1 ጎዳይ፥ «ኢስራኤሌይ ቡሮ ዪን ዲሺን ዶሳዲስ። ሂስታዳ ታ ናዛ ታ ጊብጼ ቢታፌ ጼይጋዲስ።
1 GODAY, «Isra7eeley buro yidhan dishin dosadis. Histtada ta naaza ta Gibxe biittafe xeygadis.
ሄርዶሲ ሃይቃና ጋካናስ ሄን ዴኢዴስ። ሄሳንካ፥ «ታ ናዛ ታ ጊብጼ ቢታፌ ጼይጋዲስ» ጊዲ ጎዳይ ካሴ ናቤ ዶናን ሃሳይዳይሲ ፖሌቲዴስ።
ሄ ዎዴ ታኒ ጎዳይ ጊዛይሳ ካዋስ፡ ኢስራኤሌይ ታስ ባይራ ና፤
ጎዳይ፥ «ኔና ጊብጼፔ ኬሲዳይ ታና ጎዳ ኔ ጾሳ፤ ኔስ ታፔ ኣቲን ሃራ ጾሲ ዴና፤ ኔና ኣሺዳይ ታፔ ኣቲን ሃራ ጾስ ጊዴና።
ካሴ ኢዚ ዎይኔ ኣታኪልቴዛ ታ ኢዚስ ዛራና፤ ሜቶ ሾባ ታ ኢዚስ ሂዶታ ፔንጌ ሂስታና፤ ሄን ኢዛ ጊብጼፔ ኬዚዳ ጋላስ ናቴን ዳሼ ዬጺዳ ማላ ዬጻና።
«ባ! ባዳ ዋሳ፤ ዬሩሳላሜ ኣሳ ሃይን ሲሳ፤ ጎዳይ፥ ‹ኔኒ ናቴቴን ኣይ ኬና ኣማኔቲዳኮ፥ ቃሴ ኔኒ ቡሮ ሚሺራን ዳሼ ታና ኣይ ኬና ሲቂዳኮ፥ ዜሬ ዜሬቶንታ ባዞ ቢታን ኔ ዎስታ ካሊዳኮ ታ ኣኬካይስ።
ጎዳይ፥ «ታ ኢንቴና ዶሳዲስ» ጌስ፤ ኢንቴ ጊዲኮ፥ «ኔ ኑና ኣዛን ዶሳዲ?» ጌታ። ጎዳ ጾሲ፥ «ኤሳዌይ ያቆቤ ኢሻ ጊዴኔ? ታ ያቆቤ ዶሳዲስ።
ጎዳይ ናቤ ባጋራ ኢስራኤሌ ጊብጼፔ ኬሲዴስ፥ ናቤዛ ባጋራ ኢስታ ኢሻልሲ ኦይኪዴስ።
«ታ ሄራ ካን ባሼ ኔኒ ኔ ሱን ሞሬታዳ ቃኬቲሺን ቤኣዲስ፤ ኔኒ ኔ ሱ ጊዶን ኢቻ ዲሺን ታ ኔና፥ ‹ሼምፖራ ፓጻ ዳ› ጋዲስ።
ጎዳይ ኢንቴና ሲቂዳይኔ ዶሪዳይ ኢንቴ ሃራ ኣሳፔ ቆዳን ዳሪዛ ጊሻስ ጊዴና፤ ኢንቴ ሃራ ዴራፔ ቆዳን ኬሂ ጉታ።
«ኢንቴና ጊብጼ ቢታፌ ኬሲዳ ጎዳ ኢንቴ ጾሳይ ታና፤ ላይ ባኣሌ ጋላስ ካሴ ኢንቴ ኦዛ ማላ ኢንቴ ኢንቴ ዱንካኔን ዳና ማላ ታ ኦና።
ታ ናዚ ታስ ጎይናናስ ኔ ዬዳና ማላ ታኒ ኔስ ዮታዲስ ሺን ኔኒ ኢዛ ዬዶንታ ኢጻዳሳ፤ ሄሳ ጊሻስ፥ ‹ታኒ ኔስ ባይራ ናዛ ዎና› ጊዴስ ጋዳ ዮታ» ጊዴስ።
ኢስራኤሌ ኣሳይ፥ «ሞርኬቲ ታና ዬላጋቴፌ ዶሚዲ ዳሮ ዎዴ ኡንኤዳ።
ታኒ ታ ኬ ኣጋና፤ ታ ጺንጾዮካ ዬጋ ኣጋና፤ ታኒ ታ ሲቂዛ ኣሳ ኢስታ ሞርኬታ ኩሼን ኣ ኢማና።
ቤቴሌ! ኔ ኢታቴ ጊታ ጊዲዳ ጊሻስ ኔ ቦላካ ሄሳ ሃናና፤ ሄ ጋላሳያ ጋኪዛ ዎዴ ኢስራኤሌ ካዎይ ሙሌራ ያና» ጌስ።
‹ታኒ ጊብጼ ኣሳ ቦላ ኣይ ኦዳኮ ቃሴ ጎሌ ካፎይ ባ ና ባ ቄፌን ቶኪዛ ማላ ታኒ ኢንቴና ዎስታ ቶካዳ ታኮ ኤሂዳኮ ኢንቴ ኢንቴ ኣይፌራ ቤዪዴታ።
ጎዳዉ! ኔኒ ዴራ ኬሃ ሲቃሳ፤ ጌሻቲ ኡባይካ ኔ ኩሼን ዴቴስ፤ ኔ ቶሆ ጋርሳን ጉልባቲ ጎይኔቴስ፤ ሂስቲዲ ኔፔ ኣዛዞ ኤኬቴስ።
ኔኒ ታ ሲንን ኣልኦኔ ቦንቾ ጊዲዳ ጊሻስ፥ ታኒ ኔና ሲቂዛ ጊሻስ፥ ኣሳ ኔ ጊሻስ፥ ካዎቴታ ኔ ሼምፖ ጊሻስ ላሜ ኢማና።
ሃ ሃራሲዛ ኔ ኦሶታኒኔ ኔ ላይማቴ ኡባን ኔ ኣዬይ ኡሎፔ ኔ ፒጺኒ ካሎ ዬሌቲዳ ማላ ኔ ሱን ሞሬታዳ ቃኬታሼ ዲዛ ዬላጋቴ ዎዴታ ኔ ቆፓቤካ።