ሂዚቄላ ቲንቢቴ 21:3 - ጋሞ ማጻፋ

³ ኢስታስ ጎዳይ፥ ‹ታ ኔ ቦላ ዴንዳዲስ፤ ታኒ ታ ማሻ ኮሆፔ ሾዳዳ ጺሎ ኣሳኔ ኢታ ኣሳ ኔ ጊዶፌ ዲጋና።

Geeshsha Maxaafa

³ Isttas GODAY, ‹Ta ne bolla dendadis; tani ta mashsha koohoppe shoddada xillo asaanne iita asaa ne giddofe diggana.

ሂዚቄላ ቲንቢቴ 21:3 Referans Kwoze

ኤርማሳ ቲንቢቴ 21:13

‹ሃኔ ሾባፌ ፑዴ ባጋራ ሹቺ ዳሪ ዲዛሶን ዲዛ ዬሩሳላሜ! ታኒ ኔ ቦላ ዴንዳዲስ፤ ኑ ቦላ ኦኔ ዴንዳናይ? ኑ ኬ ኦኔ ጻሊ ጌላናይ?› ጊዛሬ!

ኢዮቤ ማጻፋ 9:22

ጾሲ ጺሎዛኔ ቆሃንቻዛካ ይሲዛ ጊሻስ ኣይኮ ዱማቴካ ዴና ታ ጊዳይ ሄሳ ጊሻሳ።

ናሆሜ ቲንቢቴ 3:5

ኡባፌ ዎልቃማ ጎዳይ፥ «ሃኔ ታኒ ኔ ቦላ ሞርኬቴን ዴንዳዲስ፤ ታኒ ኔ ቃሚሳ ቃራ ኔ ኣይፌሶ ካማና፤ ኔ ካሎቴ ዴራስ፥ ዬላቴ ካዎቴታስ ታ ቤሳና።

ናሆሜ ቲንቢቴ 2:13

ኡባፌ ዎልቃማ ጎዳይ፥ «ታ ኢንቴ ቦላ ዴንዳዲስ፤ ኢንቴ ፓራ-ጋሬታካ ጹጋና፤ ኢንቴ ጋሞ ማራታ ማሻይ ማና፤ ኢንቴስ ማና ሚሺካ ቢታ ቦላ ኣሽኬ፤ ኢንቴ ኪቲዛይታ ጬንጉርሲ ሃይሳፌ ጉዬ ሴቴቴና» ጊ ኣዋጄስ።

ሂዚቄላ ቲንቢቴ 5:8

ሄሳ ጊሻስ ኡባ ሃሪዛ ጎዳይ፥ «ሄኮ፥ ታኒ ታ ባጋራ ኔ ቦላ ዴንዳዲስ፤ ካዎቴታ ሲንን ታኒ ኔ ቦላ ፒርዳ ኤሃና።

ዛካራሳ ቲንቢቴ 13:7

«ኡባፌ ዎልቃማ ጎዳይ፥ ‹ማሻ! ታ ሄንንቻ ታ ዳሮ ዶሲዛይሳ ቦላ ቤጋ! ሄሚዛይሳ ሾጫ፤ ዶርሳቲካ ላሌታና፤ ታኒካ ታ ቄሴ ጉታ ቦላ ዴንና› » ጌስ።

ሶፎናሳ ቲንቢቴ 2:12

«ኢንቴኖ ቶጵያ ኣሳቶ! ኢንቴ ታ ማሻን ሲፌታና።»

ሂዚቄላ ቲንቢቴ 26:3

ኡባ ሃሪዛ ጎዳይ፡ ሃኔ ጺሮሴ ታ ኔ ቦላ ዴንዳዲስ፤ ኣባ ዳምባላይ ዴንዲዛ ማላ ታ ኔ ቦላ ዳሮ ዴሬ ዴንና።

ሂዚቄላ ቲንቢቴ 21:19

«ሃይሶ ኣሳ ናዉ! ባቢሎኔ ካዎዛ ማሻይ ዪዛ ናምኡ ኦጌታን ማላታ ቱስ ኤሳ። ናምኡ ኦጌቲካ ኢሲ ዴሬፔ ዶሜቴስ። ካታማ ኤፊዛ ኦጌቲ ሻኬቲዛሶን ማላታ ቱስ ኤሳ።

ሂዚቄላ ቲንቢቴ 14:21

«ኡባ ሃሪዛ ጎዳይ፡ ታኒ ኣሳኔ ሜሄ ዎናስ ዬሩሳላሜ ቦላ ታ ኦይዱ ፒርዳታ፥ ማሻ፥ ኮሻ፥ ዎራ ዶኣታኔ ኢታ ሃርጌ ዬዲዛ ዎዴ ኢዚ ኣይ ኬና ኣ ኢታ ሚሽ ጊዳንዴ!

ሂዚቄላ ቲንቢቴ 14:17

«ዎይኮ ታኒ ሃ ቢታ ቦላን ማሻ ኤሃዳ፥ ‹ሃ ቢታራ ማሻይ ካን› ጋዳ ሜሄኔ ኣስ ይሲኮ፥

ሂዚቄላ ቲንቢቴ 5:12

ኔ ኣሳፔ ኢሲ ኩሼይ ካታማ ጊዶን ኢታ ሃርጌኒኔ ኮሻን ሃይቃና፤ ናምኣን ኩሼይ ካታማ ጊምቤፌ ካሬራ ማሻን ዉራና፤ ኣቲዳ ሄን ኩሼዛ ታኒ ጫርኮስ ላላናኔ ማሻ ሾዳ ዬዴና።

ኤርማሳ ቲንቢቴ 51:25

ጎዳይ፥ «ሃኔ ይሲዛ ዙማዬ! ቢታ ኡባ ይሲዛሬ! ታ ኔ ሁኤ ቦላ ዳይስ፤ ታኒ ታ ኩሼ ኔ ቦላ ዴንና፤ ታ ኔና ኣፎ ሁኤፔ ዱጌ ቡሉላና፤ ታ ኔና ጹጌቲዳ ዙማ ሂስታና።

ኤርማሳ ቲንቢቴ 51:20

ጎዳይ፥ «ባቢሎኔ ኔኒ ታ ጻምኣኔ ኦላ ማሳራ፤ ኔናን ጎኤታዳ ታኒ ዴሬ ኡባ ሜንሬዲስ፤ ቃሴ ካዎቴታካ ይሳዲስ።

ኤርማሳ ቲንቢቴ 50:31

ጎዳይ ኡባፌ ዎልቃማ ጾሳይ፥ «ኔኖ ኦቶራንቻዞ! ታኒ ኔ ቦላ ዴንዳዲስ፤ ኔኒ ቃጻዬታና ዎዴይኔ ጋላሳይ ጋኪዴስ።

ኢሳያሳ ቲንቢቴ 34:5

ታ ጊ ማሻይ ሳሎታ ጊዶን ባስ ጊዳና ጋካናስ ኡያዱስ፤ ቤኢቴ፤ ኤዶሜ ቦላ፥ ታኒ ቃንጊዳ ኣሳ ቦላ ፒርዳናስ ዎዱስ።

ኢሳያሳ ቲንቢቴ 10:5

ጎዳይ፥ «ታ ሃንቆስ ጉፌ፥ ታ ኤሂዛ ባሻስ ጻምኣ ጊዲዳ ኣሶሬ ቢታ ኣሳስ ኣዬ ኣና!

ኤራንቻታ ማጻፋ 9:2

ጺሎታ ዎይኮ ናጋራንቻታ ጊዲን፥ ሱሬታ ዎይኮ ኢታታ ጊዲን፥ ጌሻታ ዎይኮ ቱናታ ጊዲን፥ ያርሾ ሺሺዛይታ ዎይኮ ያርሾ ሺሾንታይታ ጊዲን ኡባታሲካ ዉርሴ ቃዳይ ኢሲኖ። ሎኦ ኣሳስ ሃኒዛይሳ ማላ ናጋራንቻስካ ሃኔስ፤ ጫቂዛይሳስ ሃኒዛይሳ ማላካ ጫቆስ ባቢዛይታስ ሃኔስ።

ዬ ማጻፋ 17:13

ኣቤት ጎዳዉ! ዴንዳ። ታ ሞርኬታራ ኤቄታዳ ኢስታ ሾጫ፤ ኔ ማሻን ኢታታፔ ታና ኣሻ።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ሌዌታ ማጻፋ 26:25

ኢንቴ ታናራ ጫቂዳ ቃላ ላሊዳ ጊሻስ ታ ኢንቴና ቃጻያናስ ኢንቴ ቦላ ኦላ ዬዳና፤ ኢንቴ ኢንቴ ካታማታን ሺቂዛ ዎዴ ታ ኢንቴ ጊዶን ኢታ ሃርጌ ኪታና፤ ኢንቴ ሞርኬታስ ኢንቴ ኣ ኢሜታና።

ኬሳ ማጻፋ 15:9

«ሞርኬይ ጬቄቲሼ፥ ‹ታኒ ኢስታ ዬዴ ኦይካና። ታኒ ኢስታ ሃሮ ሻካዳ፥ ታ ኮዪዳይሳ ኡባ ኤካና። ታኒ ታ ጊ ማሻ ሾዳዳ፥ ኢስታ ይሳና› ጊዴስ።

ኢሳያሳ ቲንቢቴ 57:1

ጺሎ ኣሲ ሃይቄስ፤ ሄሳ ኦኒካ ዎዚናን ዎና፤ ጾሳስ ኣቂዛ ኣሳታ ሼምፖይ ኤኬቴስ፤ ጺሎቲ ኢታፔ ኣታና ማላ ኤኬቲዳይሳ ኦኒካ ኣኬኬና።

ሂዚቄላ ቲንቢቴ 13:8

ሄሳ ጊሻስ ኡባ ሃሪዛ ጎዳይ፥ «ኢንቴ ዮቲዳ ቲንቢቴይኔ ኢንቴ ቤኢዳ ኣጁታይ ዎርዶ ጊዲዳ ጊሻስ ታኒ ኢንቴ ቦላ ዴንዳዲስ።

ሂዚቄላ ቲንቢቴ 29:10

ሄሳ ጊሻስ ታኒ ኔ ቦላኔ ኔ ሻፋታ ቦላ ዴንዳዲስ፤ ጊብጼ ቢታ ሚጊዶሌፔ ቢዲ ኣሲዋ ጋካናስ፥ ሄፔካ ቢዲ ቶጵያ ዛዋ ጋካናስ ላላዳ ታኒ ቡላሳና።

ዬ ማጻፋ 80:17

ኔ ኩሼይ ኔ ኡሻቻ ባጋራ ዲዛ ኣሳ ኔኒ ኔስ ዲቺዳ ኣሳ ናጎ።

ዬ ማጻፋ 83:15

ጎቴን ኔ ኢስታ ዳጋን፤ ኔ ኡሾንካ ኢስታ ዬዴ።

ኤርማሳ ቲንቢቴ 17:27

ጊዶ ኣቲን ኢንቴ ሳምባታ ጋላሳታ ዱማሶንታ ኢጺዲ ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሊዲ ታ ኣዛዞ ሜንኮ ታኒ ዬሩሳላሜ ፔንጌታ ቦላ ኢዚ ሚጻታ ሚዛ ቶኦንታ ታማ ታ ኤና» ጊዴስ።

ኤርማሳ ቲንቢቴ 21:14

ታኒ ኔና ኔ ኦሶ ማላ ቃጻያና፤ ታኒ ኔ ዎራን ታማ ዬዳና፤ ኢዛ ዩሾን ዲዛይሳካ ኡባ ጹጋና» ጌስ።

ሂዚቄላ ቲንቢቴ 24:9

«ሄሳ ጊሻስ ኡባ ሃሪዛ ጎዳይ፥ ‹ሱ ጉሲዳ ካታማይስ ኣዬ ኣና! ታኒ ኢዛ ጹጌታና ሚ ጉፓና።

ኣሞጼ ቲንቢቴ 5:6

ሃ ጾሳኮ ሲሚቴ፤ ሂስቲኮ ኢንቴ ሼምፖራ ፓጻ ዴኣና፤ ኣካይ ጊኮ ጾሲ ታማ ማላ ኢስራኤሌ ዴራ ማና፤ ቤቴሌን ዲዛይታካ ታማይ ማና፤ ሄ ታማ ቶይሳናይ ኢስታስ ቤቴና።

ኣሞጼ ቲንቢቴ 7:4

ኡባፌ ዎልቃማ ጎዳይ ታና ኣጁታ ቤሲዴስ፤ ጎዳይ ቃጻያናስ ታማ ፒርዳ ዬዲዴስ፤ ታማዚካ ዎጋ ጊታ ኣባ ሚቺዲ ቢታ ሙስ ኦይኪዴስ።