ኢሳያሳ ቲንቢቴ 1:4 - ጋሞ ማጻፋ

⁴ ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

Geeshsha Maxaafa

⁴ Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ኢሳያሳ ቲንቢቴ 1:4 Referans Kwoze

ኢሳያሳ ቲንቢቴ 5:24

ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኤርማሳ ቲንቢቴ 2:17

ኦጌ ኔና ካሌዛይሳ ጎዳ ኔ ጾሳ ኣጋዳ ሃይሳ ኔ ቦላ ኤሂዳይ ኔና ጊዲኪ?

ኤርማሳ ቲንቢቴ 2:13

ታ ዴሬይ ናምኡ ኢታ ሚሻታ ኦዴስ፤ ዴኦ ሃ ፑልቶ ጊዲዳ ታና ኣጊዴስ፤ ሃ ኦይካናስ ዳንዳዮንታ ሉኬቲዳ ኦላታ ባስ ቦኪዳ።

ኦሮሜ ኣሳስ 8:7

ናጋራስ ሃሬቲዛ ዎዚናይ ጾሳራ ኦሻ፤ ጋሶይካ ኢዚ ጾሳ ዎጋስ ሃሬቴናኔ ሃሬታናስ ዳንዳዬና።

Maatosa 3:7

ዳሮ ፋርሳዌቲኔ ሳዱቃዌቲ ኢዚ ጻማቂዛሶ ዪሺን ቤኢዲ ዮሃኒሲ፥ «ኢንቴኖ ሾሻቶ! ኢንቴ ሲንራ ዲዛ ሃንቆፌ ኣታና ማላ ኢንቴና ኦኒ ቤሲዴ?

ኤርማሳ ቲንቢቴ 7:19

ኢስቲ ሃይሳ ኡባ ኦዛይ ታና ቆሃናሴ? ሃይሳን ቆሄቲዲ ዬላታናይ ባንታ ሁኤስ ኢስታ ጊዴቴኔ?» ጊዴስ።

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኢሳያሳ ቲንቢቴ 5:19

«ኑኒ ኑ ኣይፌራ ቤኣና ማላ ኣኔ ጾሲ ኤሌሎ! ባ ኦሶካ ኤሶሶ! ኑኒ ኤራና ማላ ኢስራኤሌ ጌሻይ ቆፒዳ ቆፋይ ማታን ፖሌቶ» ጊዛይታስ ኣዬ ኣና!

ቆላሲያሴ ኣሳስ 1:24

ታ ኢንቴ ጊሻስ ዋዬ ቤኢዳይሲ ሃኢካ ታና ኡፋይሴስ፤ ኪርስቶሲ ባ ኣሳቴ ሄሲካ ዎሳ ኬ ጊሻስ ኢዚ ኤኪዳ ዋዬዛፔ ኤኪሺን ፓጪዳይ ዲኮ ታኒ ታ ኣሾን ኩንና።

1ቆሮንቶሴ ኣሳስ 10:22

ኑኒ ጎዳ ሃንቄኖ? ኑ ኢዛፔ ሚኒዞኒ?

Maatosa 23:33

«ኢንቴኖ ዱኪዛ ኢታ ሾሻ ናይቶ! ጋናሜ ታማ ፒርዳፌ ኢንቴ ዋኒ ኣታኔ?

Maatosa 11:28

«ቶሆይ ዴጺዳይቶ፥ ዳቡርዳይቶ፥ ኢንቴ ዉሪካ ታኮ ሃ ዪቴ፤ ታኒካ ኢንቴስ ሼምፖ ኢማና።

ሂዚቄላ ቲንቢቴ 16:33

ኣይ ላይማ ማጫሳስ ኢሞታይ ኢሜቴስ፤ ኔ ጊዲኮ ኔ ላጌታስ ጌዴ ኢሞታ ኢማሳ፤ ኣዋ ባጋራካ ዪዳይቲ ኔናራ ላይማታና ማላ ባሌናስ ሞጎታ ኢማሳ።

ኤርማሳ ቲንቢቴ 51:5

ኢስታ ቢታያ ኢስራኤሌ ጌሻ ሲንን ሞሮን ኩሚዳ ጊዲኮካ ኢስራኤሌኔ ዩሁዳ ኡባፌ ዎልቃማ ጎዳይ ኢስታ ጾሳይ ኢስታ ዬጊ ኣጊቤና።

ኤርማሳ ቲንቢቴ 50:29

«ዎንዳፌን ኦሊዛይታ ባቢሎኔ ቦላ ጼይጊቴ፤ ኢሳዴይካ ኬሲ ኤኪ ቦንታ ማላ ኢስታ ጊዶዲ ዱንካኒቴ፤ ጎዳ ኢስራኤሌ ጌሻ ካዉሺዳ ጊሻስ ኢዚ ኦሶ ማላ ኢዚስ ዛሪቴ፤ ኢዛ ሃራታ ቦላ ኦዳይሳ ኢዚ ቦላ ኦቴ።

ኤርማሳ ቲንቢቴ 7:26

ዴሬዚ ጊዲኮ ታ ጊዛዝ ሲዪቤና፤ ዎዚናን ዎ ሲያናስካ ኮዪቤና፤ ኢስቲ ባንታ ሞርጌ ሚንዳኔ ኢስታ ኣዋቲ ኦዳ ኢታ ሚሻፌ ኣዛ ኢታ ሚሽ ኦዳ።

ኤርማሳ ቲንቢቴ 2:33

ዚታን ኣስ ኦይካናስ ኔ ኣይ ማላ ኤራንቻ? ሁስኩ ሁስኪዛ ኢታ ማጫሳቲካ ኔ ሃኖቴፌ ዳሮ ኢታ ሚሽ ታማሬቴስ።

ኤርማሳ ቲንቢቴ 2:31

ኢንቴኖ ሃ ዎዴ ዬሌታቶ! ጎዳ ቃላ ዩሺ ቆፒቴ፤ «ታኒ ኢንቴስ ኢስራኤሌ ኣሳስ ባዞ ማላ ዎይኮ ሳካና ማይ ዲዛ ቢታ ማላ ጊዳዲና? ሂስቲን ኣይስ ታ ኣሳይ፥ ‹ኑኒ ኑ ሼኔ ማላ ሃናና፤ ሲሚዲካ ኔኮ ዮኮ› ጊዜ?

ኤርማሳ ቲንቢቴ 2:5

ጎዳይ፥ «ካሴ ኢንቴ ኣዋቲ ታፔ ሃኪዳይ፥ ሃዳ ዮኦ ካሊዳይ፥ ባ ሁኤሲካ ጎኣይ ባይንዳይታ ጊዲዳይ ታፔ ኣይ ሞሮ ዴሚዲ?

ኢሳያሳ ቲንቢቴ 65:3

ኣታኪልቴሶሆን ያርሾ ያርሺዛይቲ፥ ኡርቃፌ ሜቲዳ ያርሾሶሆታ ቦላ ኤጻኔ ጩዋሲዛይቲ፥ ኡባ ዎዴ ታና ሃንቄዛ ዴሬታ።

ኢሳያሳ ቲንቢቴ 41:20

ሄሳ ጊሻስ ኣሳይ ሄሳ ቤኣናኔ ኤራና፤ ጎዳ ኩሼይ ሃይሳ ኦዳይሳ፥ ኢስራኤሌ ጌሻይ ሜዳይሳ ኢስቲ ኢሲፌ ዩሺ ቆፓናኔ ኣኬካና» ጌስ።

ኢሳያሳ ቲንቢቴ 41:16

ኔኒ ኢስታ ሱራጋና፤ ጫርኮይ ኢስታ ፒቲ ኤፋና፤ ጎቴይካ ኢስታ ላላና። ጊዶ ኣቲን ኔኒ ጎዳን ኡፋዬታና፤ ቃሴ ኢስራኤሌ ጌሻን ቦንቼታና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 37:23

ኔ ኦና ጫያይኔ ካዉሻይ? ኦና ቦላ ኔ ቃላ ቁ ሂስታ ሃሳያይ? ኦቶሮ ኣይፌን ኦና ጼላይ? ኢስራኤሌ ጌሻ ቦላ ጊዴኔ!

ኢሳያሳ ቲንቢቴ 30:15

ኡባ ሃሪዛ ጎዳይ፥ ኢስራኤሌ ጌሻይ፥ «ኢንቴ ታኮ ሲሞኒኔ ታናን ሼምፖን ኣታና፤ ዎፓኒኔ ኣማኖን ኢንቴ ሚናና፤ ኢንቴ ጊዲኮ ሄሳ ኦቤኬታ።

ኢሳያሳ ቲንቢቴ 30:9

ሃይቲ ጎዳ ኣዛዞ ሲያና ኮዮንታይቲ፥ ማካላንቻ ዴሬኔ ባሌዛ ናይታ።

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ኢሳያሳ ቲንቢቴ 14:20

ኔኒ ኢስታራ ዱፎን ዳካ፤ ጋሶይካ ኔ ቢታ ባሻዳሳ፤ ኔ ዴሬዛ ኔ ይሳዳሳ፤ ኢታ ኦዛይታ ዜሬ ሙሌካ ኣኬኬቴና።

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 3:8

ዬሩሳላሜይ ጋንዲጋራዉስ፤ ዩሁዳይካ ኩንዳና ማታዱስ፤ ጋሶይካ ኢስቲ ባንታ ሃሳያኒኔ ኦሶን ጎዳራ ኤቄቲሼ ኢዛ ቦንቾዛ ቶቼቴስ።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ዬ ማጻፋ 89:18

ኑ ጎንዳሌይ ጎዳ ኩሼና፤ ኑ ካዎይካ ኢስራኤሌ ጌሻ ኩሼና።

ዬ ማጻፋ 78:40

ኢስቲ ባዞን ኣፑንቶ ኢዛ ቦላ ማካሊዶ! ሜላ ባዞን ኣፑንቶ ኢዛ ላንጪሲዶ!

ዬ ማጻፋ 78:8

ኢስቲ ካሴ ባንታ ኣዋታ ማላ ዎዚና ሙሜኔ ማካላንቻ ጊዴቴና፤ ኢስቲ ጾሳ ሲንን ሱሬ ጊዴቴና፤ ጾሳስካ ኣማኔቲቤቴና።

ዬ ማጻፋ 58:3

ኢታቲ ባ ኣዪ ኡሎፔ ዶሚዲ ሞሮ ኦጌ ቤቴስ፤ ዬሌቲዳ ጋላሳፌ ዶሚዲ ባሌቴቴሲኔ ዎርዶቴቴስ።

ዳናታ ማጻፋ 10:10

ሄሳፌ ጉዬ ኢስራኤሌ ኣሳይ፥ «ኑኒ ኔና ኑ ጾሳ ኣጊዲ ባኣሌ ኤቃታስ ጎይኒዲ ኔና ቆሂዶስ» ጊዲ ጎዳስ ዋሲዳ።

ዛሬ ማጻፋ 32:19

«ጎዳይ ሄሳ ቤኢዲ ኢስታ ቦላ ሃንቄቲዴስ፤ ኢስታ ማጫ ናይታኔ ኢስታ ኣቱማ ናይታ ዲጊዴስ።

ዛሬ ማጻፋ 31:16

ጎዳይ ሙሴስ፥ «ኔኒ ማታ ዎዴ ሃይቃዳ ኔ ኣዋታን ጋይታና፤ ሄሳፌ ጉዬ ሃይሲ ኣሳዚ ታ ኢዛራ ጫቄቲዳ ቃላ ላላና፤ ኢስቲ ታና ኣጋጊዲ ላይማ ማጫሳ ማላ ሄ ኢስቲ ላታና ቢታን ዲዛ ኤቃ ጾሳታስ ጎይናና።

ዛሬ ማጻፋ 29:25

ኣሳይ ኢዛስ ዛሪዲ፥ «ካሴ ኢስታ ኣዋታ ጾሳይ ኢስታ ጊብጼ ዴሬፔ ኬሲዳ ዎዴ ኢስታራ ፓጬቲ ጫቆዛ ኣሳይ ኣጊዳ ጊሻሳ።

ታይቦ ማጻፋ 32:14

ኢንቴኖ ናጋራንቻ ዬሌታቶ! ጎዳይ ኢስራኤሌ ዴሬ ቦላ ጉጂ ሃንቄታና ማላ ሃኢካ ኢንቴ ኢንቴ ኣዋታ ኦታ።

ሜቴ ማጻፋ 13:13

ሄ ዎዴ ሶዶሜ ኣሳይ ኢታኔ ጎዳ ሲንን ፓላ ናጋራ ኦዛይታ።

ዮሃኒሳ ኣጁታ 18:5

ኢዚ ናጋራይ ዶሬቲዲ ፑዴ ሳሎ ጋኪዴስ፤ ጾሲካ ኢዚ ሞሮዛ ኣኬኪዴስ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ናሂሚያ ማጻፋ 1:7

ኔኒ ኔ ኣይሌ ሙሴስ ኢሚዳ ኣዛዞዛኔ ዎጋዛ ኑኒ ናጎንታ ኣጊዳ ጊሻስ ኔና ቆሂዶስ።

ዬ ማጻፋ 71:22

ኣቤት ታ ጾሳዉ! ኔ ቱማቴ ጊሻስ ታኒ ኔና ዲን ጋላታና፤ ኣቤት ኢስራኤሌ ጌሻዉ! ታኒ ማሲንቆን ኔና ሳባና።

ኢሳያሳ ቲንቢቴ 1:28

ጊዶ ኣቲን ማካላንቻቲኔ ናጋራንቻቲ ኢሲ ቦላ ሊቃና፤ ጾሳ ኣጊዛይቲ ዉሪካ ያና።

ኢሳያሳ ቲንቢቴ 9:17

ሄሳ ጊሻስ ጎዳይ ናቴ ናይታን ኡፋዬቴና፤ ዪኦታሲኔ ኣምኤታስ ቃቴና፤ ኡባይካ ኢታ ኦዛይታኔ ጾሳ ያሻቴ ባይንዳይታ፤ ኡባ ኣሳ ዶናፔ ሃራሲዛ ቃላይ ኬዜስ፤ ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኢሳያሳ ቲንቢቴ 31:2

ኢዚ ጊዲኮ ኣ ኤራንቻ፤ ኢዚ ባሽ ኤሃና፤ ባ ቃላካ ላሜና፤ ኢታ ኦዛይታ ቦላኔ ቆሆ ኦዛይታ ማዲዛይታ ቦላ ኢዚ ዴንዳና።

ኢሳያሳ ቲንቢቴ 57:17

ኢዛ ናጋራ ጊሻሲኔ ኢዛ ዪቄቴ ጊሻስ ታ ሃንቄታዲስ፤ ታ ኢዛ ቃጻያዲስ፤ ታ ሲንካ ሃንቆን ኢዛፔ ጌንዲስ፤ ጊዶ ኣቲን ሃኢካ ሲሚዲ ኢዚ ባ ኦጌን ቢዴስ።

ኢሳያሳ ቲንቢቴ 58:2

ኢስቲ ታና ሃች ሃች ኮዬቴስ፤ ታ ኦጌዛ ኤራናስ ላሞቲዛ ሚሳቴቴስ። ሱሬ ሚሽ ኦዳ ካዎቴ ማላኔ ባ ጾሳ ኣዛዞ ዬጊ ኣጎንታ ዴሬ ማላ፥ ኢስቲ ታና ሱሬ ፒርዳ ኦይቼቴስ፤ ጾሲ ኢስታኮ ሺቃናይሳ ኢስቲ ዶሲዛ ሚሳቴስ» ጌስ።

ኢሳያሳ ቲንቢቴ 65:11

ጊዶ ኣቲን ጎዳ ኣጊዳ ኢንቴስ፥ ታ ጌሻ ዙማ ዶጊዳ ኢንቴስ፥ ‹ታ ባሶ› ጌቴቲዛ ኤቃ ጾሳስ ሶሆ ጊጊሲዳ ኢንቴስ፥ ‹ጋዴ› ጌቴቲዛ ኤቃ ጾሳስ ዋላኬቲዳ ዎይኔ ኡሹ ዋንጫን ኩንዳ ኢንቴስ፥

ኤርማሳ ቲንቢቴ 15:6

«ኔ ታና ኣጋዳሳ፤ ጉዬ ጉዬ ባሳ፤ ሄሳ ጊሻስ ታኒ ኔ ቦላ ታ ኩሼ ዴንዳ ኔና ይሳና፤ ሃይሳፌ ጉዬ ኔስ ቃቲኬ።

ኤርማሳ ቲንቢቴ 32:32

ኢስራኤሌ ኣሳይኔ ዩሁዳ ኣሳይ፥ ኢስታ ካዎቲኔ ሹሜቲ፥ ኢስታ ቄሴቲኔ ናቤቲ ኦዳ ኢታ ኦሶ ኡባን ታና ሃንቄዳ።

ሂዚቄላ ቲንቢቴ 14:5

ባንታ ኤቃ ጾሳታ ጋሶን ታፔ ሻኬቲዳ ኢስራኤሌ ኣሳ ኡባ ዎዚና ሃ ታኮ ዛራናስ ታ ሄሳ ኦና› ጌስ።

ሂዚቄላ ቲንቢቴ 16:45

ቱሙ ኔኒ ባ ኣዚናኔ ባ ናይታ ሻቴቲዛ ኔ ኣዬይ ና፤ ኔኒ ባንታ ኣዚናታኔ ባንታ ናይታ ሻቴቲዛ ኔ ሚቼታ ማላ። ኢንቴ ኣያ ሂቴ ቢታ ኣሳ፤ ኢንቴ ኣዋይ ቃሴ ኣሞሬ ቢታ ኣሳ።

ዳኔላ ቲንቢቴ 9:11

ኢስራኤሌ ኣሳይ ኡባይ ኔስ ኣዛዜቲቤና፤ ኔ ዎጋካ ኡባ ሜንዲ ካሬ ኬዚዴስ። «ኑኒ ኔና ቆሂዳ ጊሻስ ኔ ኦሳንቻዛ ሙሴ ዎጋን ጻፌቲዳ ጫቆዚኔ ቃንጌዚ ኑ ቦላ ጋኪዴስ።

ሶፎናሳ ቲንቢቴ 1:6

ጎዳ ካላናፔ ጉዬ ሲሚዛይታ፥ ጎዳ ኮዮንታይታ፥ ኢዚ ኢስታ ማዳና ማላ ኦይቾንታይታ ታ ይሳና» ጌስ።

ኬሳ ማጻፋ 32:7

ሂስቲን ጎዳይ ሙሴስ፥ «ኔ ጊብጼፔ ኬሳ ኤሂዳ ኔ ኣሳይ ናጋራ ኦዲ ባናቴ ቱኒሲዳ ጊሻስ ኤሶን ዱጌ ዎ።

ዛሬ ማጻፋ 32:5

«ኢስቲ ኢዛ ሲንን ኢታ ኦዳ፤ ኢስቲ ባንታ ኢታቴፌ ዴንዲዳይሳን ሃይሳፌ ጉዬ ኢዛ ናይታ ጊዴቴና፤ ኢስቲ ቦካኔ ጌላ ዬሌታታ።

2ካዎታ ማጻፋ 21:22

ካሴ ባ ጎዳ ጾሳ ኣጋጊዴስ፤ ኢዚ ጎዳ ኦጌን ቢቤና።

2ታሪኬ ማጻፋ 12:1

ኤሮቢኣሜ ካዎቴይ ሚኒ ኤቂዳ ዎዴ ኢዚኔ ኢስራኤሌ ኣሳይ ኡባይ ጎዳ ዎጋ ዬጊ ኣጊዳ።

2ታሪኬ ማጻፋ 27:2

ካሴ ኢዛ ኣዋ ኦዚያይ ኦዳይሳ ማላ ኢዚካ ጎዳ ሲንን ሱሬ ሚሽ ኦዴስ፤ ጊዶ ኣቲን ኢዛ ኣዋይ ጾሳ ኬ ጌሊዳ ማላ ኢዚ ጌሊቤና፤ ኣሳይ ጊዲኮ ናጋራ ኦሶ ኣጊቤና።

ዬ ማጻፋ 78:41

ኢስቲ ዛሪ ዛሪዲ ጾሳ ፓጪዳ፤ ኢስራኤሌ ጌሻ ማዱንዳ።

ዬ ማጻፋ 78:57

ኢስቲ ቤኒ ባንታ ኣዋታ ማላ ማካላንቻታኔ ካዲዛይታ ጊዲዳ፤ ኣማንንታ ቦካ ቶማን ኤቂዳ ቶራ ማላ ጊዲዳ።

ኢሳያሳ ቲንቢቴ 30:1

ጎዳይ፥ «ማካላንቻ ጊዲዳ ናይታስ ኣዬ ኣና! ታፔ ጊዶንታ ቆፋ ካሌቴስ፤ ታ ኣያናፔ ጊዶንታ ጫቆ ጫቄቴስ፤ ናጋራ ቦላ ናጋራ ጉጄቴስ።