ሆሴኤ ቲንቢቴ 14:3 - ጋሞ ማጻፋ

³ ኣሶሬይ ኑና ኣሼና፤ ኑኒ ኦላ ፓራታንካ ኣማኔቶኮ፤ ሃይሳፌ ጉዬ ኑኒ ኑ ኩሼን ሜዳ ኤቃ ጾሳታ፥ ‹ሃይቲ ኑ ጾሳታ› ጎኮ። ማንቆቲ ኔፔ ቃቴ ዴሜቴስ» ጊቴ።

Geeshsha Maxaafa

³ Asoorey nuna ashshenna; nuni ola paratankka ammanettoko; hayssafe guye nuni nu kushen medhdhida eeqa xoossata, ‹Hayti nu xoossata› gookko. Manqoti neeppe qadheteth demmeettes» giite.

ሆሴኤ ቲንቢቴ 14:3 Referans Kwoze

ዬ ማጻፋ 68:5

ጾሲ ባ ጌሻሶሆን ዲሼ ኣዋይ ባይንዳይታስ ኣዋ፤ ቃሴ ኣምኤታስካ ፒርዲዛ ዳና።

ዬ ማጻፋ 10:14

ጊዶ ኣቲን ጾሶ! ኔኒ ሜቶዛኔ ዋዬዛካ ቤያሳ፤ ኔኒ ኡባ ዎዴ ማዳናስ ጊጋ ኡታዳሳ፤ ኔኒ ዪኦታ ማዳሳ፤ ማዶይ ባይንዳይቲካ ባና ኔስ ሼቴስ።

ሆሴኤ ቲንቢቴ 14:8

ኤፍሬሜ! ታሲኔ ኤቃ ጾሳታስ ኣይ ጋይቶቴ ዲዜ? ኔ ዎሳ ሲዪዛይኔ ኔና ናጊዛይ ታና፤ ታኒ ኡባ ዎዴ ጪሊሊ ኡቲዳ ሚ ማላ፤ ኔ ኣይፊዛይ ታፔ ዴንዲዳይሳና» ጌስ።

ሆሴኤ ቲንቢቴ 5:13

ኢስራኤሌይ ባ ሳኮዛ፤ ዩሁዳይካ ባ ማዱን ቤኢዲ ኢስራኤሌይ ኣሶሬኮ ባ ኣይፍሶ ዛራዱስ፤ ኢስራኤሌይ ማዶ ዴማናስ ጊታ ኣሶሬ ካዎኮ ቃስታኔ ኪታዱስ። ጊዶ ኣቲን ኢዚ ኢንቴና ኣሻናስ ዎይኮ ኢንቴ ማዱን ፓናስ ዳንዳይቤና።

ሆሴኤ ቲንቢቴ 2:17

ባኣሌ ጌቴቲዛ ኤቃ ጾሳታ ሱን ታ ኢዚ ዶናፔ ዲጋና፤ ሃይሳፌ ጉዬ ኢስታ ሱን ዴንዴና።

ኢሳያሳ ቲንቢቴ 31:1

ፑዴ ኢስራኤሌ ጌሻኮ ጼሎንታይታስ፥ ጎዳፔ ማዶ ኮዮንታይታስ፥ ማዶ ዴማናስ ዱጌ ጊብጼ ዎዛይታስ፥ ፓራ-ጋሬታ ዳሮቴኒኔ ባ ፓራ ሚኖቴን ጬቄቲዛይታስ ኣዬ ኣና።

ኢሳያሳ ቲንቢቴ 30:16

ቃሴካ፥ ‹ቺ! ኑኒ ፓራን ኡቲ ባቃታና› ጊዴታ፤ ሄሳ ጊሻስ ኢንቴ ባቃታና። ዛሪዲካ ኢንቴ፥ ‹ኑኒ ፒላታ ፓራን ኬሲ ኤኪ ባና› ጊዴታ፤ ሄሳ ጊሻስ ኢንቴና ዬዴዛይቲ ፒላታታ ጊዳና።

ዬ ማጻፋ 33:17

ታኒ ፓራን ጾናና ጊ ናጎይ ሃዳ፤ ኢዚ ባ ዎልቃ ሚኖቴን ኦናካ ኣሻናዉ ዳንዳዬና።

ዮሃኒሳ ሚሺራቾ 14:18

«ኣዋይኔ ኣያ ባይንዳ ናይታ ማላ ታ ኢንቴና ጻላ ኣጊኬ፤ ታ ሲማዳ ሃ ኢንቴኮ ያና።

ሆሴኤ ቲንቢቴ 12:1

ኤፍሬሜይ ጫርኮ ሄንንቻ፤ ጋላስ ኩሜ ኣርሼይ ሞኪዛ ባጋ ጫርኮ ካሌስ፤ ዎርዶኔ ማካላ ዳሪሴስ። ኣሶሬ ዴራራ ጫቆ ቃላ ጌሌስ፤ ዎጋራ ዛይቴ ጊብጼ ቢታ ዬዴስ።

ሆሴኤ ቲንቢቴ 8:9

ባርካ ባዞ ቢታን ቶይላቲዛ ሃርዲዳ ማላ ጌዴ ኣሶሬ ዴሬ ቢዳ። ባና ማዳና ማላ ካዎታስ ሚሼ ኢሚዲ ባስ ዳቦ ሻሚዳ።

ሆሴኤ ቲንቢቴ 8:6

ሂላንቻይ ማራ ሚስሌ ሜዳ ኤቃ ጾሳቲ ጾስ ጊዳናስ ዳንዳዬቴና። ሄሳ ጊሻስ ማር ሚሳቲ ኦሴቲዳ ሳማሪያ ኤቃ ጾሳቲ ሜቄሬቲ ዎና።

ሆሴኤ ቲንቢቴ 7:11

«ኢስራኤሌ ኣሳይ ኤሌ ባሌቲዛኔ ቆፋይ ባይንዳ ሃራጴ ካፎ ማላ። ኢሲቶ ጊብጼ ጼይጌስ፤ ሃራ ዎዴ ቃሴ ኣሶሬኮ ሲሜስ፤

ሂዚቄላ ቲንቢቴ 37:23

ኢስቲ ባንታ ኤቃ ጾሳታን፥ ሃራሲዛ ባንታ ሚስሌታን፥ ዎይኮ ባንታ ናጋራንካ ባንታናቴ ቱኒሴቴና። ጋሶይካ ኢስቲ ታና ኣጊዲ ኦዳ ናጋራ ኡባፌ ታ ኢስታ ኣሻናኔ ጌሻና፤ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።

ሂዚቄላ ቲንቢቴ 36:25

ታኒ ኢንቴና ጺሎ ሃን ኣራጫና፤ ኢንቴካ ጌያና፤ ሂስታዳ ታ ኢንቴና ኢንቴ ኤቃ ጾሳታ ኡባፌኔ ኢንቴ ቱናቴ ኡባፌ ጌሻና።

ኢሳያሳ ቲንቢቴ 36:8

«ኣኔ ሃኢ ሃ ያዳ ታ ጎዳ ኣሶሬ ካዎራ ጊጋና ማላ ሃሳያ፤ ኔስ ቶጋ ዳንዳይዛ ኣሳቲ ዲኮ 2,000 ፓራታ ታኒ ኔስ ኢማና።

ኢሳያሳ ቲንቢቴ 31:3

ጊብጼ ኣሳይ ኣሳፔ ኣቲን ጾስ ዴቴና፤ ኢስታ ፓራቲካ ኣሾፔ ኣቲን ኣያና ጊዴቴና። ጎዳይ ባ ኩሼ ሚጪዛ ዎዴ ኢዛ ማዲዛዴይ ጴታና፤ ማዴቲዛዴይካ ኩንዳና፤ ናምኣይካ ኢሲፌ ያና።

ኢሳያሳ ቲንቢቴ 30:2

ታና ዞሬ ኦይቾንታ ጊብጼ ዎቴስ፤ ካዎ ፓሮኔይ ኢስታስ ጎንዳሌ ጊዳና ማላ ጊብጼ ኩዋን ኣታና ኮዬቴስ።

ኢሳያሳ ቲንቢቴ 27:9

ያቆቤይ ያርሾ ያርሺዛሶ ሹቻታ ቦቂንታ ሹቻ ማላ ጋጪ ሊቂሲሺን ኣሼሮ ጌቴቲዛ ኤቃ ጾሳይ ሚስሌኔ ኤጻኔ ጩዋሲዛ ሶሆታ ኢስቲ ዲዛሶሆታፔ ሾዲ ኦሊሺን ሄ ጋላስ ሞሮይ ኣቶ ጌቴታና፤ ሄሲ ኢዚ ባ ናጋራ ዲጎይሳስ ኩሜ ኣይፌ ጊዳና።

ኢሳያሳ ቲንቢቴ 2:20

ሄ ጋላስ ኣሳይ ጎይናናስ ሜዳ ባንታ ቢራ፥ ዎርቃ ሚስሌታ ጊሮሲኔ ካፎታስ ኦላና።

ኢሳያሳ ቲንቢቴ 1:29

ካሴ ኢንቴ ዶሲዛ ካሻታን ኢንቴ ዬላታና፤ ካሴ ኢንቴ ዶሪዳ ኣታኪልቴሶሆታን ኢንቴ ካዉያና።

ዬ ማጻፋ 146:9

ጎዳይ ቤቴ ኣሳታ ናጌስ። ኣምኤታኔ ዪኦ ናይታ ማዴስ፤ ጊዶ ኣቲን ኢታታ ኦጌ ይሴስ።

ዬ ማጻፋ 146:3

ዴሬ ኣይሲዛይታን ኣማኔቶፍቴ፤ ኣስ ኣሻናዉ ዳንዳዮንታ ኣሾ ማይኢዳ ሜታታን ጬቄቶፍቴ።

2ታሪኬ ማጻፋ 16:7

ሄ ዎዴ ናቤ ሃናኒያይ ዩሁዳ ካዎ ኣሳኮ ቢዲ፥ «ኔኒ ኣራሜ ካዎን ኣማኔታዳ፥ ጎዳ ኔ ጾሳን ኣማኔቶንታ ጊሻስ ኣራሜ ካዎ ኦላንቻቲ ኔ ኩሼፔ ኬሲ ኤኪዳ።

ዛሬ ማጻፋ 17:16

ሄ ካዎዚ ዳሮ ፓራ ባስ ሺሻናስ ቤሴና፤ ጎዳይ ኣሳይ ጊብጼ ሲሞንታ ማላ ኣዛዚዳ ጊሻስ ሄፔ ፓራ ሻማናስ ኣሳ ዬዶፎ።

ዛካራሳ ቲንቢቴ 13:2

«ታኒ ሄ ዎዴ ቢታፌ ኤቃ ጾሳታ ሱን ይሳና፤ ሄሳፌ ናምኣን ኢስቲ ቆፌቴቴና፤ ኢስታ ናቤታኔ ቱና ኣያናታ ቢታይ ቦላፌ ታ ዲጋና።

ኤርማሳ ቲንቢቴ 49:11

«ዬሊዳ ኣያኔ ኣዋይ ባይንዳ ኔ ጋርሳን ዲዛ ናይታ ኔ ኣጋጋ፤ ታ ኢስታ ዲቻና፤ ኣምኤቲካ ታናን ኣማኔቴቶ» ጌስ።

ሆሴኤ ቲንቢቴ 4:12

ሄሳ ጊሻስ ሚፌ ኦሴቲዳ ኤቃ ጾሳ ዞሬ ኦይቼቴስ፤ ኢስቲ ኢዛን ማሮዛ ጉፌዚካ ኢስታስ ዛሮ ኢሚዛ ሚሳቴስ፤ ላይማቴ ቆፋይ ባሌዴስ፤ ባንታ ጾሳስ ኣማኔቲቤቴና።

ሆሴኤ ቲንቢቴ 13:2

ሃኢካ ናጋራ ቦላ ናጋራ ጉጂዳ፤ ባንታ ጪንጫቴን ሚስሌታ ባስ ጊግሲዳ፤ ቢራፔ ኤቃ ጾሳታ ባንታስ ሜዳ፤ ሄይቲ ዉሪካ ኣሳ ኩሼን ኦሴቲዳይታ፤ ሃይታ ሃ ኣሳታ ጊሻስ፥ «ኣስ ያርሾ ሂስቲ ሺሼቴስ፤ ማራ ሚስሌን ኦሴቲዳ ኤቃ ጾሳታ ዬሬቴስ» ጌቴቲዴስ።

ዮናሳ ቲንቢቴ 2:10

ሄሳፌ ጉዬ ጎዳይ ሞሌዛ ኣዛዚን ሞሌዚ ዮናሳ ቢታ ቦላ ጮዪዴስ።