ኬሳ ማጻፋ 18:4 - ጋሞ ማጻፋ

⁴ ቃሴካ፥ «ታ ኣዋ ጾሲ ታና ማዲዴስ፤ ኢዚ ታና ጊብጼ ካዎ ቶራፔ ኣሺዴስ» ጊሼ ናምኣን ናዛ ኤልኤዜሬ ጊ ሱንዴስ።

Geeshsha Maxaafa

⁴ Qasseka, «Ta aawaa Xoossi tana maaddides; izi tana Gibxe kawo toorappe ashshides» gishe Nam7anththo naaza El7ezeere gi sunththides.

ኬሳ ማጻፋ 18:4 Referans Kwoze

Ibirawe 13:6

ሄሳ ጊሻስ ኩሜ ዎዚናፔ ኑኒ፥ «ጎዳይ ታስ ማዶ፤ ታ ባቢኬ፤ ታና ኣሲ ኣይ ኦና ዳንዳይዜ?» ጎስ።

2ጺምቶሳስ 4:17

ጊዶ ኣቲን ቃላ ኪታይ ታ ባጋራ ኩሜ ዮቴታና ማላኔ ዴሬ ኣሳይ ዉሪ ሲያና ማላ ጎዳይ ታ ኣቻን ኤቂዲ ታና ሚንዴስ፤ ጋሞ ዶናፔካ ታና ኣሺዴስ።

ሃዋሬታ ኦሶ 12:11

ጴጽሮሳስ ካሃይ ሲሚሺን፥ «ጎዳይ ባ ኪታንቻ ኪቲዲ ታና ሄርዶሳ ኩሼፔኔ ኣይሁዳቲ ታ ቦላ ቆፒዳ ኡባፌ ኬሲዳይሳ ታ ሃኢ ቱማፔ ኤራዲስ» ጊዴስ።

ዳኔላ ቲንቢቴ 6:22

ጋሞቲ ታና ቆሆንታ ማላ ጾሲ ባ ኪታንቻ ታኮ ኪቲዲ ኢስታ ዶና ጎርዲዴስ፤ ኢዚ ሄሳ ኦዳይ ታኒ ኢዛ ኣቻን ጺሎኔ ኔናካ ታኒ ቆሆንታይሳ ኢዚ ኤሪዛ ጊሻሳ» ጊ ዛሪዴስ።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ዬ ማጻፋ 34:4

ታኒ ጎዳ ኮያዲስ፤ ኢዚካ ታስ ዛሪዴስ፤ ታኒ ያዪዛ ሚሽ ኡባፌ ታና ኣሺዴስ።

ዬ ማጻፋ 18:48

ታ ሞርኬታፔ ታና ኣሻሳ፤ ኣቤት ጎዳዉ! ኔኒ ታ ሞርኬታ ቦላ ታና ቁ ቁ ሂስታሳ፤ ማካላንቻ ኣሳታፔ ኔኒ ታና ኣሻሳ።

ዬ ማጻፋ 18:1

ኣቤት ጎዳዉ! ኔ ታስ ዎልቃ ኢሚዳ ጊሻስ ታ ኔና ሲቃይስ።

1ታሪኬ ማጻፋ 23:15

ሙሴ ናይቲ ጌርሾሜኔ ኤልኤዜሬ።

ኬሳ ማጻፋ 2:15

ካዎዚ ሄሳ ሲዪዲ ሙሴ ዎናስ ኮዪዴስ፤ ጊዶ ኣቲን ሙሴይ ካዋፔ ቤቲዲ ሚዲያሜ ቢታን ዳናስ ቢዲ ኢሲ ሃ ኦላ ዶናን ኡቲዴስ።

ሃዋሬታ ኦሶ 7:29

ሙሴይ ሄሳ ሲዪዳ ማላ ሚዲያሜ ቢታ ቤቲዲ ሄን ቤቴ ኣስ ጊዲ ዴኢዴስ፤ ያንካ ናምኡ ኣቱማ ናይታ ዬሊዴስ።

Ibirawe 11:34

ታማ ዎልቃ ቶይሲዳ፤ ቃራ ማሻፌ ኬሲ ኤኪ ኣቲዳ፤ ዳቡራፔ ሚኒዳ፤ ኦላሶን ጎባታ ጊዲዳ፤ ኣላጋ ኣሳ ኦላ ጎዲዳ፤

ሜቴ ማጻፋ 49:25

ኔና ማዲዛ ኔ ኣዋ ጾሳን ኡባ ዳንዳይዛይሳኒኔ ኔና ኣንጂዛ ጾሳን ፑዴ ቦላፌ ቤቲዛ ማዶኒኔ ጋርሳ ቢታፌ ቤቲዛ ኣንጆን ቃሴካ ኣዪ ኡሎፔኔ ንፌ ቤቲዛ ኣንጆን ኔና ኣንጃና።

ኬሳ ማጻፋ 2:22

ጺፖራ ኣዴ ና ዬሊን ሙሴይ ናዛ፥ «ታኒ ኣሳ ቢታን ቤቴ ኣሳ» ጊሼ ጌርሾሜ ጊ ሱንዴስ።

ኬሳ ማጻፋ 4:20

ሙሴይ ባ ማቺዮኔ ባ ኣቱማ ናይታ ሃሬ ቶጊሲ ኤኪዲ ጉዬ ጊብጼ ሲሚሼ ጾሳ ጉፌ ኦይኪ ቢዴስ።

1ታሪኬ ማጻፋ 23:17

ኤልኤዜሬስ ኢሲ ኣቱማ ናይ ጻላ ዴስ፤ ኢዚካ ኤራሃቢያ፤ ኤራሃቢያስ ጊዲኮ ዳሮ ኣቱማ ናይቲ ዴቴስ።

ኬሳ ማጻፋ 10:28

ሄሳፌ ጉዬ ካዎዚ ሙሴ፥ «ታ ኣቻፌ ኪቻ! ናምኣን ታ ሲንን ቤታሼ ኔና ኤራ! ናምኣን ታ ኣይፌሶ ኔ ቤኢዳ ጋላስ ኔ ሃይቃና» ጊዴስ።