ኬሳ ማጻፋ 18:21 - ጋሞ ማጻፋ

²¹ ቃሴ ኣሳ ኡባ ጊዶፌ ኤራ ኣሳታ፥ ጾሳስ ባቢዛይታ፥ ኣማኔቲዳይታኔ ማታኤ ኢጺዛይታ ዶራዳ ኢስታፌ ኣሳስ ሻላቃታ፥ ማቶ ሃላቃታ፥ ሃምሳ ሃላቃታኔ ኣሲራ ሃላቃታ ሂስታ ሱን።

Geeshsha Maxaafa

²¹ Qasse asa ubbaa giddofe era asata, Xoossas babbizayta, ammanettidaytanne matta7e ixxizayta doorada isttafe asaas shaalaqata, mato halaqata, hamsa halaqatanne asira halaqata histta sunththa.

ኬሳ ማጻፋ 18:21 Referans Kwoze

ሃዋሬታ ኦሶ 6:3

ሄሳ ጊሻስ ኑ ኢሻቶ! ኢንቴ ጊዶፌ ኤራንቻታ፥ ጺሎ ኣያናን ኩሚዳይታኔ ሎኦ ማርካቴ ዲዛ ላፑን ኣሳታ ዶሪቴ፤ ሃይሳ ኣላፌቴ ኑ ኢስታስ ኢማና።

ሂዚቄላ ቲንቢቴ 18:8

ኢዚ ዲቻስ ታልኤና፤ ቡቴ ዳሮ ዲቺካ ኤኬና፤ ባ ኩሼ ሞሮፔ ናጌስ፤ ኣሳስ ሱሬ ፒርዳ ፒርዴስ።

2ሳሜላ ማጻፋ 23:3

ኢስራኤሌ ጾሲ ሃሳይዴስ፤ ኢስራኤሌ ዛላይ ታስ፥ ‹ኣሳ ጺሎቴን ሃሪዛይ፥ ጾሳ ያሻቴን ኣይሲዛይ፥

1ጺምቶሳስ 3:3

ማቶንታዴ፥ ኦሽ ኦዬቶንታዴ፥ ቃሴ ማራጌ ኣስ፥ ኣሳራ ፓላሜቶንታዴ፥ ሚሽ ጎዶንታዴ ጊዳናስ ቤሴስ።

ዛካራሳ ቲንቢቴ 8:16

ኢንቴ ኦናስ ቤሲዛ ሚሻቲ ሃይታንታ፤ ኢንቴ ኢንቴ ጋርሳን ኢሶይ ኢሳራ ቱሙ ሃሳዬቲቴ፤ ኢንቴ ዱቡሻንካ ቱማኔ ሱሬ ፒርዳ ፒርዲቴ።

ዛካራሳ ቲንቢቴ 7:9

«ኡባፌ ዎልቃማ ጎዳይ፥ ‹ቱሙ ፒርዳ ፒርዲቴ፤ ኢንቴ ጋርሳን ኢሶይ ኢሳራ ማሬቲቴኔ ኢሶይ ኢሳስ ቃቲቴ።

ሂዚቄላ ቲንቢቴ 22:12

ኔ ጊዶን ዲዛ ኣሳቲ ሱ ጉሳናስ ማጋንጾ ኤኬቴስ፤ ኔኒካ ዬሎኔ ቡቴ ዳሮ ዲች ኤካዳ ኔ ላጌዛፔ ቤሶንታ ዎ ቦንቃሳ፤ ታናካ ባሌታዳሳ› ጌስ ኡባ ሃሪዛ ጎዳይ።

ኤርማሳ ቲንቢቴ 5:1

ጎዳይ፥ «ኣኔ ዬሩሳላሜ ኦጌታ ቦላ ኬዚዲ ፑዴኔ ዱጌ ዩሺ ጼሊቴኔ ኣኬኪቴ፤ ዴሬይ ዱላቲዛሶታን ጺሎቴ ኮይዛይኔ ሱሬ ፒርዲዛ ኬዚዲ ኢንቴ ኢሳዴካ ዴሚኮ ታኒ ዬሩሳላሜ ማራና።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ሌሚሶ ማጻፋ 28:2

ዴሬይ ማካሊኮ ሃሪዛይ ጮራቴስ፤ ጊዶ ኣቲን ኤራ ኣሲኔ ኣኬኪዛ ኣሲ ዎጋ ኤሴስ።

ዬ ማጻፋ 15:5

ባ ሚሻ ዲቻስ ታልኦንታይ፥ ጺሎ ኣስ ቆሃናስ ማታኤ ኤኮንታይ፥ ሃ ዮኦታ ፖሊዛዴይ ሜርናስካ ሂርጌና።

ኢዮቤ ማጻፋ 31:13

«ማጫኔ ኣቱማ ጊዲዳ ታ ኣይሌቲ ታና ሞቲን ኢስታ ሞቶዛ ታ ካዳ ኣጊዳ ጊዲኮ፥

ኢዮቤ ማጻፋ 29:16

ማንቆታስ ኣዋ፥ ታ ኤሮንታ ኣሳታስካ ኣፓካቶኮሺን።

ናሂሚያ ማጻፋ 7:2

ታኒካ ዬሩሳላሜ ካታማ ኣይሳና ማላ ታ ኢሻ ሃናኔኔ ሚጻ ናጊዛ ሃናኒያ ዶራ ዎዲስ፤ ጺሎቴኒኔ ጾሳስ ያሻቴን ሃናኒያይ ማላይ ዴና።

ናሂሚያ ማጻፋ 5:9

ቃሴካ ካሌዳ ኢስታስ፥ «ሃይሲ ኢንቴ ኦዳ ኦሶዚ ዎጋ ጊዴና! ኢንቴ ጾሳስ ያዪዲ ሎኦ ኦሶ ኦናስ ቤሴስ፤ ሄሳ ኢንቴ ኦዳኮ ኑ ሞርኬ ጊዲዳ ኣይዛቤቲ ኑና ናጫናስ ዳንዳዬቴናኮሺን።

1ሳሜላ ማጻፋ 8:3

ጊዶ ኣቲን ናይቲ ባንታ ኣዋ ኦጌ ካሊቤቴና፤ ቤሶንታ ጎኣ ዴማናስ ጊሼ ኦጌፔ ኬዚዳ፤ ማጋንጾ ኤኪዲ ፒርዳ ጌላሲዳ።

ኬሳ ማጻፋ 18:25

ሙሴይ ኢስራኤሌ ኡባ ጊዶፌ ኤራ ኣሳታ ዶሪዲ ኣሳ ካሌዛ ሻላቃታ፥ ማቶ ሃላቃታ፥ ሃምሳ ሃላቃታኔ ኣሲራ ሃላቃታ ሂስቲ ሱንዴስ።

ሜቴ ማጻፋ 22:12

«ናዛ ቦላ ኔ ኩሼ ዎፋ፤ ኢዛ ኣይኮካ ኦፋ፤ ኔኒ ኔ ሜጺ ኢሲ ናዛካ ታና ዲጎንታ ጊሻስ ኔኒ ጾሳስ ያዪዛ ኣስ ጊዲዳይሳ ታኒ ሃኢ ኤራዲስ» ጊዴስ።

ሃዋሬታ ኦሶ 20:33

ታ ኦና ቢራካ ዎርቃካ ዎይኮ ማይኦ ኣሞታቤኬ።

ኢሳያሳ ቲንቢቴ 59:4

ጺሎቴን ሞቲዛይ ባዋ፤ ቱማቴን ፒርዲዛይ ኦኒካ ዴና። ሃዳ ዮኦን ኣማኔቴቴስ፤ ዎርዶ ሃሳዬቴስ፤ ሺሮ ቃንቲዲ ኢታቴ ዬሊዳ።

ኢሳያሳ ቲንቢቴ 33:15

ጺሎቴን ሄሜቲዛይ፥ ሱሬ ሃሳይዛይ፥ ባሌን ቤቲዛ ዎ ካዛይ፥ ጉቦ ኤኬናፔ ባ ኩሼ ሺሺ ኤኪዛይ፥ ኣስ ዎና ዙፔቲዛይታ ዞሬ ሲያናፔ ባ ሃይ ቱጪዛይ፥ ኢታ ቤያናፔ ባ ኣይፌ ቂሊምኢዛይ፥

ሜቴ ማጻፋ 42:18

ሄን ጋላሳን ዮሴፌይ ኢስታስ፥ «ታኒ ጾሳስ ባቢዛ ኣሳ፤ ኢንቴ ኢሲ ሚሽ ኦኮ ኢንቴ ሼምፖ ኣሼታ።

ሉቃሳ ሚሺራቾ 18:4

«ዳናዚካ ዳሮ ዎዴ ጋካናስ ኢዚስ ፒርዲቤና፤ ጊዶ ኣቲን ጉዬፔ ባ ዎዚናን፥ ‹ጾሳስ ያዮንታ ኣሴካ ቦንቾንታ ኣጊኮ፥

ሉቃሳ ሚሺራቾ 18:2

«ኢሲ ካታማን ጾሳስ ያዮንታ ኣሲኔ ቦንቾንታ ኢሲ ዳናይ ዴስ።

ኢሳያሳ ቲንቢቴ 16:5

ኣራታይ ሲቆን ሚኔስ፤ ሄ ኣራታን ዳዊቴ ኬፌ ጊዲዳይ፥ ሱሬ ፒርዳ ኣሞቲዛይ፥ ጺሎቴ ኤሶሲዛይ ኢሲ ኣሲ ኣማኔቴን ኢዛ ቦላ ኡታና።

1ካዎታ ማጻፋ 18:12

ታኒ ኔፔ ሻኬታ ቢዛ ዎዴ ጎዳ ኣያናይ ኔና ዴንዲ ኣዋ ኤፋናኮ ታ ኤሪኬ፤ ታኒ ኣካቤስ ዮቲዳፔ ጉዬ ኢዚ ኔና ዴሞንታ ኣጊኮ ታና ዎና፤ ታኒ ኔ ኣሽካራይ ናቴፌ ዶማዳ ጎዳስ ያዪዛ ኣሳ።

1ካዎታ ማጻፋ 18:3

ኣካቤይ ባ ካዎቴ ኬን ኣላፌቴን ኣዛዚዛ ኣብዲዩ ጼይጊዴስ። ኣብዲዩይ ጎዳስ ኬሂ ያዪዛ ኣሳ።

1ሳሜላ ማጻፋ 8:12

ኢስታ ጊዶፌ ኢሶታ ኢሶታ ሻላቃታ፥ ማቶ ሃላቃታ፥ ሃምሳ ሃላቃታ ሂስታና፤ ባጋታ ኢዛ ጋዴ ጎያና ማላኔ ኢዛ ካ ሺሻና ማላ፥ ኦላ ማሳራታኔ ፓራ-ጋሬስ ጊዲዛ ሚሻታ ኦዛይታ ሂስታና።

ኢያሶ ማጻፋ 22:14

ኩሜ ኢስራኤሌ ቆሞታ ባ ቆሞታ ሃላቃታፔ ኢሲ ኢሲ ኣስ ዶሪዲ፥ ታሙ ኣስ ፊኒሃሴራ ጋ ዬዲዴስ። ሃይቲ ኢሶይ ኢሶይ ኢስራኤሌ ቆሞታፔ ዪዳ ባንታ ዛርኬን ዛርኬን ዶሬቲዳ ሃላቃታ።

ታይቦ ማጻፋ 10:4

ኢሲ ዛዬይ ዛዬቲዛ ዎዴ ጊዲኮ ኢስራኤሌ ኣሳፔ ኮራፒኔቲ ጻላ ኔኮ ሺቄቶ።

ሜቴ ማጻፋ 47:6

ሂስቲን ጊብጼ ዴሬይ ኔ ኩሼን ዴስ ጊዴኔ፤ ሃ ቢታን ኡባፌ ኣዲ ሎኢዛሶን ኔ ኣዋኔ ኔ ኢሻታ ዎ፤ ኢስቲ ጌሴሜ ቢታን ዴቶ። ኢስታ ጊዶፌ ዱማ ኤራቴ ዲዛይታ ኔ ኤሪዛ ጊዲኮ ሄይታ ታ ሜሄታ ቦላ ሹማ» ጊዴስ።

ታይቦ ማጻፋ 1:4

ዱማ ዱማ ዛርኬታፔ ኢስታ ካሌዛ ኢስታስ ኣዋቲዛ ኮራፒኔቲ ኢንቴናራ ጊዴቶ።

ታይቦ ማጻፋ 1:16

ማባራ ጋርሳፌ ዛርኬፌ ዛርኬፌ ኢስራኤሌ ኣሳ ካሌናስ ዶሬቲዳ ኮራፒኔቲ ሃይታንታ።

ዛሬ ማጻፋ 22:18

ሄ ካታማዮ ካሌዛይቲ ኣዴዛ ሾጪ ቃጻዬቶ።

ኢዝራ ማጻፋ 7:25

«ኢዝራ! ኔ ጾሳይ ኔስ ኢሚዳ ኣ ኤራቴ ማላ ካላሼ ኤፊራጺሴ ሻፋ ፒንን ዲዛ ዴሬ ኡባስ ኔኒ ጾሳ ዎጋ ኤሪዛ ዳናታኔ ፒርዲዛይታ ዶራ፤ ጾሳ ዎጋ ኤሮንታይታስ ኔኒ ኔ ጾሳ ዎጋ ታማርሳ።

ኢዮቤ ማጻፋ 1:1

ኡጼ ጌቴቲዛ ዴሬን ኢሲ ኢዮቤ ጌቴቲዛ ኣሲ ዴስ። ኢዚካ ኢታ ኡባፌ ሃኪዳዴ፤ ዎሶይ ኢዛ ቦላ ባይንዳዴ፤ ጾሳስ ያዪዛዴኔ ሱሬ ኣሳ።

ዬ ማጻፋ 15:1

ኣቤት ጎዳዉ! ኔ ዱንካኔዛን ጋምኣናይ ኦኔ? ኔ ጌሻ ዙማ ቦላ ኔናራ ዴኣናይ ኦኔ?

ኬሳ ማጻፋ 17:9

ሙሴይ ኢያሶ፥ «ኔኒ ኑስ ኣሳ ጋርሳፌ ኢሲ ኢሲ ኣስ ዶራ ኤካዳ ዎንቶ ኣማሌቄታራ ኦሌታና ኬዛ፤ ታኒካ ጾሳ ጉፌ ኦይካዳ ቃሶሆን ኤቃና» ጊዴስ።

2ሳሜላ ማጻፋ 18:1

ዳዊቲ ባናራ ዲዛ ዴራ ቆዲዴስ፤ ኢስታ ቦላ ሻላቃታኔ ማቶ ሃላቃታ ሹሚዴስ።