።

ጋላቲያ ኣሳስ 5:13

ታ ኢሻቶ! ኢንቴ ጌሻቴስ ጼይጌቲዴታ፤ ኢንቴ ኢንቴ ጌሻቴ ዛሪዲ ኢንቴስ ኣሾ ኣሞ ፖላናስ ጎኤቶፍቴ፤ ሄሳፌ ኢንቴ ኢንቴ ጋርሳን ሲቆን ኢሶይ ኢሳ ማዲቴ።

2ቆሮንቶሴ ኣሳስ 10:5

ጾስ ኤሮንታ ማላ ጴ ጊዲ ዴንዲዛ ፓላማኔ ኦቶሬቴ ኑ ላሎስ፤ ኣሳ ቆፋ ኡባ ዲኢ ኤኪዲ ኪርስቶሳስ ኣዛዜታና ማላ ኦስ።

ኢዝራ ማጻፋ 2:65

ኢስታ ማጫሳታኔ ኣቱማ ኦሳንቻታ ታይቦይ ኢሲ ቦላ 7,337፤ ቃሴካ ዬ ዬጺዛ ማጫሳቲኔ ኣቱማሳቲ ኢሲ ቦላ 200።

ሉቃሳ ሚሺራቾ 12:45

ጊዶ ኣቲን፥ ‹ኢዛዴይ ታ ጎዳይ ኤሌ ዬና ጋምኣና› ጊ ቆፒዲ ኣዴ ኣሽካራታኔ ማጫ ኣሽካራታ ቡኪኮ፥ ቃሴካ ኮዪዳ ማላ ሚዲኔ ኡዪዲ ማቲኮ፥

ኢሳያሳ ቲንቢቴ 31:8

«ኣሶሬይ ኣሳ ማሻ ጊዶንታ ማሻን ሃይቃና፤ ኣሾ ማይኢዳዴ ማሻ ጊዶንታ ሃራ ማሻይ ኢዛ ማና፤ ኢዚ ጊ ማሻ ሲንፌ ባቃታና፤ ናቴቲ ዶሳይ ባይንዳ ዎልቃን ኦና።

ኢሳያሳ ቲንቢቴ 45:14

ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

ኢሳያሳ ቲንቢቴ 49:22

ኡባ ሃሪዛ ጎዳይ፥ «ቤኣ፥ ታኒ ካዎቴታ ማላታን ጼይጋና፤ ታኒ ታ ባንዲራ ኣሳስ ቁ ሂስታ ኤሳና፤ ኔ ኣቱማ ናይታ ኢስቲ ኢዲሚ ኤሃና፤ ኔ ማጫ ናይታካ ባንታ ሃሼን ቶኪዲ ኤሃና።

ኢሳያሳ ቲንቢቴ 49:25

ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

ኢሳያሳ ቲንቢቴ 54:3

ኔኒ ኡሻቻ ባጋራኔ ሃዲርሳ ባጋራ ኣካና፤ ኔ ዛሬቲ ካዎቴታ ላታና፤ ሂስቲዲ ኣይኮይ ባይንዳ ኢስታ ካታማታን ኢስቲ ዳና።

ኤርማሳ ቲንቢቴ 49:2

ኣሞኔ ካታማ ኤራባ ቦላ ኦላ ዋሶ ጬንጉርሲ ሴቴታና ዎዴይ ያና። ኢዛ ቡታዳ ዶሬቲዳ ዶሬ ጊዳና፤ ኢዚ ጉታቲ ኡባይ ጹጌታና፤ ኢስራኤሌይ ባና ኬሲ ጎዲዳይታ ባ ዴሬፔ ኬሳ ጎዳና።

ሂዚቄላ ቲንቢቴ 39:10

ኢስቲ ሺሺዳ ኦላ ሚሻታ ኤሶስ ጎኤታና ጊሻስ ኢስታስ ካሬፔ ሚ ሚጾኔ ዎራፔ ሚ ቃንጾ ኮሼና። ኢስታፌ ቦንቂ ኤኪዳይታፔ ኢስቲካ ቦንቂ ኤካና፤ ኢስታፌ ዳፊ ኤኪዳይታፔ ኢስቲ ዳፊ ኤካና፤ ታኒ ኡባ ሃሪዛ ጎዳይ ሃይሳ ዮታይስ።

ኢዩኤሌ ቲንቢቴ 3:8

ኢንቴ ማጫ ናይቲኔ ኣቱማ ናይቲ ዩሁዳ ኣሳስ ባይዜታና ማላ ታ ኦና፤ ኢስቲካ ሃሆ ዴሬን ዲዛ ሳባኔ ኣሳስ ኣ ባይዛና፤ ሃይሳ ዉርሳ ዮቲዳይ ታና ጎዳ።

ኣብዲዩ ቲንቢቴ 1:17

«ጺዮኔ ዙማን ሜቶፔ ኣታናይ ዳና፤ ሄ ዙማያካ ጌሽ ጊዳና፤ ያቆቤ ዴሬይ ቦንቄቲዳ ባ ሃሮ ዛሪ ኤካና።

ዛካራሳ ቲንቢቴ 2:9

ሄኮ ታኒ ታ ኩሼ ኢስታ ቦላ ዴንና፤ ኢስታ ኣይሌቲ ኢስታ ቦንቃና፤ ሄሳፌ ጉዬ ኡባፌ ዎልቃማ ጎዳይ ታና ኪቲዳይሳ ኢንቴ ኤራና።

ሌዌታ ማጻፋ 25:44

« ‹ኔስ ኣቱማኔ ማጫ ኣይሌቲ ዴኣና ማላ ኮይኮ ኔ ዩሾን ዲዛ ኣይዛቤታ ጊዶፌ ሻማ ኤካ።

ኢሳያሳ ቲንቢቴ 60:4

«ቁ ጋዳ ኔ ዩሾ ጼላ፤ ኢስቲ ኡባይ ኢሲፌ ሺቂዲ ኔኮ ያና፤ ኔ ኣቱማ ናይቲ ሃሆፔ፥ ኔ ማጫ ናይቲካ ኢዲሞን ኔኮ ያና።

ኢሳያሳ ቲንቢቴ 66:12

ጎዳይ፥ «ቤኢቴ፥ ታኒ ኢዚስ ሳሮቴ ጊታ ሻፋ ማላ ጎጊሳና፤ ካዎቴታ ኣቆታ ሻፋ ሃ ማላ ጎጊሳና ኢንቴ ኢዚ ኪኦን ኢዲሜቲ ማና፤ ኢዚ ኪኦን ኡቲዲ ኢንቴ ጉፓና።

ዛካራሳ ቲንቢቴ 2:13

ጎዳይ ጌሽ ጊዲዳ ባሶዛፔ ዴንዲዳ ጊሻስ ኣሾ ማይኢዳ ኡባይ ኢዛ ሲንን ጮኡ ጎ።