ሆሴኤ ቲንቢቴ 7:16 - ጋሞ ማጻፋ

¹⁶ ታፔ ሃኪዲ ሃዳ ሚሻኮ ሲሚዳ፤ ኢስቲ ጫዳና ጾንጊን ዎራ ቢዛ ቶራ ማላ። ኢስታ ካሌዛይቲካ ባንቲ ሃሳይዛ ኢታ ቃላ ጋሶን ማሻን ዉራና፤ ሄሳፌ ዴንዶይሳን ኢስቲ ጊብጼ ቢታን ቂስ ኣታና።

Geeshsha Maxaafa

¹⁶ Taappe haakkidi hada miishshako simmida; Istti caddana xongiin wora biza toora mala. Istta kaaleththizaytikka bantti haasayza iita qaala gaason mashshan wurana; hessafe dendoyssan istti Gibxe biittan qidhes attana.

ሆሴኤ ቲንቢቴ 7:16 Referans Kwoze

ሆሴኤ ቲንቢቴ 9:3

ኢስራኤሌ ዴሬይ ጎዳይ ኢስታስ ኢሚዳ ቢታን ኡቴና። ኤፍሬሜይ ዱጌ ጊብጼ ሲማና፤ ኣሶሬካ ቢዲ ቱኒዳ ካ ማና።

ዬ ማጻፋ 78:57

ኢስቲ ቤኒ ባንታ ኣዋታ ማላ ማካላንቻታኔ ካዲዛይታ ጊዲዳ፤ ኣማንንታ ቦካ ቶማን ኤቂዳ ቶራ ማላ ጊዲዳ።

ሂዚቄላ ቲንቢቴ 23:32

«ኡባ ሃሪዛ ጎዳይ፥ « ‹ኣኮኔ ጪማ ጊዲዳ ጹኣ፥ ኔ ሚቼይ ጹኣ ኔ ኡያና፤ ጹኣዚ ዳሮ ኦይኪዛ ጊሻስ ጫሼኔ ናች ኔ ካላና።

ዬ ማጻፋ 73:9

ኢስቲ ሳሎን ዲዛ ጾሳ ባንታ ዶናን ጫዬቴስ፤ ሳኣን ዴኢዛ ኣሳ ባንታ ኢንጻርሳን ዱኬቴስ።

ሆሴኤ ቲንቢቴ 9:6

ኢስቲ ባሻፌ ኣታናስ ቤቲኮካ ጊብጼይ ኢስታ ሺሻና፤ ሜምፒሳ ጌቴቲዛሶን ኢስታ ሞጋና፤ ኢስቲ ሃሪዳ ቢራይ ዉሪካ ሻራፋ ማይኢ ኣታና፤ ኢስታ ዱሳሶ ኡባ ኣጉን ላታና።

ዬ ማጻፋ 12:4

ኢስቲ፥ «ኑኒ ኑ ኢንጻርሳን ጾናና፤ ኑ ዶናይ ኑሳ፤ ኑስ ጎዳይ ኦኔ?» ጌቴስ።

ዮሃኒሳ ኣጁታ 13:5

ኢዛስ ኦቶሬቴኔ ጫሻ ቃላ ሃሳይዛ ዶናይ ኢሜቲዴስ፤ ኢዚ ኦይዱ ታማኔ ናምኡ ኣጊና ጋካናስ ጎዳቴን ኦና ማላ ኢዛስ ኢሜቲዴስ።

2ጴጽሮሳ ኪታ 2:8

ሄ ጺሎ ኣዴዚ ኢስታ ጊዶን ዲሺን ጋላስ ጋላስ ኢዚ ቤኢዛይሳኒኔ ሲዪዛይሳን ሄ ዎጋይ ባይንዳ ኣሳታ ኦሶዛን ኢዛ ሼምፖያ ዋዬታዱስ።

ያቆቤ ኪታ 3:5

ሄሳካ ኣሳቴ ጋርሳን ኢንጻርሲ ጉ ጊዳ ኡታዳ ጊታ ዎልቃማ ኦቶሮ ኦቶሬታዉስ፤ ቄሪ ታማይ ጊታ ዎራ ዎስቲ ጹጊ ይሲዛኮ ኣኔ ዩሺ ቆፒቴ።

ሉቃሳ ሚሺራቾ 8:13

ሹቻ ቦላ ዎዳይቲካ ቃላ ሲዪዲ ኡፋይሳራ ኤኪዛይታ፤ ኢስቲካ ሃኢስ ኣማኔቴስ ኣቲን ሜቶይ ኢስታ ቦላ ጋኪዛ ዎዴ ጻጶ ዬዶንታ ጊሻስ ኤሌራ ኣማኖ ካዲዛይታ።

Maatosa 12:36

ጊዶ ኣቲን ታ ኢንቴስ ጊዛይ ኣሳይ ባ ሃሳይዳ ሃዳ ቃላ ኡባ ጊሻስ ፒርዳ ጋላስ ዉሪካ ኦይሼታና።

ሆሴኤ ቲንቢቴ 11:7

ታ ዴሬይ ታፔ ሃካናስ ኮዪዴስ፤ ጊዲኮካ ኢስቲ ታኮ ኡባፌ ዎልቃማ ጾሳኮ ዋሲኮ ታ ኢስታ ኣሺኬ።

ሆሴኤ ቲንቢቴ 7:13

ኢስቲ ታፔ ሃኪ ቢዳ ጊሻስ ኢስታስ ኣዬ ኣና! ታ ቦላ ኢስቲ ማካሊዳ ጊሻስ ኢስታ ቦላ ይሲዛዚ ዮ፤ ታኒ ኢስታ ዎዛና ኮያዲስ፤ ኢስቲ ጊዲኮ ታ ቦላ ዎርዶ ሃሳዬቴስ።

ሆሴኤ ቲንቢቴ 6:4

ጎዳይ፥ «ኤፍሬሜ ኣሳቶ! ዩሁዳ ኣሳቶ! ታ ኢንቴና ዎስቲኮ ሎኦ? ኢንቴ ታና ሲቂዛ ሲቆይ ማላዶ ሻራ ማላኔ ማላዶ ጻዛ ማላ ጮ ቲምኢ ጊ ኤሶን ዬስ።

ሂዚቄላ ቲንቢቴ 36:20

ኢስቲ ባ ቢዳ ካዎቴታ ኡባ ጊዶን ታ ጌሻ ሱን ቱኒሲዳ፤ ኢስታ ጊሻስ፥ ‹ሃይቲ ጎዳ ዴሬታ፤ ጊዶ ኣቲን ኢስቲ ኢዛ ዴራ ዬጊ ቢዳ› ጌቴቲዴስ።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።

ኤርማሳ ቲንቢቴ 3:10

ሄሳን ኡባንካ ኢዚ ሚቺያ፥ ኣማኔቶንታ ዩሁዳይ ጮ ሲሚዳ ሚሳታዉሲፌ ኣቲን ኩሜ ዎዚናፔ ታኮ ሲማቤኩ» ጊዴስ።

ኢሳያሳ ቲንቢቴ 3:8

ዬሩሳላሜይ ጋንዲጋራዉስ፤ ዩሁዳይካ ኩንዳና ማታዱስ፤ ጋሶይካ ኢስቲ ባንታ ሃሳያኒኔ ኦሶን ጎዳራ ኤቄቲሼ ኢዛ ቦንቾዛ ቶቼቴስ።

ዬ ማጻፋ 78:37

ኢስታ ዎዚናይ ጾሳን ሚኒ ኤቂቤና፤ ኢዚ ኢስታራ ጫቄቲዳ ጫቆን ኣማኔቲቤቴና።

ዬ ማጻፋ 57:4

ታኒ ታ ሞርኬታ ጊዶን፥ ኣስ ፑዚዲ ሚዛ ጋሞ ሚሳቲዛይታ ጊዶን ዳይስ። ኢስታ ኣቻይ ቶራኔ ዎንዳፌ ዪሻ ማላ፤ ኢስታ ኢንጻርሳይካ ቃራ ማሻ ማላ።

ዬ ማጻፋ 52:2

ኔኖ ባሌን ኩሚዳ ጌናንቻዉ! ሃራታ ይሳና ቃጻሳ! ኔ ኢንጻርሳይካ ቃራ ማጋላ ማላ።

ዬ ማጻፋ 12:3

ኣቤት ጎዳዉ! ባሌዛ ዶና ጎርዳ፤ ኦቶሮን ሃሳይዛ ኢንጻርሳታ ቃንጻ፤

ዬ ማጻፋ 17:10

ኢስታስ ቃቲዛ ዎዚናይ ባዋ፤ ኦቶሮ ሃሳያ ሃሳዬቴስ።

ዳኔላ ቲንቢቴ 7:25

ኢዚ ኡባፌ ቃ ጾሳ ቦላ ማካላ ቃላ ሃሳያና፤ ኢዛ ጌሻታ ኢዚ ዋዪሳና፤ ኢዛ ቦንቾ ባኣሌታኔ ኢዛ ዎጋ ላማናስ ኢዚ ዳፌታና፤ ጌሻቲ ሄ ላይኔ ባጋ ጋካናስ ኢዛ ጎዳቴ ጋርሳን ዴኣና።

ሆሴኤ ቲንቢቴ 11:5

«ሂስቲን ኢስቲ ማሮቴን ጌሎንታ ጊሻስ ዱጌ ጊብጼ ሲሜቴኔ? ኣሶሬይ ኢስታ ሃሬኔ?

ሚልካሳ ቲንቢቴ 3:13

«ኢንቴ ታ ቦላ ጻላቴ ቃላ ሃሳይዴታ» ጌስ ኡባፌ ዎልቃማ ጎዳ ጾሳይ። «ኢንቴ ጊዲኮ፥ ‹ኔ ቦላ ኑ ኣይ ሃሳይዶኒ?› ጌታ።

ሚልካሳ ቲንቢቴ 3:14

ቃሴካ ኢንቴ፥ ‹ጾሳስ ኦሶይ ሃዳ፤ ኢዛ ኣዛዞታ ናጎይኔ ሜቴ ጎዳ ሲንን ሙዞቲዛ ኣሳ ማላ ዴኦይ ኑና ኣይ ማዲዴ?

ዬ ማጻፋ 12:5

ጎዳይ፥ «ሂዬሳቲ ኡንኤቲዳ ጊሻሲኔ ሜቶታንቻታ ዋሶ ጊሻስ ሃኢ ታኒ ዴንዳና፤ ታኒ ኢስቲ ኣሞቲዛ ሳሮቴን ኢስታ ዎና» ጌስ።

ኤርማሳ ቲንቢቴ 42:18

«ኡባፌ ዎልቃማ ጎዳ ኢስራኤሌ ጾሳይ፥ ‹ታ ሃንቆይኔ ቦሻይ ዬሩሳላሜን ዲዛይታ ቦላ ጉኪዳ ማላ ኢንቴ ጊብጼ ጌሊዛ ዎዴ ኢንቴ ቦላካ ጉካና፤ ኢንቴ ዳጋማስ፥ ቂስ፥ ቃንጌሲኔ ፓልቄስ ማላታ ጊዳንዴታ፤ ሃ ቢታ ዛሪ ቤኤኬታ› ጌስ።

ሆሴኤ ቲንቢቴ 9:4

ሄን ጎዳስ ዎይኔ ኡሹ ያርሻናስ ዳንዳዬቴና፤ ኢስታ ያርሾይካ ጎዳ ኡፋይሴና። ሄሳ ጊሻስ ኢስታስ ያርሾዚ ሾቻ ካ ጊዳና፤ ኢዛ ሚዛ ኡባይ ቱናና። ሄ ካዚ ጮ ጋፋስ ሚዛ ካ ጊዳና ኣቲን ጎዳ ኬ ያርሾስ ሺቄና።