ኬሳ ማጻፋ 17:6 - ጋሞ ማጻፋ

⁶ ታኒ ሲና ዙማን ዲዛ ዛላ ቦላ ሄን ኔ ሲንን ኤቃዳ ናጋና፤ ኔኒ ሄ ዛላ ሾጫ፤ ኣሳይ ኡያና ማላ ሃ ኢዛፔ ኬዛና» ጊን ሙሴይ ኢስራኤሌ ጪማታ ሲንን ኢዚ ጊዳ ማላ ኦዴስ።

Geeshsha Maxaafa

⁶ Tani Siina zuman diza zaallaa bolla heen ne sinththan eqqada naagana; neni he zaallaa shoca; asay uyana mala haaththi izappe kezana» giin Musey Isra7eele cimata sinththan izi gida mala ooththides.

ኬሳ ማጻፋ 17:6 Referans Kwoze

1ቆሮንቶሴ ኣሳስ 10:4

ዉሪካ ኢሲ ኣያና ኡሹ ኡዪዳ፤ ኢስቲ ኡዪዳይካ ባና ካሊዛ ኣያና ዛላፌ ፑልቲዳይሳፌ፤ ሄ ዛላይካ ኪርስቶሳ።

ናሂሚያ ማጻፋ 9:15

ኢስቲ ጋፌቲዳ ዎዴ ሳሎፔ ካ ኢማዳሳ፤ ኢስቲ ሳሜቲዳ ዎዴ ሃ ዛላፌ ኢስታስ ፑልቲሳዳሳ፤ ቃሴ ኔ ኢስታስ ኢማና ጋዳ ጫቂዳ ቢታ ጌሊዲ ኤካና ማላ ኣዛዛዳሳ።

ዛሬ ማጻፋ 8:15

ማርዜ ሾሻይኔ ማሲማሶይ ኩሚዳ ኬሂ ሂርጊሲዛ ባዞራ ኢንቴና ካሌዴስ፤ ኢዚ ኢንቴስ ሜላ ባዞን ሚኖ ዛላፌ ሃ ፑልቲሲዴስ።

ዬ ማጻፋ 105:41

ኢዚ ዛላ ጳልቂን ሃ ፑልቲዴስ፤ ሻፋ ማላካ ዱጌ ባዞ ጎጊዴስ።

ዮሃኒሳ ሚሺራቾ 4:10

ዬሱሲካ ኢዚስ፥ «ጾሳ ኢሞታይኔ ኔና፥ ‹ታና ሃ ኡሻ› ጊዛዴይ ኢዚ ኦናኮኔ ኔ ኤሪዛኮ ኔ ኢዛ ዎሳናስ ቤሴስ። ኢዚካ ኔስ ዴኦ ሃ ኢማናኮሺን» ጊዴስ።

ዬ ማጻፋ 114:8

ኢዚ ዛላ ኤሌ ሃ ኬሲዴስ፤ ዎልቃማ ዛላ ፑልቶ ሃ ኬሲዴስ።

ዬ ማጻፋ 46:4

ጾሳ ካታማን፥ ኡባፌ ቃ ጾሳይ ዲዛሶን ኡፋይሲዛ ሻፋቲ ዴቴስ።

ዬ ማጻፋ 78:20

ዛላ ሾጪን ፑልቶይ ኬኢዲ ሻፋ ሃ ጎጊዴስ፤ ሂስቲን ኢዚ ኑስ ሚዛ ካ ኢማናዉ ዳንዳይዜ? ዎይኮ ባ ኣሳስ ኣሾ ኢማናዉ ዳንዳይዜ?» ጊ ሃሳይዳ።

ዮሃኒሳ ኣጁታ 22:17

ጺሎ ኣያናይኔ ኢዛ ሚሺራያ፥ «ሃ ያ!» ጌቴስ፤ ሄሳ ሲዪዛዴይካ፥ «ኔ ሃ ያ!» ጎ። ሳሜቲዳዴይካ ሃ ዮ፤ ኮዪዳዴይ ዴኦ ሃ ኣይኮ ዋጋካ ቃንጾንታ ጮ ሜላ ኡዮ።

ዮሃኒሳ ሚሺራቾ 4:14

ታ ኢሚዛ ሃ ኡዪዛዴይ ጊዲኮ ሜርናስ ሙሌካ ሳሜቴና፤ ጋሶይካ ታ ኢሚዛ ሃ ኡዪዛዴስ ሜርና ዴኦስ ፑልቲዛ ፑልቶ ሃ ጊዳና» ጊዴስ።

ኢሳያሳ ቲንቢቴ 48:21

ኢዚ ኢስታ ባዞ ቢታራ ካሌሺን ኢስቲ ሳሜቲቤቴና። ኢዚ ኢስታስ ዛላፌ ሃ ፑልቲሲዴስ፤ ኢዚ ዛላ ጳልቂዴስ፤ ሃካ ቂ ኬዚዴስ።

ኬሳ ማጻፋ 16:10

ኣሮኔይ ኢስራኤሌ ኣሳ ማባራ ኡባስ ዮቲዳ ማላ ኣሳይ ባዞ ሲሚ ጼሊሺን ሄን ጎዳ ቦንቾይ ሻራራ ቆንጪዳይሳ ቤኢዳ።

ኬሳ ማጻፋ 14:16

ኢስራኤሌ ኣሳይ ሜላ ቢታ ቦላራ ኣባ ፒኒ ባና ማላ ኔ ጉፌ ዴንዳኔ ኔ ኩሼ ኣባ ቦላ ፒዲሳዳ ሃ ናምኡ ኬሳ ሻካ።

ታይቦ ማጻፋ 20:8

«ጫቆ ቃላ ታቦታ ሲንን ዲዛ ጉፌዛ ኤኪዳ ኔኒኔ ኣሮኔይ ኩሜ ማባራ ኢሲ ቦላ ሺሺቴ፤ ኔኒ ሄን ኩሜ ዴራ ሲንን ዲዛ ዛላዚ ሃ ኢማና ማላ ዮታ፤ ኔኒ ሄሳ ኦዳ ዛላዛፔ ኢስታስ ሃ ኬሳ፤ ሂስቲኮ ኢስቲኔ ኢስታ ሜሄይ ሃ ኡዪዲ ኣላና።»

ዛሬ ማጻፋ 1:2

ሲና ዙማፔ ዴንዲዲ ቃዴሴ ባሪኔ ጋካናስ ኤዶሜ ዙማታ ቦላራ ኤፊዛ ቶሆ ኦጌራ ቢኮ ታማኔ ኢሲ ጋላስ ኤኬስ።

ዬ ማጻፋ 74:15

ኔኒ ፑልቶታኔ ካንቼታ ዶያ ዬዳዳሳ፤ ኡባ ዎዴ ጎጊዛ ሻፋታ ቃሴ ሜሊሳዳሳ።

ዬ ማጻፋ 78:18

ኢስቲ ኬሂ ኣሞቲዳ ካ ኦይቺዳ፤ ኤሪሼ ባ ዎዚናን ጾሳ ፓጪዳ።

ዬ ማጻፋ 81:7

ኢንቴ ሜቶ ዎዴ ታና ጼይጊዴታ፤ ሂስቲን ታኒ ኢንቴና ኣሻዲስ፤ ታኒ ሻራ ጊዶራ ዳዳን ኢንቴና ኣላዲስ፤ ማሪባ ጌቴቲዛ ፑልቶ ሃ ማታን ታኒ ኢንቴና ፓጫዲስ።