ሜቴ ማጻፋ 49:9 - ጋሞ ማጻፋ

⁹ ዩሁዳ ኔኒ ዎዳላ ጋሞ ማላ፤ ታ ናዞ! ኔኒ ሻንካቲ ኦይኪዲ፥ ጮጎቲ ኢቺዳ ጋሞ ማላ። ኔኒ ኣሲ ባና ቦሼናስ ኮዮንታ ማጫ ጋሞ ማላ።

Geeshsha Maxaafa

⁹ Yuhuda neni wodalla gaammo mala; ta naazoo! Neni shankkati oykkidi, cogotti ichchida gaammo mala. Neni asi bana bosheththanaas koyontta macca gaammo mala.

ሜቴ ማጻፋ 49:9 Referans Kwoze

ታይቦ ማጻፋ 24:9

ሃይሲ ካዎቴይ ጋሞ ማላ ዛማዲ ኡቲዴስ፤ ማጫ ጋሞ ማላካ ዙጊ ኡቲዴስ፤ ኢስቲ ዛማዲ ኡቲዳሶሆፔ ኢስታ ዴንና ዳንዳይዛይ ኦኔ? ኔና ኣንጂዛዴይ ኣንጄቶ፤ ኔና ቃንጊዛዴይካ ቃንጌቶ» ጊዴስ።

ዮሃኒሳ ኣጁታ 5:5

ሄ ዎዴ ጪማታፔ ኢሳዴይ ታስ፥ «ኔ ዬኮፋ! ሄኮ ዩሁዳ ባጋ ጊዲዳ ዳዊቴ ዛርኬፌ ዴንዲዳ ጋሞይ ኢዚ ካሴ ጾኒዴስ፤ ኢዚ ጻ ማጻፋዛኔ ላፑን ማታሜዛ ዶያናስ ዳንዳዬስ» ጊዴስ።

ታይቦ ማጻፋ 23:24

ኢስራኤሌ ኣሳይ ማጫ ጋሞ ማላ ዴንዳና፤ ባ ሻንካቲ ኤሂዳይሳ ሞንታ፥ ሱካ ኡዮንታ ዲሼ ሼምፖንታ ጋሞ ማላ ዴንዳና» ጊ ዮቲዴስ።

ሚኪያሳ ቲንቢቴ 5:8

ዎራ ዶኣታ ጊዶን ዲዛ ጋሞይ፥ ባ ቶሆራ ኢጪ ሜንሬሼ ቢዛ ማላ፥ ሜንሬይሳካ ኢዛፔ ኦኒካ ዎ ኤካናስ ዳንዳዮንታይሳ ማላ፤ ዳሮ ዶርሳ ጊዶን ዲዛ ዎዳላ ጋሞ ማላ፤ ያቆቤ ዜሬፌ ኣቲዳይቲ ሃንኮ ዴሬታ ጊዶኒኔ ዳሮ ኣሳ ጊዶን ሄሳ ማላ ጊዳና።

ሆሴኤ ቲንቢቴ 5:14

ሄሳፌ ዴንዲዳይሳን ታኒ ኢስራኤሌስ ጋሞ ማላ ዩሁዳስካ ዎዳላ ጋሞ ማላ ጊዳና፤ ታ ኢስታ ኒፊፊ ሂስታ ሜንሬ ዬጋና፤ ቦንቃ ኤካዳ ባና፤ ኦኒካ ኢስታ ታ ኩሼፔ ኣሻናስ ዳንዳዬና።

ሂዚቄላ ቲንቢቴ 19:5

« ‹ኢዛ ሂዶታ ኦዳይሲ ጫልቃሚዳይሳ፥ ኢዛ ናጊዳይሲ ፖሌቶንታይሳ ቤኢዳ ዎዴ፥ ባ ማራታ ጊዶፌ ናምኣንዛ ዲቻዳ፥ ሚኖ ጋሞ ኬሳዱስ።

1ቆሮንቶሴ ኣሳስ 15:24

ሄሳፌ ጉዬ ሃሬቲዛ ዴሬታ ጎዳቴኔ ዎልቃማታ ዉርሲ ይሲዳፔ ጉዬ ካዎታ ጾሳ ኣዋስ ኣ ኢሚዛ ዎዴ ሄ ዎዴ ዉርሴ ጊዳና።

ሆሴኤ ቲንቢቴ 5:4

ኢስራኤሌ ኣሳይ ኦዳ ሞሮይ ኢስቲ ባ ጾሳኮ ሲሞንታ ማላ ዲጊዴስ። ላይማቴ ኣያናይ ኢስታ ዎዚና ኩሚዴስ። ሄሳ ጊሻስ ኢስቲ ጎዳ ኤሬቴና።

ዛሬ ማጻፋ 33:20

ጋዴ ቆሞታ ጊሻስ ሙሴይ፥ «ጋዴ ቆሞታ ዛዋ ኣሲዳ ጾሳይ ጋላቴቶ፤ ጋዴይ ሞርኬታ ሜንሬናስ ጋሞ ማላ ሻንካቴስ።

1ካዎታ ማጻፋ 10:20

ኡሱፑን ካታስ ሃዲርሳ ባጋራኔ ኡሻቻ ባጋራ ኡሱፑን ኡሱፑን ጋሞ ሚስሌቲ ኤቂዳ፤ ሙሌራ 12 ሚስሌቲ ዴቴስ፤ ሃይሳ ማላ ኣራታይ ሃራ ኣዋ ዴሬ ካዎታንካ ኦሴቲቤና።

2ታሪኬ ማጻፋ 9:18

ካዎቴ ኣራታይ ዴኢዛሶ ፑዴ ኬኣናስ ዬዛ ኡሱፑን ካቲ ዴቴስ። ቶሆን ዬናስ ካዎቴ ኣራታራ ጋዲ ዎርቃፌ ኦሴቲዳ ኦይዴይ ዴስ። ኣራታስ ናምኡ ባጋራካ ቄሴ ዜምፒሲዛ ሶሆቲ ዴቴስ፤ ሄ ናምኡ ሶሆታ ላንቄን ያ ባጋራኔ ሃ ባጋራ ኤቂዳ ኢሲ ኢሲ ጋሞ ሚስሌይ ዴስ።