ሆሴኤ ቲንቢቴ 13:13 - ጋሞ ማጻፋ

¹³ ሚጻይ ኦይኪዳ ማጫሳ ማላ ኢዛ ቦላ ሜቶይ ያና፤ ኢዚ ጊዲኮ ኣ ኤራቴ ባይንዳ ኤያ ና፤ ዬሌቲዛ ዎዴይ ጋኪን ባ ኣዬይ ኡሎፔ ዬሌታናስ ኮዮንታ ና ማላ።

Geeshsha Maxaafa

¹³ Miixay oykkida maccassa mala iza bolla metoy yaana; izi gidikko aadho erateththi baynda eeya naa; yelettiza wodey gakkiin ba aayey uloppe yelettanaas koyontta naa mala.

ሆሴኤ ቲንቢቴ 13:13 Referans Kwoze

ኢሳያሳ ቲንቢቴ 37:3

ኢስቲካ ኢሳያሳስ ቢዲ፥ «ሂዝቂያሲ፥ ‹ሃ ጋላሳይ ጬጬ፥ ቂጻቴኔ ካዉሻቴ ጋላሳ፤ ሄሲካ ናይ ዬሌታና ሃኒሺን ኣቤይ ኢጺዛ ጋላሳ ማላ ጊዲዴስ።

ኢሳያሳ ቲንቢቴ 13:8

ኢስቲ ሺሮታና፤ ኢስታ ዋዬይኔ ሜቶይ ጋካና፤ ሚጻይ ኦይኪዳ ማጫሳ ማላ ኢስቲ ሚጻታና፤ ኢሶይ ኢሳራ ዳጋማን ጼሌታና፤ ኢስታ ኣይፌሶይ ዳጋማን ሻላ ማይኢዴስ።

ኢሳያሳ ቲንቢቴ 26:17

ኣቤት ጎዳዉ! ሻራ ማጫሲ ሚጻን ሜቶቲዛ ማላኔ ዋሲዛ ማላ ኑኒካ ኔ ሲንን ሜቶቲዲ ዋሶስ።

ዬ ማጻፋ 48:6

ኢስቲ ሄሳን ዴኢሺን ኢስታ ያሻ ኮኮሪሲ ኦይኪዴስ፤ ሚጻይ ኦይኪዳ ማጫሳ ማላ ሚጻቲዳ።

2ካዎታ ማጻፋ 19:3

ኢስቲካ ኢዛስ፥ «ሂዝቂያሲ፥ ‹ሃና ጋላሳያ ሜቶ፥ ሚሬኔ ካዉሻቴ ጋላስ፤ ሃና ጋላሳያ ናይ ዬሌታናስ ኣያ ኬሃ ሚጻታሼ ዬላ ዬጋናስ ዎልቃ ይዳ ጋላሳ።

1ታሶሎንቄ ኣሳስ 5:3

ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

ሌሚሶ ማጻፋ 22:3

ኣኬካንቻ ኣሲ ኢታ ቤኢዲ ኣታናስ ባቃቴስ፤ ጊዶ ኣቲን ኣኬካይ ፓጪዳ ኣሲ ሜቶን ጌሊዲ ቆሄቴስ።

2ቆሮንቶሴ ኣሳስ 6:2

ጾሲ፥ «ታኒ ታስ ጊጊዳ ጋላስ ኔና ሲያዲስ! ኣቲዛ ጋላስ ታ ኔና ማዳዲስ!» ጊዛ ጊሻስ ሎኦ ዎዴይ ሄኮ ሃኢ! ኣቴ ጋላሲካ ሃኢኮ!

ሃዋሬታ ኦሶ 24:25

ጳዉሎሲ ጺሎቴ ጊሻስ፥ ኣሲ ባርካ ባና ሃሮ ጊሻሲኔ ቡሮፔ ያና ፒርዳ ጊሻስ ዮቲን ፊልኪሴይ ባቢዲ፥ «ሃኢ ኔ ባ፤ ሃራ ዎዴ ታስ ጊጊሺን ታ ኔና ጼይጋ ኤካና» ጊዴስ።

ኤርማሳ ቲንቢቴ 49:24

ዳማስቆይ ዳቡራዱስ፤ ባቃታናስ ጉዬ ሲማዱስ፤ ኮኮራዱስ፤ ሚጻይ ኦይኪዳ ማጫሳ ማላ ጬጬይኔ ቱጋይ ኢዞ ኦይኪዴስ።

ኤርማሳ ቲንቢቴ 30:6

ኣኔ ኦይቺቴኔ ኣኬኪቴ! ኣዴይ ዬላናስ ዳንዳይዜ? ሂስቲን ኣዴይ ኡባ ሚጻይ ኦይኪዳ ማጫሳ ማላ ባ ኩሼ ባ ኡሎ ቦላ ዎን ኣሳ ኡባ ሲን ካሬቲን ታ ቤኢዛይ ኣዛሴ?

ኤርማሳ ቲንቢቴ 22:23

ሃኔ ሊባኖሴን ዲዛሬ! ኔ ኬ ዚጋ ሚፌ ኬጺዳሬ! ሚጻይ ኦይኪዳ ማጫሳ ማላ ሜቶይ ኔ ቦላ ዪሺን ዋና ዋሳንዲ!» ጌስ።

ኤርማሳ ቲንቢቴ 13:21

ኔኒ ኔስ ዳቦ ጊዳና ማላ ኮዪዳይቲ ኔና ጾኒዲ ሃሪዛ ዎዴ ኔ ኣይ ጋኔ? ዬሎ ሚጻይ ኦይኪዳ ማጫሳ ማላ ኔና ሚጻይ ኦይኬኔ?

ኤርማሳ ቲንቢቴ 4:31

ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።

ኢሳያሳ ቲንቢቴ 66:9

ዬሌታና ማቲዳይሳ ዬሌቶንታ ማላ ታኒ ዲጋዚና?» ጌስ ጎዳይ። «ዬሊሺን ዬሊዛ ኡሎ ታ ጎርዳ ኤራዚና?» ጌስ ኔ ጎዳይ።

ኢሳያሳ ቲንቢቴ 21:3

ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

ዮሃኒሳ ሚሺራቾ 16:21

ማጫሲ ዬሎ ዎዴይ ጋኪሺን ሚጻስ ሂርጋዉስ፤ ጊዶ ኣቲን ና ዬላ ዬጊዳፔ ጉዬ ቢታ ቦላ ናይ ዬሌቲዳ ጊሻስ ኡፋይሳፌ ዴንዲዳይሳን ካሴ ባ ዋይዳይሳ ዛራ ቆፑኩ።

ዛሬ ማጻፋ 32:6

«ኢንቴኖ ኤያቶ! ቃሴካ ዎዚናይ ባይንዳይቶ! ኢንቴ ጎዳስ ኢሚዛ ዛሮይ ሃይሴ? ኢንቴና ሜዳ ኢንቴ ኣዋይ ኢዛ ጊዴኔ? ኢንቴና ሜዲ ሃይሳስ ጋዳይ ኢዛ ጊዴኔ?

ሆሴኤ ቲንቢቴ 5:4

ኢስራኤሌ ኣሳይ ኦዳ ሞሮይ ኢስቲ ባ ጾሳኮ ሲሞንታ ማላ ዲጊዴስ። ላይማቴ ኣያናይ ኢስታ ዎዚና ኩሚዴስ። ሄሳ ጊሻስ ኢስቲ ጎዳ ኤሬቴና።

ዮሃኒሳ ሚሺራቾ 5:4

ኢሲ ኢሲ ዎዴ ጎዳ ኪታንቻይ ሃን ዎዲ ሃ ቃስ፤ ሃ ቃፌ ካሊዲ ኮይሮቲዲ ሃን ጌሊዛ ሃርጋንቻይ ባና ሳኪዛ ኣይ ሃርጌፌካ ፓጼስ።