ኬሳ ማጻፋ 1:14 - ጋሞ ማጻፋ

¹⁴ ዎልቃማ ኦሶን፥ ሲሚንቶኒኔ ጹቤ ሜን፥ ቃሴ ጎሼ ጎይሶን፥ ኢስታ ዱሳን ኡንኤዳ፤ ዳቡርሲዛ ኦሶ ኡባ ቃታይ ባይንዳ ኢስታ ኦሲሲዳ።

Geeshsha Maxaafa

¹⁴ Wolqqama ooson, simintoninne xuube medhon, qasse goshshe goyson, istta duussan un7eththida; daabursiza ooso ubbaa qadhetay baynda istta oosisida.

ኬሳ ማጻፋ 1:14 Referans Kwoze

ሃዋሬታ ኦሶ 7:19

ኢዚካ ኑ ኣሳ ባ ጌኔ ኦሶን ሜቶዴስ፤ ቡሮ ዬሌቲዳ ጉ ናይቲ ሃይቃና ማላኔ ኣሳይ ዬሊዳ ናይታ ካሬ ኬሲ ዎራ ዬጋና ማላ ዎልቃዴስ።

ታይቦ ማጻፋ 20:15

ቤኒ ኑ ኣዋቲ ዋኒ ዱጌ ጊብጼ ዎዳኮኔ ኑኒካ ጊብጼን ዳሮ ላይታ ዋኒ ዋኒ ዲዳኮ ኔ ኤራሳ፤ ጊብጼ ኣሳይ ካሴ ኑ ኣዋታ ጊዲን ኑናካ ዳሮ ዋዪሲዴስ።

ኬሳ ማጻፋ 6:9

ሙሴይ ሄሳ ኢስራኤሌ ናይታስ ዮቲዴስ ሺን ኢስቲ ኡፋይስ ቃንጺዳ ጊሻሲኔ ኢታ ኣይሌቴፌ ዴንዲዳይሳን ኢስታ ዎዚናይ ሜቂዳ ጊሻስ ኢስቲ ኢዛ ቃላ ሲዪቤቴና።

ኬሳ ማጻፋ 2:23

ሙሴይ ሚዲያሜ ቢታን ዲዛ ዳሮ ላይታ ጋርሳን ጊብጼ ካዎይ ሃይቂዴስ። ኢስራኤሌ ኣሳይ ባ ኣይሌቴፌ ዴንዲዳይሳን ኦሊዳኔ ዋሲዳ፤ ኣይሌቴ ዋዬይ ዳሪን ኢስቲ ዋሲዳ ዋሶይ ፑዴ ጾሳኮ ጋኪዴስ።

ኢሳያሳ ቲንቢቴ 58:6

«ቤኢቴ ታኒ ዶሪዳ ጾማይ፥ ኡንኤቲዳይታ ሳንሳላታ ኢንቴ ዱና ማላ፥ ቃምባራ ዎዶሮ ኢንቴ ቢርሻና ማላ፥ ኡንኤቲዳይታ ኢንቴ ላኣ ዬዳና ማላ፥ ቶሆ ጊዲዳ ቃምባራ ኢንቴ ሜንና ማላ ጊዴኔ?

ዬ ማጻፋ 81:6

«ኢንቴ ሃሼፔ ቶሆ ዎዲስ፤ ኢንቴ ኩሼ ዴጾ ጎሾፔ ሼምፒሳዲስ።

ናሆሜ ቲንቢቴ 3:14

ኔና ጊዶዛ ዎዴስ ሃ ዱቃ፤ ኔስ ቴቄ ሚን ጊጊሳ፤ ማና ኡርቃ ኮያ፤ ኡርቃ ዬዳ ጹቤ ኦ።

ሚኪያሳ ቲንቢቴ 3:3

ታ ኣሳ ኣሾ ሚዴታ፤ ጋልባካ ሾቂዴታ፤ ኢስታ ሜቄካ ሜንሬዴታ፤ ኣሾ ጫጪዛ ባሼን ጫጪዛ ማላኔ ዲስቴን ዶይሲዛ ኣሾ ማላ ቃንጼሬዴታ» ታ ጋዲስ።

ኢሳያሳ ቲንቢቴ 52:5

‹ሂስቲን ታ ዴሬይ ጋሶይካ ባይንዳ ዲኤቲ ቢቺን ታስ ሃን ኣዚ ዲዜ?› ኢስታ ሃሪዳይቲ ኢስታ ቦላ ቂልጪዳ፤ ጋላስ ኩሜ ታ ሱን ፓጬይ ባይንዳ ጫዬቴስ።

ኢሳያሳ ቲንቢቴ 51:23

ታኒ ሄሳ ኔና ኡንኤዛይታ ኩሼን ዎና። ኢስቲ ኔና፥ ‹ኑኒ ኔ ቦላራ ሄሜቲዲ ኣና ማላ ዛቁላ› ጊዳ። ሂስቲን ኢስቲ ኣና ጋካናስ ኔ ዞኮ ኢስታስ ቢታ ማላኔ ኦጌ ማላ ኦዳሳ» ጌስ።

ኢሳያሳ ቲንቢቴ 14:6

ካዎቴታ ፓጬይ ባይንዳ ሾጪዳይሳ ቃታይ ባይንዳ ጎዲ ጎዲ ቆጺዳይሳ ሜንዴስ።

ዬ ማጻፋ 68:13

ዶርሳታ ናጋናስ ጉዬን ኣቲዳይቲ ቢራፔ ኦሴቲዳ ቄፌቲ ቦላራ ጾልቂዛ ዎርቃን ቲዬቲዳ ሃራጴ ሚስሌ ዴሚዳ» ጊዳ።

ኡሩቲ ማጻፋ 1:20

ኢዛ ዛራዳ ኢስታስ፥ «ኡባ ዳንዳይዛ ጾሲ ታ ዱሳ ዳሮ ጫሜዳ ጊሻስ ታና፥ ‹ጫሞዬ!› ጊቴ ኣቲን፥ ‹ኑሃሜ› ጎፒቴ።

ዛሬ ማጻፋ 26:6

ጊብጼ ኣሳይ ጊዲኮ ኑስ ሜቄ ኢቲዲ ኑና ኡንኤዳኔ ዴጾ ኦሶ ኑ ቦላ ጫኒዳ።

ዛሬ ማጻፋ 4:20

ኢንቴ ጊዲኮ ታማይ ኢዛን ኤጺዛ ቢራታ ጮጬ ሚሳቲዛ ጊብጼፔ ኢንቴና ጎዳይ ሾዲ ኬሲዳይ ኢንቴ ኢዛስ ዱማ ዴሬ ጊዳና ማላሳ።

ሌዌታ ማጻፋ 25:53

ኢዚ ላይፌ ላይ ጋካናስ ኡኔ ኦዛ ኣሳ ማላ ባና ሃሪዳዴራ ዴኦፔ ኣቲን ኢዛ ዎልቃራ ሃራናስ ቤሴና።

ሌዌታ ማጻፋ 25:46

ሄይታን ኢንቴ ኢንቴ ናይታ ላቲሳናስ ዳንዳዬታ፤ ኢስቲ ዴኢዛ ላይ ኡባን ኢንቴ ናይታስ ኦዛይታ ጊዳና፤ ኢንቴ ቆሞ ጊዲዳ ኢስራኤሌ ኣስ ዎልቃራ ሃሮፒቴ።

ሌዌታ ማጻፋ 25:43

ኔ ኢስታ ዎልቃራ ሃሮፓ፤ ኔ ጾሳስ ያያ።

ኬሳ ማጻፋ 20:2

«ኔና ጊብጼፔ ኣይሌቴ ቢታፌ ኬሲዳ ጎዳ ኔ ጾሳይ ታና።

ኬሳ ማጻፋ 1:13

ሄሳ ጊሻስ ኢስታ ዳሮ ዳቡርሲዛ ኦሶን ዋዪሲዳ።

ሜቴ ማጻፋ 15:13

ሂስቲን ጎዳይ ኢዛስ፥ «ኔ ዜሬይ ሃራ ቢታን ቤቴ ጊዲ ዳናይሳ ኔኒ ቱማፔ ኤራ፤ ኢስቲ ኣይሌቲዲ 400 ላይ ዬቲ ሃሬታና።

ኬሳ ማጻፋ 1:11

ሄሳ ጊሻስ ዴጾ ኦሶን ኢስታ ቱጋሳና ማላ ኢስታ ቦላ ሃላቃታ ዶሪዳ። ኢስቲካ ካዎስ ፒቶሜኔ ኤራሚሴ ጌቴቲዛ ዱማ ዱማ ሚንጃ ሚሻታ ዎዛ ካታማታ ኬጺዳ።

ኬሳ ማጻፋ 1:15

ጊብጼ ካዎይ ኢብራዌ ማጫሳታ ዬሊሲዛ ሲፖሮኔ ፑሆ ጌቴቲዛ ናምኡ ማጫሳታስ፥

1ካዎታ ማጻፋ 12:14

ዬላጋታ ዞሬ ኤኪዲ፥ «ታ ኣዋይ ኢንቴ ቦላ ዴጾ ቃምባራ ዎዴስ፤ ታኒ ጊዲኮ ሄሳፌካ ኣ ዴጼና። ታ ኣዋይ ኢንቴና ሊሶን ዋዴስ፤ ታኒ ጊዲኮ ኢንቴና ማሲማሶ ማላ ዱኪዛ ሊሶን ዋና» ጊ ዛሪዴስ።

ሌሚሶ ማጻፋ 28:15

ሂዬሳ ሃሪዛ ኢታ ዳናይ ጻጊዛ ጋሞኔ ጉፒ ኦይኪዛ ዛርዶ ማላ።

ዬ ማጻፋ 129:1

ኢስራኤሌ ኣሳይ፥ «ሞርኬቲ ታና ዬላጋቴፌ ዶሚዲ ዳሮ ዎዴ ኡንኤዳ።

ኢሳያሳ ቲንቢቴ 10:24

ሄሳ ጊሻስ ጎዳይ፥ ኡባፌ ዎልቃማ ጎዳይ፥ «ጺዮኔን ዲዛ ታ ዴሬዞ! ጊብጼቲ ኔ ቦላ ኦዳይሳ ጉፌ ኔ ቦላ ዴንዳይታ ዱርቃን ኔና ቆጺዳ ኣሶሬ ኣሳስ ባቦፋ።