ኬሳ ማጻፋ 23:21 - ጋሞ ማጻፋ

²¹ ኢዚ ዮቲዛይሳ ኤሮ ጋዳ ኢዛስ ኣዛዜታ፤ ኢዛ ቦላ ማካሎፋ፤ ታ ኢዛ ኪቲዳ ጊሻስ ኢንቴ ናጋራ ኦኮ ኢንቴስ ኢዚ ኣቶ ጌና።

Geeshsha Maxaafa

²¹ Izi yootizayssa ero gaada izas azazetta; iza bolla makkallofa; ta iza kiittida gishshas intte nagara ooththiko inttes izi atto geenna.

ኬሳ ማጻፋ 23:21 Referans Kwoze

ዬ ማጻፋ 78:56

ኢስቲ ጊዲኮ ኡባፌ ቃ ጾሳ ቦላ ማካሊዳ፤ ኢዛ ፓጪዲ ኢዛ ዎጋታካ ናጎንታ ኢጺዳ።

ዬ ማጻፋ 78:40

ኢስቲ ባዞን ኣፑንቶ ኢዛ ቦላ ማካሊዶ! ሜላ ባዞን ኣፑንቶ ኢዛ ላንጪሲዶ!

Ibirawe 12:25

ኢንቴስ ዮቲዛይሳ ኢንቴ ኣካይ ጎንታ ማላ ናጌቲቴ፤ ሄይታንቲ ጾሲ ቢታ ቦላ ዲዛ ኣሳ ባጋራ ኢስታስ ዮቲዛይሳ ኤኮንታ ኢጺዲ ኢዛፔ ኣታናስ ዳንዳዮንታ ኣጊኮ ኑኒ ሳሎፔ ዪዳይሲ ኑስ ዮቲሺን ኤኮንታ ኢጺኮ ኑ ኢዛፔ ዋኒ ኣታኔ?

ዮሃኒሳ ሚሺራቾ 10:38

ታ ኢዛ ኦዛ ጊዲኮ ኢንቴ ታና ኣማኖንታ ኣጊኮካ ታ ኣዋይ ታናን ዲዛይሳ ታኒካ ኢዛን ዲዛይሳ ኢንቴ ኤራና ማላኔ ዩሺ ቆፓና ማላ ኢዚ ኦዳ ማላታን ኣማኒቴ» ጊዴስ።

ዮሃኒሳ ሚሺራቾ 10:30

ታኒኔ ታ ኣዋይ ኑ ኢሲኖ» ጊዴስ።

ኢያሶ ማጻፋ 24:19

ኢያሶይካ ዴራስ፥ «ኢንቴ ጎዳስ ጎይናናስ ዳንዳዬኬታ፤ ኢዚ ጌሻ ጾሳ፤ ኢዚ ቃናቲዛ ጾሳ፤ ኢዚ ኢንቴ ማካላቴኔ ኢንቴ ናጋራ ኣቶ ጌና።

ኬሳ ማጻፋ 3:14

ጾሲካ ሙሴስ፥ « ‹ታኒ ታናኮ፤ ሄሳ ጊሻስ ካሴካ ሃኢካ ዲዛ ጾሲ ታና ኢንቴኮ ኪቲዴስ› ጋዳ ዮታ» ጊዴስ።

ቆላሲያሴ ኣሳስ 2:9

ጋሶይካ ኩሜ ጾሳቴይ ኢዛ ኣሳቴን ዴስ።

ኤፌሶኔ ኣሳስ 4:30

ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ።

ዛሬ ማጻፋ 18:19

ታ ሱንን ዮቲዛ ሄ ናቤዛ ቃላ ሲዮንታ ኣስ ታ ቃጻያና።

ታይቦ ማጻፋ 14:11

ጎዳይ ሙሴስ፥ «ሃይሲ ዴሬዚ ኣይዴ ጋካናስ ታና ካኔ? ታኒ ዴሬዛ ሲንን ዳሮ ማላታ ኦዲስ፤ ሂስቲን ዴሬዚ ታናን ኣማኔቶንታ ኣይዴ ጋካናስ ኢጻኔ?

ዮሃኒሳ ሚሺራቾ 5:23

ኢዚ ሄሳ ኦዳይ ኣሳይ ዉሪ ኣዋ ቦንቻና ማላኔ ቃሴካ ናዛካ ቦንቻና ማላሳ። ናዛ ቦንቾንታይ ናዛ ኪቲዳ ኣዋካ ቦንቼና።

ታይቦ ማጻፋ 14:35

ታ ቦላ ዴንዲዳ ኢታ ኣሳታ ቦላ ታኒ ሃይሳ ኡባ ኦና፤ ሃይሳ ባዞዛን ኡባቲካ ዉሪ ዉራና፤ ኡባቲካ ሃይቃና፤ ታኒ ጎዳይ ሃይሳ ዮታዲስ› ጋ ዮታ።»

ኬሳ ማጻፋ 32:34

ሃኢ ባዳ ሃ ኣሳ ታኒ ኔስ ዮቲዳ ሶ ካሌ፤ ታ ኪታንቻይካ ኔና ካሌና፤ ጊዶ ኣቲን ቃጻያና ዎዴይ ጋኪሺን ኢስታ ናጋራ ጊሻስ ታ ኢስታ ቃጻያና» ጊዴስ።

ኬሳ ማጻፋ 6:3

ታኒ ኡባ ዳንዳይዛ ጾሳ ጊዳዳ ኣብራሃሜስ፥ ዪሳቃሲኔ ያቆቤስ ቆንጫዲስ ሺን ታኒ፥ ‹ጎዳ› ጌቴቲዛ ታ ሱንን ታናቴ ኢስታ ኤሪሳቤኬ።

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

ዮሃኒሳ ኣጁታ 2:8

«ሳሜርኔሴ ዎሳ ኬ ኪታንቻስ፥ ሃይሲ ኮይሮኔ ዉርሴ ጊዲዳይሳፌ ካሴ ሃይቂዳይሳፌኔ ሃኢ ጊዲኮ ፓጻ ዲዛይሳፌ ዮቴቲዳዛ።

ዮሃኒሳ ኣጁታ 1:8

ካሴካ፥ ሃኢካ ዲዛይሲ ቡሮፔካ ያናይሲ ኡባ ዳንዳይዛ ጎዳ ጾሲ፥ «ኣልፋይኔ ኦሜጋይ፥ ኮይሮይኔ ዉርሴ ታና» ጌስ።

ዬ ማጻፋ 2:12

ጎዳይ ሃንቄቲን ኦጌን ኢንቴ ዮንታ ማላ ኢዛስ ሱሬ ዎዚናን ጎይኒቴ፤ ኣይስ ጊኮ ኢዛ ሃንቆይ ኤሶን ኤጺ ኬዛና። ኢዛ ባንታስ ዜምፖ ኦዛይቲ ኣንጄቲዳይታ።

ዮሃኒሳ ኣጁታ 3:7

«ፊላዴልፊያ ዎሳ ኬ ኪታንቻስ፥ ሃይሲ ጌሺኔ ቱማንቻ ጊዲዳይሳፌ ዳዊቴ ኬ ቁልፔ ኦይኪዳይሳፌ ዮቴቲዳይሳ፤ ኢዚ ዶይዳይሳ ኦኒካ ጎርዴና፤ ኢዚ ጎርዲዳይሳ ኦኒካ ዶዬና።

1ዮሃኒሳ ኪታ 5:16

ኦኒካ ባ ኢሻይ ባና ሃይቆስ ጋንታ ናጋራ ኦሺን ቤዪኮ ኢዛስ ዎሶ፤ ጾሲካ ሃይቆስ ጋንታ ናጋራ ኦዳይታስ ዴኦ ኢማና፤ ሃይቆስ ጋዛ ናጋራይካ ዴስ፤ ሃይቆስ ጋዛ ናጋራ ጊሻስ ዎሶ ጊኬ።

Ibirawe 3:16

ሲዪዲ ማካሊዳይቲ ኢስቲ ኦናንቴ? ሙሴይ ጊብጼፔ ካሌ ኬሲዳይታ ኡባታ ጊዴቴኔ?

Maatosa 17:5

ኢዚ ቡሮ ሃሳያን ዲሺን ፖኢዛ ሻራይ ኢስታ ካሚዴስ፤ ሻራ ጋራ፥ «ታኒ ኢዛን ኡፋዬቲዛ ታ ዶሲዛ ታ ናይ ሃይሳ፤ ኢዚ ጊዛይሳ ሲዪቴ» ጊዛ ቃላ ጊሪስ ሲዪቴ።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

ኤርማሳ ቲንቢቴ 5:7

ጎዳይ፥ «ታኒ ኢንቴ ናጋራ ኣይስ ኣቶ ጎ? ኢንቴ ናይቲ ታና ኣጊዳ፤ ኤቃ ጾሳታንካ ጫቂዳ፤ ታኒ ኢስታ ካልሳ ሚዛዲስ፤ ኢስቲ ጊዲኮ ላይማቲዳኔ ላይማ ኬ ቢዳ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 45:6

ሄሲካ ኣሳይ ኣርሼይ ሞኪዛሶፔ ቢዲ ኣርሼይ ዉሊዛሶ ጋካናስ ታፔ ሃራይ ባይንዳይሳ ኤራና ማላሳ። ታኒ ጎዳ፤ ታፔ ሃራይ ኦኒካ ዴና።

ኢሳያሳ ቲንቢቴ 42:8

«ታኒ ጎዳ፤ ሃይሲ ታ ሱን፤ ታ ቦንቾ ሃራስ ኣ ኢሚኬ፤ ታ ጋላታካ ኤቃ ጾሳታስ ሼኬ።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።

ኢሳያሳ ቲንቢቴ 7:14

ሂስቲኮ ጎዳይ ባርካ ኢንቴስ ማላታ ቤሳና፤ ጌላኦይ ሻራና፤ ኣቱማ ና ዬላና፤ ኢዛ ሱንካ፥ ‹ኣማኑኤሌ› ጋዳ ሱንና።

ዬ ማጻፋ 83:18

ኔ ሱንይ ጎዳ ጊዲዳይሳኔ ሳኣ ኡባ ቦላ ኔኒ ጻላ ኡባፌ ቃ ጾሳ ጊዲዳይሳ ኢስቲ ኤሬቶ።

ዬ ማጻፋ 72:19

ኢዛ ቦንቾ ሱንይ ሜርናስ ጋላቴቶ፤ ቢታ ኡባይ ኢዛ ቦንቾን ኩሞ። ኣሚን! ኣሚን!

ዛሬ ማጻፋ 9:7

ጎዳ ኢንቴ ጾሳ ባዞን ኢንቴ ዎስቲ ሃንቄዳኮ ባሎፒቴ፤ ኢንቴ ጊብጼፔ ኬዚዳ ጋላሳፌ ዶሚዲ ሃኖ ጋካናስ ኢንቴ ጎዳ ኢንቴ ጾሳ ቦላ ማካሊዴታ።

ዳናታ ማጻፋ 13:18

ኪታንቻዚካ «ታ ሱንይ ማላልሳ፤ ኔኒ ታ ሱን ኣይስ ኦይቻይ?» ጊዲ ዛሪዴስ።

ኢሳያሳ ቲንቢቴ 9:5

ኦላንቻታ ጫማይ ኡባይ፥ ሱን ሞሬቲዳ ማይኦ ኡባይካ ታማን ዱኔ ጊዲ ኤጻና።

ሚልካሳ ቲንቢቴ 3:1

«ሄኮ ታኒ ባና ኦጌ ባሳና ኣስ ታፔ ሲንራ ዬዳና፤ ኢንቴ ኮይዛ ጎዳይ ኢንቴ ቆፖንታ ጾሳ ኬ ጋኪ ዎና፤ ኢንቴ ኡፋይሳን ናጊዛ ጫቆ ቃላ ኪታ ኤኪ ዪዛ ታ ኪቲዳዴይ ያና።