ኬሳ ማጻፋ 32:12 - ጋሞ ማጻፋ

¹² ጊብጼ ኣሳይ፥ ‹ኢዚ ኢስታ ዙማታ ቦላን ዎናሲኔ ቢታፌ ፒቲ ይሳናስ ኢታ ቆፋን ኬሲዴስ› ኣይስ ጌቴታይ? ኔኒ ኔ ዎልቃማ ሃንቆፌ ሲማ፤ ኣሳ ይሳናስ ቆፒዳይሳ ኣጋ።

Geeshsha Maxaafa

¹² Gibxe asay, ‹Izi istta zumata bollan wodhanaassinne biittafe pitti dhayssanaas iita qofan kessides› ays geetettay? Neni ne wolqqama hanqofe simma; asaa dhayssanaas qoppidayssa agga.

ኬሳ ማጻፋ 32:12 Referans Kwoze

ዛሬ ማጻፋ 9:28

ኔ ሂስቶንታ ኣጊኮ ኑና ሄ ዴሬ ኣሳይ፥ «ጎዳይ ኢስታ ጌልና ጊዲ ሂዶታ ኢሚዳ ቢታዮ ጌልናስ ዳንዳዮንታ ጊሻሲኔ ኢዚ ኢስታ ኢጺዳ ጊሻስ ባዞ ቢታን ኢስታ ዎናስ ኬሲዴስ» ጊዲ ሚጫና።

ኢያሶ ማጻፋ 7:9

ካናኔ ኣሳይኔ ሃ ቢታን ዲዛ ሃራ ኣሳይ ዉሪ ሃ ዮኦዛ ሲዪዲ ኑና ዶዳና፤ ቢታ ቦላፌ ኑ ሱን ይሳና፤ ሂስቲን ኔ ጊታ ሱን ጊሻስ ጋዳ ኔ ኣይ ኦኔ?» ጊዴስ።

ኬሳ ማጻፋ 32:14

ሄሳ ጊሻስ ጎዳይ ባ ኣሳ ቦላ ኢታ ሚሽ ኤሃናስ ቆፒዳይሳ ኣጊዴስ።

ዛካራሳ ቲንቢቴ 8:14

ኡባፌ ዎልቃማ ጎዳይ፥ «ካሴ ኢንቴ ኣዋቲ ታና ሃንቄዳ ጊሻስ ታኒካ ሚሻይ ባይንዳ ኢንቴና ቃጻያና ቃቻዲስ» ጌስ።

ዮናሳ ቲንቢቴ 3:9

ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።

ኣሞጼ ቲንቢቴ 7:6

ጎዳይካ ኢስታስ ሚሼቲዲ፥ «ሃይሲ ኔ ቤኢዛይሲ ፖሌቴና» ጊዲ ታስ ዮቲዴስ።

ኣሞጼ ቲንቢቴ 7:3

ጎዳይካ ኢስታስ ሚሼቲዲ፥ «ሃይሲ ኔ ቤኢዛይሲ ፖሌቴና» ጊዲ ታስ ዮቲዴስ።

ሂዚቄላ ቲንቢቴ 20:22

ጊዶ ኣቲን ታኒ ኢስታ ጊብጼፔ ኬሲሺን ቤኢዳ ካዎቴታ ሲንን ታ ሱን ቱኖንታ ማላ ታ ኩሼ ሺሻዲስ።

ሂዚቄላ ቲንቢቴ 20:14

ጊዶ ኣቲን ታኒ ኢስታ ጊብጼፔ ኬሲሺን ቤኢዳ ካዎቴታ ሲንን ታ ሱን ቱኖንታ ማላ ታ ሱን ጊሻስ ጌንጫዲስ።

ሂዚቄላ ቲንቢቴ 20:9

ጊዶ ኣቲን ኢስቲ ካሴ ዲዛ ካዎቴ ጊዶኒኔ ኢስራኤሌ ኣሳ ጊብጼፔ ዎዛናስ ታኒ ቃላ ጌሊዛ ዎዴ ኢስታ ማታን ታ ቆንጪዳ ካዎቴታ ሲንን ታ ሱን ቱኖንታ ማላ ታ ሱን ጊሻስ ጌንጫዲስ።

ዬ ማጻፋ 106:45

ኢስታ ጊሻስ ባ ጫቆ ቃላ ሃሳኢዴስ፤ ኣጎንታ ባ ሲቆ ዳሮን ኢስታ ማሪዴስ።

ዬ ማጻፋ 90:13

ኣቤት ጎዳዉ! ኔ ሃንቆይ ኣዉዴ ጋካና ጋምኣኔ? ሲማ! ኔ ኣይሌታስ ቃታ!

ዬ ማጻፋ 85:3

ኔኒ ዪሎቲዛይሳ ኡባ ኣጋዳሳ፤ ሱሊዛ ኔ ሃንቆፌካ ሲማዳሳ።

ዬ ማጻፋ 78:38

ጊዶ ኣቲን ኢዚ ኢስታ ማሪዛዴ ጊዲዳ ጊሻስ ኢስታ ኢታቴ ኣቶ ጊዴስ፤ ኢስታካ ይሲቤና፤ ዳሮ ዎዴ ባ ሃንቆዛ ኢስታ ቦላፌ ቴቂዴስ፤ ባ ሃንቆዛ ቦሻ ኡባ ኢስታ ቦላ ዬዲቤና።

ዬ ማጻፋ 74:18

ኣቤት ጎዳዉ! ኔ ሞርኬቲ ኔ ቦላ ዎስቲ ቂልጪዳኮ፥ ቃሴ ኤያ ኣሳቲ ኔ ሱን ዎስቲ ካዳኮ ቆፓ።

ኢዝራ ማጻፋ 10:14

ሄሳ ጊሻስ ኑ ሃላቃቲ ዬሩሳላሜን ታኪዲ ሃ ዮኦዛ ሎኤ ጼሌቶ፤ ሄሳፌ ጉዬ ኣይዛቤ ማጫሳታ ኤኪዳይቲ ዉሪ ባንቲ ዲዛ ካታማን ዲዛ ካሌዛይታራኔ ዳናታራ ጊዲዲ ባሬይ ኢሜቲዳ ጋላስ ባስ ኢሜቲዳ ፒርዳ ኤኬቶ፤ ሄሳ ኦኮ ጾሳ ሃንቆይ ሄሳን ኢርጻና» ጊዴስ።

ኢያሶ ማጻፋ 7:26

ኢስቲ ኣካኔ ቦላን ሃች ጋካናስ ዲዛ ዳሮ ሹች ኮሪዳ። ሄሳፌ ጉዬ ጎዳይ ያሺሲዛ ባ ሃንቆዛ ዛሪዴስ፤ ሄሳ ጊሻስ ሃች ጋካናስ ሄ ሶሆይ ኣኮሬ ዙሌ ጌቴቴስ።

ዛሬ ማጻፋ 32:36

ኢስታስ ዎልቃይ ዳቡርዳይሳኔ ኢስታካ ማዲዛይ ባይንዳይሳ ቤኢዲ፥ ጎዳይ ባ ኣሳስ ፒርዳና፤ ባ ኣይሌታስካ ቃታና።

ዛሬ ማጻፋ 13:17

ፒላ ሚሻፌ ኣይኮይካ ኢንቴ ኩሼን ቤቶፎ፤ ሂስቲኮ ጎዳይ ባ ዎልቃማ ሃንቆፌ ሲሚዲ ኢንቴና ማራና፤ ኢዚ ኢንቴስ ቃታና፤ ካሴ ኢንቴ ኣዋታስ ጌሊዳ ቃላ ማላ ኢንቴ ቆዳ ዳርሳና።

ሜቴ ማጻፋ 6:6

ጎዳይ ኣስ ሃ ቢታ ቦላን ሜዳ ጊሻስ ሞቲዴስ፤ ባ ዎዚናን ኬሂ ሴሌቲዴስ።

ኬሳ ማጻፋ 33:13

ኔ ሲንን ታ ሳቤቲዳ ጊዲኮ ታኒ ኔና ኤራና ማላኔ ሲንፌካ ኔ ሲንን ሳቤታሼ ዳና ማላ፥ ኔ ኦጌ ታና ታማርሳ። ሃ ኣሳይ ኔ ኣሳ ጊዲዳይሳ ቆፓ» ጊዴስ።

ታይቦ ማጻፋ 16:21

«ሃይሳ ዴራ ኣቻፌ ሃኪ ኤቂቴ፤ ታኒ ኢስታ ኢሲቶ ኡባ ይሳና።»

1ሳሜላ ማጻፋ 12:22

ጎዳይ ኢንቴና ባ ዴሬ ሂስታናስ ዶሲዳ ባ ጊታ ሱን ጊሻስ ባ ዴራ ኣጌና።

1ካዎታ ማጻፋ 8:51

ጋሶይካ ኢስቲ ቢራታ ሴሪሲዛ ኢቶኔ ታማ ማላ ጊዲዳ ጊብጼ ቢታፌ ኔኒ ኔስ ሻካ ኬሲዳ ኔ ዴሬታኔ ኔ ጺንጾታ።

ኤርማሳ ቲንቢቴ 28:16

ሄሳ ጊሻስ ጎዳይ፥ ‹ታኒ ኔና ሃ ሳኣ ቦላፌ ዲጋና፤ ኔኒ ጎዳ ቦላ ማካላ ሃሳይዳ ጊሻስ ኔ ሃ ላይ ሃይቃና› ጌስ» ጊዴስ።

ኢዩኤሌ ቲንቢቴ 2:17

ጎዳስ ኦዛ ቄሴቲካ ያርሾ ያርሺዛሶዛሲኔ ኣሲ ሲሜሬቲዛሶ ጊዶን ኤቂዲ ዬኬቶ፤ ጎዳዉ! ኔኒ ኔ ዴሬዛስ ቃታ፤ ካዎቴቲ ኢስታ ጾሳይ ኣዋን ዲዜ? ጊዲ ኑና ካናሲኔ ኢስቲ ኑ ቦላ ሚጪ ካኣና ማላ ኔ ኢስታ ኦፋ» ጌቶ።

ታይቦ ማጻፋ 14:19

ሃኢካ ጎዶ! ላሜቶንታ ኔ ጊታ ሲቆዛን ኢስቲ ጊብጼፔ ኬዞሶፌ ሃኖ ጋካናስ ኔ ኢስታ ማሪዳ ማላ ሃይሳ ዴራ ናጋራ ኔ ማራና ማላ ታ ኔና ዎሳይስ» ጊዴስ።

ኢሳያሳ ቲንቢቴ 64:7

ኦኒካ ዎሳን ኔ ሱን ጼይጌና፤ ኔና ኦይካና ፓጪዛይካ ዴና፤ ኔኒ ኔ ኣይፌሶ ኑፔ ጌንዳሳ፤ ኑ ናጋራይ ኑና ይሳና ማላ ኣጋዳሳ።

ኢሳያሳ ቲንቢቴ 64:8

ጊዲኮካ ኣቤት ጎዳዉ፥ ኔኒ ኑስ ኣዋ፤ ኑኒ ኡርቃታ፤ ኔኒ ኑና ሜዳይሳ፤ ኑኒ ኡባይካ ኔ ኩሼን ሜቲዳይታ።