ሆሴኤ ቲንቢቴ 9:6 - ጋሞ ማጻፋ

⁶ ኢስቲ ባሻፌ ኣታናስ ቤቲኮካ ጊብጼይ ኢስታ ሺሻና፤ ሜምፒሳ ጌቴቲዛሶን ኢስታ ሞጋና፤ ኢስቲ ሃሪዳ ቢራይ ዉሪካ ሻራፋ ማይኢ ኣታና፤ ኢስታ ዱሳሶ ኡባ ኣጉን ላታና።

Geeshsha Maxaafa

⁶ Istti bashshafe attanaas betikkoka Gibxey istta shiishshana; Memppisa geetettizason istta moogana; istti haarida biray wurikka sharafa may7i attana; istta duussaso ubbaa agunththi laattana.

ሆሴኤ ቲንቢቴ 9:6 Referans Kwoze

ሆሴኤ ቲንቢቴ 10:8

ኢስራኤሌስ ናጋራ ጊዲዳ ቤት-ኣዌኔን ጎይኒዛሶሆ ዙምቡላዚ ያና፤ ኦካይኔ ኦሃይ ሞካና፤ ሄ ዎዴ ዴሬይ ዙማታ፥ «ኑና ቆቲቴ!» ዙምቡላታካ «ኑና ካሚቴ!» ጋና።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ሆሴኤ ቲንቢቴ 9:3

ኢስራኤሌ ዴሬይ ጎዳይ ኢስታስ ኢሚዳ ቢታን ኡቴና። ኤፍሬሜይ ዱጌ ጊብጼ ሲማና፤ ኣሶሬካ ቢዲ ቱኒዳ ካ ማና።

ሆሴኤ ቲንቢቴ 8:13

ኢስቲ ሎኦ ያርሾ ሺሼቴስ ሄ ያርሾ ኣሾዛካ ሜቴስ፤ ጊዶ ኣቲን ጎዳይ ኢስታን ኡፋዬቲቤና። ሄሳ ጊሻስ ኢዚ ኢስታ ኢታቴ ዛሪ ቆፓና፤ ኢስታ ናጋራ ጊሻስ ቃጻያና። ኢስቲካ ጊብጼ ሲማና።

ሆሴኤ ቲንቢቴ 7:16

ታፔ ሃኪዲ ሃዳ ሚሻኮ ሲሚዳ፤ ኢስቲ ጫዳና ጾንጊን ዎራ ቢዛ ቶራ ማላ። ኢስታ ካሌዛይቲካ ባንቲ ሃሳይዛ ኢታ ቃላ ጋሶን ማሻን ዉራና፤ ሄሳፌ ዴንዶይሳን ኢስቲ ጊብጼ ቢታን ቂስ ኣታና።

ኢሳያሳ ቲንቢቴ 7:23

ሄ ዎዴ ኢሲ ሺ ቢራን ዋሼቲዛ ኢሲ ሺ ዎይኔ ቱራቲ ቶኬቲዳሶሆቲ ኡባይ ኣጉንኔ ኪንዲቾ ጻላ ጊዳና።

ሆሴኤ ቲንቢቴ 11:11

ጊብጼፔ ካፎ ማላ ኣሶሬፔ ሃራጴ ማላ ፒራ ያና። ታኒ ኢስታ ኢስታሶሆን ዎና» ጌስ።

ሆሴኤ ቲንቢቴ 7:13

ኢስቲ ታፔ ሃኪ ቢዳ ጊሻስ ኢስታስ ኣዬ ኣና! ታ ቦላ ኢስቲ ማካሊዳ ጊሻስ ኢስታ ቦላ ይሲዛዚ ዮ፤ ታኒ ኢስታ ዎዛና ኮያዲስ፤ ኢስቲ ጊዲኮ ታ ቦላ ዎርዶ ሃሳዬቴስ።

ኢሳያሳ ቲንቢቴ 34:13

ጊምቤቲ ዩዪዳ ካታማታ፥ ኢዚ ሚጻታ ዶዮይኔ ኦካይ ላታና፤ ዎራካናታ ኦላኔ ጉቶታ ዱሳሶ ጊዳና።

ኢሳያሳ ቲንቢቴ 32:13

ታ ዴራ ቢታ ጊሻስ፥ ኣጉንኔ ኪንዲቾይ ሞኪዳ ቢታ ጊሻስ፥ ሆምቦጬን ኢስታን ጉፒዛ ኬታ ኡባ ጊሻስ፥ ሆምቦጬን ኢዚን ጉፒዛ ካታማይስ ዬኪቴ።

ኢሳያሳ ቲንቢቴ 27:12

ሄ ጋላስ ኤፊራጺሴ ሻፋፔ ሃ ባይንዳ ጊብጼ ሻፋ ጋካናስ ጎዳይ ባ ካ ቡካና፤ ኢንቴኖ ኢስራኤሌ ኣሳቶ፥ ኢንቴ ኢሶይ ኢሶይ ሺቃና።

ኢሳያሳ ቲንቢቴ 19:13

ጻኖሴ ሃላቃቲ ኤይዳ፤ ሜምፒሳ ሹሜቲ ባሌቲዳ፤ ኢዚ ዴሬ ካሌዛ ኤሬቲዳይቲ ጊብጼ ኣሳ ባሌዳ።

ኢሳያሳ ቲንቢቴ 11:11

ሄ ዎዴ ጎዳይ ናምኣን ባ ኩሼ ሚጪዲ ኣቲዳ ኣሳ ኣሶሬፔ፥ ፑዴሃ ጊብጼፔ፥ ዱጌሃ ጊብጼፔ፥ ቶጵያፔ፥ ኤላሜፔ፥ ሳናኦሬፔ፥ ሃማቴፔኔ ኣባ ጋጻን ዲዛ ዴሬታፔ ሺሻና።

ሌሚሶ ማጻፋ 24:31

ኡባሶን ኣጉን ሞኪዴስ፤ ጋዳ ሻራፋይ ጎዚዴስ፤ ጊምቤይካ ላሌቲዴስ።

ዬ ማጻፋ 107:34

ሄን ዴኢዛ ኣሳ ኢታቴ ጋሶን ኣራዳ ቢታዮ ኣይኮ ዶሊሶንታ ማጺኔ ቢታ ኦዴስ።

2ካዎታ ማጻፋ 13:7

ኢዮኣካዜ ኦላ ኣሳፔ 50 ቶጋ ኣሳቲ፥ ታሙ ፓራ-ጋሬቲኔ 10,000 ዎታዳራቲ ጻላ ኣቲዳ፤ ሃይሲ ሃኒዳይ ኣራሜ ካዎይ ኣቲዳይታ ኡባ ዲፒ ሂስቲ ይሲዲ ባሌፔ ኬኢዛ ሱላ ማላ ኦዳ ጊሻሳ።

1ሳሜላ ማጻፋ 13:6

ኢስራኤሌቲ ዲዛ ሃኖታይ ኬሂ ሂርጊሲዛዝ ጊዲዳይሳኔ ኢስታ ኦላ ኣሳይካ ዳሮ ጬጬን ዲዛይሳ ቤኢዲ ጎንጎሎይ ዲዛሶን፥ ዎራይ ዲዛሶን፥ ዛላይ ዲዛሶን፥ ኣፎይ ዲዛሶኒኔ ኦላይ ዲዛሶ ኡባን ቆቴቲዳ።

ኤርማሳ ቲንቢቴ 2:16

ቃሴካ ሜምፒሳኔ ጻፊናሴ ኣሳቲ ኔ ሁኤ ቡሉሲዳ።

ኤርማሳ ቲንቢቴ 42:22

ሄሳ ጊሻስ ኢንቴ ቢዲ ዳናስ ኮይዛ ቢታን ኢንቴ ኦላን፥ ኮሻኒኔ ኢታ ሃርጌን ሃይቂዲ ዉራና» ጊዴስ።

ኤርማሳ ቲንቢቴ 44:1

ጊብጼን ፑዴሃ ባጋራ ዲዛ ሚጊዶሌን፥ ጻፊናሴኒኔ ሜምፒሳን ሄሳካ ጊብጼፔ ዱጌሃ ባጋን ዲዛ ኣይሁዳ ኣሳስ ጎዳ ቃላይ ኤርማሳኮ ዪዲ፥

ኤርማሳ ቲንቢቴ 46:14

«ሃይሳ ጊብጼን ዮታ፤ ቃሴ ጊብጼ ካታማታን ሚጊዶሌን፥ ሜምፒሳኒኔ ጻፊናሴን ኣዋጃ። ኢንቴ ዩሾን ዲዛይታ ማሻይ ማና ጊጌቲዳ ጊሻስ ኢንቴ ዲዛሶን ዲዛሶን ጊጌቲ ኡቲቴ።

ኤርማሳ ቲንቢቴ 46:19

ኢንቴኖ ጊብጼ ቢታን ዲዛይቶ! ዲኤቲ ባናስ ኢንቴስ ዲዛዝ ጊግሲቴ፤ ሜምፒሳ ላሌታዳ ኢዚን ኣሲ ባይንዳ ቡላ ጊዳና።

ሂዚቄላ ቲንቢቴ 30:13

«ኤቃ ጾሳታ ታ ይሳና፤ ሜምፒሳን ዲዛ ሚስሌታ ታ ዲፒ ሂስታና፤ ሃይሳፌ ጉዬ ጊብጼን ሃላቃታናይ ዴና፤ ቢታይ ቦላ ታ ያሻቴ ኪታና።

ሂዚቄላ ቲንቢቴ 30:16

ታኒ ጊብጼ ቦላ ታማ ኤና፤ ሲኔይ ጬጬን ቡልኣኬታና፤ ቴቤሴይ ዳምባላን ሚቴታና፤ ሜምፒሳይ ዱጾንታ ጬጬ ጊዶ ጌላና።

ሆሴኤ ቲንቢቴ 2:6

ሄሳ ጊሻስ ታኒ ኢዚ ኦጌ ኣጉንራ ጎርዳና፤ ኢዛ ኬዛና ፔንጌ ዴሞንታ ማላ ታኒ ጊምቤ ዩሻ ኣ ጎርዳና።

ሆሴኤ ቲንቢቴ 7:11

«ኢስራኤሌ ኣሳይ ኤሌ ባሌቲዛኔ ቆፋይ ባይንዳ ሃራጴ ካፎ ማላ። ኢሲቶ ጊብጼ ጼይጌስ፤ ሃራ ዎዴ ቃሴ ኣሶሬኮ ሲሜስ፤

ሶፎናሳ ቲንቢቴ 1:11

ኢንቴኖ ማኪቴሻ ጊያን ዲዛይቶ! ዋሲቴ፤ ጋሶይካ ኢዛን ዛልኢዛ ዛልኣንቻቲ ኡባይ ዉራና፤ ቢራን ዛልኢዛይቲካ ኡባይ ሃይቃና።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ኤርማሳ ቲንቢቴ 44:12

ዩሁዳን ጫሻ ኣቲዳይቲ ጊብጼ ቢዲ ሄን ዳና ቃቺዳ ኡባታ ታኒ ዴን ይሳና፤ ኢስቲ ኡባይ ያና፤ ጊብጼ ቢታን ማሻኒኔ ኮሻን ዉራና፤ ጊታፔ ጋሼ ጋካናስ ዲዛ ኡባይ ማሻኒኔ ኮሻን ሃይቃና፤ ፓልቄስ፥ ዳጋማስ፥ ቃንጌሲኔ ቂስ ኬዛና።

ኤርማሳ ቲንቢቴ 44:13

ታኒ ዬሩሳላሜ ኦላን፥ ኮሻኒኔ ኢታ ሃርጌን ቃጻይዳ ማላ ጊብጼ ቢታን ዲዛይታካ ቃጻያና።