ሜቴ ማጻፋ 1:1 - ጋሞ ማጻፋ

¹ ጾሲ ኮይሮ ሳሎኔ ሳኣ ሜዴስ።

Geeshsha Maxaafa

¹ Xoossi koyro salonne sa7a medhdhides.

ሜቴ ማጻፋ 1:1 Referans Kwoze

Ibirawe 11:3

ሃይሲ ሃ ኣላሜይ ጾሳ ቃላን ሜቲዳይሳ ኑኒ ኣማኖን ኤሮስ፤ ሄሳካ ኣይፌን ቤቲዛይሲ ሜቲዳይ ቤቲዛ ሚሻፌ ጊዶንታይሳ ኑኒ ኤሮስ።

ኢሳያሳ ቲንቢቴ 45:18

ሳሎታ ሜዳይ ኢዚ ጎዳ፤ ቢታ ጊግሲዲ ሜዳይ፥ ሳኣስ ዮች ዬጊዳይ፥ ኢዛ ኣሳ ዱሳሶ ጊዳና ማላ ኣቲን ጮ ሜላ ዎናስ ሜንታ ጎዳይ፥ ታኒ ጎዳ፤ ታፔ ሃራይ ዴና።

ዮሃኒሳ ኣጁታ 4:11

«ኑ ጎዳ ጾሶ! ኔኒ ኡባ ሜዳ ጊሻስ ሜቴ ዉሪካ ሜቲዳይኔ ሼምፖራ ዲዛይ ኔ ሼኔን ጊዲዳ ጊሻስ ጊታቴ፥ ቦንቾይኔ ዎልቃይካ ኔስ ቤሴስ» ጊዳ።

Ibirawe 1:10

ቃሴ፥ «ጎዶ! ኮይሮ ኔኒ ቢታ ሜዳሳ፤ ሳሎቲካ ኔ ኩሼን ኦሴቲዳ።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ኬሳ ማጻፋ 20:11

ኣይስ ጊኮ ኡሱፑን ጋላሳን ጎዳይ ሳሎ፥ ሳኣ፥ ኣባኔ ኢስታ ጊዶን ዲዛ ኡባ ሜዲ ላፑን ጋላስ ሼምፒዴስ። ሄሳ ጊሻስ ጎዳይ ሳምባታ ጋላሳ ኣንጂዴሲኔ ዱማሲዴስ።

ኢዮቤ ማጻፋ 38:4

ታኒ ሃይሳ ኣላሜዛ ሜሺን ኔኒ ኣዋን ዳይ? ኔ ኤሪዛኔ ኣኬኪዛ ጊዲኮ ኣኔ ታስ ዮታ።

ሃዋሬታ ኦሶ 17:24

ሃይሳ ኣላሜዛኔ ኢዛ ጊዶንካ ዲዛይሳ ኡባ ሜዳ ጾሲ ኢዚ ሳሎኔ ሳኣ ጎዳ፤ ሄሳ ጊሻስ ኢዚ ኣሳ ኩሼን ኬጼቲዳ ኬን ዴና።

2ጴጽሮሳ ኪታ 3:5

ሄይቲ ሄ ኣሳቲ ካሴ ዳሮ ዎዴፔ ካሴ ሳሎይ ጾሳ ቃላን ሜቶይሳኔ ቢታይካ ሃፌኔ ሃን ዲዛይሳ ኤሪሼ ካዴቴስ።

ናሂሚያ ማጻፋ 9:6

ሄሳፌ ጉዬ ኢስራኤሌ ኣሳይ፥ «ጾሶ፥ ኔ ጻላ ጎዳ፤ ሳሎኔ ሳሎ ቦላ ዲዛይታ፥ ሳኣኔ ሳኣ ቦላ ዲዛይታ፥ ጊታ ኣባኔ ኢዛ ጊዶን ዲዛይታ ኡባ ሜዳይ ኔና። ኡባስ ዴኦ ሼምፖ ኢማዳሳ፤ ሳሎ ሜቴቲ ኡባይ ኔስ ጎይኔቴስ።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ኤርማሳ ቲንቢቴ 51:15

«ጾሲ ባ ዎልቃን ሳኣ ሜዴስ፤ ባ ኣ ኤራቴን ኣላሜ ጊግሲዴስ፤ ሳሎታካ ባ ኣኬካን ሚጪዴስ።

ዬ ማጻፋ 33:9

ኣይስ ጊኮ ኢዚ ሃሳዪን ሃንዴስ፤ ኢዚ ኣዛዚን ሚኒዲ ኤቂዴስ።

ሌሚሶ ማጻፋ 3:19

ጎዳይ ባ ኣ ኤራቴን ሳኣ ሜዴስ፤ ባ ኣኬካንካ ሳሎታ ኢስቲ ዲዛሶን ሚንዴስ።

ዮሃኒሳ ኣጁታ 14:7

ኢዚካ ባ ቃላ ቁ ሂስቲዲ፥ «ጾሳስ ባቢቴኔ ኢዛ ቦንቺቴ፤ ኢዛ ፒርዳ ዎዴይ ጋኪዴስ፤ ሳሎኔ ሳኣ፥ ኣባኔ ሃ፥ ፑልቶታካ ሜዳ ጾሳስ ጎይኒቴ» ጊዴስ።

ዬ ማጻፋ 115:15

ሳሎኔ ሳኣ ሜዳ ጎዳይ ኢንቴና ኣንጆ!

ሃዋሬታ ኦሶ 14:15

«ሃይቶ ኣሳቶ! ሃይሳ ኣዛስ ኦቲ? ኑኒካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮኦፔ ሃኪዲ ሳሎኔ ሳኣ፥ ኣባካ፥ ኣባታ ጊዶን ዲዛይታ ኡባ ሜዳ ዴኦ ጾሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ።

ዬ ማጻፋ 136:5

ባ ሂላቴን ሳሎታ ሜዴስ፤ ኢዛ ሲቆይ ሜርናሳ።

ኤርማሳ ቲንቢቴ 10:12

ባ ዎልቃን ሳኣ ሜዳይ፥ ባ ኣ ኤራቴን ኣላሜ ኤሲዳይ፥ ባ ኣኬካን ሳሎ ሚጪዳይ ጎዳ።

ዬ ማጻፋ 8:3

ኔኒ ኔ ኩሼን ሜዳ ሳሎታ፥ ሶሆን ሶሆን ኔኒ ዎዳ ኣጊናኔ ጾሊንቴታ ታኒ ቤኢዛ ዎዴ፥

ዬ ማጻፋ 102:25

ኔኒ ቤኒ ሳኣ ሜዳሳ፤ ሳሎቲካ ኔ ኩሼ ኦሶ።

Ibirawe 3:4

ኬ ኡባሲካ ኬጺዳዴይ ዴስ፤ ጊዶ ኣቲን ዉርሲካ ኦዳይ ጾሳ።

ዬ ማጻፋ 124:8

ሳሎኔ ሳኣ ሜዳ ጎዳ ሱንን ኑስ ማዶይ ዬስ።

Ibirawe 1:2

ቃሴ ሃይሳ ዉርሴ ዎዴ ቦላ ዉርሲ ላቲሲዳዴኔ ሃ ኣላሜዛ ሜዳ ባ ናዛ ባጋራ ኑስ ዮቲዴስ።

ሌሚሶ ማጻፋ 16:4

ጎዳይ ኡባ ሚሽ ሜዳ ጋሶይካ ዴስ፤ ማካላንቻታ ጊዲኮካ ባሻ ጋላሳስ ጊግሲ ዎዴስ።

ዬ ማጻፋ 33:6

ሳሎቲ ጎዳ ቃላን ሜቲዳ። ኢዛ ዶናፔ ኬዚዛ ፔኖን ሳሎን ዲዛ ሜቴቲ ሜቲዳ።

ዬ ማጻፋ 121:2

ታስ ማዶይ ሳሎኔ ሳኣ ሜዳ ጎዳፔ ዬስ።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ዬ ማጻፋ 104:24

ኣቤት ጎዳዉ! ኔ ኦሶይ ኣይ ኬና ዳሮ! ኔ ኣ ኤራቴን ኔኒ ኢስታ ኡባ ሜዳሳ፤ ኔ ሜዳ ሜታቲ ቢታ ኩሚዳ።

ዬ ማጻፋ 96:5

ዴሬ ኣሳይ ጎይኒዛ ጾሳቲ ኡባይ ኤቃ ጾሳታ፤ ጊዶ ኣቲን ጎዳይ ሳሎታ ሜዳ ጾሳ።

ዮሃኒሳ ኣጁታ 10:6

ሜርናፔ ሜርናስ ዲዛይሳን፥ ሳሎኔ ሳሎን ዲዛይታ ቃሴካ ቢታኔ ቢታ ጋርሳን ዲዛይታ፥ ኣባኔ ኣባ ጊዶን ዲዛይታ ሜዳ ጾሳ ሱን ጼይጊ ጫቂዲ፥ «ሃይሳፌ ጉዬ ኢዚ ጋምኤና!

ኦሮሜ ኣሳስ 11:36

ዉሪካ ኢዛፔ፥ ኢዛን፥ ኢዛሳ፤ ኢዛስ ቦንቾይ ሜርናፔ ሜርናስ ጊዶ! ኣሚን።

ሃዋሬታ ኦሶ 4:24

ኢስቲካ ሄሳ ሲዪዳ ማላ ባ ቃላ ቁ ሂስቲዲ ኢሲፌ ጾሳኮ፥ «ዎጋ ጎዳዉ! ኔኒ ሳሎኔ ሳኣ፥ ኣባኔ ኣባ ጊዶን ዲዛይታ ዉርሳ ሜዳሳ።

ዬ ማጻፋ 90:2

ዙማቲ ሜታናፔ ካሴ፥ ዎይኮ ኔኒ ሳኣ ኦናፔ ካሴ ሜርናፔ ሜርና ጋካናሲ ኔኒ ጾሳ።

ኢሳያሳ ቲንቢቴ 51:16

ታኒ ታ ቃላ ኔ ዶናን ዎዲስ፤ ታ ኩሼ ኩዋን ካማዲስ፤ ሳሎታ ኢስቲ ዲዛሶን ዎዳይ፥ ቢታስ ዮች ዬጊዳይ፥ ጺዮኖ፥ ‹ኔ ታ ዴሬ› ጊዳይ ታና» ጌስ።

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ዬ ማጻፋ 146:6

ጎዳይ ሳሎኔ ሳኣ፥ ጊታ ኣባኔ ኢስታ ጊዶን ዲዛ ኡባ ሜዳይሳ፤ ኢዚ ባ ኣማኔቴ ሜርናስ ናጊዛይሳ።

ዬ ማጻፋ 134:3

ሳሎኔ ሳኣ ሜዳ ጎዳይ ኢንቴና ጺዮኔፔ ኣንጆ።

ዮሃኒሳ ኣጁታ 22:13

ኣልፋይኔ ኦሜጋይ፥ ሲንኔ ጉዬይ፥ ኮይሮይኔ ዉርሴ ታና» ጊዴስ።

1ዮሃኒሳ ኪታ 1:1

ዴኦ ቃላ ጊሻስ ኮይሮፔ ዲዛይሳ ኑኒ ኑ ሃይን ሲዪዳይሳኔ ኑ ኣይፌራ ቤኢዳይሳ ሎኤ ጼሊዳይሳ፥ ኑ ኩሼራ ኦይኪ ቤኢዳይሳ ጊሻስ ሃሳዮስ።

ማርቆሳ ሚሺራቾ 13:19

ጾሲ ኮይሮ ሜቴ ኡባ ሜሶፌ ሃኢ ጋካናስ ዎይኮ ሃይሳፌ ጉዬ ኢዛ ሚሳቲዛይ ባይንዳ ጊታ ሜቶይ ሃናና።

ኢሳያሳ ቲንቢቴ 40:26

ኢንቴ ኣይፌ ቁ ሂስቲዲ ፑዴ ሳሎ ጼሊቴ፤ ሃይታንታ ኡባ ሜዳይ ኦኔ? ሳሎ ጾሊንቴታ ኢሳ ኢሳ ኬሲዛይ፥ ኢስታ ሱንን ሱንን ጼይጊዛይ ኢዛ። ኢዚ ባ ጊታቴኒኔ ባ ኤራቴ ሚኖቴፌ ዴንዲዳይሳን ኢስታፌ ኢሶይካ ዬና።

ዬ ማጻፋ 104:30

ጊዶ ኣቲን ኔኒ ኢስታስ ኔ ኣያና ኪቲዳ ዎዴ ሃራቲ ሜቴቴስ፤ ቢታካ ኦራጺሳሳ።

1ታሪኬ ማጻፋ 16:26

ኣይዛቤታ ጾሳቲ ኡባይ ኤቃ ጾሳታ፤ ጎዳይ ጊዲኮ ሳሎታ ሜዳ ጾሳ።

ዮሃኒሳ ኣጁታ 21:6

ሄሳፌ ጉዬ ታስ፥ «ፖሌቲዴስ! ኣልፋይኔ ኦሜጋይ፤ ኮይሮይኔ ዉርሴ ታና፤ ሳሜቲዳዴስ ታኒ ዴኦ ፑልቶ ሃ ሚሼ ቃንጺሶንታ ኢዛስ ጮ ሜላ ኢማና።

ኤፌሶኔ ኣሳስ 3:9

ሄሳካ ኡባ ሜዳ ጾሳን ቤኒ ዎዴ ቆቴቲ ዲዛ ጾሳስ ጹራ ቆፋይ ኣዛኮ ኡባስ ታ ቆንጪሳና ማላ ታስ ጾሳ ኪያቴ ኢሜቲዴስ።

ኢሳያሳ ቲንቢቴ 51:13

ኔና ሜዳይሳ፥ ሳሎታ ቶሊዳይሳ፥ ሳኣስ ዮች ዬጊዳይሳ ኔ ባላዳሳ፤ ኔና ይሳናስ ጊጌቲዳ ሜንጼ ኢታዛ ጋሶፔ ዴንዲዳይሳን ኡባ ጋላስ ሺሮን ዳሳ፤ ሂስቲን ሄ ሜንጼ ኢታዛ ሃንቆይ ሃኢ ኣዋን ዲዜ?

ኢሳያሳ ቲንቢቴ 65:17

ጎዳይ፥ «ሄኮ፥ ታኒ ኦራ ሳሎታኔ ኦራ ሳኣ ሜና፤ ካሴ ኣዳ ሚሻቲ ቆፌቴቴናኔ ሃሳኤቴቴና።

ዮሃኒሳ ኣጁታ 3:14

«ሎዶቂያ ዎሳ ኬ ኪታንቻስ፥ ሃይሲ፥ ‹ኣሚን› ጊዳይሳፌ፥ ቱሙ ኣማኔቲዳ ማርካ ጊዲዳዴፌ፥ ጾሳ ሜቴ ዉሪ ኢዛፔ ቤቲዳዴፌ ዮቴቲዳይሳ።

ኢዮቤ ማጻፋ 26:13

ባ ፔኖዛን ሳሎዛ ጌሻና፤ ጾንጌቲዛ ሾሻ ባ ኩሼን ጫዳና።

ኤራንቻታ ማጻፋ 12:1

ሜቶ ጋላሳቲ ዮንታ ዲሺን ኔኒ፥ «ታና ኡፋይሴቴና» ጊዛ ዎዴቲ ጋኮንታ ዲሺን ኔ ዬላጋቴ ላይን ኔና ሜዳይሳ ቆፓ።

Maatosa 11:25

ሄ ዎዴ ዬሱሲ፥ «ሳሎኔ ሳኣ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሻስ ታ ኔና ጋላታይስ።

ኬሳ ማጻፋ 31:18

ጎዳይ ሙሴራ ሲና ዙማ ቦላ ሃሳይዛይሳ ዉርሲዳ ማላ ኢዚ ባ ቢራን ጻፊዳ ታሙ ኣዛዞታ ኦይኪዳ ናምኡ ማሴቲዳ ሹቻታ ሙሴስ ኢሚዴስ።

ኢዮቤ ማጻፋ 9:8

ኦኒካ ማዶንታ ዲሺን ሳሎታ ሚጪዳይ ኢዛ፤ ኢዚ ኣባ ዳምባላ ቦላ ሄሜቴስ።

ኢሳያሳ ቲንቢቴ 40:21

ኢንቴ ሄሳ ኤሬኬቲ? ዎይኮ ሲዪቤኬቲ? ቤኒ ቤኒ ኢንቴስ ዮቴቲቤኔ? ሳኣይ ሜቶሶፌ ዶሚን ኢንቴ ኣኬኪቤኬቲ?

2ካዎታ ማጻፋ 19:15

ሄሳፌ ጉዬ ሂዝቂያሲ ጎዳኮ፥ «ኪሩቤ ቦላ ኔ ኣራታን ኡቲዳ ጎዳ ኢስራኤሌ ጾሶ! ቢታ ቦላ ዲዛ ኡባ ቦላ ጾሲ ኔና፤ ሳሎኔ ሳኣ ሜዳይ ኔና።

2ታሪኬ ማጻፋ 2:11

ጺሮሴ ካዎ ሁራሜይ ሶሎሞኔስ፥ «ጎዳይ ባ ኣሳ ሲቂዛ ጊሻስ ኢዚ ኔና ኢስታ ቦላ ካዎዴስ» ጊዲ ዳብዳቤ ዬዲዴስ።

ዬ ማጻፋ 8:4

ኔኒ ኣሳስ ቆፓናዉ ኣሲ ኣዜ? ዎይኮ ኔኒ ኣሳ ናስ ዉዴታናዉ ኢዚ ኣዜ?