ኬሳ ማጻፋ 15:13 - ጋሞ ማጻፋ

¹³ «ኔ ዎዚዳ ኔ ኣሳ ዉሮንታ ኔ ሲቆን ካሌዳሳ። ኔኒ ኔ ዎልቃን ኢስታ ኔ ኣቂዛ ጌሻ ሶ ጌልዳሳ።

Geeshsha Maxaafa

¹³ «Ne wozzida ne asaa wurontta ne siiqon kaaleththadasa. Neni ne wolqqan istta ne aqiza geeshsha soo gelththadasa.

ኬሳ ማጻፋ 15:13 Referans Kwoze

ዬ ማጻፋ 77:20

ሙሴኔ ኣሮኔ ኩሼን ኔኒ ኔ ዴሬዛ ዶርሳ ዉዴ ማላ ካሌዳሳ።

1ጴጽሮሳ ኪታ 1:5

ኢንቴካ ዉርሴ ጋላሳን ቡሮ ቆንጫና ኣቶቴስ ኣማኖ ጋሶን ጾሳ ዎልቃን ናጌቲዴታ።

ኤርማሳ ቲንቢቴ 2:6

ኢስቲካ፥ ‹ኑና ጊብጼፔ ኬሲዳይ፥ ባዞን ሳሚዳ ኦጌራ፥ ኩንዱኩርጮ ቢታራ፥ ሜላኔ ማ ቢታራ፥ ኣሲ ኣንታሶራ ኑና ካሌ ኤሂዳ ጎዳይ ኣዋን ዲዜ?› ጊ ኦይቺቤቴና።

ዬ ማጻፋ 106:9

ኢዚ ዞኦ ኣባ ሴሪዴስ፤ ኣባይካ ሜሊዴስ፤ ባዞን ካሌዛይሳ ማላ ጪማ ጊዶራ ኢስታ ካሌዲ ፒንዴስ።

ኤፌሶኔ ኣሳስ 2:4

ጊዶ ኣቲን ጾሲ ኬሂ ሲቂዳ ጊሻስ ባ ማሮ ዳሮን ኑኒ ኑ ቆሆ ዳሮቴን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ፤ ኢንቴ ፓጺዳይ ኢዛ ኪያቴና።

ዬ ማጻፋ 80:1

ኣቤት ኢስራኤሌ ሄንንቻዉ! ዮሴፌ ናይታ ዉዴ ማላ ካሌዛይሶ! ኔኒ ኑ ዎሳ ሲያ፤ ኪሩቤታ ቦላራ ዲዛ ኣራታን ኡቲዳይሶ! ኔ ፖኦን ቆንጫ።

ሜቴ ማጻፋ 19:16

ጊዶ ኣቲን ሎጼይ ሺኒን ጎዳይ ኢስታስ ቃቲዳ ጊሻስ ኪታንቻቲ ኢዛ ኩሼ፥ ኢዛ ማቼይ ኩሼኔ ማጫ ናይታ ናምኣታ ኩሼ ኦይኪዲ ሄ ካታማፔ ኢስታ ኬሲዳ።

ናሂሚያ ማጻፋ 9:12

ጋላስ ቱሳ ማላ ኤቂዳ ሻራን፥ ኦማርሲ ቱሳ ማላ ታማን ፖኢሳዳ ኢስቲ ባናስ ቤሲዛ ኦጌራ ባና ማላ ካሌዳሳ።

ኬሳ ማጻፋ 6:6

«ሄሳ ጊሻስ ኔኒ ኢስራኤሌ ናይታስ፥ ‹ታኒ ጎዳ፤ ታኒ ኢንቴና ጊብጼ ኣሳ ቆሆፔ ኬሳና፤ ታኒ ኢንቴና ኢስታ ኣይሌቴፌካ ጎቻ ኬሳና፤ ቃሴ ታኒ ኢንቴና ታ ጊታ ዎልቃኒኔ ዱማ ዱማ ፒርዳን ዎዛና።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኬሳ ማጻፋ 15:17

ኔኒ ኢስታ ኤሃዳ፥ ኔስ ቡዞ ቢታን ዲዛ ዙማ ሁኤን ቶካና። ኣቤት ሜርና ጎዶ፥ ሄ ሶሆይ ኔኒ ኔስ ዴያናስ ኦዳ ሶሆኮ። ኣቤት ጎዳዉ! ሄ ጌሻ ሶሆይ ኔኒ ኔ ኩሼን ሚን ኤሲዳ ሶሆኮ።

ኬሳ ማጻፋ 20:2

«ኔና ጊብጼፔ ኣይሌቴ ቢታፌ ኬሲዳ ጎዳ ኔ ጾሳይ ታና።

2ሳሜላ ማጻፋ 15:25

ሄሳፌ ጉዬ ካዎዚ ሳዶቄ፥ «ኔኒ ጾሳ ጫቆ ቃላ ታቦታዛ ኤካዳ ጉዬ ካታማዮ ሲማ። ታኒ ጎዳ ሲንን ኣዮቲዳ ጊዲኮ ኢዚ ታና ዛሪዲ ታቦታዛኔ ኢዛ ኣቆሶዛ ታ ቤኣና ማላ ጋና።

ዬ ማጻፋ 74:2

ቤኒ ኔኒ ዶሪዳ ኔ ዴራ ኔስ ቡዞ ሂስታ ዎዚዳ ዛሬታ ሃሳኣ፤ ኔኒ ዴኢዳ ጺዮኔ ዙማ ቆፓ።

ዬ ማጻፋ 78:35

ኢስቲ ጾሲ ኢስታስ ዛላ ጊዲዳይሳኔ ኡባፌ ቃ ጾሲ ኢስታ ዎዚዳይሳ ሃሳኢዳ።

ኢሳያሳ ቲንቢቴ 51:10

ዎዜቲ ኣቲዳይቲ ፒናና ማላ፥ ኣባኔ ጪማ ሃ ሜሊሲዳይ፥ ጪማ ጊዶራ ኦጌ ጊግሲዳይ ኔና ጊዲኪ?

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 63:9

ኢስታ ሜቶ ኡባን ጬጪዴስ፤ ኢዛ ዱሳ ኤሪሲዛ ኪታንቻይ ኢስታ ኣሺዴስ፤ ኢዚ ባ ሲቆኒኔ ባ ማሮቴን ኢስታ ዎዚዴስ። ካሴ ኣዳ ዎዴ ኡባን ኢስታ ዴንዴሲኔ ቶኪዴስ።