ሆሴኤ ቲንቢቴ 8:1 - ጋሞ ማጻፋ

¹ «ኣሳይ ታናራ ዲዛ ጫቆ ቃላ ላሊዴስ፤ ታ ዎጋ ቦላካ ማካሊዴስ። ሄሳ ጋሶን ሞርኬይ ኣርጋን ማላ ጎዳ ኬ ቦላ ኣላንስ። ሄሳ ጊሻስ ኢስቲ ናጌታና ማላ ዛዬ ፑና!

Geeshsha Maxaafa

¹ «Asay tanara diza caaqo qaala laallides; ta woga bollaka makkallides. Hessa gaason morkkey arganththa mala GODAA keeththa bolla alaanththees. Hessa gishshas istti naagettana mala zaye punna!

ሆሴኤ ቲንቢቴ 8:1 Referans Kwoze

ሆሴኤ ቲንቢቴ 6:7

ኢስቲ ቃሴ ካሴ ኣዳሜ ጌቴቲዛሶን ታናራ ጌሊዳ ጫቆ ቃላ ላሊዳ፤ ሄንካ ኢስቲ ታናን ኣማኔቲቤቴና።

ዛሬ ማጻፋ 28:49

ጎዳይ ኔ ኢስታ ቃላ ኤሮንታ ካዎቴ ሃኮ ዴሬፔ ኔ ቦላ ኤሃና፤ ኢስቲካ ጎሌ ካፎ ማላ ኔ ቦላ ዎና።

ሆሴኤ ቲንቢቴ 5:8

ኣሳይ ኦላስ ኬዛና ማላ ጊቢኣን ዛዬ ዛዪቴ፤ ኤራማን ጹሩምባ ፑኒቴ። ቤቲ-ኣዌኔን፥ ‹ቢኒያሜ ባጋቶ! ኑ ኢንቴናራ ዶስ› ጊሼ ዋሲቴ።

ኤርማሳ ቲንቢቴ 4:13

ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ኢምባቆ ቲንቢቴ 1:8

ኢስታ ፓራይ ማሄፔካ ፒላታ፤ ኦማርሳ ካና ሱይቴታፔካ ሜንጼ ኢታ፤ ኢስታ ቶጋ ኣሳይካ ቶ ፒላታኔ ሃሆፔ ዪዛይታ። ባቂ ኤኪዲ ኤሌሊዛ ጎሌ ካፎ ማላ ፒራቴስ።

1ቆሮንቶሴ ኣሳስ 15:52

ሄሲካ ሃናናይ ኑ ቆፖንታ ዲሺን ዉርሴ ጹሩምባይ ፑኔቲዛ ዎዴ ቂጲዳ ኣይፌይ ጼሊዛ ማላ ኢሲቶ ሃናና፤ ጹሩምባይ ፑኔታና፤ ሃይቂዳ ኣሳይ ዎቆንታይታ ጊዲዲ ዴንዳና፤ ኑኒካ ላሜታና።

Maatosa 24:28

ኣሃይ ዲዛሶ ኣንኮይ ሺቄስ።

ዛካራሳ ቲንቢቴ 11:1

ሊባኖሴ ኔናን ዲዛ ዚጋ ሚ ታማይ ማና ማላ ኔ ፔንጌታ ዶያ።

ዛካራሳ ቲንቢቴ 9:14

ጎዳይ ኢስታ ቦላ ቆንጫና፤ ኢዛ ዪሻይ ዎልቃን ማላ ፖፖልኡ ጋና፤ ኡባፌ ዎልቃማ ጎዳይ ጹሩምባ ፑናና። ዱጌሃፔ ኬዚዛ ጎቴ ጫርኮ ማላ ኢዚ ባና።

ሶፎናሳ ቲንቢቴ 1:16

ሄ ጋላሳይ ጊምቤቲዳ ካታማታ ቦላኔ ኣዱሳ ጊምቤታ ቦላ ኦላ ዛዬይኔ ኦላ ዋሶይ ሲዬቲዛ ጋላስ ጊዳና።

ኣሞጼ ቲንቢቴ 9:1

ጎዳይ ያርሾ ያርሺዛሶዛ ሚሌን ኤቂ ዲሺን ታ ቤያዲስ፤ ኢዚካ ታና፥ «ጾሳ ኬ ዮቻይ ቃጻና ጋካናስ ኬ ቁስቴ ሾጫ ላላዳኔ ኣሳ ቦላ ኩንዳና ማላ ኦ፤ ሄሳፌካ ኣቲዳይታ ታኒ ኢስታ ማሻራ ዎ ይሳና፤ ኢስታፌ ኦኒካ ባቃቴና፤ ባቃቲኮካ ታፔ ኬሲ ኤኪ ኣቴና።

ኣሞጼ ቲንቢቴ 8:3

«ኢስቲ ጾሳ ኬን ሲሲዛ ዬይ ሄ ዎዴ ዬሆን ላሜታና፤ ዳሮ ኣሳ ኣሃይ ኣዋን ኣዋንካ ኩንዲ ኣታና፤ ኣዋንካ ጮ ዬጌቲ ኣታና» ጌስ።

ኣሞጼ ቲንቢቴ 3:6

ካታማ ጊዶን ኦላስ ዛዬይ ፑኔቲሺን ባቦን ኮኮሮንታ ኣሲ ዲ ኤሪዜ? ጎዳ ሼኔይ ባይንዳ ዲሺን ካታማ ቦላ ኢታ ሚሺ ጋኪ ኤሪዜ?

ኢዩኤሌ ቲንቢቴ 2:1

ጺዮኔን ዛዬ ዛዪቴ፤ ጌሻ ዙማ ቦላ ዋሲቴ! ጎዳ ዩሳ ጋላሲ ጋኪዳ ጊሻስ ቢታ ቦላ ዲዛይ ዉሪካ ኮኮሮ።

ሆሴኤ ቲንቢቴ 9:15

«ኢስቲ ጌልጌላን ኦዳ ኢታቴ ጋሶን ታ ኢስታ ኢጻዲስ፤ ኢስቲ ኦዳ ኢታ ኦሶ ጊሻስ ታ ኬፌ ታ ኢስታ ጎዳና፤ ሃይሳፌ ጉዬካ ታ ኢስታ ዶሲኬ፤ ኢስታ ካሌዛይቲ ኡባይ ማካላንቻታ።

ሆሴኤ ቲንቢቴ 4:6

ታ ዴሬዛስ ኤራቴ ፓጪዳ ጊሻስ ይዴስ። ኢንቴ ታና ኤራናስ ኮዮንታ ጊሻስ ታኒካ ኢንቴ ታስ ቄሴታ ጊዲ ኦና ማላ ኮይኬ። ኢንቴ ታ ዎጋ ባሌቲዳ ጊሻስ ታኒካ ኢንቴ ናይታ ባላና።

ሂዚቄላ ቲንቢቴ 16:59

ኡባ ሃሪዛ ጎዳይ፥ «ታ ቃላ ካዳ ጊሻስ ታናራ ጌሊዳ ጫቆ ቃላ ላላዳሳ፤ ሄሳስ ኔ ኦዳ ማላ ታ ኔ ቦላ ኦና።

ሂዚቄላ ቲንቢቴ 7:14

ታ ሃንቆይ ኣሳ ኡባ ቦላ ዪዳ ጊሻስ ኢስቲ ዛዬ ዛይኮኔ ኡባ ሚሽ ጊግሲኮ ኦላሶ ባናይ ኦኒካ ዴና።

ኤርማሳ ቲንቢቴ 51:27

«ቢታ ኡባ ቦላ ባንዲራ ዴንቴ፤ ካዎቴታ ጊዶን ዛዬ ፑኒቴ፤ ካዎቴታ ኢዚ ቦላ ኦላስ ጊግሲቴ፤ ኣራራቴ፥ ሚናኔኔ ኣሽኬናዜ ካዎታ ኦላስ ኢዚ ቦላ ጼይጊ ሺሺቴ፤ ኦላ ጋዳዋ ኢዚ ቦላ ሹሚቴ፤ ቦሌ ዉዴ ማላ ፓራታ ኢዚ ቦላ ዬዲቴ።

ኤርማሳ ቲንቢቴ 48:40

ጎዳይ፥ «ጎሌይ ባ ቄፌ ፒዲ ሂስቲ ፒራ ዎዛ ማላ፥ ሞኣቤ ቦላ ዎና።

ኤርማሳ ቲንቢቴ 31:32

ሄ ጫቆዚ ታኒ ኢስታ ጊብጼፔ ኬሳናስ ኢስታ ኩሼ ኦይካዳ ኢስታ ኣዋታራ ጫቄቲዳ ጫቆዛ ማላ ጊዴና፤ ታኒ ኢስታስ ኣዚና ማላ ጊዳ ዲሺን ኢስቲ ታናራ ዲዛ ጫቆ ቃላዛ ላሊዳ» ጌስ።

ኤርማሳ ቲንቢቴ 6:1

ጎዳይ፥ «ኢንቴኖ ቢኒያሜ ዛሬቶ! ፑዴሃ ባጋፌ ኢታ ሚሺኔ ባሺ ያና ጊዛ ጊሻስ ኢንቴ ሼምፖ ኣሻናስ ባቃቲቴ! ዬሩሳላሜፔ ኬዚቴ! ቴቁሄ ካታማን ዛዬ ፑኒቴ! ቤቲ-ሃካሪሜን ማላታ ቤሲቴ!

ኤርማሳ ቲንቢቴ 4:5

ጎዳይ፥ « ‹ቢታ ኡባን ዛዬ ፑኒቴ!› ጊዲ ዩሁዳን ዮቲቴ። ዬሩሳላሜንካ ኣዋጂቴ፤ ‹ኢሲፌ ሺቂቴ! ኣኔ ጊምቤቲዳ ካታማታኮ ባቃቶስ!› ጊ ዋሲቴ።

ኢሳያሳ ቲንቢቴ 58:1

ጎዳይ፥ «ኔ ቃላ ቁ ሂስታ ዋሳ፤ ኣይኮካ ኣሾፋ። ኔ ጬንጉርሳ ዛዬ ማላ ሲሳ። ታ ዴራስ ኢስታ ማካላቴ፥ ያቆቤ ኬ ኣሳሲካ ኢስታ ናጋራ ዮታ።

ኢሳያሳ ቲንቢቴ 24:5

ቢታይ ባ ኣሳን ቱናዱስ፤ ኢስቲ ዎጋ ሜንዳ፤ ማራ ሞሪዳ፤ ሜርና ጫቆ ቃላ ሜንዳ።

ኢሳያሳ ቲንቢቴ 18:3

ኢንቴኖ ሳኣ ቦላ ዲዛ ኣስ ኡባቶ! ዙማታ ቦላ ማላታይ ካቄቲሺን ኢንቴ ቤኣና፤ ዛዬይ ፑኔቲሺን ኢንቴ ሲያና።

2ካዎታ ማጻፋ 18:27

ኦላንቻታ ጋዳዋዚ ዛሪዲ፥ «ታ ጎዳይ ታና ኪቲዳይ ኢንቴሲኔ ኢንቴ ጎዳስ ጻላ ዮታናሴ? ሃንኮ ኣሳይካ ኢንቴይሳ ቡሮ ባርካ ባ ሺ ማና ማላኔ ባርካ ባ ሼሽ ኡያናስ ጊምቤዛ ቦላ ዲዛይታራ ዮታናስ ጊዴኔ?» ጊዴስ።

ኢዩኤሌ ቲንቢቴ 2:15

ጺዮኔ ዙማ ቦላ ዛዬ ፑኒቴ፤ ዴሬዛ ኣያና ሺቆስ ጼይጊቴ፤ ጾማካ ኣዋጂቴ።

ኤርማሳ ቲንቢቴ 34:18

ታናራ ጫቄቲዳ ቃላ ሜንዳይታኔ ታ ሲንን ጫቄቲዳ ቃላ ፖሎንታ ኣሳታ ኢስቲ ማሪ ሹኪ ኢዛ ኣሾ ናምኡ ኬሲ ሻኪ ዎዲ ኢዛ ጊዶራ ኣዳይሳ ታኒካ ኢስታ ኦና።

ኤርማሳ ቲንቢቴ 49:22

ጎሌ ማላ ዱጌ ሲቲ ጊ ኢዚ ቦላ ዎና፤ ባ ቄፌታካ ቦጺራ ቦላ ሚጫና፤ ሄ ዎዴ ኤዶሜ ኦላንቻቲ ሚጻይ ኦይኪዳ ማጫሳ ማላ ሂርጋና።

ሂዚቄላ ቲንቢቴ 17:3

ኡባ ሃሪዛ ጎዳይ፥ ‹ዎጋ ቄፌይኔ ኣዱሲኔ ጮራ ባሌይ ዲዛ ኢዛስ ሜይ ማሳራ ጊዲዳ ጊታ ጎሌይ ዴስ። ኢዚካ ሊባኖሴ ዪዲ ዚጋ ሚ ጼራን ኡቲዲ ኡንቁሎዛ ጹንቂዴስ።

ሂዚቄላ ቲንቢቴ 11:4

ሄሳ ጊሻስ ኔኒ ኢስታ ቦላ ቲንቢቴ ዮታ! ኣሳ ናዉ! ቲንቢቴ ዮታ» ጊዴስ።