ኬሳ ማጻፋ 28:4 - ጋሞ ማጻፋ

⁴ ኢስቲ ጊጊሳና ማይኦቲካ ሃይታንታኮ፤ ቲራ ኪሴ፥ ኤፉዴ፥ ኤፉዴፔ ጋርሳራ ማይኢዛ ሃራ ማይኦ፥ ቃሴካ ኡባፌ ጋርሳራ ማይኢዛ ኣዱሳ ማይኦ፥ ጎሴኔ ዳንጮ። ኔ ኢሻይ ኣሮኔይኔ ኢዛ ኣቱማ ናይቲ ቄሴ ጊዲዲ ታስ ኦሼ ዱማ ማይኦታ ማይኣና ማላ፥ ማይኦ ጊጊሴቶ።

Geeshsha Maxaafa

⁴ Istti giigsana may7otikka haytanttako; tira kiise, eefude, eefudeppe garsara may7iza hara may7o, qasseka ubbaafe garsara may7iza adussa may7o, goossenne dancco. Ne ishay Aarooneynne iza attuma nayti qeese gididi taas ooththishe dumma may7ota may7ana mala, may7o giigsetto.

ኬሳ ማጻፋ 28:4 Referans Kwoze

ዮሃኒሳ ኣጁታ 9:17

ፓራቲኔ ሄ ፓራታ ቶጊዳ ኣሳታ ታኒ ኣጁታን ቤኢዳይቲ ሃይሳፌ ካሊዛይሳ ማላኮ! ኢስታስ ቲራ ቦላ ዲዛ ጹሩሬዚ ታማ ቦንቆ ማላ ዞኦ፤ ሳሎ ማላ ካሬኔ ጋላልኦ ሚሳቴስ። ፓራታ ሁኤይ ጋሞ ሁኤ ሚሳቴስ፤ ኢስታ ዶናፔ ታማይኔ ጩዋይ ዲኔ ጌቴቲዛ ሚሺ ኬዜስ።

ኤፌሶኔ ኣሳስ 6:14

ሄሳ ጊሻስ ኢንቴ ጼሳን ቱማ ዚናሬ ማላ ዳንጬቲዲ ጺሎቴ ጹሩሬታ ማላ ቲራን ማይኢዲ፥

1ታሶሎንቄ ኣሳስ 5:8

ኑኒ ጊዲኮ ጋላሳ ኣሳታ ጊዲዳ ጊሻስ ኣማኖኔ ሲቆ፥ ቲራን ማይኢዛ ጹሩሬ ማይኦ ማላ ማይኢዲ ኣቶቴ ሂዶታ ሁኤን ዎዛ ቢራታ ቆቤ ማላ ሁኤን ዎዲ ኣኔ ኑናቴ ሃሪዲ ዴኦስ።

ኢሳያሳ ቲንቢቴ 59:17

ኢዚ ጺሎቴ ጹሩሬ ማላ ቲራን ማይኢዴስ፤ ኣቶቴ ቢራታ ቆቤ ማላ ባ ሁኤ ቦላ ዎዴስ። ማይኦ ጋርሳራ ማይኢዛ ማላ ሃሎ ኬሶ ማይኢዴስ፤ ማይኦ ጎጲ ማይኢዛ ማላ ቃናቴ ቦላራ ጎጲዴስ።

ኢሳያሳ ቲንቢቴ 11:5

ጺሎቴ ኢዛስ ጼሳ ዳንጮ ጊዳና፤ ኣማኔቴይ ኢዛስ ዳባላ ዳንጮ ጊዳና።

2ሳሜላ ማጻፋ 6:14

ዳዊቲ ላይኖፔ ዳዴቲዳ ኤፉዴ ባ ጼሳን ጊጺዲ ኩሜ ዎልቃን ጎዳ ሲንን ማጉሊዴስ።

1ሳሜላ ማጻፋ 30:7

ሄሳፌ ጉዬ ዳዊቲ ኣሂሜሌኬ ና ቄሴ ኣቢያታሬ፥ «ኤፉዴዛ ታስ ሃ ኤካ ያ» ጊዴስ፤ ኣቢያታሬይካ ኤፉዴዛ ኢዛስ ኤሂዴስ።

1ሳሜላ ማጻፋ 23:6

ኣሂሜሌኬ ና ኣቢያታሬይ ዳዊቴኮ ቂኢላ ባቃቲሼ ባ ኩሼን ኤፉዴ ኦይኪ ቢዴስ።

1ሳሜላ ማጻፋ 22:18

ካዎዚ ዶይቄ፥ «ሂስቲኮ ኔኒ ቄሴታ ጊዶዳ ዎ» ጊ ኣዛዚዴስ፤ ኤዶሜ ኣስ ዶይቄይ ኢስታ ጊዶ ዎዴስ፤ ኢዚ ሄ ጋላስ ኤፉዴ ማይኢዳ 85 ቄሴታ ዎዴስ።

1ሳሜላ ማጻፋ 2:18

ሳሜሊ ቡሮ ዮጋቴን ዲሼ ላይኖፔ ዳዴቲዳ ማይኦ ማይኢዲ ጎዳ ሲንን ኦስ።

ኬሳ ማጻፋ 39:28

ቃሴ ሁኤን ጻጺዛ ሻሼታ፥ ቆቤታኔ ጋርሳራ ማይኢዛ ማይኦታ ሊቆ ላይኖፔ ዳዲዲ ጊግሲዳ።

ኬሳ ማጻፋ 25:7

ኤፉዴኒኔ ቲራ ቦላን ዲዛ ኪሴታ ጊዶን ዎዛ ማርጊዴ ጌቴቲዛ ሹቻታኔ ሃራ ኣልኦ ሹቻታ።

ኬሳ ማጻፋ 29:6

ጎሳዛ ኢዛ ሁኤን ጎዚሳዳ፥ ‹ጎዳስ ጌሽ ጊዲ ዱማቲዴስ› ጌቴቲ ጻፌቲዳ ኣሌቆዛ ጎሳ ቦላ ዎ።

ሆሴኤ ቲንቢቴ 3:4

ሄሳካ ኢስራኤሌ ኣሳይ ካዎይ ባይንዳ ዎይኮ ካሌዛዴይ ባይንዳ፥ ያርሾይ ባይንዳ ዎይኮ ኤቃ ጾሳታ ሃዉልቴይ ባይንዳ፥ ቄሴቴ ማይኦይ ባይንዳ ዎይኮ ኤቃ ጾሳታ ሚስሌይ ባይንዳ ዳሮ ዎዴ ዴኣና።