ሃጌ ቲንቢቴ 1:13 - ጋሞ ማጻፋ

¹³ ቃሴካ ጎዳይ ኪቲዳ ሃጌይ ሄሳ ጎዳ ኪታ ዴሬዛስ፥ «ጎዳይ ታ ኢንቴናራ ዳይስ» ጌስ ጊዲ ዮቲዴስ።

Geeshsha Maxaafa

¹³ Qasseka GODAY kiittida Haggey hessa GODAA kiita derezas, «GODAY ta inttenara days» gees giidi yootides.

ሃጌ ቲንቢቴ 1:13 Referans Kwoze

ኢሳያሳ ቲንቢቴ 43:2

ኔኒ ሃ ጊዶራ ፒኒዛ ዎዴ፥ ታኒ ኔናራ ጊዳና። ኔኒ ፒኒሺን ሻፋይ ኔና ሚቴና፤ ኔኒ ታማ ጊዶራ ቢሺን ኔና ጹጌና፤ ታማ ላጮይካ ኔና ሜና።

ኦሮሜ ኣሳስ 8:31

ሂስቲን ሄሳ ኑ ኣይ ጊኖ? ጾሲ ኑናራ ጊዲኮ ኑናራ ኤቄታናስ ዳንዳይዛይ ኦኔ?

ሚልካሳ ቲንቢቴ 3:1

«ሄኮ ታኒ ባና ኦጌ ባሳና ኣስ ታፔ ሲንራ ዬዳና፤ ኢንቴ ኮይዛ ጎዳይ ኢንቴ ቆፖንታ ጾሳ ኬ ጋኪ ዎና፤ ኢንቴ ኡፋይሳን ናጊዛ ጫቆ ቃላ ኪታ ኤኪ ዪዛ ታ ኪቲዳዴይ ያና።

ሃጌ ቲንቢቴ 2:4

ሃኢ ቃሴ ዜሩባቤሌ ሚና! ቄሴታ ሃላቃ ኢዮሳዶቄ ና ኢያሶ ሚና! ኢንቴኖ ሃ ዴሬ ኣሳቶ ዉሪካ ሚኒቴ! ታ ኢንቴናራ ዲዛ ጊሻስ ኦቴ› ጋ ዮታኔ ኦይቻ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ዬ ማጻፋ 46:11

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

2ጺምቶሳስ 4:17

ጊዶ ኣቲን ቃላ ኪታይ ታ ባጋራ ኩሜ ዮቴታና ማላኔ ዴሬ ኣሳይ ዉሪ ሲያና ማላ ጎዳይ ታ ኣቻን ኤቂዲ ታና ሚንዴስ፤ ጋሞ ዶናፔካ ታና ኣሺዴስ።

Maatosa 18:20

ናምኡ ዎይኮ ሄ ጊዲዲ ታ ሱንን ኢንቴ ሺቂዛሶን ሄን ኢንቴ ጊዶን ታ ዳና» ጊዴስ።

ሚልካሳ ቲንቢቴ 2:7

ቄሴይ ኡባ ዳንዳይዛ ኡባፌ ዎልቃማ ጎዳስ ኪቴቲዛዴ ጊዲዳ ጊሻስ ኢዛ ዶናይ ኤራቴ ናጋናስ ኣሳይ ኢዛ ዶናፔ ቲሚርቴ ኮያናስ ቤሴስ» ጌስ ኡባፌ ዎልቃማ ጎዳይ።

ኤርማሳ ቲንቢቴ 30:11

ታኒ ኢንቴና ኣሻናስ ኢንቴናራ ዳይስ፤ ታኒ ኢንቴና ካዎቴታ ጊዶን ላላዲስ፤ ሄ ካዎቴታ ሙሌራ ይሳና፤ ጊዶ ኣቲን ኢንቴና ሙሌራ ይሲኬ፤ ታኒ ቂጻቴይ ባይንዳ ጮ ኣጊኬ፤ ጊዲኮካ ታኒ ኢንቴና ጊናራ ቃጻያና» ጌስ ጎዳይ።

ኤርማሳ ቲንቢቴ 20:11

ጊዶ ኣቲን ጎዳይ ያሺሲዛ ቶራ ቃራ ማላ ታናራ ዴስ፤ ሄሳ ጊሻስ ታና ዬዴዛይቲ ጴታና ኣቲን ታና ጾኔቴና፤ ኢስቲ ኢታ ካዉሽ ካዉያና ኣቲን ኢስታስ ጊጌና፤ ኢስታ ካዉሻቴይ ሙሌካ ዶጌቴና።

ኤርማሳ ቲንቢቴ 15:20

ታ ኔና ሃ ዴራስ ጊምቤ ኦና፤ ጻርቂማላፔ ኦሴቲዳ ጊምቤ ማላ ሂስታና፤ ታኒ ኔና ኣሻናሲኔ ዎ ኤካናስ ኔናራ ዲዛ ጊሻስ ኢስቲ ኔናራ ኦሌታና ሺን ኔና ጾኔቴና።

ዬ ማጻፋ 46:7

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

2ታሪኬ ማጻፋ 32:8

ኢዛራ ዲዛይቲ ኣሾ ማይኢዳ ኣስ ጊዲሺን ኑናራ ዲዛይ ጊዲኮ ኑና ማዲዛኔ ኑ ሞርኬታ ኦሊዛ ጎዳ ኑ ጾሳ» ጊዲ ሚንዴስ። ዩሁዳ ካዎ ሂዝቂያሲ ዮቲዳ ቃላን ኣሳይ ሚኔቲዴስ።

2ታሪኬ ማጻፋ 20:17

ሃ ኦላ ኦሌታናይ ኢንቴና ጊዴኬታ፤ ኢንቴ ሶሆ ሶሆ ኦይኪ ኤቂዲ ጎዳይ ኢንቴና ኣሺዛይሳ ቤኢቴ፤ ዩሁዳኒኔ ዬሩሳላሜን ዲዛ ኣሳዉ ያዮፍቴኔ ዳጋሞፍቴ! ኢስታራ ኦሌታናስ ዎንቶ ኬዚቴ፤ ጎዳይ ኢንቴናራ ጊዳና› ጌስ» ጊዴስ።

ሂዚቄላ ቲንቢቴ 3:17

ኢዚካ፥ «ሃይሶ ኣሳ ናዉ! ታኒ ኔና ኢስራኤሌ ኣሳ ቦላ ናጌ ሂስታ ሹማዲስ፤ ሄሳ ጊሻስ ታ ዶናፔ ኬኢዛ ቃላ ሲያ፤ ታ ኔስ ዮቲዛ ሴራካ ኢስታስ ኣ።

ኢሳያሳ ቲንቢቴ 44:26

ታ ኣሽካራዛ ቃላ ታ ፖላና፤ ታ ኪቲዳይታ ዞሬ ታ ሚንና፤ ታኒ ዬሩሳላሜ፥ ‹ኔኒ ኣሲ ዲዛሶ ጊዳና›፥ ዩሁዳ ካታማታካ፥ ‹ኢስቲ ኬጼታና›፥ ኢስታ ላሌካ፥ ‹ታኒ ኦራጺሳና› ጋና።

2ጺምቶሳስ 4:22

ጎዳይ ኔናራ ጊዶ፤ ጎዳ ኪያቴ ኢንቴናራ ጊዶ።

2ቆሮንቶሴ ኣሳስ 5:20

ጾሲ ኑ ባጋራ ኣስ ጼይጊዛ ጊሻስ ኑኒ ቃሴ ኪርስቶሳ ኦጋታ፤ ሄሳ ጊሻስ፥ «ኢንቴ ጾሳራ ማቃይኒቴ!» ጊዲ ኑ ኢንቴና ኪርስቶሳ ሱንን ዎሶስ።

ኢሳያሳ ቲንቢቴ 42:19

ታ ኣሽካረራ ታኒ ኪቲዳዴፌ ኣቲን ሃራ ቱሌይ ኦኔ? ታስ ኣማኔቲዳዴ ማላ ቆቄይ፥ ጎዳ ኣሽካራ ማላ ቆቄይ ኦኔ?

2ታሪኬ ማጻፋ 15:2

ኢዚካ ኣሳራ ጋይታናስ ቢዲ፥ «ኣሳ፥ ዩሁዳ ኣሳዉ! ቢኒያሜ ኣሳዉ ኢንቴ ኡባይካ ሲዪቴ! ኢንቴ ጎዳራ ኢሲፌ ዴኢኮ ኢዚካ ኢንቴናራ ዴኣና። ኢንቴ ኢዛ ኮይኮ ኢዚ ኢንቴስ ቤታና፤ ኢንቴ ኢዛ ኣጊኮ ኢዚካ ኢንቴና ኣጋና።

ዳናታ ማጻፋ 2:1

ጎዳ ኪታንቻይ ጌልጌላፔ ቦኪሜ ቢዲ ኢስራኤሌ ኣሳስ፥ «ታኒ ኢንቴና ጊብጼፔ ኬሳዳ ቤኒ ኢንቴ ኣዋስ ኢማና ጋዳ ታ ጫቂዳ ቢታ ኢንቴና ጌልዲስ፤ ሂስታዳ ታ ኢንቴስ፥ ‹ታኒ ኢንቴናራ ጫቂዳ ጫቆ ቃላ ሙሌካ ላሚኬ።

1ታሪኬ ማጻፋ 28:20

ሃይሳፌ ጉዬ ዳዊቲ ባ ና ሶሎሞኔ፥ «ኣይኮይ ባዋ ሚና! ኦሶዛ ዶማ! ጎዳ ታ ጾሳይ ኔናራ ዲዛ ጊሻስ ያዮፋ፤ ሂዶታካ ቃንጾፋ! ጾሳ ኬ ኦሶይ ፖሌታና ጋካናስ ጾሳይ ኔና ዬጌናኔ ኣጌና።