ሜቴ ማጻፋ 3:17 - ጋሞ ማጻፋ

¹⁷ ኣዳሜካ ጎዳ ጾሳይ፥ «ኔኒ ኔ ማቼይ ቃላ ሲዪዳ ጊሻስ ታኒ ኔና፥ ‹ሄ ሚ ኣይፌ ሞፓ› ጋዳ ኣዛዚዳ ሚ ኣይፌፔ ኔኒ ሚዳ ጊሻስ፥ «ኔ ጌዶን ቢታይ ቃንጌቲዳዝ ጊዶ! ኔኒ ኔ ዴኦ ላይ ኡባን ጊታ ዳቡራን ቢታ ኦዳ ማና።

Geeshsha Maxaafa

¹⁷ Addaamekka GODAA Xoossay, «Neni ne machchey qaala siyida gishshas tani nena, ‹He miththaa ayfe mooppa› gaada azazida miththaa ayfeppe neni mida gishshas, «Ne geedon biittay qanggettidaaz gido! Neni ne de7o layth ubbaan gita daaburan biitta ooththada maana.

ሜቴ ማጻፋ 3:17 Referans Kwoze

ሜቴ ማጻፋ 5:29

«ሃ ናዚ ጎዳይ ቃንጊዳ ቢታ ቦላን ኑና ኑ ዳቡራፔ ሼምፒሳና» ጊዲ ኖሄ ጊ ሱንዴስ።

ዮሃኒሳ ሚሺራቾ 16:33

ታ ሃይሳ ኢንቴስ ዮቲዛይ ኢንቴ ታናን ዴኢን ኢንቴስ ሳሮቴ ዳና ማላ ጋዳ ዮታይስ። ኢንቴ ሃ ኣላሜን ዲሺን ኢንቴስ ዋዬይ ዴስ፤ ጊዶ ኣቲን ኣይኮይ ባ፤ ታ ኣላሜ ጾናዲስ» ጊዴስ።

ዬ ማጻፋ 127:2

ኔኒ ኣቆታ ዴማናስ ማላዶ ዎንታራ ዴንዳ ዎጺኮኔ ጊዶ ጋካናስ ኔ ዳቡርኮ ሄሲ ዉሪካ ሃዳ፤ ጎዳይ ባ ሲቂዛይታስ ሼምፖ ኢሜስ።

ኤራንቻታ ማጻፋ 5:17

ኢዚ ባ ላይ ኡባ ጬጬን፥ ዋዬን፥ ዪሎኒኔ ማ ዱሳን ዉርሴስ።

ኢዮቤ ማጻፋ 14:1

«ኣሾ ማይኢዳ ኣሳስ ላይይ ቃን፤ ሄሲካ ሜቶን ኩሚዴስ።

ኦሮሜ ኣሳስ 3:19

ሄሳ ጊሻስ ዶናይ ዉሪካ ጎርዴታና ማላ ዴሬይ ኩሜ ጾሳስ ዛሮ ኢማና ማላ ዎጋይ ጊዛይ ዉሪካ ዎጋፔ ጊዶራ ዲዛይታስ ጊዲዳይሳ ኑ ኤሮስ።

ኢዮቤ ማጻፋ 21:17

«ሂስቲን ኢታ ኣሳታስ ጾምፔይ ቶኢ ኤሪዜ? ቦሻይ ኢስታ ቦላ ጋኪ ኤሪዜ? ጾሲካ ኢስታ ቦላ ሃንቄቲ ኤሪዜ?

ሉቃሳ ሚሺራቾ 19:22

«ኢዛ ጎዳዚ ዛሪዲ ኢዛስ፥ ‹ሃይሶ ኢታ ኦሳንቻዞ! ታ ኔ ቃላን ኔና ዛራ ፒርዳይስ። ታኒ ዎንታሶፔ ኤኪዛዴኔ ዜሮንታሶፔ ማጺዛ ሜንጼ ኢታ ኣስ ጊዲዳይሳ ኤራሳሺን ታኒ ታ ሚሻ ዬሎራ ኤካና ማላ ሄ ሚሻን ኦና ኣሳታስ ኣዛስ ኢማቤኪ?› ጊዴስ።

Maatosa 25:45

«ሄ ዎዴ ኢዚካ ኢስታስ ዛሪዲ፥ ‹ታ ኢንቴስ ቱሙ ጋይስ፤ ሃይታ ላፋ ታ ኢሻታፔ ኢሳዴስ ኢንቴ ኦንታ ኣጊዳይሲ ታስ ኢንቴ ኦንታ ኣጊዳ ማላ› ጋና።

ኤራንቻታ ማጻፋ 2:17

ሳሎ ጉፋንን ሃኒዛ ሚሺ ኡባይ ኢቲዛ ጊሻስ ሃ ሳኣ ዱሳይ ታና ኢቴስ፤ ሄሲ ኡባይካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 2:11

ጊዶ ኣቲን ሄሳ ኡባ ኦ ሲማዳ ታኒ ኣኬኪዛ ዎዴ ታኒ ኬሃ ዴማና ጋዳ ዳቡርዳ ዳቡራ ኡባ ታ ቆፒዛ ዎዴ ኡባይካ ሃዳ፤ ሳሎ ጉፋንን ኣይ ዎይካ ዴና፤ ኡባይካ ጫርኮ ኦይካናስ ዬዴዛ ማላ።

ሜቴ ማጻፋ 3:11

ጎዳ ጾሳይ ኢዛ፥ «ኔኒ ካሎ ዳሳ ጊዲ ኔስ ዮቲዳይ ኦኔ? ታኒ ኔና፥ ‹ሞፓ› ጋዳ ኣዛዚዳ ሚ ኣይፌፔ ማዲ?» ጊ ኦይቺዴስ።

ሜቴ ማጻፋ 3:6

ማጫሳያ ሄ ሚ ኣይፌይ ማናስ ማልኢዛይሳ፥ ጼላናስ ሎኢዛይሳ፥ ቃሴ ኣሲ ኣ ኤራቴ ዴማናስ ኣሞሲዛዝ ጊዲዳይሳ ቤያዳ ሄ ሚ ኣይፌፔ ኤካዳ ማዱስ፤ ቃሴ ባናራ ዲዛ ባ ኣዚናስካ ሄሳፌ ኢሚን ኢዚካ ሚዴስ።

Maatosa 22:12

‹ሃይሶ! ሳርጌ ማይኦ ማይኦንታ ዋናዳ ሃ ጌላናስ ዳንዳያዲ?› ጊ ኦይቺን ኣዴዛስ ዛራና ቃላይ ይዴስ።

Ibirawe 6:8

ጊዶ ኣቲን ኣጉንኔ ኦዶሮይ ሞኪዛ ቢታያ ጎኣይ ባይንዳሮ ጊዳና፤ ሄ ቢታይስ ቃንጌቴ ማታን ዴስ፤ ኢዚ ዉርሴ ታማን ጹጌቴ ጊዳና።

ሜቴ ማጻፋ 3:18

ቢታይ ኔስ ኣጉንኔ ኪንዲቾ ሞኪሳና፤ ኔኒ ቢታፌ ሞኪዳይሳ ማና።

ሜቴ ማጻፋ 8:21

ሂስቲን ጎዳይ ያርሾዛ ፔኖ ሳዊዛይሳ ሲንጊዲ ባ ዎዚናን፥ «ዬላጋቴፌ ዶሚን ኣሲ ዎዚናን ቆፒዛይሲ ዉሪ ኢታ ጊዲኮካ ታኒ ኣሳ ጊሻስ ጋዳ ናምኣን ሙሌካ ሃ ቢታ ቃንጊኬ። ቃሴ ታኒ ሃኢ ኦዳ ማላ ፓጻ ዲዛ ሜቴ ኡባ ናምኣን ሙሌካ ይሲኬ።