ሆሴኤ ቲንቢቴ 4:13 - ጋሞ ማጻፋ

¹³ ዙማይ ዲዛሶን ዲዛሶን ያርሾ ያርሼቴስ፤ ዙምቡላታ ቦላ፥ ጊታ ዳሻ ሚታ ኩዋ ጋርሳን ጹጌቲዛ ያርሾ ያርሼቴስ። ሄሳ ጋሶን ኢንቴ ማጫ ናይቲ ላይማን ዳና፤ ኢንቴ ናይታ ማቼቲ ላይማታና።

Geeshsha Maxaafa

¹³ Zumay dizason dizason yarsho yarsheettes; zumbullata bolla, gita daashsha miththata kuwa garsan xuugettiza yarsho yarsheettes. Hessa gaason intte macca nayti layman daana; intte nayta machcheti laymatana.

ሆሴኤ ቲንቢቴ 4:13 Referans Kwoze

ኢሳያሳ ቲንቢቴ 1:29

ካሴ ኢንቴ ዶሲዛ ካሻታን ኢንቴ ዬላታና፤ ካሴ ኢንቴ ዶሪዳ ኣታኪልቴሶሆታን ኢንቴ ካዉያና።

ሂዚቄላ ቲንቢቴ 6:13

ኢስታ ኣሳፔ ሹኬቲዳይቲ ያርሾ ያርሺዛሶሆታ ዩሾ ኡባን፥ ኢስታ ኤቃ ጾሳታ ጊዶ ኡባን፥ ዙምቡላታ ቦላ ኡባን፥ ዙማታ ጼራ ቦላ ኡባን፥ ጪሊላ ሚ ጋርሳታን ኡባኒኔ ዎጋ ዎላታ ጋርሳታ ኡባን፥ ባንታ ኤቃ ጾሳታስ ሳዊዛ ያርሾ ያርሺዛሶሆታ ኡባን ዬጌቲ ኣቲዳይታ ኢንቴ ቤኢዲ ሄ ዎዴ ታኒ ጎዳ ጊዲዳይሳ ኢንቴ ኤራና።

ኤርማሳ ቲንቢቴ 3:6

ካዎ ኢዮሲያሲ ካዎቲዳ ላይ ጎዳይ ታስ፥ «ሃና ኣማኖይ ባይንዳ ኢስራኤሌይ ኦዳይሳ ኔኒ ቤኣዲ? ኢዛ ቃ ዙምቡላታ ቦላ ኬዛዳ ዳሻ ሚታ ጋርሳን ላይማታዱስ።

ኣሞጼ ቲንቢቴ 7:17

ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ሆሴኤ ቲንቢቴ 11:2

ጊዶ ኣቲን ታ ኢስታ ጼይጊዳ ኬና ኢስቲ ታፔ ጌዴ ሃኪ ሃኪ ቢዳ። ባኣሌስ ያርሾ ሺሺዳ፤ ኢዛ ሚስሌታሲካ ኤጻኔ ጩዋሲዳ።

ሆሴኤ ቲንቢቴ 2:13

ባኣሌ ጌቴቲዛ ኤቃ ጾሳስ ኤጻኔ ጩዋሳናሲኔ ሎኦ ጌጼ ዎዳ ኢዛ ባ ላጌታ ካላዳ ታና ኣጊዳ ጊሻስ ታ ኢዞ ቃጻያና።

ሂዚቄላ ቲንቢቴ 16:25

ኦይዱ ኦጌ ዶናን ኡባን ጎይኒዛሶሆታ ጊጊሳዳሳ፤ ኔናቴ ኣ ቢዛ ኡባስ ላይማቴስ ሺሻዳ ኔ ፑላቴ ቱኒሳዳሳ።

ሂዚቄላ ቲንቢቴ 16:16

ኔ ማይኦታፔ ጉታ ኤካዳ ኔ ላይማታሼ ጎይኒዛሶሆታ ኣሌቂሳ ጊጊሳዳሳ፤ ሄሳ ማላ ሃኖታይ ሃይሳፌ ሲንን ሃኒቤና፤ ሃይሳፌ ጉዬንካ ሃኔና።

ኤርማሳ ቲንቢቴ 3:13

ጊዲኮኔ ኔኒ፥ ‹ጎዳ ኔ ጾሳ ቦላ ማካላቴን፥ ኔ ቦንቾካ ኣላጋ ጾሳታስ ዳሻ ሚታ ጋርሳን ኣ ኢሞኒኔ ታስ ኣዛዜቶንታ ኢጾን ኔኒ ሞራንቻ ጊዲዳይሳ ጻላ ኣማና› ጌስ ጎዳይ» ጊዴስ።

ኤርማሳ ቲንቢቴ 2:20

ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ኢሳያሳ ቲንቢቴ 57:7

ኔ ሂጻ ቁ ጊዳ ኣዱሳ ዙምቡላ ሁኤን ሂጻዳሳ፤ ሄን ኔ ያርሾ ሺሻና ኬዛዳሳ።

ኢሳያሳ ቲንቢቴ 57:5

ኢንቴ ዎላ ጋርሳኒኔ ዳሻ ሚታ ጋርሳን ዚታን ጹጌቲዛይታ ጊዴኬቲ? ዙሌታኒኔ ዛላ ዛኣታ ጋርሳን ኢንቴ ናይታ ያርሺዛይታ ጊዴኬቲ?

ኤርማሳ ቲንቢቴ 44:8

ኢንቴ ዳናስ ጌሊዳ ሃ ጊብጼ ቢታን ሃራ ኤቃ ጾሳታስ ኤጻኔ ጩዋሴን ኢንቴ ኢንቴ ኩሼን ሜዳ ሚሻታን ታና ኣይስ ሃንቄቲ? ቢታ ቦላ ዲዛ ካዎቴታ ኡባ ጊዶን ቃንጌሲኔ ቂስ ማላታ ጊዳና ማላ ኢንቴርካ ኢንቴና ይሳና ኮዬቲ?

ሆሴኤ ቲንቢቴ 10:8

ኢስራኤሌስ ናጋራ ጊዲዳ ቤት-ኣዌኔን ጎይኒዛሶሆ ዙምቡላዚ ያና፤ ኦካይኔ ኦሃይ ሞካና፤ ሄ ዎዴ ዴሬይ ዙማታ፥ «ኑና ቆቲቴ!» ዙምቡላታካ «ኑና ካሚቴ!» ጋና።

2ካዎታ ማጻፋ 17:7

ሃይሲ ኡባይ ኢስታ ቦላ ጋኪዳይ ጊብጼ ካዎ ፓሮኔስ ሃሬቴፌ ኬሲዳ ጎዳ ባንታ ጾሳ ኢስቲ ቆሂዳ ጊሻሲኔ ሃራ ኤቃ ጾሳታስ ጎይኒዳ ጊሻሳ።

2ካዎታ ማጻፋ 23:7

ጎዳ ኬ ጊዶን ጎይኖ ዎጋ ኦዲ ኣዴይ ኣዴራ ፓራቲዛ ኪፊሌታኔ ማጫሳቲ ኣሼርሲ ማይኦስ ሱቂዛ ኪፊሌታ ላሊዴስ።