Ibirawe 11:12 - ጋሞ ማጻፋ

¹² ሄሳ ጊሻስ ሃይሳ ሃይቂዳ ኣሳ ማላ ቆዴቲዳ ኢሲ ኣብራሃሜፔ ሳሎ ጾሊንቴ ማላኔ ኣባ ኣጬ ማላ ቆዳይ ባይንዳ ዳሮ ዜሬይ ቤቲዴስ።

Geeshsha Maxaafa

¹² Hessa gishshas hayssa hayqqida asa mala qoodettida issi Abrahaameppe salo xoolintte malanne abba ace mala qooday baynda daro zereththay beettides.

Gamo Geesha Maxxafa New Testamen

¹² Hessa gishshi hayssa hayqqida asa mala qoodetida issi Abiramepe salo xoolintte malane abba ace mala qooday bayndda daro zerethay beettides.

Ibirawe 11:12 Referans Kwoze

ሜቴ ማጻፋ 22:17

ታኒ ኔና ቱሙ ኣንጃና፤ ኔ ዜሬካ ታኒ ሳሎ ጾሊንቴ ማላኔ ኣባ ዶናን ዲዛ ኣጬ ማላ ኦዳ ዳርሳና፤ ኔ ዜሬቲ ባ ሞርኬታ ካታማታ ላታና።

ሜቴ ማጻፋ 32:12

ጊዶ ኣቲን ኔኒ ታና፥ ‹ታኒ ኔስ ቱሙ ሎኦ ኦና፤ ታኒ ኔ ዜሬይ ታይቤታናስ ዳንዳዬቶንታ ኣባ ሻሚንታ ማላ ኦና› ጊዳይሳ ቆፓ» ጊ ዎሲዴስ።

ሆሴኤ ቲንቢቴ 1:10

ጊዲኮካ ኢስራኤሌ ኣሳይ ቆዳይ ባይንዳ ኣባን ሻሚንታ ማላ ዳራና። ሃኢ ጾሲ፥ «ኢንቴ ታ ዴሬ ዴኬታ» ጌቴቲዳሶሆን፥ «ኢንቴ ዴኦ ጾሳ ናይታ» ጌቴቲ ጼይጌታና ዎዴይ ያና።

ኤርማሳ ቲንቢቴ 33:22

ታኒ ታ ኦሳንቻ ዳዊቴ ዛሬታኔ ታ ሲንን ሃጋዚዛ ሌዌ ቆሞታ ቆዳይ ባይንዳ ሳሎ ጾሊንቴታ ማላኔ ማኪን ዉሮንታ ኣባ ሻሚንታ ማላ ዳርሳና» ጌስ።

ሜቴ ማጻፋ 15:5

ሄሳፌ ጉዬ ጎዳይ ኣብራሜ ካሬ ኬሲዲ፥ «ፑዴ ሳሎ ጼላ፤ ኔኒ ጾሊንቴታ ታይባናስ ዳንዳይኮ ታይባ፤ ኔ ዜሬይካ ሃይሳ ማላ ጊዳና» ጊዴስ።

ሜቴ ማጻፋ 26:4

ኔ ዜሬ ታኒ ሳሎ ጾሊንቴ ማላ ዳርሳና፤ ሃይሳ ቢታ ኡባ ታ ኢስታስ ኢማና፤ ቢታ ኣሳይ ኡባይ ኔ ዜሬ ባጋራ ኣንጄታና።

ዮሃኒሳ ኣጁታ 20:8

ኣላሜ ቦላ ዲዛይቲ ሄይቲካ ጎጌኔ ማጎጌ ጌቴቲዛይታ ባሌናሲኔ ኢስታ ኦላስ ኤኪ ባናስ ኬዛና፤ ሄይታንታ ቆዳይ ኣባ ኣቻን ዲዛ ኣጬ ማላ።

ኢሳያሳ ቲንቢቴ 10:22

ኔኖ ኢስራኤሌ! ኔ ኣሳይ ኣባ ሻሚንታ ማላ ጊዲኮካ ጫሻ ኣቲዳይቲ ጻላ ሲማና። ጺሎቴን ኩሚዳ ጊታ ባሺ ኣዋጄቲዴስ።

ኬሳ ማጻፋ 32:13

ኔ ኣይሌታ ኣብራሃሜ፥ ዪሳቃኔ ያቆቤ ቆፓ፤ ኔኒ ኢስታስ፥ ‹ታኒ ኢንቴ ዜሬ ሳሎ ጾሊንቴ ማላ ዳርሳና፤ ታኒ ኢንቴስ ኢማና ጊዳ ቢታ ኡባካ ኢንቴ ዜሬታስ ኢማና፤ ኢስቲ ሄ ቢታ ሜርናስ ላታና› ጋዳ ኔኒ ኔ ሱንን ጫቂዳ ቃላ ዩሻ ቆፓ» ጊዲ ጋናቲዴስ።

ኢሳያሳ ቲንቢቴ 48:19

ኔ ዜሬ ኣባ ሻሚንታ ማላ፥ ኔ ናይቲካ ቆዳይ ባይንዳ ጉዱላ ማላ ጊዳናሺን፤ ኢስታ ሱን ቁጬቴና፤ ታ ሲንፌ ዬቴናሺን» ጌስ።

ናሂሚያ ማጻፋ 9:23

ኢስታስ ቆዳይ ሳሎ ጾሊንቴ ማላ ዳሪዳ ናይታ ኢማዳሳ፤ ካሴ ኢስታ ኣዋታስ ኔ ኢማና ጋ ቃላ ጌሊዳ ቢታ ኢስቲ ጾኒ ላታና ማላ ኦዳሳ።

1ታሪኬ ማጻፋ 27:23

ጎዳይ፥ «ታኒ ኢስራኤሌ ኣሳ ሳሎ ጾሊንቴ ማላ ጮራሳና» ጊዲ ሂዶታ ቃላ ኢሚዳ ጊሻስ ዳዊቲ ናምኡ ታማኔ ሄሳፌ ጋርሳራ ጊዲዳ ኣሳ ቆዲቤና።

1ካዎታ ማጻፋ 4:20

ዩሁዳ ኣሳ ቆዳይኔ ኢስራኤሌ ኣሳ ቆዳይ ኣባ ሻሚንታ ማላ ጮራቲዴስ፤ ኢስቲ ሚሼኔ ኡዪሼ ኡፋይሳን ዴኢዳ።

2ሳሜላ ማጻፋ 17:11

«ሄሳ ጊሻስ ታ ኔና ዞሪዛ ዞሬይ ሃይሳ፤ ኢዛስ ቆዳይ ኣባ ሻሚንታ ማላ ዳሪዳ ዳኔፔ ቢዲ ቤርሳቤሄ ጋካናስ ዲዛ ኢስራኤሌ ኣሳይ ኡባይ ኔኮ ሺቂኮ ኔኒ ኔ ሁኤራ ኦላ ካሌ።

1ሳሜላ ማጻፋ 12:5

ሳሜሊካ፥ «ታ ቦላ ኢንቴ ኣይ ዎሶካ ዴሞንታይሳስ ጎዳይኔ ኢዚ ቲይዳይሲ ሃች ኢንቴ ቦላ ማርካ» ጊዴስ። ዴሬዚካ «ኤ ኢዚ ማርካ» ጊዴስ።

ዳናታ ማጻፋ 7:12

ሄ ዎዴ ቦሌ ማላ ጮራቲዳ ሚዲያሜ ኣሳይ ኣማሌቄ ኣሳይኔ ኣርሼ ኬሳ ባጋራ ዲዛ ኣሳይ ኡባይ ሾባ ጊዶን ዱንካኒ ኡቲዴስ። ኢስታ ጋሜላቲ ኣባ ዶናን ዲዛ ኣጬ ማላ ቆዳፔ ዳሮ።

ኢያሶ ማጻፋ 11:4

ሂስቲን ኢስቲ ባ ኦላንቻታ ኡባ ዴንዲ ዳሮ ፓራታኔ ፓራ-ጋሬታ ኢሲፌ ኢስራኤሌ ኦላናስ ኤኪ ዪዳ። ኢስታስ ቆዳይ ኣባ ዶናን ዲዛ ኣንጮ ማላ ጮራ።

ዛሬ ማጻፋ 28:62

ጎዳ ኢንቴ ጾሳስ ኢንቴ ኣዛዜቶንታ ኢጺዳ ጊሻስ ሳሎ ጾሊንቴ ማላ ዳሪዳ ኢንቴፌ ጉቲ ጻላ ኣታና።

ዛሬ ማጻፋ 1:10

ኢንቴ ጎዳይ ኢንቴ ቆዳ ሳሎ ጾሊንቴ ማላ ዳርሲዴስ።

ኦሮሜ ኣሳስ 9:27

ኢሳያሲካ ኢስራኤሌ ናይታ ጊሻስ፥ «ኢስራኤሌ ናይታ ቆዳይ ኣባ ኣጬ ማላ ዳሪኮካ ጉቲ ጻላላ ኣታና።

ኢምባቆ ቲንቢቴ 1:9

ዉሪካ ጌኔስ ጊጺ ኬዚዳ፤ ኢስታ ኦላ ኣሳይ ባዞ ቢታ ጫርኮ ማላ ጌዴ ሲን ሆርዶፌስ። ዲኤቲዳይታ ኣጬ ማላ ሺሼስ።