ሆሴኤ ቲንቢቴ 4:11 - ጋሞ ማጻፋ

¹¹ «ላይማቴስ፥ ጫሊዳ ዎይኔ ኡሻስ፥ ማልኦ ዎይኔ ኡሻ ሱኬስ ባንታና ኣ ኢሚዳ፤ ሄሳንቲ ታ ዴሬዛ ዎዚና ኤኪዳ።

Geeshsha Maxaafa

¹¹ «Laymateththas, Caalida woyne ushshas, mal7o woyne ushsha suukes banttana aaththi immida; hessantti ta dereza wozina ekkida.

ሆሴኤ ቲንቢቴ 4:11 Referans Kwoze

ሌሚሶ ማጻፋ 20:1

ማሲዛ ኡሺ ኡዪዛይ ቂልጪዛዴኔ ኤያ ጊዴስ፤ ሃይታንታን ባሌቲዳ ኡባይ ኣ ኤራንቻ ጊዴና።

ሉቃሳ ሚሺራቾ 21:34

«ሂስቲኮ ዎጋይ ባይንዳ ዱሳን፥ ዳሮ ኡሻኒኔ ዱሳስ ሂርጋን ኢንቴ ዎዚናይ ዳቡሮፖ፤ ሄሳ ኦንታ ኢጺኮ ሄ ጋላሳይ ኢንቴ ቆፖንታ ናርጻ ማላ ኢንቴ ቦላ ጋኮንታ ማላ ናጌቲቴ።

ኢሳያሳ ቲንቢቴ 28:7

ሃይቲ ዎይኔ ኡሹ ኡዪዲ ዪጮቴቴስ፤ ማሲዛ ኡሻን ጋንዲጋሬቴስ። ቄሴቲኔ ናቤቲ ማሲዛ ኡሻን ጋንዲጋርዳ፤ ዎይኔ ኡሻ ጋሶን ዮኦይ ኢስታፌ ባሌቲዴስ፤ ማሲዛ ኡሻን ጋንዲጋርዳ፤ ኣጁታ ሊኬራ ቤኤቴና፤ ፒርዳ ፒርዲሼ ጴቴቴስ።

ሆሴኤ ቲንቢቴ 4:12

ሄሳ ጊሻስ ሚፌ ኦሴቲዳ ኤቃ ጾሳ ዞሬ ኦይቼቴስ፤ ኢስቲ ኢዛን ማሮዛ ጉፌዚካ ኢስታስ ዛሮ ኢሚዛ ሚሳቴስ፤ ላይማቴ ቆፋይ ባሌዴስ፤ ባንታ ጾሳስ ኣማኔቲቤቴና።

ኢሳያሳ ቲንቢቴ 5:12

ኢስታ ጊቢራሶሆን ማሲንቆይ፥ ዲ፥ ካራቤይ፥ ሱሱልኤይኔ ዎይኔ ኡሺ ዴስ፤ ጊዶ ኣቲን ኢስቲ ጎዳ ኦሶዛስ ዉዴቲቤቴና፤ ኢዚ ባ ኩሼን ኦዳ ኦሶካ ቦንቺቤቴና።

ኤራንቻታ ማጻፋ 7:7

ጌኔ ኦሶይ ኣ ኤራንቻ ኤያ ኬሴስ፤ ማጋንጾይ ኣሳስ ዎዚና ሞሬስ።

ሌሚሶ ማጻፋ 6:32

ላይማ ላይማቲዛ ኣሳስ ዎዚናይ ፓጬ፤ ሄሳዴይ ባርካ ባ ሼምፖ ይሴስ።

ሌዌታ ማጻፋ 10:9

«ኔኒኔ ኔ ናይቲ ዎይኔፔ ኦሴቲዳ ኡሹ ዎይኮ ሃራ ማሲዛ ኡሹ ኡዪዲ ጋይቶቴ ዱንካኔዛን ኢንቴ ጌሎንታ ማላ ናጌቲቴ፤ ሂስቶንታ ኣጊኮ ኢንቴ ሃይቃና፤ ሃይሲ ሃ ዎጋዚ ኢንቴፌካ ጉዬን ያና ዬሌታ ኡባ ማታንካ ሜርናስ ናጌታናስ ቤሴስ።

1ሳሜላ ማጻፋ 25:36

ኣቢጋላ ጉዬ ሶ ሲማ ቢሺን ናባሌይ ካዎ ኬን ጊጊዛ ጊቢራ ማላ ጊቢራ ጊግሲዳይሳ ቤያዱስ። ኢዚካ ኬሂ ማቲዲ ኡፋይሳን ኩሚ ኡቲዴስ። ሄሳ ጊሻስ ጋዴይ ዎንታናሼ ጋካናስ ኢዛስ ኣይኮካ ዮታቤኩ።

ሌሚሶ ማጻፋ 31:4

«ሊሙኤሌ ሃይሲ ካዎታስ ቤሴና፤ ካዎቲ ዎይኔ ኡሹ ኡያናስ ቤሴና፤ ዴሬ ኣይሲዛይቲ ማሲዛ ኡሹ ያሬታናስ ቤሴና።

ሆሴኤ ቲንቢቴ 7:11

«ኢስራኤሌ ኣሳይ ኤሌ ባሌቲዛኔ ቆፋይ ባይንዳ ሃራጴ ካፎ ማላ። ኢሲቶ ጊብጼ ጼይጌስ፤ ሃራ ዎዴ ቃሴ ኣሶሬኮ ሲሜስ፤

ኤርማሳ ቲንቢቴ 23:13

ታኒ ሳማሪያን ዲዛ ናቤታ ቦላ ኡፋይሶንታ ሚሽ ቤኣዲስ፤ ኢስቲ ባኣሌ ሱንን ቲንቢቴ ዮቲዳ፤ ታ ዴራ ኢስራኤሌካ ባሌዳ።

ሆሴኤ ቲንቢቴ 5:4

ኢስራኤሌ ኣሳይ ኦዳ ሞሮይ ኢስቲ ባ ጾሳኮ ሲሞንታ ማላ ዲጊዴስ። ላይማቴ ኣያናይ ኢስታ ዎዚና ኩሚዴስ። ሄሳ ጊሻስ ኢስቲ ጎዳ ኤሬቴና።