ሃጌ ቲንቢቴ 1:6 - ጋሞ ማጻፋ

⁶ ዳሮ ዜሪዴታ ሺን ጉ ማጺ ሺሺዴታ። ሚዴታ ሺን ካሊቤኬታ፤ ኡዪዴታ ሺን ኣሊቤኬታ፤ ማይኢዴታ ሺን ማይኦይ ኢንቴና ሆኢቤና፤ ዳሞዛ ኤኪዴታ ሺን ኢንቴ ኤኪዳ ዳሞዛይ ዳኬ ካራጺቴን ዎዳይሳ ማላ» ጌስ።

Geeshsha Maxaafa

⁶ Daro zerideta shin guuth maxi shiishshideta. Mideta shin kallibeekketa; uyideta shin alibeekketa; may7ideta shin may7oy inttena ho7ibeenna; damoza ekkideta shin intte ekkida damozay daakeththa karaxiiten woththidayssa mala» gees.

ሃጌ ቲንቢቴ 1:6 Referans Kwoze

ሃጌ ቲንቢቴ 1:9

ጎዳይ ኡባፌ ዎልቃማ ጾሳይ፥ «ኢንቴ ዳሮ ዴማና ጊዴታሺን ጉ ዴሚዴታ፤ ሂኖካ ኢንቴሶ ጌልዳ ዎዴ ታ ፑና ይሳዲስ። ሄሳ ታ ኦዳይ ኢንቴስ ኣይ ሚሳቲዜ? ታ ኬይ ላሌቲ ኡቲን ኢንቴ ዉሪካ ኢንቴ ኬ ኬጻናስ ዎጺዛ ጊሻሳ።

ሆሴኤ ቲንቢቴ 4:10

ታ ዴሬይ ታና ጎዳ ኣጊዳ ጊሻስ ኢስቲ ማናሺን ካሌቴና፤ ላይማታናሺን ጮራቴቴና» ጌስ።

ሃጌ ቲንቢቴ 2:16

ኢንቴ ናምኡ ኮንታሌ ካ ኤካና ጊዲ ካ ዶሬኮ ቢዴታ ሺን ኢሲ ኮንታሌ ጻላ ዴሚዴታ። ኢሲ ጼቱ ሊቲሮ ጊዲዛ ዎይኔ ኡሹ ኤካናስ ጊዲ ዎይኔ ኡሹ ጉምኢዛሶሆ ቢዴታ ሺን ፔጺ ኦይዱ ታሙ ሊቲሮ ጻላ ዴሚዴታ።

ሆሴኤ ቲንቢቴ 8:7

ኢስቲ ጫርኮ ዜሪዲ ጎቴ ሺሻና፤ ቡጻ ቦላ ኣይፌይ ዴና፤ ሌይካ ቤቴና፤ ኣይፊኮካ ኣላጋቲ ማና።

ሚልካሳ ቲንቢቴ 2:2

ኢንቴ ታ ጊዛዝ ሲዮንታ ኢጺኮኔ ኢንቴ ኢንቴ ዎዚና ታ ሱን ቦንቻናስ ጊጊሶንታ ኣጊኮ ታ ኢንቴ ቦላ ቃንጌ ዬዳና፤ ታ ኢንቴና ኣንጃና ኣንጆዛ ቃንጌን ላማና፤ ኢንቴ ታና ቦንቻናስ ኢንቴ ዎዚና ጊጊሶንታ ኣጊዳ ጊሻስ ኣዳፌ ታ ሃይሳ ኡባ ኢንቴ ቦላ ኦና» ጌስ ኡባፌ ዎልቃማ ጎዳይ።

ኢሳያሳ ቲንቢቴ 5:10

ታሙ ዋጻ ቦራታን ቶኪዳ ዎይኔ ኣይፌፔ ኢሲ ኦቶ ጊዲዛ ዎይኔ ኡሺ ጻላ ኬኣና፤ ታሙ ቁንኣ ካ ዜሪን ኢሲ ቁንኣ ካ ጻላ ኣይፋና» ጊዴስ።

ዛካራሳ ቲንቢቴ 8:10

ሃይሳፌ ካሴ ኣሳስ ዳሞዛይ ኢሜቲ ኤሬና፤ ሜሄስካ ኪራይ ኢሜቲ ኤሬና። ሞርኬይ ዲዛ ጊሻስ ኦኒካ ባ ኦሶ ዎጋራ ኦ ኤሬና፤ ካሴ ታኒ ኣሳይ ላጌይ ላጌ ቦላ ዴንዳና ማላ ኦዳ ጊሻስ ሄሲ ሃኒዴስ።

ዛካራሳ ቲንቢቴ 5:4

ኡባፌ ዎልቃማ ጎዳይ፥ ‹ታኒ ቃንጌ ኤሃና፤ ኢዚካ ካይሶታ ኬኔ ታ ሱንን ዎርዶ ጫቂዛይታ ኬ ጌላና፤ ኢስታስ ሄን ዲዛ ኬ፥ ሚኔ ሹቻ ኡባ ይሳና› ጌስ» ጊዴስ።

ኤርማሳ ቲንቢቴ 44:18

ጊዶ ኣቲን ሳሎ ካዎይስ ኤጻኔ ጩዋሴኔ ኡሻ ያርሾ ሺሾ ኑ ኣጎሶፔ ሃ ሲሚን ኡባ ሚሺ ኑስ ፓጪዴስ፤ ኑኒ ማሻኒኔ ኮሻን ዉሮን ዶስ» ጊዳ።

ኤርማሳ ቲንቢቴ 14:4

ኢራይ ቡኮንታ ጊሻስ ቢታይ ሜሊዲ ዛኤስ። ጎሻንቻቲ ዬላቲዲ ባንታ ሁኤ ጉሉንቴቴስ።

ዬ ማጻፋ 107:34

ሄን ዴኢዛ ኣሳ ኢታቴ ጋሶን ኣራዳ ቢታዮ ኣይኮ ዶሊሶንታ ማጺኔ ቢታ ኦዴስ።

ኢዮቤ ማጻፋ 20:28

ጾሳስ ሃንቆ ጋላስ ኢዛ ሶን ዲዛ ሃሮይ ዉሪ ዲኦን ቁጬቲ ያና።

ኢዮቤ ማጻፋ 20:22

ኣይኮካ ኢዚ ዱሬ ኣስ ጊዲንካ፤ ኢዛ ዪሎይ ጋካና፤ ዳሮ ሜቶይካ ኢዛራ ጋይታና።

1ካዎታ ማጻፋ 17:12

ሂስቲን ማጫሳያ ኢዛስ፥ «ጎዳ ኔ ጾሳይ ቤዪን ታስ ኦቶን ዲዛ ኩጳ ሌይፌኔ ጻሮን ዲዛ ጉ ዛይቴይፔ ኣቲን ሃራይ ኣይኮይካ ዴና። ታኒ ሃይሳ ዪዳይ ጉ ሚ ሚጻ ሶ ሲማዳ ሂኖካ ታኒኔ ታ ናዚ ኢሲቶ ኡኪ ሚዲ ሃይቃናሳ» ጋዱስ።

2ሳሜላ ማጻፋ 21:1

ዳዊቴ ካዎቴ ዎዴ ሄ ላይ ኩሜ ኢታ ኮሻይ ቢታ ቦላ ዴንዲዴስ፤ ሄሳ ጊሻስ ዳዊቲ ጎዳ ኦይቺዴስ፤ ጎዳይካ ኢዛስ፥ «ሳኦሊ ጌባኦኔ ኣሳ ዎ ዉርሲዳ ጊሻስ ኢዛ ቦላኔ ኢዛሶ ኣሳ ቦላ ሱ ኣጮይ ዴስ» ጊዴስ።

ሌዌታ ማጻፋ 26:26

ኢንቴ ካ ታኒ ይሲዛ ዎዴ ታሙ ማጫሳቲ ዉሪ ኢሲ ባሼን ኡካና፤ ኢዞካ ማካ ሚሻን ጌዳሪ ጌዳሪ ኤካና፤ ኢንቴካ ሚዲ ካሌኬታ።

ሌዌታ ማጻፋ 26:20

ኢንቴ ዎልቃይ ጮ ሃዳ ዉራና፤ ጋሶይካ ኢንቴ ቢታይ ካ ኢሜና፤ ሚቲካ ኣይፌቴና።

ናሂሚያ ማጻፋ 5:2

ኢስታ ጊዶፌ ኢሲ ኢሲ ኣሳቲ፥ «ኑኒ ኑ ናይታራ ኢሲ ኢሲ ኬን ዳሮ ኣሲ ዲዛ ጊሻስ ኑ ሼምፖ ኣሻናስ ካ ኮዮስ» ጊዳ።

ኤርማሳ ቲንቢቴ 12:13

ኢስቲ ጊስቴ ዜሪዲ ኣጉን ጫካና፤ ኢስቲ ዳሮ ዳቡራናሺን ኣይኮካ ዴሜቴና፤ ዳሮ ዜሪዲ ጎዳ ሃንቆ ጋሶን ኢንቴ ጉ ዴሚዲ ዬላታና» ጊዴስ።

ሃጌ ቲንቢቴ 1:5

ሄሳ ጊሻስ ጎዳይ ኡባፌ ዎልቃማ ጾሳይ ኢንቴና፥ «ኣኔ ኢንቴ ኦይሳ ቆፒቴ።

ሃጌ ቲንቢቴ 1:7

ጎዳይ ኡባፌ ዎልቃማ ጾሳይ፥ «ኣኔ ኢንቴ ኦዳይሳ ቆፒቴ።

ሃጌ ቲንቢቴ 1:10

ሄሳ ጊሻስ ኢንቴ ጌዶን ሳሎፔ ፑሴይካ ዲጌቲዴስ፤ ቢታይካ ካ ዲጊዴስ።

ሃጌ ቲንቢቴ 2:17

ታኒ ኢንቴ ኩሼይ ኦዳዝ ዉርሳ ኩቱልኤን፥ ቆሻኒኔ ሻቻን ይሳዲስ፤ ጊዲኮካ ኢንቴ ቃሴ ሃ ታኮ ሲሚቤኬታ።

ዛሬ ማጻፋ 28:17

ኔ ካ ጎታራይኔ ማዳይ ቃንጌቲዳዝ ጊዳና።

ሌሚሶ ማጻፋ 11:24

ኢሲ ኢሲ ኣሳቲ ጮ ኪያቴ ኢሜቴስ፤ ጊዶ ኣቲን ኢስታስ ኣቆይ ሃ ሃ ዳሬስ። ባጋቲ ኬሂ ኡዜቴቴስ፤ ጊዶ ኣቲን ኢስቲ ማንቂ ማንቂ ቤቴስ።