ሂዚቄላ ቲንቢቴ 10:2 - ጋሞ ማጻፋ

² ጎዳይ ላይኖ ማይኢዳ ኣዴዛ፥ «ኪሩቤታፔ ጋርሳ ባጋራ ኢርዞታ ጊዶራ ካንዳ ባ፤ ሂስታዳ ታማ ቦንቆ ኔ ኩሼን ኩጳታ ኤካዳ፥ ካታማይ ቦላ ላላ» ጊዴስ። ታ ጼሊሺን ኣዴዚ ታማ ኤካናስ ጌሊዴስ።

Geeshsha Maxaafa

² GODAY layno may7ida addeza, «Kirubetappe garsa baggara irzota giddora kanththada ba; histtada tama bonqo ne kushen kuphphata ekkada, katamay bolla laalla» gides. Ta xeellishin addezi tamaa ekkanaas gelides.

ሂዚቄላ ቲንቢቴ 10:2 Referans Kwoze

ዮሃኒሳ ኣጁታ 8:5

ሄሳፌ ጉዬ ኪታንቻዚ ኤጻኔ ኢዛን ጩዋሲዛይሳ ኦይኪዲ ያርሾ ያርሺዛሶዛፔ ታማ ኤኪ ኢዛን ኩንዲ ዱጌ ቢታ ቦላ ዬጊዴስ፤ ዳዳይ ዳዳቲዴስ፤ ጊሪሲ ጊሪዴስ፤ ዎልቃን ዎልቃሚዴስ፤ ቢታይካ ቃጺዴስ።

ሂዚቄላ ቲንቢቴ 1:13

ሃ ሼምፖራ ፓጻ ዲዛ ሜቴታ ሜይ ኤጺዛ ታማ ቦንቆኔ ጾምፔ ሚሳቴስ፤ ሄ ሼምፖራ ፓጻ ዲዛ ሜቴታ ጊዶን ታማይ ያኔ ሃ ቃጼስ፤ ታማዚ ጶሌስ፤ ኢዛ ጊዶፌካ ዎልቃን ኬዜስ።

ሂዚቄላ ቲንቢቴ 10:16

ቃሴ ኪሩቤቲ ባና ቃጺዛ ዎዴ ኢስታ ሚሌን ዲዛ ኢርዞቲካ ቃጼቴስ፤ ኪሩቤቲ ቢታፌ ፑዴ ዴንዳናዉ ባንታ ቄፌታ ያንጊዛ ዎዴካ ኢስታ ሚሌን ዲዛ ኢርዞቲካ ኢስታፌ ሻኬቴቴና።

ኢሳያሳ ቲንቢቴ 30:30

ጎዳይ ኤጺዛ ሃንቆኒኔ ሚዛ ታማን፥ ጎቴ ጫርኮኒኔ ዳዳን፥ ሻቻ ሹቻን፥ ቴማይ ኩሚዳ ባ ጬንጉርሳ ኣሳ ሲሳና፤ ዎሼ ባ ቄሳ ኢዚ ቤሳና።

ዬ ማጻፋ 140:10

ኢስታ ቦላ ታማ ቦንቆይ ቆሌቶ፤ ኢስቲ ታማን ኦሌቴቶ፤ ሲሚ ኬዛናስ ዳንዳዮንታ ኦላን ኩንዴቶ።

ሂዚቄላ ቲንቢቴ 9:11

ሄሳፌ ጉዬ ላይኖ ማይኢዲ፥ ባ ሚሌን ጻፊዛ ሚሽ ኮሮጆን ኦይኪዳ ኢሳዴይ ሲሚዲ፥ «ኔኒ ታና ኣዛዚዳ ማላ ኦዲስ» ጊዴስ።

2ካዎታ ማጻፋ 25:9

ጎዳ ኬ፥ ካዎቴ ኬኔ ዬሩሳላሜን ዲዛ ኬታ ኡባ ጹጊዴስ፤ ኤሬቲዳ ጊታ ኬታካ ታማን ጹጊዴስ።

ዬ ማጻፋ 18:10

ኪሩቤን ኡቲዲ ፓሊዴስ፤ ጫርኮ ቄፌ ኤኪዲ ፑዴ ዴንዲ ቢዴስ።

ዳኔላ ቲንቢቴ 7:9

«ታ ጼሎን ዲሺን ኣራታቲ ሚጬቲዳ፤ ቤኒ ቤኒሶፌ ዲዛይሲ ኢዛ ቦላ ኡቲዴስ፤ ኢዛ ማይኦይ ሻቻ ማላ ቦ፤ ኢዛ ቢናናይካ ፑቶ ማላ ቦ፤ ኢዛ ኣራታይ ታማ ላጮ፥ ኢዛ ፓራ-ጋሬቲ ኤጺዛ ታማ ማላ።

ኬሳ ማጻፋ 25:18

ካማዛ ጼራ ናምኡ ባጋራ ቆጻዳ ናምኡ ኪሩቤታ ዎርቃፌ ኦ።