ኬሳ ማጻፋ 22:22 - ጋሞ ማጻፋ

²² ኣዚናይ ሃይቂዳ ኣምኤዮኔ ኣዋይ ዎይኮ ኣያ ሃይቂዳ ና ዋዪሶፒቴ።

Geeshsha Maxaafa

²² Azinay hayqqida am7eyonne aaway woykko aaya hayqqida naa waayisopite.

ኬሳ ማጻፋ 22:22 Referans Kwoze

ኢሳያሳ ቲንቢቴ 1:17

ሎኦ ኦሶ ታማርቴ፤ ሱሬ ፒርዳ ኮዪቴ፤ ቆሄቲዳይታ ሚንቴ፤ ዪኦታስ ኤቂቴ፤ ኣምኤታስ ሞቴቲቴ» ጊዴስ።

ዛሬ ማጻፋ 24:17

ሃራ ቢታ ኣሳታሲኔ ዪኦ ናይታስ ፒርዳ ጌላሶፓ፤ ኣምኤይ ማይኦ ኢዛ ታልኤ ኤኪዳ ሚሻ ጊሻስ ጋዳ ኦይሶ ኤኮፋ።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ያቆቤ ኪታ 1:27

ጾሳ ኣዋ ሲንን ኢታቴ ባይንዳ ሎኦ ኣማኖይ ኣያኔ ኣዋይ ሃይቂዳ ናይታ፥ ኢስታ ኣዚናቲ ሃይቂዳ ማጫሳታ ሜቶቴቲሺን ማዶኔ ሃይሳ ኣላሜዛ ቱናቴፌ ባና ናጎ።

ዛካራሳ ቲንቢቴ 7:10

ኣምኤታ፥ ዪኦታ፥ ቤቴ ኣሳታኔ ማንቆታ ሜቶፍቴ፤ ኢሶይ ኢሳስ ኢንቴ ዎዚናን ኢታ ቆፖፍቴ› ጌስ።

ሂዚቄላ ቲንቢቴ 22:7

ኣዋቲኔ ኣዬቲ ኔ ጊዶን ካዉዪዳ፤ ቤቴ ኣሳቲ ኡንኤቲዳ፤ ዪኦቲኔ ኣምኤቲ ቱጋ ቤኢዳ።

ኢሳያሳ ቲንቢቴ 10:2

ማንቆታ ፒርዳ ጌላሲዛይታስ፥ ኡንኤቲዳ ታ ዴሬዛ ፒርዳ ቦካሲዛይታስ፥ ኣምኤታ ኣቆታ ቦንቂዛይታስ፥ ዪኦታ ኣቆታ ቺ ሚዛይታስ ኣዬ ኣና!

ዛሬ ማጻፋ 27:19

«ቤቴ ኣሳታ፥ ዪኦ ናይታኔ ኣምኤታ ፒርዳ ጌላሲ ፒርዲዛ ኡባይ ቃንጌቲዳዴ ጊዶ!» ዴሬዚ ዉሪካ፥ «ኣሚን!» ጎ።

ዛሬ ማጻፋ 10:18

ኢዚ ዪኦታሲኔ ኣምኤታስ ፒርዴስ፤ ኢዚ ዴራ ጊዶን ዲዛ ቤቴ ኣሳታ ዶሲዛ ጊሻስ ካኔ ማይኦ ኢስታስ ኢሜስ።

ዛሬ ማጻፋ 24:18

ካሴ ኢንቴ ጊብጼ ቢታን ኣይሌቴን ዴኢዳይሳኔ ኢንቴ ጎዳ ጾሳይ ኢንቴና ዎዚ ኬሲዳይሳ ዩሺ ቆፒቴ፤ ታኒካ ሃይታ ሃ ኣዛዞታ ኢንቴስ ኢሚዛይ ሄሳሳ።

ኢዮቤ ማጻፋ 31:16

«ማንቆቲ ታና ዎሲን ታ ዲጋ ኤሪኬ፤ ቃሴካ ኣምኤ ማጫሳታ ሚንንታ ኣጋ ኤሪኬ።

ሌሚሶ ማጻፋ 23:10

ቤኒሶፌ ዲዛ ሳ ሾዶፋ። ቃሴ ዪኦ ናይታ ጋዴ ሱጎፓ፤

ሌሚሶ ማጻፋ 23:11

ኣይስ ጊኮ ኢስታ ኣሺዛ ጎዳይ ሚኖ፤ ኢዚ ኢስታ ጊሻስ ኔናራ ሞቴታና።

ኤርማሳ ቲንቢቴ 7:6

ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥

ኤርማሳ ቲንቢቴ 7:7

ታኒ ኢንቴ ኣዋታስ ሜርናስ ጺንጾ ሂስታ ኢሚዳ ሃ ቢታይን ታ ኢንቴና ዎና።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ዛሬ ማጻፋ 15:9

«ኣጮ ቃንጾፌ ማሪዛ ላፑን ላይይ ጋኪዴስ» ጊዲ ሜቶታንቻ ኢንቴ ኢሻታ ታልኤ ዲጎፍቴ፤ ሄሳ ማላ ኢታ ቆፋይ ኢንቴ ዎዚናን ጌሎፖ፤ ማንቆ ጊዲዳ ኢንቴ ኢሻታስ ኢንቴ ታልኦንታ ኢጺኮ ኢስቲ ፑዴ ጾሳኮ ዋሲን ኢንቴስ ጎሜ ጊዶንታ ማላ ናጌቲቴ።

ኢዮቤ ማጻፋ 34:28

ኢስቲ ማንቆታ ኡንኤዳ፤ ፑዴ ጾሳኮ ዋሳና ማላ ኦዳ። ጾሲካ ማንቆታ ዋሶዛ ሲዪዴስ።

ዬ ማጻፋ 10:14

ጊዶ ኣቲን ጾሶ! ኔኒ ሜቶዛኔ ዋዬዛካ ቤያሳ፤ ኔኒ ኡባ ዎዴ ማዳናስ ጊጋ ኡታዳሳ፤ ኔኒ ዪኦታ ማዳሳ፤ ማዶይ ባይንዳይቲካ ባና ኔስ ሼቴስ።

ዬ ማጻፋ 34:7

ጎዳ ኪታንቻይ ጎዳስ ያዪዛይታ ናጌስ፤ ኢዚ ኢስታ ዩሾዛን ጊዲዲ ኢስታ ኣሼስ።

ሌሚሶ ማጻፋ 22:23

ኣይስ ጊኮ ጎዳይ ኢስታ ጊሻስ ሞቴታና፤ ኢስታ ቦንቂዳይታካ ኢዚ ቦንቃና።

Maatosa 23:14

ኢንቴኖ ቆፔ ቆሞን ሃኒዛይቶ! ሙሴ ዎጋ ታማርሲዛይቶ፥ ቃሴካ ፋርሳዌቶ! ኢንቴስ ኣዬ ኣና! ኣዚናይ ባይንዳ ማጫሳታ ኬ ካሎሲሼ ኣሳ ኣይፌ ሲንን ኣዱሳ ዎሳ ኢንቴ ዎሲዛ ጊሻስ ኢንቴ ኢታ ፒርዳ ፒርዴታና።