ሂዚቄላ ቲንቢቴ 26:7 - ጋሞ ማጻፋ

⁷ «ኡባ ሃሪዛ ጎዳይ፥ ‹ካዎታስ ካዎ ጊዲዳ ባቢሎኔ ካዎ ናቡካዳናጾሬ ፓራታራኔ ፓራ-ጋሬታራ፥ ቶጋንቻታራኔ ዳሮ ኦላንቻታራ ፑዴሃ ባጋፌ ጺሮሲ ቦላ ታ ኤሃና።

Geeshsha Maxaafa

⁷ «Ubbaa Haariza GODAY, ‹Kawotas kawo gidida Baabiloone kawo Nabukadanaxoore parataranne para-gaaretara, toganchchataranne daro olanchchatara pudeha baggafe Xiroosi bolla ta ehana.

ሂዚቄላ ቲንቢቴ 26:7 Referans Kwoze

ዳኔላ ቲንቢቴ 2:37

ካዎ! ኔኒ ካዎታስ ካዎ፤ ሳሎ ጾሲ ኔስ ካዎቴ፥ ማታ፥ ዎልቃኔ ቦንቾ ኢሚዴስ።

ኢዝራ ማጻፋ 7:12

ካዎታስ ካዎ ኣርጼኪሲሴፔ ሳሎ ጾሳ ዎጋ ፒልጊ ጼሎን ኬሂ ኤራንቻ ጊዲዳ ዎጋ ታማርሲዛ ቄሴ ኢዝራ! ሳሮይ ኔስ ጊዶ፤

ሂዚቄላ ቲንቢቴ 23:24

ኢስቲ ኦላ ማሳራ፥ ፓራ-ጋሬኔ ጋሬ ኤኪዲ ዳሮ ዴሬይ ኔ ቦላ ያና፤ ኢስቲ ዎጋ ጎንዳሌኔ ቄሪ ጎንዳሌ ኦይኪዲ፥ ቢራታ ቆቤ ዎዲ፥ ኔ ዩሾን ሳልፋና፤ ኢስቲ ኔ ቦላ ፒርዳና ማላ ታ ኔና ኢስታስ ኣ ኢማና፤ ኢስቲካ ባ ዎጋን ኔና ቃጻያና።

ሆሴኤ ቲንቢቴ 8:10

ኢስቲ ባና ካዎታስ ኣ ባይዚኮካ ሃኢ ታ ኢስታ ሺሻና፤ ካዎቲኔ ዳናቲ ኢስታ ቦላ ጋዛ ሜቶፔ ዴንዲዳይሳን ኢስቲ ጉጺ ጉጺ ባና።

ዳኔላ ቲንቢቴ 2:47

ካዎዚ ዳኔላ፥ «ሃይሳ ጹራ ዮኦዛ ኔ ቢርሻና ዳንዳይዳ ጊሻስ ቱማፔ ኢንቴ ጾሳይ ጾሳታስ ጾሳ፤ ኢዚ ካዎታስ ጎዳ፤ ኢዚ ጹራ ቆንጪሲዛ ጾሳ» ጊዴስ።

ኤርማሳ ቲንቢቴ 52:32

ኢዛ ሎኦ ቃላን ሃሳይሲዴስ፤ ባቢሎኔን ኢዛራ ቃሾሶን ዲዛ ካዎታ ኡባታፔ ቦላራ ኣዲ ኢዛ ቦንቾሶን ዎዴስ።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኢሳያሳ ቲንቢቴ 10:8

ኢዚ፥ ‹ታ ኦላ ጋዳዋቲ ኡባቲ ካዎ ጊዴቴኔ?› ጊ ጬቄቴስ።

ሂዚቄላ ቲንቢቴ 28:7

ካዎቴታ ጊዶን ኬሂ ሜንጼ ኢታ ጊዲዳ ኣላጋታ ታ ኔ ቦላ ኤሃና። ኢስቲ ኔ ኣ ኤራቴ ፑላቴ ቦላ ባንታ ማሻ ሾዳና፤ ጊታ ኔ ቦንቾዛካ ቱኒሳና።

ሂዚቄላ ቲንቢቴ 26:3

ኡባ ሃሪዛ ጎዳይ፡ ሃኔ ጺሮሴ ታ ኔ ቦላ ዴንዳዲስ፤ ኣባ ዳምባላይ ዴንዲዛ ማላ ታ ኔ ቦላ ዳሮ ዴሬ ዴንና።

ሂዚቄላ ቲንቢቴ 17:14

ኢዚ ሄሳ ኦዳይ ሄ ቢታይን ዲዛ ካዎቴያ ካዉያዳ ኢዛራ ጌሊዳ ቃላ ናጋዳ ዳና ማላ ኣቲን ናምኣን ዴንዶንታ ማላ ኦናሳ።

ኤርማሳ ቲንቢቴ 25:22

ጺሮሴኔ ሲዶና ኣባፌ ሄ ፒን ጋጻን ዲዛ ካዎታ፥

ኤርማሳ ቲንቢቴ 6:23

ኢስቲ ዎንዳፌኔ ቶራ ኦይኪዳ። ኢስቲ ሜንጼ ኢታታኔ ቃታይ ባይንዳይታ፤ ኢስቲ ባንታ ፓራታ ቶጊዛ ዎዴ ኣባይ ጉሚዛ ማላ ጉሜቴስ። ኢንቴኖ ጺዮኔ ማጫ ናይቶ! ኢስቲ ጊጌቲዲ ኢንቴና ኦላናስ ዬቴስ» ጌስ።

ኤርማሳ ቲንቢቴ 4:13

ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ኤርማሳ ቲንቢቴ 4:7

ጋሞይ ባ ዲዛሶፔ ኬዚዴስ፤ ካዎቴታ ይሲዛይ ኪቴቲዴስ፤ ኔ ቢታዮካ ቡላሳናስ ባ ዲዛሶፔ ኬዚዴስ፤ ኔ ካታማቲ ላሌታና፤ ኩንዲዲካ ካይዚ ኣታና።