ኢሳያሳ ቲንቢቴ 13:22 - ጋሞ ማጻፋ

²² ኢዚ ሚጻን ጎዳሬቲ ዋሳና፤ ሎኢዛ ኢዚ ካዎቴ ኬንካ ዎራካናቲ ዋሳና፤ ኢዚ ዎዴይ ማቲዴስ፤ ኢዚ ጋላሳይካ ኣዱቄና።

Geeshsha Maxaafa

²² Izi miixan godareti waassana; lo7iza izi kawoteththa keeththaankka worakanati waassana; izi wodey matides; izi gallassayka aduqqenna.

ኢሳያሳ ቲንቢቴ 13:22 Referans Kwoze

ኤርማሳ ቲንቢቴ 51:33

ኡባፌ ዎልቃማ ጎዳ ኢስራኤሌ ጾሳይ፥ «ባቢሎኔ ማጫ ናይቲ ካ ቡካናስ ጊጊዛ ባሌ ማላ፤ ካ ሺሾ ዎዴይ ኢዚ ቦላ ኤሶን ጋካና» ጌስ።

ኢሳያሳ ቲንቢቴ 35:7

ጹጊዛ ቢታን ኤሌ ሃ ኩማና፤ ሜላ ቢታቲ ሃ ፑልታና፤ ዎራካናቲ ኣቂዛ ኦላን ማታይ፥ ማቃይኔ ሻጫይ ሞካና።

ኢሳያሳ ቲንቢቴ 25:2

ኔኒ ካታማዮ ሹቻ ዶሬ ኦዳሳ፤ ጊምቤቲዳ ካታማዮካ ላላዳሳ፤ ሃይሳፌ ሲንን ጊምቤቲዳ ኣላጋታ ካታማቲ ዴቴና፤ ሲሚዲ ሙሌካ ኦሴቴቴና።

2ጴጽሮሳ ኪታ 2:3

ሄይቲ ዎርዶ ኣስታማሬቲ ሚሻስ ጋጲጋጲዛ ጊሻስ ባርካ ሜ ኤኪዳ ዮኦ ዮቲ ዮቲዲ ኢንቴስ ዲዛዝ ባስ ቦንቂ ኤኬቴስ፤ ቤኒ ቤኒሶፔ ፒርዳይ ኢስታስ ጊጌቲ ኡቲዴስ፤ ኣዳፌ ኢስታ ዮይ ናጌስ።

ኢምባቆ ቲንቢቴ 2:3

ኔ ኣጁታዚ ባስ ኢሜቲዳ ዎዴ ናጌስ፤ ኢዚካ ዉርሴ ጊሻስ ዮቴስ፥ ዎርዶቴና። ጋምኣና ሚሳቲኮካ ናጋ፤ ኢዚ ቱማፔ ያና፤ ሙሌካ ጋምኤና።

ኢሳያሳ ቲንቢቴ 34:13

ጊምቤቲ ዩዪዳ ካታማታ፥ ኢዚ ሚጻታ ዶዮይኔ ኦካይ ላታና፤ ዎራካናታ ኦላኔ ጉቶታ ዱሳሶ ጊዳና።

ዛሬ ማጻፋ 32:35

ኢስታ ሞርኬታ ቦላ ሃሎ ኬሳናይ ታና፤ ኡባሲካ ታ ኢስታ ኦሶ ኦሶ ማላ ኢማና፤ ኢስታስ ዮ ጋላሲ ጋኪዳ ጊሻስ ኢስቲ ጴታና፤ ኤሶንካ ያና።»

ዬ ማጻፋ 44:19

ጊዶ ኣቲን ኔኒ ኑና ሜንሬዳ ዶኣ ኦጌን ዬጋዳሳ፤ ጊርዲ ጊዳ ማንካ ኦላዳሳ።

ኢሳያሳ ቲንቢቴ 32:14

ሚጻቲ ካይዛና፤ ዳሮ ሺሮቲዛ ካታማያ ዲሚ ጋና፤ ሚጻቲኔ ቃቶቲ ሜርናስ ጎንጎሎ፥ ሃርዲዳቲ ጉፒዛሶሆኔ ዉዴይ ሄሜቲዛሶ ጊዳና።

ኢሳያሳ ቲንቢቴ 43:20

ባዞ ዶኣቲ፥ ዎራካናቲኔ ጉቶቲ ታና ቦንቻና። ታኒ ባዞ ቢታን ሃ፥ ኣይኮይ ባይንዳ ባዞንካ ፑልቶ ኢማና፤ ታ ዶሪዳ ታ ዴራስ ሃ ኢማና።

ኤርማሳ ቲንቢቴ 9:11

ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 48:16

«ሞኣቤስ ኩንዴ ዎዴይ ጋኪዴስ፤ ባሺ ኢዛ ቦላ ኤሶን ያና።

ኤርማሳ ዚላስ 4:3

ዎራካናቲ ባ ማራታ ዲቻናስ ባ ን ንቴስ፤ ታ ዴሬይ ጊዲኮ ባዞን ዲዛ ያንቻ ካፎታ ማላ ሜንጼ ኢቲዴስ።

ሚኪያሳ ቲንቢቴ 1:8

ሄሳ ጌዶን ታኒ ዬካይስ፥ ዉ! ዉይ ጋይስ፤ ታ ጫማይ ባይንዳ ሜላ ቶሆኒኔ ሜላ ካሎ ባይስ፤ ዎራካና ማላ ዋሳይስ፤ ጉቶ ማላ ዋሳይስ።

ኢሳያሳ ቲንቢቴ 14:23

ታኒ ባቢሎኔ ቁጻርሳ ኣቆሶኔ ጫሬ ኬሳና፤ ባሻ ፔይጻን ታኒ ኢዞ ፒታ ይሳና» ጌስ።

ኢሳያሳ ቲንቢቴ 34:14

ባዞ ዶኣቲ ጎዳሬታራ ኢሲፌ ዳና፤ ባዞ ዴይሽ ሚሳቲዛ ዳይዳንቲ ባንታ ጊዶን ጼይጌታና፤ ኦማርሳ ሜታቲ ሄን ሼምፓና፤ ባንታስ ዱሳሶ ሄን ዴማና።

ሶፎናሳ ቲንቢቴ 2:14

ዶርሳ ዉዴይኔ ሜሄ ዉዴይ፥ ሜቴፌ ኡባ ቆሞይ ሄን ሼምፓና። ጉቶይኔ ቁጻርሲ ኢዚ ጊምቤታን ኣቃና። ኢስታ ዋሶይ ማስኮቴታራ ሴቴታና። ጊምቤዛ ላሌ ኢሳ ኢሳ ፔንጌን ዶሬታና፤ ኬታ ቶኪ ኤቂዳ ዚጋ ጎዳቲ ካሎታና።