ኬሳ ማጻፋ 2:3 - ጋሞ ማጻፋ

³ ጊዶ ኣቲን ኢዛ ሄሳፌ ዳሮ ቆታናስ ዳንዳዮንታይሳ ኤራዳ፥ ሻጫፌ ኬሼ ኢዛስ ዳዳዳ ሺዳን ሜሻዳ፥ ናዛ ኢዛ ጊዶን ዎዳ ናይሌ ሻፋ ዶናን ዱሬሳ ጌቴቲዛ ማታ ጊዶን ዎዱስ።

Geeshsha Maxaafa

³ Gido attiin iza hessafe daro qottanaas dandayonttayssa erada, shaccafe keeshe izas daddada shidan meeshada, naaza iza giddon woththada Nayle shaafa doonan duureessa geetettiza maata giddon woththadus.

ኬሳ ማጻፋ 2:3 Referans Kwoze

ኬሳ ማጻፋ 1:22

ሄሳፌ ጉዬ ካዎይ ባ ኣሳ ኡባ፥ «ኢብራዌታፔ ዬሌቲዛ ኣዴ ና ኡባ ናይሌ ጌቴቲዛ ሻፋ ሃን ኦሊቴ፤ ጊዶ ኣቲን ማጫ ናይ ዬሌቲኮ ፓጻ ኣጊቴ» ጊዲ ኣዛዚዴስ።

ሃዋሬታ ኦሶ 7:19

ኢዚካ ኑ ኣሳ ባ ጌኔ ኦሶን ሜቶዴስ፤ ቡሮ ዬሌቲዳ ጉ ናይቲ ሃይቃና ማላኔ ኣሳይ ዬሊዳ ናይታ ካሬ ኬሲ ዎራ ዬጋና ማላ ዎልቃዴስ።

ሜቴ ማጻፋ 6:14

ሄሳ ጊሻስ ሚኖ ሚፌ ኔስ ማርካቤ ኬጻ፤ ሄ ማርካቤዛ ጊዶን ኪፊሌ ኦ፤ ሂስታዳ ሶ ባጋራኔ ካሬ ባጋራ ሺዳን ሜሻ።

Maatosa 2:16

ኤራንቻቲ ኢዛ ባሌዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምኡ ላይኔ ናምኡ ላይ ኩሞንታይታ ቤቴሊሄሜኒኔ ቤቴሊሄሜ ዩሾን ዲዛ ጉ ኣቱማ ናይታ ኡባ ዎሲዴስ።

ኢሳያሳ ቲንቢቴ 18:2

ሄ ቢታያ ቃስታኔታ ሻጫፌ ኦሴቲዳ ዎጎሎን ኣባ ቦላራ ሻፋፔ ሄ ፒን ኪታ ዬዲዛሮ። ኢንቴኖ ፒላታ ቃስታኔቶ! ኣዱሳኔ ቦላ ሹጎ ኣሳታኮ፥ ሃኮኒኔ ማታን ዲዛይ ኢስታስ ያዪዛ ዴሬታኮ፥ ዎልቃማኔ ቃላይ ኤሬቶንታ ዴሬታኮ፥ ሻፋ ሃቲ ኢዛ ዴሬ ሻኪ ቢዛ ካዎቴኮ ቢቴ።

Maatosa 2:13

ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ፥ «ሄርዶሲ ጉ ናዛ ዎና ኮይዛ ጊሻስ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉ ናዛ ኣዬይራ ኤካዳ ዱጌ ጊብጼ ቢታ ባቃታዳ ሄን ዳሻ» ጊዴስ።

ሜቴ ማጻፋ 11:3

ኢስቲ ኢሶይ ኢሳ፥ «ሃ ዪቴ፤ ጹቤ ሜዲ ኣኔ ታማን ጹጎስ» ጊዲ ኢስታ ሹቻ ጊሻስ ጹቤ፥ ኡርቃ ጊሻስ ሺዳ

ኢሳያሳ ቲንቢቴ 19:6

ዛራ ሃቲ ጺንቃና፤ ጊብጼ ካንቼቲ ሚጪ ያና፤ ሻጫቲኔ ጫሬ ማታቲ ሹላና።

ሜቴ ማጻፋ 14:10

ሄ ዎዴ ሲዲሜ ሾባን፥ ሺዳ ኦይኪዛ ዳሮ ኦላይ ዴስ። ሶዶሜ ካዎይኔ ጋሞራ ካዎይ ባ ኦላ ኣሳራ ኦላፔ ባቃቲሺን፥ ኢስታፌ ጉቲ ሄ ኦላታን ኩንዲዳ፤ ጊዶ ኣቲን ኣቲዳይቲ ፑዴ ዙማ ቦላ ባቃቲዳ።

ኢሳያሳ ቲንቢቴ 35:7

ጹጊዛ ቢታን ኤሌ ሃ ኩማና፤ ሜላ ቢታቲ ሃ ፑልታና፤ ዎራካናቲ ኣቂዛ ኦላን ማታይ፥ ማቃይኔ ሻጫይ ሞካና።