ሆሴኤ ቲንቢቴ 5:6 - ጋሞ ማጻፋ

⁶ ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

Geeshsha Maxaafa

⁶ Istti GODAA koyanaas bantta wude mehetanne miizatakka laaggi efana; gido attiin izi isttafe shaakettida gishshas istti iza demmettenna.

ሆሴኤ ቲንቢቴ 5:6 Referans Kwoze

ዮሃኒሳ ሚሺራቾ 7:34

ኢንቴ ታና ኮያና ሺን ዴሜኬታ፤ ኢንቴ ታ ዲዛሶ ያናስ ዳንዳዬኬታ» ጊዴስ።

ሌሚሶ ማጻፋ 1:28

«ሄ ዎዴ ኢስቲ ታና ጼይጋና፤ ታ ጊዲኮ ኢስታስ ኮይኬ፤ ኢስቲ ታና ሚን ኮያና፤ ጊዶ ኣቲን ታና ዴሜቴና።

ሂዚቄላ ቲንቢቴ 8:6

ቃሴካ ኢዚ ታስ፥ «ሃይሶ ኣሳ ናዉ! ኢስራኤሌ ኣሳይ ታና ታ ጌሻ ኬፌ ሃሳናስ ሃይሳን ኦዛ ሃራሲዛ ኤቃ ጾሳታስ ጎይኒዛይሳ ኔ ቤኣይ? ኔ ቡሮ ሃይሳፌካ ሃራሲዛ ኤቃ ጾሳታስ ጎይኖ ኔ ቤኣና» ጊዴስ።

ኤርማሳ ዚላስ 3:44

ዎሳይ ኔኮ ኣ ቦንታ ማላ ኔና ሻራን ካማዳሳ።

ኤርማሳ ቲንቢቴ 7:4

ጪሞ ቃላን፥ ‹ሃይሲ ጎዳ ጾሳ ኬ! ሃይሲ ጎዳ ጾሳ ኬ! ሃይሲ ጎዳ ጾሳ ኬ!› ጊዲ ኣማኔቶፍቴ።

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ሉቃሳ ሚሺራቾ 5:16

ዬሱሲ ዳሮ ዎዴ ኣሲ ባይንዳሶ ቢዲ ዎሲዴስ።

ኤርማሳ ቲንቢቴ 11:11

ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ።

ኢሳያሳ ቲንቢቴ 66:3

«ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

Siiqo Saba 5:6

ታ ካሬዛ ዶይሺን ታ ሲቆዚ ሲሚዲ ቢቺዴስ፤ ኢዛ ቃላ ጬንጉርሳ ሲያናስ ኬሃ ኣሞታዲስ። ሚንዳካ ኮያዲስ፤ ጊዶ ኣቲን ዴማናስ ዳንዳያቤኬ፤ ጼይጋዲስ ሺን ኢዚ ታስ ኮዪቤና።

ሌሚሶ ማጻፋ 21:27

ኢታ ኣሳ ያርሾይ ሃራሴስ፤ ኢታ ቆፋን ሺሺዛ ጊዲኮ ኣይ ማላ ኢታ ጊዳኔ?

ኬሳ ማጻፋ 10:9

ሂስቲን ሙሴይ፥ «ኑኒ ኑ ቄሪ ናይታራ ጪማታራ፥ ኑ ኣቱማ ናይታራ ማጫ ናይታራ፥ ኑ ሜሃራኔ ሚዛ ዉዴታራ ኢሲፌ ባና፤ ኣይስ ጊኮ ኑኒ ቢዛሶን ጎዳስ ባኣሌ ቦንቻናስ ኮሼስ» ጊዴስ።

ሚኪያሳ ቲንቢቴ 3:4

ኢስቲካ ፑዴ ጾሳኮ ዋሳና ሺን ጾሲ ኢስታ ዋሶ ሲዬና፤ ኢታቴ ጊሻስ ሄ ዎዴ ጾሳይ ባ ኣይፌሶ ኢስታፌ ሃራሶ ዛራና።

ሂዚቄላ ቲንቢቴ 8:18

ሄሳ ጊሻስ ታኒ ኢስታ ቦላ ሃንቆን ያና፤ ታኒ ኢስታስ ቃቲኬኔ ኢስታ ቦላ ያና ሃኖታፔ ታ ኢስታ ኣሺኬ፤ ኢስቲ ታኮ ዋሲኮካ ታ ሲዪኬ» ጊዴስ።

ኤርማሳ ቲንቢቴ 11:14

«ኤርማሳ፥ ኢስቲ ሜቶቲዲ ታና ዎሲኮ ታ ሲዮንታ ጊሻስ ኔ ኢስታ ጊሻስ ታና ዎሶፋ፤ ኢስታ ጊሻስ ጋናቶፓ ዎይኮ ኦይቾፋ።

ኤርማሳ ቲንቢቴ 14:12

ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

ሆሴኤ ቲንቢቴ 8:13

ኢስቲ ሎኦ ያርሾ ሺሼቴስ ሄ ያርሾ ኣሾዛካ ሜቴስ፤ ጊዶ ኣቲን ጎዳይ ኢስታን ኡፋዬቲቤና። ሄሳ ጊሻስ ኢዚ ኢስታ ኢታቴ ዛሪ ቆፓና፤ ኢስታ ናጋራ ጊሻስ ቃጻያና። ኢስቲካ ጊብጼ ሲማና።

ሚልካሳ ቲንቢቴ 1:10

«ታስ ያርሾ ያርሺዛሶን ጎኣይ ባይንዳ ታማ ኢንቴ ኤንታ ማላ ኢንቴፌ ኢሳዴይካ ጾሳ ኬ ፔንጌ ጎርዲዛኮ ኣዜ ዲዛይ! ታ ኢንቴናን ኡፋዬቲኬኔ ኢንቴ ኩሼፔ ኣይ ያርሾካ ኤኪኬ» ጌስ ኡባፌ ዎልቃማ ጎዳ ጾሳይ።

ኣሞጼ ቲንቢቴ 8:12

ዴሬይ ዉሪ ፑዴሃፔ ዱጌሃ ጋካናስ ኣርሼይ ሞኪዛሶፔ ዉሊዛሶ ጋካናስ ጎዳ ቃላ ኮሽ ያኔ ሃ ዬሞታናሺን ዴሜና።