ሂዚቄላ ቲንቢቴ 32:4 - ጋሞ ማጻፋ

⁴ ታ ኔና ቢታ ቦላ ዬጋና፤ ዴምባ ቦላካ ሚጫና፤ ሳሎ ካፎቲ ኡባይ ኔ ቦላ ኡታና ማላ ታ ኦና፤ ዎራ ዶኣቲ ኡባይ ኔና ዪቄቲ ሚ ካላና።

Geeshsha Maxaafa

⁴ Ta nena biitta bolla yeggana; demba bollaka miccana; salo kafoti ubbay ne bolla uttana mala ta ooththana; wora do7ati ubbay nena yiiqeti mi kallana.

ሂዚቄላ ቲንቢቴ 32:4 Referans Kwoze

ኢሳያሳ ቲንቢቴ 18:6

ኢስቲ ኡባይካ ዙማ ቦላ ዲዲ ባቂ ሚዛ ካፎታሲኔ ባዞ ዶኣታስ ኣታና፤ ካፎቲ ቦኔ ኩሜ ሚሼ ሻጫና፤ ባዞ ዶኣቲ ባልጎ ኡባን ሚሼ ሻጫና።

ሂዚቄላ ቲንቢቴ 29:5

ኔናኔ ኔ ሻፋታን ዲዛ ሞሌታ ኡባ፥ ታ ባዞ ቢታን ዬጋ ኣጋና፤ ኣይኮይ ባይንዳ ዴምባን ኔ ኩንዳና፤ ኔና ሺሻናይኔ ዴንናይ ዴና፤ ዎራ ዶኣታሲኔ ሳሎ ካፎታስ፥ ኔኒ ቁማ ጊዳና ማላ ታ ኣ ኢማና።

ኢዩኤሌ ቲንቢቴ 3:19

ጊብጼ ኣሳይኔ ኤዶሜ ኣሳይ ዩሁዳ ኣሳ ቦላ ጌኔ ኦዳ ጊሻስ ቃሴካ ጺሎ ኣሳ ዎዳ ጊሻስ ጊብጼይ ባዞ ጊዳና፤ ኤዶሜይ ኣሲ ባይንዳሶ ጊዳና።

ኤርማሳ ቲንቢቴ 25:33

ሄ ዎዴን ጎዳይ ዎዳይታ ኣሃይ ቢታ ጋጻፔ ቢታ ጋጻ ጋካናስ ፖርጩ ጊ ኩንዳና፤ ኢስታስ ዬኬቴና፤ ኢስታ ኣሃይ ሺቄናኔ ሞጌቴና፤ ቢታ ቦላ ቡራ ማላ ኦሌታና።

ኤርማሳ ቲንቢቴ 8:2

ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና።

ኢሳያሳ ቲንቢቴ 66:24

ኢስቲ ኬዚዲ ታ ቦላ ማካሊዳ ኣሳታ ኣሃ ቤኣና። ኢስታ ሚዛ ጉጹኔይካ ሃይቄና፤ ኢስታ ሚዛ ታማይካ ቶኤና። ኢስቲ ኣሳ ዜሬ ኡባስ ሃራሲዛዝ ጊዳና» ጌስ።

ኢሳያሳ ቲንቢቴ 14:19

ኔ ጊዲኮ ኮዬቶንታ ሃጋ ማላ ዱፎፔ ዎራ ኦሌታዳሳ፤ ማሻን ጫዴቲዳይታን፥ ዱጌ ጪማ ሹቻ ኦላን ዎዳይታን፥ ኣሳ ኩሼን ሃይቂዳይታን ካሜታዳሳ፤ ኔኒ ቶሆን ዬቲዳ ኣሃ ማላ ጊዳዳሳ።

ዬ ማጻፋ 74:14

ሌዋታኔ ጌቴቲዛ ሚሚንቴ ሁኤታ ዲንጫዳሳ፤ ኢዛ ኣሾ ባዞን ዲዛ ሜታታስ ቁማ ኦ ኢማሳ።

ዬ ማጻፋ 63:10

ኢስቲ ማሻስ ኣ ኢሜታና፤ ኢስቲ ጎዳሬ ካዎ ጊዳና።

ሂዚቄላ ቲንቢቴ 35:8

ኔ ዙማታ ታ ኣሃን ኩንና፤ ማሻን ሲፌቲዳይቲ ኡባይ ኔ ዙማታን፥ ኔ ዙሌታኒኔ ኔ ሃ ጎጊዛሶ ኡባን ኩንዳና።